جۇڭحۋا ۇلتى ورتاق تۇلعا تانىمىن بەرىك ورناتۋدىڭ كەلەلى ماڭىزىن تەرەڭ تانيىق
− باس شۋجي شي جينپيڭنىڭ ورتالىقتىڭ ۇلت قىزمەتى ماجىلىسىندە سويلەگەن ماڭىزدى ءسوزىن ۇيرەنۋ، دايەكتىلەندىرۋ جونىندە
حالىق گازەتىنىڭ شولۋشىسى
2021.08.31 16:12 كەلۋ قاينارى : شينجياڭ گازەتى
”جۇڭحۋا ۇلتى ورتاق تۇلعا تانىمىن بەرىك ورناتۋدا ءار ۇلت حالقىن بەينەت پەن زەينەتتى بىرگە وتكەرەتىن، داڭق پەن نامىستا بىرگە بولاتىن، اششى - تۇششىنى بىرگە تاتاتىن، تاعدىرلاس بولاتىن ورتاق تۇلعا ۇستانىمىن بەرىك ورناتۋعا جەتەكتەۋ كەرەك“. ورتالىقتىڭ ۇلت قىزمەتى ماجىلىسىندە باس شۋجي شي جينپيڭ پارتيا مەن مەملەكەت ىستەرى دامۋى جالپى جاعدايىنىڭ ستراتەگيالىق بيىك تۇرعىسىندا تۇرىپ، جۇڭحۋا ۇلتى ورتاق تۇلعا تانىمىن بەرىك ورناتۋدىڭ كەلەلى ماڭىزىن ىشكەرىلەي ءتۇسىندىرىپ، ءسوز جوق، جۇڭحۋا ۇلتى ورتاق تۇلعا تانىمىن بەرىك ورناتۋدى جاڭا داۋىردەگى پارتيانىڭ ۇلت قىزمەتىنىڭ نەگىزگى جەلىسى ەتىپ، ءار ۇلتتىڭ تاباندىلىقپەن ۇلى وتاندى، جۇڭحۋا ۇلتىن، جۇڭحۋا مادەنيەتىن، جۇڭگو كوممۋنيستىك پارتياسىن، جۇڭگوشا سوتسياليزمدى وسكەلەڭ دارەجەدە شىنايى مويىنداۋىن ىلگەرىلەتىپ، جۇڭحۋا ۇلتى ورتاق تۇلعا قۇرىلىسىن ۇزدىكسىز ىلگەرىلەتۋ كەرەك دەپ باسا دارىپتەدى.
جۇڭحۋا ۇلتى ورتاق تۇلعا تانىمى − مەملەكەت تۇتاستىعىنىڭ نەگىزى، ۇلتتار ىنتىماعىنىڭ ارقاۋى، رۋحاني كۇشتىڭ جانى. ەلىمىز ءبىر تۇتاس، كوپ ۇلتتى مەملەكەت، سالقار تاريح كوشىندە كوپ نەگىزدى، ءبىر تۇلعالى جۇڭحۋا ۇلتىن قالىپتاستىردى. ءبىزدىڭ كەڭ - بايتاق مەكەنىمىزدى ءار ۇلت بىرگە اشقان، ءبىزدىڭ ۇزاق تاريحىمىزدى ءار ۇلت بىرگە جازعان، ءبىزدىڭ شۇعىلالى مادەنيەتىمىزدى ءار ۇلت بىرگە جاراتقان، ءبىزدىڭ ۇلى رۋحىمىزدى ءار ۇلت بىرگە جەتىلدىرگەن. ەلىمىزدەگى ءار ۇلت حالقىنىڭ تىنىستاس، تاعدىرلاس، جۇرەكتەس بولعان كۇرەس بارىسى − جۇڭحۋا ۇلتىنىڭ مىعىم ۇيىسۋ قۋاتى مەن كەرەمەت جاسامپازدىعىنىڭ ماڭىزدى قاينار بۇلاعى. جۇڭگو تاريحى ءار ۇلتتىڭ كوپ نەگىزدى، ءبىر تۇلعالى جۇڭحۋا ۇلتى بولىپ توعىسىپ شوعىرلانۋ تاريحى، ءار ۇلتتىڭ ءبىر تۇتاس كوپ ۇلتتى ۇلى وتاندى بىرگە قۇرۋ، دامىتۋ، بەكەمدەۋ تاريحى