جۋاڭ شىحۋا:
شەكارا وڭىرگە تامىر تارتىپ، حالىققا قىزمەت وتەيمىن
انار بۇلت / شينجياڭ گازەتىنىڭ ءتىلشىسى ۋاڭ نا
2021.09.01 18:17 كەلۋ قاينارى : شينجياڭ گازەتى
8 - ايدىڭ 24 - كۇنى ساعات 9دا قارۋلى ساقشى شينجياڭ باس اترەتى شيپاحاناسىنىڭ شيپاگەرى جۋاڭ شىحۋا جۇمىس ورنىنا ەرتە باردى، ول ءبىر قارت ناۋقاسقا تاماق اپارىپ بەرىپ، ءبىر كۇن بۇرىن وتا جاساتقان ناۋقاستىڭ قالپىنا كەلۋ احۋالىن تەكسەرىپ كورىپ، سول كۇنى وتا جاساتقالى جاتقان ناۋقاسپەن اڭگىمەلەستى، سودان كەيىن ناۋقاس بولمەلەرىن ارالادى، بىرلەسىپ دياگنوز قويدى، وتا جاسادى ...
شيپاگەرلىكپەن شۇعىلدانعان نەشە ون جىلدان بەرى ءىسساپارعا شىقپاسا بولعانى، بۇل جۋاڭ شىحۋانىڭ مىزعىمايتىن جۇمىس كۇن ءتارتىبى بولعان ەدى.
قارۋلى ساقشى شينجياڭ باس اترەتى شيپاحاناسى باۋىر، ءوت سىرتقى اۋرۋلار ءبولىمىنىڭ 56 - توسەگىندەگى ناۋقاس 76 جاسقا كەلگەن، ءوت جولى وپەراتسياسىن جاساتىپ، قالپىنا كەلۋ مەزگىلىندە تۇرعان، قورەكتىك جاعىن كۇشەيتۋ كەرەك ەدى. سوڭعى كۇندەرى جۋاڭ شىحۋا ۇنەمى ۇيىنەن ءدامدى تاماق نەمەسە قۋاتتىق تالقان اكەلىپ، قارتتىڭ ناۋقاس بولمەسىنە جەتكىزىپ بەرىپ تۇردى.
بۇل ناۋقاس باۋىر، ءوت تۇتىكشەسىندە ءجيى تۋىلاتىن تاس بايلانۋ سەبەبىنەن اۋرۋحاناعا جاتقان، باسقا دا سوزىلمالى اۋرۋلارى بار بولعاندىقتان، وتادان بۇرىن سارى ۋايىم باسىپ، يدەيالىق قىسىمى ارتتى. جۋاڭ شىحۋا وعان قاراپايىم دا تۇسىنىكتى تىلمەن ءتۇسىندىرىپ، قارتتىڭ كۇدىگىن سەيىلتىپ، وتانى وڭاي قابىلداۋىنا مۇمكىندىك جاسادى.
30 جىلدىڭ الدىندا وتكە بولماشى جاراقات سالىپ وپەراتسيا جاساۋعا 4 ساعاتتان استام ۋاقىت كەتەتىن، بۇل كۇندەرى نەبارى 5 - 8 مينۋت عانا جۇمسالادى.
وتكە بولماشى جاراقات سالىپ وتا جاساۋدا جاراقات از تۇسەدى، ازابى جەڭىل، ۋاقىتى قىسقا، قالپىنا كەلۋى تەز، قاراجاتى تومەن، اۋرۋحاناعا جاتۋ ۋاقىتى قىسقا. الدىڭعى عاسىردىڭ 90 - جىلدارىنىڭ باسىندا شينجياڭدا مۇنداي جاڭا تەحنيكا ءالى ورىستەتىلە قويماعان بولاتىن. جۋاڭ شىحۋانىڭ ۇسىنىسىمەن قارۋلى ساقشى شينجياڭ باس اترەتى شيپاحاناسى وسى تەحنيكانى جانە جابدىقتى ەنگىزدى.
جۇمىسقا جاتىلۋ ءۇشىن جۋاڭ شىحۋا ءجۇزىمنىڭ قابىعىن سىلۋ ارقىلى ءوت قابىعىن سىدىرۋ تەحنيكاسىنا جاتتىعادى. ول ءار كۇنى جۇمىستان تۇسكەننەن كەيىن بىرنەشە تىزبەك ءجۇزىم الىپ، وتا سايمانى ارقىلى ءجۇزىمنىڭ قابىعىن سىليدى. باستابىندا نە ءجۇزىمنىڭ قابىعىن جىرتىپ الادى، نە ەتىن ءبۇلدىرىپ الادى. ول جالىقپاي جاتتىعىپ، 2 ايدان استام ۋاقىت جالعاستىرعاننان كەيىن اقىرى ءجۇزىم قابىعىن ءساتتى سىلىپ الاتىن ءارى ەتىن امان - ساۋ الىپ شىعاتىن بولدى.
