بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

ۋ چىڭگۇڭ:

الەۋمەتتىك اۋماقتىڭ ۇلكەن باسقارۋشىسى، تۇرعىنداردىڭ جان اشىرى

انار بۇلت / شينجياڭ گازەتىنىڭ ءتىلشىسى ۋي يۇڭگۇي

2021.08.31 16:23     كەلۋ قاينارى : شينجياڭ گازەتى

  8 - ايدىڭ 25 - كۇنى ۋ چىڭگۇڭ جايشىلىقتاعىداي جاڭالاپ جاتقان دۇڭگۋان شاعىن اۋماعىنا كەلىپ، قۇرىلىستىڭ ىلگەرىلەۋ اياق الىسىن تەكسەردى.

  ۋ چىڭگۇڭ قۇمىل قالاسى يجوۋ رايونى شيحى ءمالىسى ىنتىماق الەۋمەتتىك اۋماعى پارتيا باس ياچەيكاسىنىڭ شۋجيى. دۇڭگۋان شاعىن اۋماعى ىنتىماق الەۋمەتتىك اۋماعىنا قاراستى 7 شاعىن اۋماقتىڭ ءبىرى. ”شاعىن اۋماقتا 11 عيمارات، 460تان استام وتباسى، 1500دەن استام ادام بار. جاڭالاۋ ينجەنەرياسى ءاربىر تۇرعىنعا سايادى، استە نەمقۇرايدى قاراۋعا كەلمەيدى“، - دەدى ۋ چىڭگۇڭ.

  ۋ چىڭگۇڭ نەگىزگى ساتىدا 47 جىل قىزمەت ىستەپ، قاراستى اۋماقتاعى تۇرعىندار ءۇشىن 47 جىل ناقتى ءىس تىندىرىپ، الەۋمەتتىك اۋماقتىڭ ۇلكەن باسقارۋشىسىنا، تۇرعىنداردىڭ جان اشىرىنا اينالدى.

  نەگىزگى ساتىعا تامىر تارتىپ، بۇقاراعا قىزمەت وتەدى

  ۋ چىڭگۇڭنىڭ جاسى الپىستان اسقان. 40 نەشە جىلدان بەرى ول ىلگەرىندى - كەيىندى 10 نەشە الەۋمەتتىك اۋماقتا قىزمەت ىستەپ، زەينەتكە شىققان سوڭ قايتادان ىنتىماق الەۋمەتتىك اۋماعى پارتيا باس ياچەيكاسىنىڭ شۋجيى بولىپ شاقىرىلادى. مەيلى قاي جەردە بولسا دا، ول حالىق ءۇشىن قىزمەت وتەۋدىڭ ءبىرىنشى شەبىنەن تاپجىلمادى.

  بىلتىر ىندەتتەن ساقتانۋ - تىزگىندەۋ كەزىندە، ءبىر كۇنى تۇندە، ۋ چىڭگۇڭ بەيتانىس قول تەلەفونمەن جولدانعان كەلتە حاتتى قابىلدايدى. اتى - ءجونى ”جاۋ يۇڭجۇن“ دەگەن كەلتە حاتتا بىلاي دەپ جازىلىپتى: ”ءوزىم الدەبىر سەبەپپەن دەر كەزىندە قايتا المادىم، 80 جاستاعى شەشەم لي گۇيلاننىڭ جوعارى قان قىسىمى اۋرۋى بار، جالعىز ءوزى دۇڭگۋان شاعىن اۋماعىندا تۇرادى، ءدارىسى تاۋسىلىپ قالعان بولۋ مۇمكىن، الەۋمەتتىك اۋماقتىڭ ادام جىبەرىپ قارايلاسىپ قويۋىن ءۇمىت ەتەمىن“.

  كەلتە حاتتى تاپسىرىپ العان سوڭ، ۋ چىڭگۇڭ دەرەۋ ءدارى دۇكەنىنە بارىپ ءدارى ساتىپ الىپ، الەۋمەتتىك اۋماقتىڭ ەمدەۋ قىزمەتكەرىن ەرتىپ، كوكونىس، جەمىس، مومى الىپ قارتتىڭ ۇيىنە جەتەدى. مۇقيات تەكسەرۋ ارقىلى لي گۇيلان قارتتىڭ دەنساۋلىعىنىڭ جاقسى ەكەنىن بىلگەننەن سوڭ، ۋ چىڭگۇڭ الاڭسىز قايتادى.

