از ۇلتتاردىڭ مەملەكەتتىك 6 - كەزەكتى ادەبيەت - كوركەمونەر كونسەرتىنىڭ اشىلۋ سالتىنداعى ادەبيەت - كوركەمونەر ساۋىق كەشى بەيجيڭدە وتكىزىلدى
شي جينپيڭ، لي كىچياڭ، ۋاڭ ياڭ، ۋاڭ حۋنيڭ ساۋىق كەشىن تاماشالادى
2021.09.01 16:25 كەلۋ قاينارى : حالىق تورابى
8 - ايدىڭ 31 - كۇنى كەشتە از ۇلتتاردىڭ مەملەكەتتىك 6 - كەزەكتى ادەبيەت - كوركەمونەر كونسەرتىنىڭ اشىلۋ سالتىنداعى ادەبيەت - كوركەمونەر ساۋىق كەشى بەيجيڭدەگى حالىق سارايىندا سالتاناتپەن وتكىزىلدى. شي جينپيڭ، لي كىچياڭ، ۋاڭ ياڭ، ۋاڭ حۋنيڭ قاتارلى پارتيا مەن مەملەكەت باسشىلارى كونسەرتتى تاماشالادى. سۋرەتتە: كونسەرت باستالۋدان بۇرىن شي جينپيڭ قاتارلىلار ادەبيەت - كوركەمونەر كونسەرتىنە قاتىناسقان ۋاكىلدەرمەن، ۇيىمداستىرۋ كوميسسياسىنىڭ مۇشەلەرىمەن، 56 ۇلتتىڭ تاڭداۋلى نەگىزگى ساتى پارتيا مۇشەلەرىنىڭ ۋاكىلدەرىمەن كەزدەسۋدە.
سۋرەتتى شينحۋا اگەنتتىگىنىڭ ءتىلشىسى لي شۋەرىن تۇسىرگەن
«حالىق گازەتى»، 8 - ايدىڭ 31 - كۇنى، بەيجيڭ. ءان اۋەنى قالىقتاپ، باقىتتى تۇرمىسقا ماداق جاۋدىردى؛ بۇرالا بيگە باسىپ، اسقاق جىگەر مەن ماقتانىش سەزىمىن اڭعارتتى. از ۇلتتاردىڭ مەملەكەتتىك 6 - كەزەكتى ادەبيەت - كوركەمونەر كونسەرتىنىڭ اشىلۋ سالتىنداعى ادەبيەت - كوركەمونەر ساۋىق كەشى 8 - ايدىڭ 31 - كۇنى كەشتە بەيجيڭدە سالتاناتپەن وتكىزىلدى. شي جينپيڭ، لي كىچياڭ، ۋاڭ ياڭ، ۋاڭ حۋنيڭ قاتارلى پارتيا مەن مەملەكەت باسشىلارى بۇقارادان 3 مىڭداي اداممەن بىرگە ساۋىق كەشىن تاماشالادى.
حالىق سارايىنىڭ 10 مىڭ ادامدىق زالىندا شىراقتار سامالاداي جارقىراپ، بارلىق جەردە شاتتىق كۇلكىسى ەستى. ساعات 20 مولشەرىندە شي جينپيڭ قاتارلىلار ساۋىق كەشىنىڭ الاڭىنا كەلگەندە تۇتاس الاڭنان دۋ قول شاپالاق ءۇنى كوتەرىلدى. «ءار ۇلت ۇلاندارىنىڭ جۇرەگى پارتيا دەپ سوعادى» اتتى شاتتىققا تولى بەتاشار ءان - ءبي ءار ۇلت حالقىنىڭ پارتيانىڭ عاسىرلىق مەرەي تويىنا دەگەن تەرەڭ تىلەگىن بەينەلەپ، «ىنتىماقتاسا العا ۇمتىلۋدىڭ جاڭا جورىعى» دەپ اتالاتىن اشىلۋ سالتىنداعى ادەبيەت - كوركەمونەر ساۋىق كەشىنىڭ شىمىلدىعىن اشتى. تۇتاس ساۋىق كەشى جاڭا جول اشۋ، جاڭا داۋىردە ەكپىندەي ىلگەرىلەۋ، جاڭا ساپاردى باستاۋ سىندى 3 بولىمنەن قۇرالدى. «تامىرى تۇتاسۋ» اتتى مۋزىكالى، پوەزيالى كەسكىندەمە، «قارلى القاپتاعى شۋاقتى كۇن» اتتى ءبي، «جىلدار جىرى» اتتى ءان - ءبي، «قىستاقتاعى بۇلتتىق تۇرمىس» اتتى كورىنىستى ءان - ءبي، «جارقىراعان مەرۋەرت جۇڭحۋانى نۇرلاندىردى» اتتى بەيزاتتىق مادەني مۇرا ءان - ءبيى، «باقىت جىرى» اتتى اسپاپتىق مۋزىكا، «الىس ساپار» اتتى ءبي سياقتى نومىرلەردىڭ ۇلتتىق ەرەكشەلىگى ايقىن، بەينەسى الۋان ءتۇرلى، داۋىرلىك تىنىسى كۇشتى، تارتىمدى بولىپ، ساۋىق كەشىن ۇزدىكسىز جوعارى ورلەۋگە كوتەردى. تۇتاس ساۋىق كەشى شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ پارمەندى باسشىلىعىن جانە ءار ۇلت حالقىنا دەگەن شىنايى قامقورلىعىن ىستىق ىقىلاسپەن جىرلاپ، جۇڭحۋا مادەنيەتىنىڭ الۋان ءتۇرلى، باي مازمۇندى ەكەنىن جاندى بەينەلەپ، ءار ۇلت ۇلاندارىنىڭ اناردىڭ دانىندەي تىعىز ۇيىسىپ، ىنتىماقتاسا كۇرەس جۇرگىزگەن ايبىندى كارتيناسىن جاندى سۋرەتتەپ، جۇڭحۋا ۇلاندارىنىڭ جۇڭحۋا ۇلتىنىڭ ورتاق رۋحاني مەكەنىن قۇرۋداعى، پارتياعا بۇلجىماي ىلەسۋدەگى، قايراتتانا العا ۇمتىلۋداعى بەرىك بەكىمى مەن اسقاق جىگەرىن تولىق بەينەلەدى، تۇتاس الاڭنان ءالسىن - ءالى قىزۋ قول شاپالاق ءۇنى كوتەرىلدى. ەڭ سوڭىندا «بۇل − ءبىزدىڭ كورىكتى مەكەنىمىز» اتتى اسقاق اۋەنمەن جانە ءار ۇلت ارتيستەرىنىڭ كوسىلە بيگە باسۋىمەن ساۋىق كەشى اياقتالدى.
كونسەرت باستالۋدىڭ الدىندا شي جينپيڭ قاتارلى پارتيا مەن مەملەكەت باسشىلارى ادەبيەت - كوركەمونەر كونسەرتىنە قاتىناسقان ارتيستەردىڭ ۋاكىلدەرىمەن، ۇيىمداستىرۋ القاسىنىڭ مۇشەلەرىمەن، 56 ۇلتتىڭ تاڭداۋلى نەگىزگى ساتى پارتيا مۇشەلەرىنىڭ ۋاكىلدەرىمەن كەزدەستى ءارى ولارمەن بىرگە سۋرەتكە ءتۇسىپ ەستەلىك قالدىردى.
ديڭ شۋەشياڭ، سۇن چۇنلان، جاڭ يوۋشيا، حۋاڭ كۇنميڭ، ساي چي، يوۋ چۋان، بايماچىلين، شياۋ جيە، ما بياۋ، باتىر قاتىستى قيمىلدارعا قاتىناستى.
از ۇلتتاردىڭ مەملەكەتتىك 6 - كەزەكتى ادەبيەت - كوركەمونەر كونسەرتىن مەملەكەتتىك ۇلت ىستەرى كوميتەتى، مادەنيەت جانە ساياحات مينيسترلىگى، مەملەكەتتىك راديو - تەلەۆيزيا باس مەكەمەسى، ورتالىق راديو - تەلەۆيزيا باس ستانسياسى جانە بەيجيڭ قالالىق حالىق ۇكىمەتى بىرلەسىپ وتكىزدى. كونسەرت 8 - ايدىڭ 31 - كۇنىنەن 9 – ايدىڭ 24 - كۇنىنە دەيىن وتكىزىلەدى، وسى ارالىقتا بۇكىل ەلدىڭ جەر - جەرىنەن تاڭداپ الىنعان 42 تەاتر ورتالىق تەلەۆيزيا تورابى مەن مەملەكەتتىك ۇلت ىستەرى كوميتەتىنىڭ توراپ بەكەتىندە قويىلادى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
