جۇڭگو كوممۋنيستىك پارتياسى ورتالىق كوميتەتى، مەملەكەتتىك كەڭەس
«حىڭچين - گۋاڭدۇڭ - اۋمىن تەرەڭدەي سەلبەستىك جاساۋ رايونى قۇرىلىسى جالپى تۇلعالىق جوباسىن» باسىپ تاراتتى
2021.09.07 14:16 كەلۋ قاينارى : شينجياڭ گازەتى
شينحۋا اگەنتتىگىنىڭ 9 - ايدىڭ 5 - كۇنى بەيجيڭنەن بەرگەن حابارى. جۋىردا جۇڭگو كوممۋنيستىك پارتياسى ورتالىق كوميتەتى، مەملەكەتتىك كەڭەس «حىڭچين - گۋاڭدۇڭ - اۋمىن تەرەڭدەي سەلبەستىك جاساۋ رايونى قۇرىلىسى جالپى تۇلعالىق جوباسىن» باسىپ تاراتتى ءارى حابارلاندىرۋ شىعارىپ، وڭىرلەردىڭ، تاراۋلاردىڭ ءىس جۇزىندىككە بىرلەستىرىپ مۇقيات دايەكتىلەندىرۋىن، تياناقتاندىرۋىن تالاپ ەتتى.
جالپى تۇلعالىق جوبادا مىنالار ايقىن كورسەتىلدى: سەلبەستىك جاساۋ رايونىنىڭ اتقارىلاتىن كولەمى حىڭچينداۋ ارالىنىڭ ”1 - شەبى“ مەن ”2 - شەبى“ اراسىنداعى كەدەندىك باقىلاۋ - باسقارۋ اۋماعى بولىپ، جالپى جەر اۋدانى شامامەن 106 شارشى كيلومەتر. مۇنىڭ ىشىندە، حىڭچين مەن اۋمىن ەرەكشە اكىمشىلىك رايونىنىڭ اراسى ”1 - شەپ“ بولىپ قۇرىلدى؛ حىڭچين مەن جۇڭحۋا حالىق رەسپۋبليكاسى كەدەن ءوڭىرى ىشىندەگى باسقا رايوندار اراسى ”2 - شەپ“ بولىپ قۇرىلدى.
جاڭا جاعدايدا حىڭچين - گۋاڭدۇڭ - اۋمىن ىشكەرىلەي سەلبەستىك جاساۋ رايونىن اشۋدى، اشىق ۇستاۋدى ويداعىداي جۇرگىزۋ − «گۋاڭدۇڭ - شياڭگاڭ - اۋمىن ۇلكەن شىعاناق رايونىن دامىتۋ جوباسى باعدارلاماسىن» تەرەڭدەي اتقارۋداعى ءتۇيىندى شارا، ”ءبىر ەل، ەكى ءتۇزىم“ امالياتىن بايىتۋداعى كەلەلى ورنالاستىرۋ، اۋمىننىڭ ۇزاق بولاشاقتىق دامۋىنا قوسىلعان ماڭىزدى قوزعاۋشى كۇش، ول اۋمىننىڭ ۇزاق ۋاقىت كوركەيىپ - گۇلدەنۋىن، ورنىقتىلىعىن جانە مەملەكەتتىڭ دامۋ كەلەلى جاعدايىمەن توعىسۋىن ىلگەرىلەتۋگە ءتيىمدى.
جالپى تۇلعالىق جوبادا مىنالار ايقىن كورسەتىلدى: حىڭچين - گۋاڭدۇڭ - اۋمىن تەرەڭدەي سەلبەستىك جاساۋ رايونىنىڭ ستراتەگيالىق ورنى − اۋمىن ەكونوميكاسىنىڭ ۇيلەسىمدى تۇردە كوپ نەگىزدى دامۋىن جەبەۋدەگى جاڭا تۇعىر، اۋمىن تۇرعىندارىنىڭ تۇرمىس كەشىرۋىنە، جۇمىستانۋىنا قولايلىلىق جاساۋداعى جاڭا كەڭىستىك، ”ءبىر ەل، ەكى ءتۇزىم“ امالياتىن بايىتۋداعى جاڭا ۇلگى، گۋاڭدۇڭ - شياڭگاڭ - اۋمىن ۇلكەن شىعاناق رايونى قۇرىلىسىن ىلگەرىلەتۋدەگى جاڭا بەلەس.
