عارىشكەرمەن بولعان ”اسپان - جەر ديالوگى“ شينجياڭدىق قىز يۇلدىزدى بارىنشا اسەرلەندىردى
”وتانىمىزدىڭ قۇدىرەتتەنگەندىگىن توتەنشە ماقتانىش ەتەمىن“
انار بۇلت / شينجياڭ گازەتىنىڭ ءتىلشىسى ليۋ يميڭ
2021.09.06 15:42 كەلۋ قاينارى : شينجياڭ گازەتى
9 - ايدىڭ 3 - كۇنى وقۋ باستالعان تۇڭعىش كۇن، ءۇرىمجى قالاسى 16 - ورتا مەكتەپ ورتالاۋ 2 - جىلدىعىنىڭ وقۋشىسى يۇلدىز يليار كلاستاعى تانىمال ادامعا اينالدى. ساباقتان تۇسىسىمەن - اق ساباقتاستارى ونى قاۋمالاي قورشاپ، ونىڭ عارىشكەرمەن بولعان ”اسپان - جەر ديالوگىنداعى“ ەستەن كەتپەس شاقتارى جونىندەگى اڭگىمەسىن تىڭدادى.
9 - ايدىڭ 1 - كۇنى بەيجيڭدە وتكىزىلگەن ”ءداۋىر ونەگەلەرى مەكتەبىمىزدە“نىڭ باستالۋ سالتىندا يۇلدىز ۇرىمجىدە ورتالىق تەلەۆيزياسىنىڭ تىكە تاراتۋ جالعانىمى ارقىلى شىنجوۋ 12 - ءنومىرلى الەم كەمەسىندەگى عارىشكەر تاڭ حۇڭبومەن سويلەسىپ، ءبىر كەزەك ايرىقشا ”اسپان - جەر ديالوگىن “ وتكىزدى.
ۇستىنە شينجياڭنىڭ ۇلتتىق ەرەكشەلىككە يە كيىمىن كيگەن يۇلدىز اپپارات كوزى الدىندا ءوزىن ورنىقتى ۇستادى، سىمباتتى كەلبەتى، جايدارى ءجۇزى بۇكىل ەلدەگى كورەرمەندەرگە تەرەڭ اسەر قالدىردى.
عارىشكەرمەن اسپان مەن جەر ديالوگىن وتكىزۋى يۇلدىزدىڭ ءوڭى ەمەس، تۇسىنە دە كىرمەگەن شارۋا ەدى، ”مەن، راسىندا، قاتتى تەبىرەنىپ تۇرمىن! بۇكىل ەلدە عارىشكەر اعايلارمەن جەلىدە ءديدارلاسۋعا بولاتىن تەك بىرنەشە جەر عانا بار، شينجياڭ مۇنىڭ ىشىندە. بۇعان وڭاي - وسپاق قول جەتپەيدى. مەن، ءسوز جوق، جاقسى بەينە كورسەتىپ، كوپشىلىككە شينجياڭدىق وقۋشىلاردىڭ جىگەر - قايراتىن ايگىلەۋىم كەرەك“، - دەدى يۇلدىز،-”سوناۋ شالعاي قيىرداعى عارىشكەرمەن تىكەلەي سويلەسكەن كەزىمدە وتانىمىزدىڭ وسىنداي قۇدىرەتتى ەكەندىگىن تەرەڭ سەزىندىم، مەن مۇنى توتەنشە ماقتانىش ەتەمىن“.
”كەڭىستىك بەكەتىندە حوگو جەۋگە بولاما ؟“ دەپ نە ءۇشىن سۇراۋ قويعانىنا كەلسەك، يۇلدىزدىڭ جاۋابى اسا قاراپايىم، ”مەن تەلەۆيزوردان عارىشكەرلەردىڭ جاس كۇيىندەگى جەمىستى جەگەنىن كوردىم، مەن حوگو جەگەندى وتە ۇناتامىن، سوندىقتان كەڭىستىك بەكەتىندە حوگو جەۋگە بولا ما؟ دەپ قىزىعا سۇرادىم“.
يۇلدىز عارىشكەرمەن سويلەسكەن 23 سەكۋند ۋاقىتتا شەشەسى ءدىلنۇر توحتى دەمىن ىشىنە تارتا قىزىنا قادالا قاراپ وتىردى. ”بالامنىڭ بەينەسى وتە جاقسى بولدى“، ”بالام ءوزىن بايسالدى ۇستادى“، ”وتە كەرەمەت“... جالعانىم اياقتاعان سوڭ، ءدىلنۇر قىزىنىڭ عارىشكەرمەن سويلەسكەن كەسكىنىن ۋيچات دوستار شەڭبەرىنە جولدادى، تۋىس - تۋعان، دوس - جاراندارى ارت - ارتىنان القادى.
”كوپتەگەن ادامدار بالاڭ وسىنشاما ۇزدىك ەكەن، قالاي تاربيەلەدىڭىز؟، - دەپ سۇرادى، مەن وتباسى سالتىن جالعاستىرۋ مەن مەكتەپ تاربيەسى بىردەي ماڭىزدى دەدىم“، - دەدى ءدىلنۇر، - ”اتامىزدىڭ بالاعا جاساعان ىقپالى وتە زور بولدى“.
يۇلدىزدىڭ اتاسى يبىرايىم اۋىت كوزى تىرىسىندە شينجياڭ كوركەمونەر تەاتر ۇيىرمەسىنىڭ وپەرا ارتيسى بولاتىن، جاڭا جۇڭگو تاربيەلەگەن شينجياڭداعى ءبىرىنشى توپتاعى از ۇلت وپەرا ارتيسى.
1958 - جىلى مەملەكەت شينجياڭ جاستارى ءۇشىن ارناۋلى ”ورتالىق تەاتر شۋەيۋانىندا شينجياڭ كلاسىن“ اشتى. سول جىلى 17 جاستاعى يبىرايىم مەكتەپتىڭ ءپايزاۋات اۋدانىنا كەلىپ وقۋشى قابىلدايتىن حابارىن ەستىگەنىندە ەرەكشە اسەرلەنەدى، ول ۋاقىتتى، ورىندى سۇراستىرعاننان كەيىن ەرتە باستان بارىپ تىزىمدەلەدى. ەمتيحاننان وتكەننەن كەيىن يبىرايىم اۋىلىنان بەيجيڭگە كەلىپ، ورتالىق تەاتر شۋەيۋانى شينجياڭ كلاسىنىڭ 1 - توپتاعى وقۋشىسىنا اينالادى.
مەكتەپتەگى كەزىندە ماۋ زىدۇڭ، جوۋ ىنلاي قاتارلى پارتيا مەن مەملەكەت باسشىلارى 1 - توپتاعى ورتالىق تەاتر شۋەيۋانىنىڭ شينجياڭ كلاسىنىڭ وقۋشىلارىن قابىلدايدى ءارى ولارمەن بىرگە سۋرەتكە ءتۇسىپ، ەستەلىك قالدىرادى. بۇل قىمباتتى سۋرەتتى يبىرايىم قاشاندا ءۇيىنىڭ ەڭ كورنەكتى جەرىنە قويىپ كەلەدى.
”اكەم ءار رەت بۇل سۋرەتتى كورگەن سايىن قاتتى اسەرلەنەدى. ول ’كوممۋنيستىك پارتيا ءبىزدىڭ تاعدىرىمىزدى وزگەرتتى. ءبىز العىس ايتۋىمىز، قۇلشىنا ۇيرەنۋىمىز، قىزمەتتى جاقسى ىستەۋىمىز كەرەك ‘ دەيدى“، يۇلدىزدىڭ اپايى ميھىراي يبىرايىم ءوزىنىڭ اكەسىنىڭ ءىزىن بويلاپ كوركەمونەر جولىنا تۇسكەنىن، بۇل كۇندەرى شينجياڭ كوركەمونەر تەاترى جاسامپازدىق - زەرتتەۋ ءبولىمىنىڭ رەجيسسەرى ەكەنىن، كەزىندە 13 - كەزەكتى مەملەكەتتىك حالىق قۇرىلتايىنىڭ ۋاكىلى بولىپ سايلانعانىن ايتتى.
”پارتياعا العىس ايتۋ، پارتيانىڭ سوزىنە قۇلاق اسۋ، پارتياعا ىلەسۋ − ءبىزدىڭ وتباسىمىز ءورتىس جالعاستىرىپ كەلە جاتقان وتباسى سالتى، ونان دا ماڭىزدىسى، ءبىر ءتۇرلى قۋاتتى رۋحاني كۇش“، - دەدى ميھىراي.
”اتام كوزى تىرىسىندە ۇنەمى ماعان ءوزىنىڭ ءبىلىم جولىن قۋۋ حيكاياسىن ايتىپ بەرەتىن، ول قازىرگىدەي تاماشا تۇرمىستارىڭدى قاستەرلەڭدەر، العىس ايتا بىلۋلەرىڭ، پارتيانى، وتاندى سۇيۋلەرىڭ، ەسەيگەندە مەملەكەت ءۇشىن ۇلەس قوسۋلارىڭ كەرەك دەيتىن“. يۇلدىز بىلاي دەدى: ”اتامنان مەن ءالى كىشكەنتايمىن عوي، قايتىپ ۇلەس قوسامىن؟ دەپ سۇراعانىمدا، اتام: سەن قازىر جاقسى ۇيرەنگەندە عانا، بولاشاقتا قوعامعا جارامدى ادام بولا الاسىڭ دەيتىن“. اتاسىنىڭ ءسوزىن يۇلدىز ءالى كۇنگە دەيىن كوكەيىندە بەرىك ساقتاپ كەلەدى.
”ونىڭ ۇيرەنۋى جاقسى بولۋمەن بىرگە، ساباقتاستارىنا كومەكتەسۋگە ەرەكشە پەيىلدى“. يۇلدىزدىڭ كلاس جەتەكشىسى ماينۇر قادىر بىلاي دەپ تانىستىردى:”ول ۇنەمدەپ جيناعان اقشاسىمەن كلاسىنداعى وتباسى شارت - جاعدايى ناشار ساباقتاستارىنا كومەكتەسەدى“. بەينەسى جاقسى بولعاندىقتان، 2020 - جىلى يۇلدىز مەملەكەتتىك وزات پيونەر داڭقتى اتاعىنا يە بولدى.
”بالانىڭ ەسەيىپ - ەرجەتۋىن مەملەكەتتىڭ تاربيەلەۋى مەن وقۋ - اعارتۋ ىستەرىنە ءمان بەرۋىنەن بولە قاراۋعا كەلمەيدى“، - دەدى ءدىلنۇر. ءبىر حالىق وقىتۋشىسى رەتىندە، ول پارتيا مەن مەملەكەتتىڭ شينجياڭنىڭ وقۋ - اعارتۋ ىستەرىن زور كۇشپەن قولداعانىن تەرەڭ سەزىندى.
”مەكتەپتىڭ نەگىزدىك قۇرىلعى قۇرىلىستارى ۇزدىكسىز كەمەلدەندى، بالالاردىڭ جان - جاقتى دامۋىنا اناعۇرلىم كوڭىل بولىنەتىن بولدى... بۇلاردىڭ بارلىعى شينجياڭداعى ءار ۇلت وسپىرىمدەرىنە، بالالارىنا اناعۇرلىم جاقسى ۇيرەنۋ ورتاسى مەن ءوسىپ - جەتىلۋ كەڭىستىگىن سيلادى“. ءدىلنۇر: ”بۇل رەتكى ’اسپان - جەر ديالوگىنا‘ شينجياڭدىق كىشكەنتاي دوستى قاتىناسۋعا تاڭداۋ دا شەكارا ءوڭىردىڭ وقۋ - اعارتۋ ىستەرىنە بولعان كوڭىل ءبولۋ مەن شابىتتاندىرۋ“، - دەدى.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
