حالىق تورابىنىڭ 9 – ايدىڭ 3 – كۇنى ليجياڭنان بەرگەن حابارى (مۋ شىڭيۇي) يۇننان ولكەسى ليجياڭ قالاسىنداعى شاي وندىرەتىن نەگىزگى ءوڭىر حۋاپيڭ اۋدانىنىڭ 200 جىلدان استام ۋاقىتتان بەرى شاي ەگۋ تاريحى بار، بۇل جەردە ساپالى شاي وندىرەتىن تابيعي شارت – جاعداي تولىق. قازىر شاي كاسىبى حۋاپيڭ اۋدانىنىڭ سولتۇستىگىندەگى تاۋلى وڭىردەگى جۇرتشىلىقتىڭ كىرىسىن ارتتىرىپ، اۋقاتتاناتىن باستى كاسىپ سالاسىنىڭ ءبىرى.
ۇعىسۋعا قاراعاندا، حۋاپيڭ اۋدانى جينشاجياڭ وزەنىنىڭ ورتا بولىگىنىڭ سولتۇستىك جاعالاۋىنا ورنالاسقان، جەر جاعدايىنان العاندا باتىس سولتۇستىگى بيىك، شىعىس وڭتۇستىگى ويپاڭ، بۇكىل اۋدان تەڭىز دەڭگەيىنەن ورتا ەسەپپەن 1160 مەتر بيىكتىكتە، تيپتىك وڭتۇستىك ازيا ىستىق بەلدەۋلىك تومەن تەمپەراتۋرالى وزەن اڭعارى كليماتىنا جاتادى، جەر بەدەرىنىڭ بيىك – الاسالىق پارقى ءبىرشاما زور بولىپ، كليماتى جىلى دا دىمقىل كەلەدى، ونىڭ ۇستىنە ورگانيكالىق زاتتارعا باي قۇنالى توپىراعى شاي اعاشىنىڭ وسۋىنە توتەنشە ۇيلەسەدى ءارى شايداعى ءتۇرلى قۇندى قۇرامداردىڭ مولشەرىن جوعارىلاتۋعا ءتيىمدى، سوندىقتان بۇل جەردە وندىرىلگەن شايدىڭ ساپاسى ءبىرشاما جاقسى.
قازىر حۋاپيڭ اۋدانىندا شاي ەگىلگەن جەر كولەمى 17 مىڭ مۋ. 2020 – جىلى 6 – ايدىڭ سوڭىنا دەيىن، كوكتەمگى شايدىڭ ءونىم مولشەرى 260 توننا بولىپ، 26 ميلليون 500 مىڭ يۋاندىق ءونىم قۇنىن جاراتقان. مۇندا ايگىلى، ەرەكشە، تاڭداۋلى شايلەر 165 توننا بولىپ، ءونىم قۇنى شامامەن 16 ميلليون 800 مىڭ يۋان بولعان.
كەلۋ قاينارى: حالىق تورابى