قايتا - قايتا امالياتتان وتكىزۋ ارقىلى جۋاڭ شىحۋا مەن قىزمەتتەستەرى قارۋلى ساقشى اسكەري ءبولىمىنىڭ وتكە بولماشى جاراقات سالاتىن العاشقى وتاسىن ءساتتى جاسادى، سونداي - اق ىلگەرىندى - كەيىندى باۋىردىڭ ءتۇستى قۇرتى، كوكباۋىردى بۇتىندەۋ، ءوتتىڭ باس تۇتىكشەسىن تەكسەرۋ سياقتى 27 ءتۇرلى بولماشى جاراقات وتاسى جونىندە ىزدەنىس جاسادى.
قايتا - قايتا جاتتىعۋ ارقىلى جۋاڭ شىحۋانىڭ بولماشى جاراقات سالىپ وتا جاساۋ تەحنيكاسى بىرتە - بىرتە جوعارىلادى، وتا جاساۋ ۋاقىتى دا بىرتىندەپ قىسقاردى، 4 ساعات، 2 ساعات... بىرنەشە مينۋت. ”ناۋقاس وتا تۇعىرىندا قانشا از جاتسا، حاۋىپ - قاتەر سونشا از بولادى، حاۋىپسىز بولادى“. جۋاڭ شىحۋا قاي - قاشان دا ناۋقاستاردى كوكەيىندە ساقتاپ، ەمدەۋ شەبەرلىگىن جەتىلدىرە ءتۇستى.
جۋاڭ شىحۋا سىرتقى اۋرۋلار شيپاگەرى بولعان باستاپقى كەزدە تەحنيكانى كوبىرەك ۇيرەنىپ، ناۋقاس جاعدايىن كوبىرەك ءتۇسىنۋ ءۇشىن ناۋقاس بولمەسىنە تۇنەپ، ءار كۇنى كارەسىن وشاق جاعىپ، ناۋقاسقا تاماق جاساپ بەرەتىن. ەجەلدەن بەرى ول ەمدەلۋگە كەلگەن ناۋقاستاردى قاراجات تاپسىرا الماعاندىعىنا بولا كەشىكتىرمەدى، اۋرۋ جاعدايى سالماقتى، حاۋىپ - قاتەرى زور بولعاندىعىنا بولا قابىلداۋدان باس تارتپادى.
قارۋلى ساقشى شينجياڭ باس اترەتى شيپاحاناسىنىڭ باۋىر، ءوت سىرتقى اۋرۋلار ورتالىعى 10 مىڭنان استام سيلىق جالاۋشاسىن قابىلدادى، ونىڭ بارلىعىن ناۋقاستار العىستارىن ءبىلدىرىپ تارتۋ ەتكەن. مۇنىڭ ىشىندە ءبىر سيلىق جالاۋشاسىنا ”39 جىل بويى مالشىلارمەن توننىڭ ىشكى باۋىنداي ەتەنە بولدى“ دەگەن جازۋلار ورنەكتەلگەن، ونى قازاق مالشى داقان مەن قىزى ەكەۋى 39 مىڭ 999 ءتۇستى مەرۋەرتپەن ءبىر - بىرلەپ كەستەلەپ شىققان.
جۋاڭ شىحۋا مەن داقان وتباسى 1975 - جىلى تانىسقان. سول كەزدە ول دەنساۋلىق ساقتاۋشى بولاتىن، ۇنەمى جاۋىنگەر سەرىكتەرىمەن بىرگە داقان وتباسىنا كومەكتەسىپ سۋ اكەلىپ، تازالىق ىستەپ، ەگىس جۇمىستارىنا قولعابىس ەتەتىن، ول تاعى داقاننىڭ قىزىنىڭ بارلىق وقۋ قاراجاتىن ۇستىنە العان. داقان جاسى ۇلعايعاننان كەيىن وتىنە تاس بايلانىپ، كوزى سارسۋلانىپ قالدى، جۋاڭ شىحۋا تاعى ونى شيپاحاناعا اپارىپ ەمدەتتى ءارى ول ءۇشىن اۋرۋحاناداعى بارلىق شىعىمدى تولەدى.
2014 - جىلى جاسى 80گە تاياعان داقان مەن قىزى جارتى جىلدان استام ۋاقىت جۇمساپ، وسى سيلىق جالاۋشاسىن جاساپ شىقتى. ”ءبىز شيپاگەر رەتىندە، بولماشى ءىس ىستەدىك، الايدا ولار ءبىزدى ءومىر بويى ەستەرىندە ساقتادى“، - دەيدى جۋاڭ شىحۋا.