بولىپ تابىلادى. جۇڭحۋا ۇلتىنىڭ كوپ نەگىزدى، ءبىر تۇلعالى بولۋى − الدىڭعىلاردىڭ بىزگە قالدىرعان مول مۇراسى ءارى ەلىمىز دامۋىنىڭ وراسان زور ابزالدىلىعى. پارتيا 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى ۇلت قىزمەتىنە ايرىقشا ءمان بەرىپ، جۇڭحۋا ۇلتى ورتاق تۇلعا تانىمىن جەتىلدىرۋدى كوزدەپ، ۇلتتار ىنتىماعىنداعى، العاباسارلىعىنداعى وزات ورىن قۇرۋدى جاڭالىق اشا ىلگەرىلەتىپ، كورنەكتى ناتيجەگە قول جەتكىزدى. ۇلتتاردىڭ ارالاسۋى، ىشتەسۋى، توعىسۋى جان - جاقتى كەڭەيىپ، جۇڭحۋا ۇلتى ورتاق تۇلعا تانىمى ۇزدىكسىز نىعايىپ، تەرەزەسى تەڭ، ىنتىماقتى، قارايلاسىمدى، جاراسىمدى سوتسياليستىك ۇلت قاتىناسى ۇزدىكسىز بەكەمدەلدى جانە دامىدى. تاريح پەن رەالدىق مىنانى تولىق دالەلدەدى: جۇڭحۋا ۇلتى تاعدىرلاس ءبىر ورتاق تۇلعا، بىرەۋى كوركەيسە، باسقاسى دا كوركەيەدى؛ بىرەۋىنە زيان جەتسە، باسقاسىنا دا زيان جەتەدى؛ ۇلتتار ىنتىماعى ەلىمىزدەگى ءار ۇلت حالقىنىڭ جان تامىرى، ءار ۇلتتىڭ ىنتىماقتاسا العا باسىپ، بىرگە گۇلدەنۋى، دامۋى − جۇڭحۋا ۇلتىنىڭ جانى، كۇشى، ءۇمىتى.
بۇگىنگى دۇنيە ءجۇزى 100 جىلدا بولماعان زور وزگەرىستى باستان كەشىرۋدە، ەلىمىز جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ شەشۋشى مەزگىلىندە تۇر. كۇردەلى ەل ءىشى - سىرتى جاعدايى الدىندا، ءبىز اناعۇرلىم ءبىر نيەتپەن ىنتىماقتاسىپ، كۇش - قۋات ۇيىستىرىپ، جۇڭگونىڭ الىپ دامۋ دوڭعالاعىنىڭ جەڭىسپەن ىلگەرىلەۋىنە شىنايى كەپىلدىك ەتۋىمىز كەرەك. جۇڭحۋا ۇلتى ورتاق تۇلعا تانىمىن بەرىك ورناتۋ − ءار ۇلتتىڭ ءتۇبىرلى مۇددەسىن قورعاۋدىڭ قاجەتتى تالابى، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ قاجەتتى تالابى، تەرەزەسى تەڭ، ىنتىماقتى، قارايلاسىمدى، جاراسىمدى سوتسياليستىك ۇلت قاتىناسىن بەكەمدەۋدىڭ جانە دامىتۋدىڭ قاجەتتى تالابى، پارتيانىڭ ۇلت قىزمەتىندە جاڭا جاعداي اشۋدىڭ قاجەتتى تالابى. مىنالاردى تەرەڭ تانۋ كەرەك: تەك جۇڭحۋا ۇلتى ورتاق تۇلعا تانىمىن بەرىك ورناتىپ، مەملەكەتتىڭ تۇتاستىعى مەن ۇلتتار ىنتىماعىن قورعاۋدىڭ بەرىك يدەيالىق قورعانىن ورناتىپ، ءار ۇلت مەملەكەتتىڭ حاۋىپسىزدىگى مەن قوعام