كوڭىلگە ۇلگىنى ۇيالاتىپ، مۇرات ورناتىپ، ارمانعا ۇمتىلامىز
− رايونىمىزداعى ورتا، باستاۋىش مەكتەپ وقۋشىلارى 2021 - جىلعى «وقۋ باستاۋدىڭ 1 - ساباعىن» بەلسەنە كوردى
□ انار بۇلت / شينجياڭ گازەتىنىڭ تىلشىلەرى
2021.09.03 14:55 كەلۋ قاينارى : شينجياڭ گازەتى
مۇرات ۇشقىنى كۇرەس جولىن نۇرلاندىرىپ، سەنىمنىڭ كۇشى جارقىن بولاشاققا جول اشادى. 9 - ايدىڭ 1 - كۇنى رايونىمىزداعى ورتا، باستاۋىش مەكتەپ وقۋشىلارى 2021 - جىلعى «وقۋ باستاۋدىڭ 1 - ساباعىن» بەلسەنە كوردى. ”مۇرات بولاشاقتى نۇرلاندىرادى“ نەگىزگى تاقىرىبىنداعى 100 جىلدىق كارتينادان تيانشان الابىنداعى ءار ۇلت جاستارى مەن ورەندەرى وتانشىلدىق سۇيىسپەنشىلىگىن، وتانعا ەڭبەك ءسىڭىرۋ مۇراتىن ونان ارى كۇشەيتتى. كوپشىلىك جابال مىنالاردى ءبىلدىردى: وتباسى مەن وتاندى كوكەيدە ساقتاپ، كوڭىلگە ۇلگىنى ۇيالاتىپ، كىشكەنتايدان باستاپ ىستەپ، مۇرات ورناتىپ، ارمانعا ۇمتىلامىز.
”دۇرحان لاچين مەن لادير لاچين اكەسىنىڭ ءتىرى كەزىندەگى كەسكىنىن كورىپ قىستىعا كوزدەرىنەن جاس پارلاعان كەزدە، مەن دە ەرىكسىزدەن كوزىمە جاس الدىم“. ءۇرىمجى 1 - تامىز ورتا مەكتەبىنە قاراستى باستاۋىش مەكتەپ 4 - جىلدىق 3 - كلاس وقۋشىسى جاۋ حاۋلين بىلاي دەدى: ”’ءداۋىر ونەگەسى‘ لاچين بايەكەنىڭ ’وتانىمىزدىڭ شەكارا بەلگىسى بولماسا، ءبىزدىڭ سيىر - قويىمىز قايدان بولسىن‘ دەگەن ءسوزى مەنىڭ كوڭىلىمدى قاتتى تولقىتتى“.
جاۋ حاۋليننىڭ اكە - شەشەسى دە اسكەري ادامدار، اسكەريلەردىڭ قىزمەت جاۋاپكەرشىلىگى مەن بورىشىن ءىس جۇزىندىك ارەكەتتەرى ارقىلى ايگىلەپ كەلەدى. ”100 جىلدىق ىزدەردە، ءاربىر ’مۇمكىن ەمەستەر‘’مۇمكىندىككە‘ اينالدى، مەن مۇرات ۇشقىنىن كوردىم، مەن جاڭا داۋىردەگى ونەگەلى ورەن بولۋعا قۇلشىنامىن“، - دەيدى جاۋ حاۋلين.
”مەنىڭ دە الەم كەڭىستىگىنە كىرىپ، مارسقا شىعىپ، الەمنىڭ قۇپيالىقتارىن اشقىم كەلەدى“. نىلقى اۋدانى ۋجين تاجىريبە مەكتەبى 9 - جىلدىق 4 - كلاس وقۋشىسى مەرەي سەرىك ”عارىشتى ارمانداپ“ ەسەيىپ كەلەدى.
«وقۋ باستاۋدىڭ 1 - ساباعىندا» عارىشكەرلەردىڭ الەم كەڭىستىگىندە ساقپىمەن شاي ءىشىپ، الەم كەڭىستىگىندە ءتاتتى كارتوپ ەككەندىگىن كورگەن مەرەي قاتتى قايران قالىپ، كوڭىلىندە تالپىنىس تۋىلدى. ”بۇل ساباق توتەنشە ماعىنالى بولدى، اسىلىندە مەملەكەتىمىزدىڭ اۆياتسيا، عارىش ىستەرىنىڭ دامۋى وسىنداي كەرەمەت ەكەن عوي، عالىمدار مەن عارىش قاھارماندارىنىڭ ىزدەنىستەرى مەن ەسەلى ەڭبەكتەرى دە مەنى توتەنشە اسەرلەندىردى. مەن قۇلشىنا ۇيرەنىپ، كەيىن اۆياتسياعا، عارىشقا قاتىستى قىزمەتتەرمەن شۇعىلدانۋدى ءۇمىت ەتەمىن“.
ءسانيا پارحات تۇرپان قالاسى گاۋچاڭ رايونى جۇڭحاي توبى ايدىنكول ءۇمىت باستاۋىش مەكتەبىنىڭ 6 - جىلدىق 3 - كلاس وقۋشىسى. وسى كۇنى ساعات 20 بولماستان، ول شەشەسىن شاقىرىپ اكەلىپ، تەلەفونىن اشىپ، «وقۋ باستاۋدىڭ 1 - ساباعىن» بىرگە كوردى.
چىن يۇيشي، جاڭ جياچي، سۇن يىڭشا قاتارلى وليمپيادا ساڭلاقتارى ارماننىڭ كۇش - قۋاتىن اڭگىمەلەپ، ساباقتاستارعا شىنايى، قاراپايىم وقۋ باستاۋ سالەمىن جولداعان كەزدە، ءسانيا ەرەكشە اسەرلەندى. ”«وقۋ باستاۋدىڭ 1 - ساباعى» ءبىر - بىرلەگەن شىنايى، اسەرلى حيكايالار ارقىلى مول وڭ ەنەرگيا جەتكىزدى، مىنە، ءدال وسىلار مەن جانە ساباقتاستارىم قاستەرلەۋگە، جاقتاۋعا ءتيىستى جۇلدىزدار“، - دەيدى ءسانيا.
9 - ايدىڭ 1 - كۇنى كەشتە اقسۋ ايماعىنداعى ورتا، باستاۋىش مەكتەپ وقۋشىلارى «وقۋ باستاۋدىڭ 1 - ساباعىن» ءدال ۋاعىندا كوردى. ”مەنى ەڭ قاتتى اسەرلەندىرگەنى، جۇرگىزۋشى كاڭ حۇيدىڭ تەحنيكالىق ءتاسىل ارقىلى ەكى رەت ’ۋاقىت پەن كەڭىستىكتەن كەسىپ وتكەنى‘ بولدى“، - دەيدى توقسۋ اۋداندىق 2 - باستاۋىش مەكتەپتىڭ 5 - جىلدىق 1 - كلاس وقۋشىسى ءپارزانا ابدۇكەرىم شاتتانا. كاڭ حۇي ”شياۋكاڭ“ بولىپ قۇبىلىپ، حان پاتشالىعى داۋىرىندەگى ءبىر مەكتەپكە بارىپ، ”شياۋكاڭ“ دەگەن ءسوزدىڭ جازبا دەرەكتەردە ەڭ ەرتەدەگى كەلتىرىلگەن جەرىن ىزدەيدى، مۇنداي بەينەلەۋ ءتاسىلى ونى ءتىپتى دە ستەرەولدى، ەستەن كەتپەستەي ساباقحانادان تىكەلەي ساباق العانداي اسەرگە بولەدى.
”شيە شيڭچاڭ اتايدىڭ قىستاقتاعىلاردىڭ كەدەيلىكتەن ارىلىپ، بايۋىنا كومەكتەسكەن حيكاياسى ماعان وتە شىنايى سەزىلدى. ءبىزدىڭ قىستاق تا بۇرىن كەدەي قىستاق بولاتىن، قازىر ءبىز باقىتتى تۇرمىس كەشىرىپ جاتىرمىز“، - دەدى 9 - ايدىڭ 1 - كۇنى گۇما اۋدانى مۇجى قالاشىعى اسار قىستاعى باستاۋىش مەكتەبىنىڭ 4 - جىلدىق وقۋشىسى امانگۇل عوجىمامەت.
لي داجاۋ، ماۋ زىدۇڭ، چىن ۋاڭداۋ... تەلەۆيزوردان وسى ءبىر تانىس جۇزدەر كورىنگەن كەزدە، امانگۇل توتەنشە اسەرلەنىپ: ”«وقۋ باستاۋدىڭ 1 - ساباعىن» كورۋ ارقىلى مەن قازىرگى باقىتتى تۇرمىسىمىزدىڭ وڭاي - وسپاق قولعا كەلمەگەندىگىن، تولىپ جاتقان توڭكەرىستىك ارداگەر قۇربانداردىڭ قىزىل قانىمەن كەلگەندىگىن تەرەڭدەي ۇعىندىم. جاڭا وقۋ ماۋسىمىندا مەن ءتىپتى دە مۇقيات ۇيرەنىپ، ءتىپتى دە وزات پيونەر بولامىن“، - دەدى.
قاشقار ايماقتىق 2 - ورتا مەكتەپتىڭ وقۋشىلارى مۇعالىمنىڭ ۇيىمداستىرۋىندا، «وقۋ باستاۋدىڭ 1 - ساباعىن» كوردى. وقۋشى ماقسۋدام امەر بىلاي دەدى: ”«وقۋ باستاۋدىڭ 1 - ساباعىن» كورۋ ارقىلى مەن ’ءداۋىر ونەگەسى‘ لاچين بايەكە اعايدىڭ ىزگى ىستەرىن تاعى ءبىر رەت ەسكە ءتۇسىردىم ءارى مۇرات - سەنىمنىڭ ۇلى كۇشىن تاعى ءبىر رەت سەزىندىم، ونىڭ تۇلا بويىنان مۇرات ۇشقىنىن كوردىم. مەن جۇرەگىڭدە مۇرات تۇقىمى بولعاندا عانا، ارمانىڭ تاماشا بولاشاعىڭدى نۇرلاندىرا الاتىندىعىنا كامىل سەنەمىن“.
(ءتىلشى يۇي شي، قاتىناسقان تىلشىلەر شىن زۋشياۋ، رىن حۋا، جاڭ دۇڭمەي، جاڭ جىلي، سۇڭ ۋيگو، حان چين - يان)
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