  سودان باستاپ، ۋ چىڭگۇڭ ۇنەمى لي گۇيلانعا بارىپ امانداسىپ تۇرادى. ”الەۋمەتتىك اۋماقتا وسىنداي جاقسى شۋجيدىڭ بولعانى باقىتىمىز عوي“، - دەدى لي گۇيلان اسەرلەنىپ.

  ىنتىماق الەۋمەتتىك اۋماعىنا قاراستى 7 شاعىن اۋماقتا 1881 وتباسى، 5743 ادام بار، داۋ - شاردى جاراستىرۋدا ۋ چىڭگۇڭنىڭ ءوز امالى بار.

  قاراستى اۋماقتاعى حۇيلييۋان (3 - مەرزىم) شاعىن اۋماعىنداعى ءبىر قارتتىڭ ءۇيىن ۇستىڭگى قاباتتاعى كورشىسىنىڭ ۇيىنەن اققان سۋ باسىپ كەتەدى، الايدا ۇستىڭگى قاباتتاعى تۇرعىن ۇيدە ۇزاق ۋاقىتتان بەرى ادام تۇرعان جوق دەگەندى سىلتاۋ ەتىپ، جاۋاپكەرشىلىكتەن قاشقالاقتايدى. الەۋمەتتىك اۋماق كادرلارى كوپ رەت جاراستىرسا دا، ناتيجە بولمايدى. ۋ چىڭگۇڭ ەستىگەن سوڭ، جوندەۋ قۇرالدارىن الىپ ۇستىڭگى قاباتتاعى تۇرعىننىڭ ۇيىنە كەلىپ، ەسىكتەن كىرگەن سوڭ سۋ اققان جەردى تاۋىپ، جەرگە جاتا قالىپ سۋ قۇبىرىن جوندەي باستايدى. ۇستىڭگى قاباتتاعى تۇرعىن بۇل جاعدايدى كورگەن سوڭ، ەرىكسىزدەن ۇيالىپ، ىرىقتىلىقپەن جاۋاپكەرشىلىكتى ارقالايتىندىعىن، قارتتىڭ زيانىن تولەيتىندىگىن بىلدىرەدى. سۋ قۇبىرى جوندەلىپ، ەكى وتباسى دا تاتۋلاسادى.

  ”بۇقارا تۇرمىستا ۇنەمى ءتۇرلى - ءتۇرلى ماسەلەگە جولىعادى. الەۋمەتتىك اۋماق كادرلارىنىڭ قىزمەت ءتۇيىنى ويداعىداي قىزمەت وتەپ، بۇقارانىڭ كوڭىلدى، جايلى تۇرمىس كەشىرۋىنە مۇمكىندىك جاساۋ“، - دەدى ۋ چىڭگۇڭ.

  بورىشتى ەستە بەرىك ساقتاپ، بار ىنتا - پەيىلىمەن حالىق ءۇشىن ىستەدى

  ۋ چىڭگۇڭ ىلگەرىندى - كەيىندى داڭقتى تۇردە ”اۆتونوميالى رايوندىق وتاندى ءسۇيىپ، ارميانى قولداۋ ۇلگىسى“، ”مەملەكەتتىك تاڭداۋلى پارتيا ىستەرى قىزمەتكەرى“، ”مەملەكەتتىك ەڭبەك ەرى“ اتاعىن يەلەگەن. سونداي - اق ول قۇمىل قالالىق حالىق قۇرىلتايىنىڭ ۋاكىلى.

  2020 - جىلى 1 - ايدا قۇمىل قالاسىنىڭ 1 - كەزەكتى حالىق قۇرىلتايىندا ۋ چىڭگۇڭ ءبىر كەڭەس جوبا تاپسىرىپ، ىنتىماق الەۋمەتتىك اۋماعى حۇيلييۋان (3 - مەرزىم) شاعىن اۋماعىنىڭ سىرتىنداعى شۇڭقىر جەردى ەكولوگيالىق اۆتوكولىك توقتاتۋ الاڭى ەتىپ وزگەرتۋدى ءۇمىت ەتەدى.

  ”بۇل شاعىن اۋماق قالا مەن اۋىلدىڭ تۇيىلىسكەن جەرىندە، اۆتوكولىك توقتاتۋ الاڭىن سالسا، شاعىن اۋماقتاعى تۇرعىندارعا قولايلى بولادى، ونىڭ ۇستىنە ماڭايداعى قىستاق تۇرعىندارى قالاعا كىرگەندە اۆتوكولىكتەرىن وسى اراعا توقتاتىپ قويىپ، ودان الەۋمەتتىك اۆتوكولىككە وتىرۋىنا بولادى ءارى قولايلى، ءارى ارزان“، - دەدى ۋ چىڭگۇڭ.