شيپاگەرلىكپەن شۇعىلدانعان 40 نەشە جىلدا جۋاڭ شىحۋانىڭ تارازىسىنداعى ەڭ سالماق باساتىنى حالىق بولدى. ”مەن سىچۋاننىڭ كەدەي تاۋلى وڭىرىندە ءومىر ەسىگىن اشتىم، باستاۋىش مەكتەپتەن ورتا مەكتەپكە دەيىنگى وقۋ قاراجاتىمدى تۇگەلدەي ۇكىمەت كەشىرىم ەتكەن، قوسىنعا قاتىناسقاننان كەيىن، تاعى اسكەري ءبولىم مەنى داشۋەدە وقىتتى“. جۋاڭ شىحۋا ريزاشىلىعىن ناۋقاستارعا مامىلە جاساۋداعى، قيىنشىلىعى بار بۇقاراعا كومەكتەسۋدەگى ءىس جۇزىندىك ارەكەتىنە اينالدىردى.
شيپاگەرلىك ىزگىلىك تە جۋاڭ شىحۋانىڭ شاكىرت تاڭداۋداعى باستى تالابى. باسقالار شاكىرت قابىلداعاندا ماماندىق بىلىمدەرىن سىنايدى، ول تەك 3 سۇراۋ عانا سۇرايدى: بۇگىن كەلگەن ناۋقاس تاماق ىشپەپتى، ناۋقاسقا تاماق اپاردىڭ با؟ وتادان كەيىن ناۋقاسقا قارايلاساسىڭ با؟ مەرەكە - مەيرام، دەمالىس ۋاقىتىندا ناۋقاسقا قارايلاساسىڭ با؟ دەگەن 3 سۇراۋ عانا سۇرايدى.
جۋاڭ شىحۋانىڭ ىقپالىمەن قارۋلى ساقشى شينجياڭ باس اترەتى شيپاحاناسى باۋىر، ءوت سىرتقى اۋرۋلار ورتالىعىنىڭ ەمدەۋ - كۇتىمدەۋ قىزمەتكەرلەرىنىڭ ءبارى ناۋقاستاردى كوكەيلەرىنەن شىعارماي، ناۋقاستاردى جاقىنىنداي كوردى. ولار جۋاڭ شىحۋا ەمدەۋ شاعىن اترەتىنىڭ مىندەتتى ارالاپ دياگنوز قويۋىنا، بارىپ ەمدەۋىنە، ءدارى اپارۋىنا، مەيىر جەتكىزۋىنە بەلسەنە قاتىناستى.
تالاي جىلدان بەرى جۋاڭ شىحۋا ەمدەۋ شاعىن اترەتىن باستاپ ەگىن، مال شارۋاشىلىعى وڭىرلەرىنە بارىپ، ارالاپ دياگنوز قويۋدى تاباندىلىقپەن جالعاستىردى، دياگنوز قويعان، ەمدەگەن ەگىنشى - مالشىلار 400 مىڭ ادام - رەتتەن استى، تاعى اۋىل - قىستاق نەگىزگى ساتى شيپاگەرلەرىمەن پىكىر اۋىستىرىپ، كومەكتەسۋ - سۇيەمەلدەۋ بايلانىسىن ورناتىپ، كوكىرەك تولى رياسىز پەيىلمەن ءار ۇلت بۇقاراسىنىڭ سالاماتتىعىن، باقىتىن قورعاپ، ۇلتتار ىنتىماعىنىڭ ”جۇرەك توعىستىرۋ كوپىرىن“ سالدى.
قازىرگە دەيىن جۋاڭ شىحۋا 7 مەديتسينا كىتابىن باسپادان شىعارىپ، 51 عىلمي ديسسەرتاتسيا جاريالادى، 150دەن استام تەحنيكا تىرەكتىسىن باۋلىپ، ەلىمىزدىڭ ءوت، باۋىر سىرتقى اۋرۋلار سالاسىندا اجەپتاۋىر ىقپالعا يە بولدى. ول ىلگەرىندى - كەيىندى ”زامانىمىز لەي فىڭى“، ”مەملەكەتتىك ءمورال ۇلگىسى“، ”جۇڭگولىق جاقسى ادام“، ”ەڭ ارداقتى شيپاگەر“ سياقتى داڭقتى اتاقتارعا يە بولدى.
مەيلى اتاعى قانشالىق اسپانداپ تۇرسا دا، جۋاڭ شىحۋا باستان - اياق شيپاگەرلىكپەن شۇعىلدانۋداعى اۋەلگى ماقساتىن ەستە بەرىك ساقتاپ، بار كۇشىمەن حالىق بۇقاراسىنىڭ ءومىرىن، سالاماتتىعىن قورعادى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
