9 – ايدىڭ 1 – كۇنى توكيو مۇگەدەكتەر وليمپياداسىندا ءجۇزۋ سپورتى بويىنشا ەرلەردىڭ 50 مەترلىك ەركىن ءجۇزۋ S5 دارەجەلى شەشۋشى جارىسىندا جۇڭگولىق ءۇش سپورتشى ۇزدىك ونەر كورسەتتى، جىڭ تاۋ 30 سەكۋند 31 داقىلدىق ناتيجە جاراتىپ، مۇگەدەكتەر وليمپياداسىنىڭ رەكوردىن جاڭالاپ، التىن مەدالعا يە بولدى! يۋان ۋەي – ي مەن ۋاڭ ليچاۋ جەكە – جەكە ەكىنشى، ءۇشىنشى ورىنعا يە بولدى، جۇڭگو ۋاكىلدەر كومانداسى وسى تۇردەگى جارىستىڭ التىن، كۇمىس، مىس مەدالىن تۇگەل يەلەدى!
وسىمەن، جۇڭگو دەنە تاربيە ۋاكىلدەر ۇيىرمەسىنىڭ مۇگەدەكتەر وليمپياداسى تاريحىندا قول جەتكىزگەن التىن مەدال سانى 500 دەن استى!
1984 – جىلى 6 – ايدا، جۇڭگو مۇگەدەكتەر وليمپيادا ۇيىرمەسى ا ق ش – نىڭ نيۋ – يورك قالاسىنىڭ سونا اۋدانىندا وتكىزىلگەن 7 – كەزەكتى مۇگەدەكتەر وليمپياداسىنا قاتىناسقان، بۇل جۇڭگو ۋاكىلدەر ۇيىرمەسىنىڭ تۇڭعىش رەت مۇگەدەكتەر وليمپياداسىنىڭ جارىس الاڭىنان كورىنۋى. سول رەتكى مۇگەدەكتەر وليمپياداسىندا، بەيجيڭدىك كورۋ قۋاتىنان ايرىلعان سپورتشى پيڭ يالي جەڭىل اتلەتيكا ءتۇرى بويىنشا ايەلدەردىڭ B2 دارەجەلى الىسقا سەكىرۋ جارىسىندا التىن مەدال الىپ، جۇڭگونىڭ مۇگەدەكتەر وليمپياداسىنا قاتىناسۋ تاريحىنداعى العاشقى التىن مەدالدى العان.
سودان كەيىنگى 37 جىل ىشىندە، جۇڭگو ۋاكىلدەر ۇيىرمەسى 1988 – جىلعى سەۋل مۇگەدەكتەر وليمپياداسىنا، 1992 – جىلعى بارسەلونا مۇگەدەكتەر وليمپياداسىنا، 1996 – جىلعى اتلانتا مۇگەدەكتەر وليمپياداسىنا، 2000 – جىلعى سيدنەي مۇگەدەكتەر وليمپياداسىنا، 2004 – جىلعى افينا مۇگەدەكتەر وليمپياداسىنا، 2008 – جىلعى بەيجيڭ مۇگەدەكتەر وليمپياداسىنا، 2012 – جىلعى لوندون مۇگەدەكتەر وليمپياداسىنا، 2016 – جىلعى ريو مۇگەدەكتەر وليمپياداسىنا جانە وسى رەتكى توكيو مۇگەدەكتەر وليمپياداسىنا قاتىناستى. افينا مۇگەدەكتەر وليمپياداسىنان باستاپ، جۇڭگو مۇگەدەكتەر وليمپياداسى ۋاكىلدەر ۇيىرمەسى جالعاستى 4 رەتكى مۇگەدەكتەر وليمپياداسىندا التىن مەدال تاقتاسىندا ءبىرىنشى ورىندى يەلەدى.
كەلۋ قاينارى: حالىق تورابى