  كەڭەس جوباعا قۇمىل قالالىق ۇكىمەت ءمان بەرەدى. سول جىلى 5 - ايدا اۆتوكولىك توقتاتۋ الاڭىن باستاپ سالادى، 10 - ايدا قۇرىلىسى اياقتايدى ءارى پايدالانۋعا بەرىلەدى. بۇل اۆتوكولىك توقتاتۋ الاڭى قۇمىل قالاسىنداعى تۇڭعىش ەكولوگيالىق كورىنىس اۆتوكولىك توقتاتۋ الاڭى، جالپى 218 اۆتوكولىك توقتاتۋ ورنى بار، ءار 3 اۆتوكولىك توقتاتۋ ورنىن ءبىر گرۋپپا ەتىپ، ورتاسىن جاسىل بەلدەۋمەن ءبولىپ قويعان. كوكتەم، جاز، كۇز ءۇش ماۋسىمدا اۆتوكولىك توقتاتۋ الاڭى ماساتىداي قۇلپىرىپ، جاسىل جەلەك جامىلىپ تۇرادى.

  2020 - جىلى ۋ چىڭگۇڭ قۇمىل قالالىق عىلىم - تەحنيكا قوعامىمەن بايلانىس جاساپ، ىنتىماق الەۋمەتتىك اۋماعى قىزمەت عيماراتىنىڭ ءبىر ءبولىمىن قۇمىل قالاسىنداعى تۇڭعىش الەۋمەتتىك اۋماق عىلىم - تەحنيكا سارايى ەتىپ قۇرۋعا دايىندالادى. قۇمىل قالالىق عىلىم - تەحنيكا قوعامى اۆتونوميالى رايوندىق عىلىم - تەحنيكا قوعامىنا مالىمدەپ، قولداۋعا يە بولادى. بيىل 3 - ايدا عىلىم - تەحنيكا سارايى باستاپ سالىندى ءارى 7 - ايدىڭ 1 - كۇننەن بۇرىن اشىلدى.

  ”كۇندىز قارايلاسۋ ورتالىعى“، ”التى جارىمداعى ساباقحانا“، ”تىنىش مادەنيەت اۋلاسى“، ”پاكتىك مادەنيەت ءدالىزى“ قۇرىلدى... مەيلى تيانشان باتىس جولى الەۋمەتتىك اۋماعىندا، لاۋچىڭ الەۋمەتتىك اۋماعىندا بولسىن، الدە جياننان الەۋمەتتىك اۋماعىندا، ىنتىماق الەۋمەتتىك اۋماعىندا بولسىن، ۋ چىڭگۇڭ تۇرعان جەرلەرىنىڭ بارلىعىندا تۇگەلدەي تۇرعىندار ءۇشىن ناقتى قىزمەت وتەدى.

  جاڭالىق اشا قىزمەت ىستەپ، قىزمەت وتەۋ دارەجەسىن ءوسىردى

  2012 - جىلى ۋ چىڭگۇڭ تيانشان باتىس جولى الەۋمەتتىك اۋماعىنان لاۋچىڭ الەۋمەتتىك اۋماعىنا الماسىپ پارتيا ياچەيكاسىنىڭ شۋجيى بولادى.

   لاۋچىڭ الەۋمەتتىك اۋماعى ادامدارىنىڭ قۇرىلىمى ءبىرشاما كۇردەلى بولاتىن. تۇرعىندار الەۋمەتتىك اۋماق كادرلارىن ىزدەپ جۇمىس ءبىتىرۋ قولايسىز ەكەنىن اڭىس ەتەدى، ۋ چىڭگۇڭ قاراستى اۋماقتاعى 18 تۇرعىندار شاعىن اۋماعىندا، 216 ساۋدا تۇينىندە، 89 عيماراتتىڭ ءارقايسى كىرەر ەسىگىنە الەۋمەتتىك اۋماق پارتيا ياچەيكاسى القاسى مۇشەلەرىنىڭ سۋرەتىن، بايلانىس تەلەفونىن جانە پاكتىك باقىلاۋ تەلەفونىن جاپسىرۋعا بەكيدى ءارى كادرلاردىڭ تەلەفونى 24 ساعات اشىق تۇرادى، تۇرعىندار شارۋاسى بولسا قالاعان كەزدە ىزدەۋىنە بولادى دەپ ۋادە بەرەدى.

