مەملەكەتتىك حالىق قۇرىلتايى سىرتقى ىستەر كوميتەتى ەۆروپا وداعى پارلامەنتى سىرتقى ىستەر كوميتەتىنىڭ تايۋانعا قاتىستى باياندامانى ماقۇلداعانى جونىندە مالىمدەمە جاريالادى
2021.09.03 12:57 كەلۋ قاينارى : حالىق تورابى
شينحۋا اگەنتتىگىنىڭ 9 – ايدىڭ 2 – كۇنى بەيجيڭنەن بەرگەن حابارى. ەۆروپا وداعى پارلامەنتى سىرتقى ىستەر كوميتەتىنىڭ اتالمىش «ەۆروپا وداعى — تايۋان ساياسي قارىم – قاتىناسى جانە سەلبەستىگى» اتىنداعى باياندامانى ماقۇلداعانى جونىندە، مەملەكەتتىك حالىق قۇرىلتايى سىرتقى ىستەر كوميتەتى 9 – ايدىڭ 2 – كۇنى مالىمدەمە جاريالاپ، مىنانى اتاپ كورسەتتى: اتالعان مالىمدەمەنىڭ مازمۇنى ەۆروپا وداعىنىڭ تايۋانمەن ۇكىمەتكە جاتپايتىن اۋىس – كۇيىس، سەلبەستىك وتكىزۋ كولەمىنەن الدە قايدا اسىپ كەتكەن، ءبىر جۇڭگو پرينيسپىنە اۋىر دارەجەدە قايشى كەلگەن، جۇڭگو – ەۆروپا وداعىنىڭ ءوزارا سەنىمدىلىگىنە جانە سەلبەستىگىنە زيان جەتكىزەدى. جۇڭگو حالىق قۇرىلتايى بۇعان باتىل قارسى تۇرادى.
مالىمدەمەدە مىنالار اتاپ كورسەتىلگەن: تايۋان — جۇڭحۋا حالىق رەسپۋبليكاسىنىڭ قاسيەتتى تەرريتورياسىنىڭ ايرىلماس بولىگى. ءبىر جۇڭگو پرينسيپى — جالپى مويىنداعان حالىقارالىق قارىم – قاتىناس ولشەمى جانە حالىقارالىق قوعامنىڭ ورتاق تانىمى، جۇڭگو – ەۆروپا وداعىنىڭ ديپلوماتيالىق قارىم – قاتىناس ورناتۋىنىڭ جانە ەكى جاقتى قارىم – قاتىناستى دامىتۋىنىڭ ساياسي نەگىزى. جۇڭگو – ەۆروپا وداعى ەكى جاق جاريالاعان ءتۇرلى قۇجاتتار مەن مالىمدەمەلەردە، ەۆروپا جاق تۇگەلدەي ءبىر جۇڭگو پرينسيپىن قايتالاي دارىپتەگەن. ەۆروپا وداعىنىڭ ماڭىزدى قۇرىلىمىنىڭ ءبىرى بولعان ەۆروپا وداعى پارلامەنتى قاتىستى ۋادەلەرگە بويسۇنۋى قاجەت.
مالىمدەمەدە مىنالار باسا دارىپتەلگەن: تايۋان ماسەلەسى — جۇڭگونىڭ ىشكى ءىسى، جۇڭگونىڭ وزەكتى مۇددەسىنە سايادى. جۇڭگو حالقىنىڭ وتاننىڭ ءبىرتۇتاستىعىن ىسكە اسىرۋ بەكىمى وزگەرمەيدى. ءبىز ەۆروپا وداعى پارلامەنتىن تايۋان ماسەلەسىنىڭ اسا سەزىمتال ەكەنىن تولىق تانىپ جەتۋگە، تايۋان ماسەلەسىنە قاتىستى ءسوزى مەن ارەكەتىنە اباي بولۋعا، جۇڭگو – ەۆروپا وداعى قارىم – قاتىناسىنىڭ ساياسي نەگىزى مەن ءوزارا سەنىمدىلىككە ىقپال جەتكىزۋدەن ساقتانۋعا قۋزايمىز.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