جالپى تۇلعالىق جوباعا نەگىزدەلگەندە، 2024 - جىلعا بارعاندا اۋمىننىڭ وتان قۇشاعىنا ورالعاندىعىنا 25 جىل تولعان كەزدە گۋاڭدۇڭ مەن اۋمىننىڭ بىرگە كەڭەسۋ، بىرگە قۇرۋ، بىرگە باسقارۋ، بىرگە يگىلىكتەنۋ ءتۇزىلىس مەحانيزمىنىڭ اينالىمى ىركىلىسسىزدەنىپ، جاڭالىق اشۋ فاكتورى كورنەكتى شوعىرلانىپ، ەرەكشە كاسىپ سالاسى جەدەل دامىپ، الەۋمەتتىك قىزمەت وتەۋ جانە قوعامدىق قامتاماسىزداندىرۋ جۇيەسى اۋمىنمەن ءتارتىپتى ۇشتاستىرىلىپ، سەلبەستىك جاساۋ رايونىندا قونىستانعان، جۇمىستانعان اۋمىن تۇرعىندارى زور كولەمدە كوبەيىپ، حىڭچين مەن اۋمىندى ءبىر تۇلعالاندىرىپ دامىتۋ ارناسى العاشقى قادامدا ورناپ، اۋمىن ەكونوميكاسىنىڭ ۇيلەسىمدى، كوپ نەگىزدى دامۋىن جەبەۋدەگى تىرەكتىلىك رولى باستاپقى قادامدا كورنەكتىلەنەدى. 2029 - جىلعا بارعاندا اۋمىننىڭ وتان قۇشاعىنا ورالعاندىعىنا 30 جىل تولعان كەزدە سەلبەستىك جاساۋ رايونى اۋمىن ەكونوميكاسىمەن جوعارى دەڭگەيدە سايكەسىپ، قاعيداسى تەرەڭدەي ۇشتاسقان ءتۇزىم جۇيەسى جالپى بەتتىك تۇراقتانىپ، ءتۇرلى فاكتورلاردىڭ شەكارا اتتاپ اينالىم جاساۋى جوعارى ءونىمدى، قولايلى بولىپ، ەرەكشە كاسىپ سالاسىنىڭ دامۋىندا كولەم قالىپتاسىپ، الەۋمەتتىك قىزمەت وتەۋ جانە قوعامدىق قامتاماسىزداندىرۋ جۇيەسى ءتىپتى دە كەمەلدەنىپ، حىڭچين مەن اۋمىندى ءبىر تۇلعالاندىرىپ دامىتۋدىڭ دەڭگەيى ونان ارى جوعارىلاپ، اۋمىن ەكونوميكاسىنىڭ ۇيلەسىمدى، كوپ نەگىزدى دامۋىن جەبەۋدە كورنەكتى ونىمدىلىككە قول جەتەدى. 2035 - جىلعا بارعاندا ”ءبىر ەل، ەكى ءتۇزىمنىڭ“ توتەنشە قۋاتتى ومىرشەڭدىك كۇشى مەن ابزالدىلىعى جالپى بەتتىك كورنەكتىلەنىپ، سەلبەستىك جاساۋ رايونىنىڭ ەكونوميكالىق ناقتى قۋاتى مەن عىلىم - تەحنيكالىق باسەكەلىك كۇشى زور مولشەردە جوعارىلاپ، الەۋمەتتىك قىزمەت وتەۋ جانە قوعامدىق قامتاماسىزداندىرۋ جۇيەسى جوعارى ءونىمدى جۇمىس جۇرگىزىپ، حىڭچين مەن اۋمىندى ءبىر تۇلعالاندىرىپ دامىتۋ ءتۇزىلىس - مەحانيزمى ءتىپتى دە كەمەلدەنىپ، اۋمىن ەكونوميكاسىنىڭ ۇيلەسىمدى، كوپ نەگىزدى دامۋىن جەبەۋ نىساناسى نەگىزىنەن جۇزەگە اسىرىلادى.
جوبا 6 بولىك، 29 تارماق مازمۇندى قامتيدى. 1 - بولىك جالپى تۇلعالىق تالاپ بولىپ، وندا دامۋدىڭ نەگىزى، جەتەكشى يدەياسى، سەلبەستىك جاساۋ رايونىنىڭ كولەمى، ستراتەگيالىق ورنى جانە دامۋ نىساناسى ايقىندالعان . 2 - بولىكتەن 5 - بولىككە دەيىن نازاردى اۋمىن ەكونوميكاسىن ۇيلەسىمدى، كوپ نەگىزدى دامىتۋداعى، جەبەۋدەگى جاڭا كاسىپ سالاسىنا، اۋمىنداعى تۇرعىنداردىڭ تۇرمىس كەشىرۋىنە، جۇمىستانۋىنا قولايلى جاڭا مەكەن قۇرۋعا، اۋمىنمەن ءبىر تۇلعالانعان، جوعارى دەڭگەيدەگى ەسىك اشۋ جاڭا جۇيەسىن ورناتۋعا، گۋاڭدۇڭ مەن اۋمىننىڭ بىرگە كەڭەسۋ، بىرگە قۇرۋ، بىرگە باسقارۋ، بىرگە يگىلىكتەنۋ جاڭا ءتۇزىلىسىن اقاۋسىزداندىرۋعا شوعىرلاندىرىپ، ءبىرسىپىرا ناقتى شارالار ورتاعا قويىلدى. 6 - بولىكتە حىڭچين - گۋاڭدۇڭ - اۋمىن ىشكەرىلەي سەلبەستىك جاساۋ رايونى قۇرىلىسىنىڭ قامتاماسىز ەتۋ شارالارى ايقىندالدى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