  2019 - جىلى قۇمىل قالالىق ءادىليا مەكەمەسىنىڭ كومەگىندە، ىنتىماق الەۋمەتتىك اۋماعى ”ۋ چىڭگۇڭ داۋ - شاردى جاراستىرۋ كەڭسەسىن“ قۇرادى. تۇرعىنداردىڭ داۋ - شارىن جاراستىرۋ، زاڭ جالپىلاستىرۋ ۇگىت قىزمەتىن ورىستەتۋ سياقتى جاقتاردا بەلسەندى رول اتقاردى.

  2017 - جىلى يجوۋ رايوندىق پارتكوم ۇيىمداستىرۋ ءبولىمى ”ۋ چىڭگۇڭ الەۋمەتتىك اۋماق قىزمەتكەرى دارىندىلار كەڭسەسىن“ قۇرىپ، ۋ چىڭگۇڭ باستاماشىلدىقپەن الەۋمەتتىك اۋماق قىزمەتى دارىندىلارىن تاربيەلەيدى. ونىڭ ۇيرەتۋ، كومەكتەسۋ، جەتەكتەۋىندە ىلگەرىندى - كەيىندى 16 الەۋمەتتىك اۋماق كادرى تەز جەتىلدى، قازىر ۇقساماعان الەۋمەتتىك اۋماقتا پارتيا ياچەيكاسىنىڭ شۋجيى، مەڭگەرۋشى مىندەتىن وتەۋدە.

  يجوۋ رايونىندا شينجياڭ سانچۋان قوجالىق شەكتى سەرىكتەستىگى 16 شاعىن اۋماققا قىزمەت وتەيدى ءارى قۇمىل قالاسىنداعى ”ەكى جاڭا ۇيىم“ (جاڭا ەكونوميكالىق ۇيىم، جاڭا قوعامدىق ۇيىم) اراسىندا ەرتە بولىپ پارتيا ياچەيكاسىن قۇرعان حالىق باسقارۋىنداعى كاسىپورىن. ۋ چىڭگۇڭ وسى سەرىكتەستىكتىڭ جاۋاپتى جولداسىمەن ىشكەرىلەي پىكىر الماستىرعان سوڭ، وسى سەرىكتەستىك قىزمەت وتەپ وتىرعان يۇنجيڭيۋان شاعىن اۋماعىندا تور كوزدەنگەن پارتيا ياچەيكاسىن قۇرۋعا بەكىپ، ”قىزىل قوجالىق“ قىزمەت وتەۋ ماركاسىن بىرگە تۇلعالايدى.

  بيىل 3 - ايدان بەرى سانچۋان قوجالىق يۇنجيڭيۋان شاعىن اۋماعى تور كوزدەنگەن پارتيا ياچەيكاسى ”مەن بۇقارا ءۇشىن ناقتى ءىس ىستەيمىن“ امالياتتىق قيمىلىن بەلسەنە ورىستەتىپ، سەرىكتەستىكتەگى پارتيا مۇشەلەرى، شاعىن اۋماقتاعى پارتيا مۇشەلەرى اۆانگارد ۇلگىلىك رولدارىن تولىق ساۋلەلەندىرىپ، شاعىن اۋماق ەرىكتىلەرى، قايشىلىق، داۋ - شاردى جاراستىرۋشى، پارتيا تاريحىن ۇيرەنۋ تاربيەسى ۇگىت لەكسياشىسى بولىپ، تۇرعىندار ءۇشىن ءبىر قىدىرۋ ناقتى ءىس، جاقسى ءىس ىستەدى.

  ”جاڭا ءداۋىردىڭ جاڭا تالابى بار، جاڭا كەزەڭدە جاڭا دامۋ بار. الەۋمەتتىك اۋماق قىزمەتىندە، قاشاندا جاڭالىق اشۋ تانىمى بولعاندا عانا، جاڭا ماسەلەلەردى شەشۋگە بولادى. الايدا، حالىق ءۇشىن قىزمەت وتەۋ باس ماقساتىنان ماڭگى اينىماۋدى ەستە بەرىك ساقتاۋ كەرەك“، - دەدى ۋ چىڭگۇڭ.

جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار