چىن جۇنيە:
قۇنارسىز جەردەن ”ورىك“ ءوسىرىپ، باقىت جولىن اشامىن
انار بۇلت / شينجياڭ گازەتىنىڭ ءتىلشىسى ميھىرگۇل عوپۇر
2021.09.06 15:58 كەلۋ قاينارى : شينجياڭ گازەتى
تەمىر شىڭىنىڭ ەتەگىندەگى شينجياڭ ءوندىرىس - قۇرىلىس بيڭتۋانى 1 - شىسى 4 - تۋان 3 - ليانىنا بارا قالساڭىز، ماۋەلەگەن جەمىس مول ءونىمنىڭ كورىنىسىن كوز الدىڭىزعا اكەلەدى: ورىك باعىندا ساپ - سارى دياۋگانشيڭ ورىگى بۇتاقتاردا سامسىپ تۇر، ورىك ۇزگەن، ورىك تاسىعان ادامدار قايشالىسىپ ءجۇر؛ جولدا جۇك اۆتوموبيلدەرى دياۋگانشيڭ ورىگىن بۇكىل ەلدىڭ جەر - جەرىنە قاربالاس تاسىپ اكەتۋدە... ”جۇمىسشى - قىزمەتكەرلەردىڭ، بۇقارانىڭ تۇرمىسىنىڭ بارعان سايىن جاقسارعانىن كورگەنىمدە، كوڭىلىمدى بالداي ءتاتتى سەزىم بيلەيدى ، بۇدان دا كوپ بوداۋ بەرسەم دە تاتيدى“، - دەدى 8 - ايدىڭ 27 - كۇنى تۇستەن بۇرىن 3 - ليان پارتيا ياچەيكاسىنىڭ شۋجيى چىن جۇنيە تەبىرەنە.
3 - ليان قۇبا ءتۇزدىڭ جيەگىنە ورنالاسقان، جۇمىسشى - قىزمەتكەرلەر جەمىس اعاشىن ەگىپ تىرشىلىك كورەدى، ءبىراق جەر قۇنارسىز، قۇمدى بوران كۇشتى، ۇسىك اپاتى اۋىر بولعاندىقتان، جەمىس اعاشتارىنىڭ ءتۇسىمى تومەن، كىرىس از ەدى. 2016 - جىلدىڭ الدىندا بۇل اراداعى كەدەي وتباسى 24 بولىپ، 73 ادام تۇراتىن، بيڭتۋان 1 - شىسىنداعى اۋىر كەدەي ليان - دۇي بولىپ ەدى.
2016 - جىلى 37 جاستاعى چىن جۇنيە 3 - ليانعا اۋىسىپ كەلىپ، ليانجاڭ، پارتيا ياچەيكاسىنىڭ شۋجيى بولدى. ”قۇلاعىڭنىڭ تۇبىنەن گۋىلدەگەن جەل كەتپەيتىن، جەر - كوكتەن قۇم جاۋىپ تۇراتىن“، - دەپ چىن جۇنيە سول كەزدى ەسىنە ءتۇسىردى. ول ايتەۋ كەلگەن ەكەم، بوسقا كەلمەۋگە ءتيىستىمىن، شىن مانىندە بىرەر ءىس تىندىرعاندا عانا، پارتيا ۇيىمىنىڭ وزىمە دەگەن سەنىمىن اقتاي الامىن دەپ ءبىلدى.
چىن جۇنيە ارالاپ جاعداي ۇعىسۋ بارىسىندا ليان - دۇيدەگى باسىم كوپ جۇمىسشى - قىزمەتكەر، بۇقارانىڭ دياۋگانشيڭ ورىگى اعاشىن ەگەتىندىگىن، ءبىراق باپتاۋ تەحنيكاسى مەشەۋ بولعاندىقتان، باپتاماعان سوڭ ءتۇيىن سالماۋ، ءتۇيىن سالماعان سوڭ باپتالماي قالۋ سىندى قاتەرلى اينالىم قالىپتاسىپ، كوپشىلىكتىڭ بىرتىندەپ دياۋگانشيڭ ورىگىن ەگۋگە دەگەن سەنىمىن جوعالتىپ العاندىعىن بىلەدى.
بۇل جاعدايدى وزگەرتۋ ءۇشىن باتىس سولتۇستىك اۋىل شارۋاشىلىعى ورمانى عىلىم - تەحنيكا داشۋەسى ورمانشىلىق كاسىبىنەن وقۋ تاۋىسقان چىن جۇنيە ءوزىنىڭ ۇيرەنگەن بىلىمىنەن پايدالانىپ، ليان - دۇيدىڭ ءىس جۇزىندىك جاعدايىنا نەگىزدەلە وتىرىپ، دياۋگانشيڭ ورىگى اعاشىن باپتاۋ ءادىسىن بەلگىلەپ، جۇمىسشى - قىزمەتكەرلەرگە، بۇقاراعا بۇتاۋ، بۇتاق رەتتەۋ، گۇلىن سيرەتۋ، جەمىسىن سيرەتۋ تەحنيكالارىن ءبىر - بىرلەپ ۇيرەتتى. ”پارتيالى كادر رەتىندە، باستاماشىلدىقپەن ىستەۋىم كەرەك. سول كەزدە مەن 3 جىل ۋاقىت جۇمساپ، جۇمىسشى - قىزمەتكەرلەردى، بۇقارانى باستاپ كەدەيلىكتەن ارىلۋدى جۇزەگە اسىرامىن دەپ ۋادە بەرگەن ەدىم“، - دەدى چىن جۇنيە.
ءىستى باستاۋ قيىن. ”كوپشىلىك ونىمدىلىگىن كورە الماعان كەزدە قالاي تۇسىندىرسەڭ دە پايداسى بولمايدى“. چىن جۇنيە ەسكە الىپ بىلاي دەدى: سول كەزدە كەيبىر جۇمىسشى - قىزمەتكەر تۋان الاڭىن الداۋسىراتىپ، الدىمەن دياۋگانشيڭ ورىگى اعاشىن ەككەن بولىپ، كەلەسى جىلى جەر جىرتقاندا اعاشتى سۋىرىپ الىپ تاستاپ، جۇگەرى ەگىپ ءجۇردى.
چىن جۇنيە جاسي قويعان جوق، ول جۇمىسشى - قىزمەتكەر، بۇقارانىڭ ۇيىنە ىشكەرىلەي بارىپ، كوپشىلىكپەن بىرگە وتىرىپ اڭگىمەلەسىپ، ولاردىڭ ويلاعانىن، تىلەگەنىن ۇعىستى. ورىك باعىنان چىن جۇنيەنىڭ كوپشىلىكپەن بىرگە ەڭبەك ىستەپ جۇرگەن بەينەسىن ۇنەمى كورۋگە بولاتىن. ”ورىك اعاشىنا ورگانيكالىق تىڭايتقىش بەرۋ كەرەك، زياندى جاندىكتەردەن ساقتانۋ جانە ونى جويۋدا ارناۋلى ەكولوگيالىق ءدارى - دارمەك ىستەتۋ كەرەك، ابدەن پىسقان دياۋگانشيڭ ورىگىندە كوپ ءتۇرلى ورگانيكالىق قۇرامدار مەن ادام دەنەسىنە قاجەتتى ۆيتاميندەر، سونداي - اق بەيورگانيكالىق تۇز تەكتەستەر بار، ءسوز جوق، بازاردىڭ قارسى الۋىنا يە بولادى، كوپشىلىك، ءسوز جوق، سوڭىنا دەيىن تاباندى بولايىق“ دەپ چىن جۇنيە جاعى تالماي قىزمەتتى ءتۇسىندىردى.
چىن جۇنيەنىڭ قۇلشىنىسىندا، جۇمىسشى - قىزمەتكەر، بۇقارا عىلمي ەگىمشىلىك ادىستەرىن يگەرىپ الدى، ورىك باعىندا ورىك اعاشتارى ومىرشەڭدىكپەن قاۋلاي ءوستى. 2017 - جىلى 9 - ايدا قىزمەتكەر شىن تيەجۋ وتباسىنىڭ ەككەن 40 مۋ جەردەگى ورىگى اعاش بۇتاعىن مايىستىرا ۋىلجىپ پسىپ، سول جىلى 200 مىڭ يۋان كىرىس كىرگىزدى.
”200 مىڭ يۋان! قانشالىق تەبىرەنگەنىمىزدى ايتپاڭىز! دياۋگانشيڭ اعاشىن ەگۋگە سۇيەنىپ وتباسىمىز كەدەيلىك قالپاعىن الىپ تاستادى. قازىر مەن ءار كۇنى ورىك باعىنىڭ ’ىشىنەن شىعا الماي قانشا جۇرسەم‘دە شارشامايمىن“. شىن تيەجۋ كوڭىل قۋانىشىن باسا الماي ءماز بولدى.
ونەگە كورسەتكەن ۇلگىلەردىڭ جەتەكشىلىگىندە، جۇمىسشى - قىزمەتكەرلەر ىركەس - تىركەس دياۋگانشيڭ ورىگى اعاشىن ەگۋ قوسىنىنا قوسىلدى. 2018 - جىلى 3 - لياننىڭ 1960 مۋ جەردەگى دياۋگانشيڭ ورىگى اعاشى جەمىس بەرۋ مەزگىلىنە ەندى، مۋ باسىندىق ورتاشا بىرلىك ءونىم 2016 - جىلعى 100 كيلوگرامنان 600 كيلوگرام اينالاسىنا ارتىپ، جان باسىندىق جىلدىق كىرىس بۇرىنعى 3000 يۋاننان 10 مىڭ يۋان اينالاسىنا كوبەيدى. سول جىلى 3 - ليانداعى كەدەي وتباسىلار تۇگەلدەي كەدەيلىكتەن ارىلدى، چىن جۇنيە داڭقپەن ”مەملەكەتتىك كەدەيلىكتەن ارىلتۋدان قامال الۋ سيلىعى ۇلەس قوسۋ سيلىعىنا“ يە بولدى.
”كەدەيلىكتەن ارىلتۋ قىزمەتىن نىق قاداممەن ناقتى، شىنايى ىستەۋ كەرەك، قيىنشىلىقتان قورقۋعا بولمايدى، بيڭتۋان رۋحىن كۇش سالا اسقاقتاتۋ كەرەك“، - دەدى چىن جۇنيە.
قازىر ءبىر - بىرلەگەن ساپ - سارى دياۋگانشيڭ ورىگى 3 - ليان جۇمىسشى - قىزمەتكەر، بۇقاراسى ءۇشىن بايۋ جولىن توسەپ بەردى، كوپشىلىكتىڭ تۇرمىسى بارعان سايىن تۇرلەنە ءتۇستى.
چىن چۇنيە تاعى 6 وتباسىنداعى 10 ادامعا ورمان قورعاۋشى الەۋمەتتىك يگىلىك قىزمەت ورنىن ءوتىنىش ەتىپ بەرىپ، ورتا ەسەپپەن ءار ادام جىلىنا 10 مىڭ يۋاننان كىرىسىن ارتتىردى؛ جىجياڭ ولكەسى تايجوۋ قالاسى شينجياڭعا كومەكتەسۋ قولباسشىلىق شتابىنان بەلسەندىلىكپەن نىسان ءوتىنىش ەتىپ، ليان - دۇيدىڭ نەگىزدىك قۇرىلعىلار قۇرىلىسىن ۇزدىكسىز كەمەلدەندىردى؛ تۇرمىسىندا قيىنشىلىعى بار جۇمىسشى - قىزمەتكەر، بۇقاراعا ءبىر - بىرلەپ كومەكتەستى، سۇيەمەلدەدى.
بيىل 2 - ايدىڭ 25 - كۇنى چىن جۇنيە داڭقپەن ”مەملەكەتتىك كەدەيلىكتەن ارىلتۋدان قامال الۋداعى وزات جەكە“ اتاعىن الدى.
”ناتيجە كوپشىلىككە ءتان، ىستەيتىن ءىسىمىز ءالى وتە كوپ. بيىل ءبىز ولشەمدەندىرىپ باسقارۋ ارقىلى دياۋگانشيڭ ورىگىنىڭ ساپاسىن كوتەردىك، جاس كۇيىندە ساقتاۋدى جانە جىنتىكتەي وڭدەۋدى جاقسى ىستەپ، كاسىپ سالاسى تىزبەگىن ونان ارى ۇزارتتىق، سونداي - اق ەلەكتروندىق ساۋدا جولىن بەلسەندىلىكپەن قاراستىرىپ، تىكە ساتۋ مايتالماندارىن جەتىلدىرىپ، دياۋگانشيڭ ورىگى كاسىپ سالاسىن كەڭەيتىپ، زورايتىپ، اناعۇرلىم كوپ جۇمىسشى - قىزمەتكەر، بۇقارانىڭ شارۋاشىلىق قۇرىپ كىرىسىن ارتتىرۋىنا كۇش قوسىپ، تۇرمىستى بارعان سايىن شالقىتا تۇسەمىز“، - دەدى چىن جۇنيە.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