ورنىقتىلىعىن بىرگە ويداعىداي قورعاعاندا عانا، ءتۇرلى ۇشقارى، بولشەكتەۋشىلىك يدەيالاردىڭ سىنالاپ كىرۋىن، قۇلاتۋىن ءونىمدى تەجەۋگە، ءار ۇلت حالقىنىڭ تاماشا تۇرمىسقا دەگەن تالپىنىسىن ۇزدىكسىز جۇزەگە اسىرۋعا، ءار ۇلتتىڭ ءتۇبىرلى مۇددەسىن ويداعىداي جۇزەگە اسىرۋعا، ويداعىداي قورعاۋعا، ويداعىداي دامىتۋعا بولادى؛ جۇڭحۋا ۇلتى ورتاق تۇلعا تانىمىن بەرىك ورناتقاندا عانا، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ بارىسىندا ۇلت سالاسىندا تۋىلۋى مۇمكىن بولعان حاۋىپ - قاتەرلەر مەن سىن - سايىستارعا ءونىمدى توتەپ بەرۋگە، پارتيا مەن مەملەكەتتىڭ گۇلدەنىپ - كوركەيۋىنە، باياندى تىنىشتىعىنا ماڭىزدى يدەيالىق كەپىلدىك ازىرلەۋگە بولادى؛ جۇڭحۋا ۇلتى ورتاق تۇلعا تانىمىن بەرىك ورناتقاندا عانا، ءار ۇلتتىڭ جۇڭحۋا ۇلتىن سانالى تۇردە شىنايى مويىنداۋىن نىعايتىپ، ەلىمىزدىڭ ۇلت قاتىناسىن دامىتۋدىڭ يدەيالىق نەگىزىن بەكەمدەپ، جۇڭحۋا ۇلتىنىڭ شىنايى مويىنداۋ دەڭگەيى اناعۇرلىم جوعارى، ۇيىسۋ قۋاتى اناعۇرلىم كۇشتى تاعدىرلاس ورتاق تۇلعاعا اينالۋىن ىلگەرىلەتۋگە بولادى؛ تەك ءداۋىردىڭ وزگەرىسىنە ۇيلەسىپ، ورتاقتىقتى نىعايتۋ بەتالىسى بويىنشا ۇلت قىزمەتىن جاقسارتىپ، ورتاقتىق پەن ايىرماشىلىقتىڭ ديالەكتيكالىق بىرلىگىن، ۇلتتىق فاكتور مەن وڭىرلىك فاكتوردىڭ ورگانيكالى ۇشتاسۋىن ورىنداعاندا عانا، جاڭا داۋىردەگى پارتيانىڭ ۇلت قىزمەتىن ويداعىداي، ەگجەي - تەگجەيلى، تىڭعىلىقتى ىستەۋگە بولادى.
باس شۋجي شي جينپيڭ بىلاي دەپ باسا دارىپتەدى: ”پارتيانىڭ ۇلت قىزمەتىن جاسامپازدىقپەن دامىتۋدا دۇرىستارىنا تاباندى بولىپ، ۋاقىتى وتكەندەردى رەتتەپ، ءار ۇلت بۇقاراسىنىڭ زاڭدى - ۇقىق مۇددەسىن اناعۇرلىم ويداعىداي قامتاماسىز ەتۋ كەرەك“. جاڭا داۋىردەگى پارتيانىڭ ۇلت قىزمەتىن جاقسى ىستەپ، جۇڭحۋا ۇلتى ورتاق تۇلعا تانىمىن بەرىك ورناتۋدا، بىرنەشە جاقتاعى قاتىناستى ءتۇيىندى تۇردە يگەرۋ كەرەك: ورتاقتىق پەن ايىرماشىلىقتىڭ قاتىناسىن دۇرىس يگەرىپ، ورتاقتىقتى نىعايتۋ، ايىرماشىلىققا قۇرمەت ەتۋ جانە وعان كەڭ پەيىلدىلىكپەن قاراۋ − ۇلت قىزمەتىنىڭ ماڭىزدى پرينسيبى؛ جۇڭحۋا ۇلتى ورتاق تۇلعا تانىمى مەن ءار ۇلت تانىمىنىڭ قاتىناسىن دۇرىس يگەرىپ، ءار ۇلتتى جۇڭحۋا ۇلتىنىڭ مۇددەسىن قاشاندا ماڭداي الدى ورىنعا قويۋعا، ءوز ۇلتى تانىمىن جۇڭحۋا ۇلتى ورتاق تۇلعا تانىمىنا بويسۇندىرۋعا جانە قىزمەت ەتتىرۋگە جەتەكتەۋ، سونىمەن بىرگە جۇڭحۋا ۇلتى ورتاق تۇلعاسىنىڭ جالپى تۇلعالىق مۇددەسىن ويداعىداي جۇزەگە اسىرۋ بارىسىندا ءار ۇلتتىڭ ناقتى مۇددەسىن ويداعىداي جۇزەگە اسىرۋ كەرەك، زور حانزۋشىلدىق تا، جەرگىلىكتى ۇلتشىلدىق تا جۇڭحۋا ۇلتى ورتاق تۇلعا قۇرىلىسىنا ءتيىمسىز؛ جۇڭحۋا مادەنيەتى مەن ءار ۇلت مادەنيەتىنىڭ قاتىناسىن دۇرىس يگەرۋ كەرەك، ءار ۇلتتىڭ تاڭداۋلى ءداستۇرلى مادەنيەتىنىڭ بارلىعى جۇڭحۋا مادەنيەتىنىڭ قۇرامداس بولىگى، جۇڭحۋا مادەنيەتى − نەگىزگى ءدىڭ، ءار ۇلت مادەنيەتى − بۇتاق - جاپىراقتارى، تامىرى تەرەڭ، ءدىڭى مىعىم بولعاندا عانا، بۇتاق - جاپىراعى جايقالىپ وسەدى؛ ماتەريا مەن رۋحتىڭ قاتىناسىن دۇرىس يگەرىپ، بارلىق رەفورما مەن دامۋعا جۇڭحۋا ۇلتى ورتاق تۇلعا تانىمىن ايگىلەيتىن ءمان، ءبىر تۇتاستىقتى قورعايتىن، بولشەكتەۋشىلىككە قارسى تۇراتىن ءمان، حالىق تۇرمىسىن جاقسارتاتىن، جۇرت تىلەگىن ۇيىستىراتىن ءمان ۇستەپ، جۇڭحۋا ۇلتى ورتاق تۇلعاسىنىڭ مىزعىماس، بەرىك بولۋىنا مۇمكىندىك جاساۋ كەرەك.
جۇڭحۋا ۇلتى ۇلى شاڭىراعىندا، ءار ۇلت بەينە اناردىڭ دانىندەي تىعىز ۇيىسىپ، ەتەنە بولىپ، ءوزارا قارايلاسقاندا عانا، ۇلتتى گۇلدەندىرۋ سىندى ۇلى ارمان ءساتتى جۇزەگە اساتىن بولادى، ۇلتتار ىنتىماعى، العاباسارلىعى گۇلى شەشەك اتىپ، ماڭگى قۇلپىرا شەشەك اتاتىن بولادى. جۇڭحۋا ۇلتى ورتاق تۇلعا تانىمىن بەرىك ورناتۋدىڭ تاريحي سوزسىزدىگىن، ەرەكشە ماڭىزدىلىعىن جانە رەال باعىتتامالىلىعىن تەرەڭ تانىپ، جۇڭحۋا ۇلتى ورتاق تۇلعا تانىمىن بەرىك ورناتۋدى نەگىزگى جەلى ەتىپ، جاڭا داۋىردەگى پارتيانىڭ ۇلت قىزمەتىنىڭ جوعارى ساپالى دامۋىن ىلگەرىلەتسەك، ءبىز، ءسوز جوق، ۇلتتىڭ گۇلدەنۋىن جۇزەگە اسىرۋدىڭ تەلەگەي كۇشىن ۇيىستىرىپ، جۇڭحۋا ۇلتىنىڭ اناعۇرلىم شۇعىلالى كەلەشەگىن اشاتىن بولامىز!
(شينحۋا اگەنتتىگىنىڭ 8 - ايدىڭ 29 - كۇنى بەيجيڭنەن بەرگەن حابارى)
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
