باقىلاۋ - باسقارۋدى ارناعا ءتۇسىرۋ مەن دامۋدى جەبەۋگە بىردەي ءمان بەرۋدە، ەكى جاعىن دا قاتاڭ يگەرۋدە تاباندى بولۋ كەرەك
«حالىق گازەتىنىڭ» شولۋشىسى
2021.09.08 16:47 كەلۋ قاينارى : حالىق تورابى
ءبىر مەزگىلدەن بەرى قاتىستى تاراۋلار تۇعىر ەكونوميكاسى، تاربيەلەۋ - باۋلۋ، ينفورماتسيا حاۋىپسىزدىگى سياقتى كوپتەگەن سالاداعى باقىلاۋ - باسقارۋ شارالارىن ىركەس - تىركەس شىعاردى. وسى ءبىرقىدىرۋ باقىلاۋ - باسقارۋ شارالارى − بازار ءتارتىبىن ارناعا ءتۇسىرۋ، جاڭا دامۋ جاعدايىن ورناتۋ، ساپالى دامۋدى ىلگەرىلەتۋ ستراتەگيالىق تۇرعىسىن شىعار ءتۇيىن ەتىپ، ءادىل باسەكەلى بازار ورتاسىنىڭ قالىپتاسۋىن جەبەپ، تۇتىنۋشىلاردىڭ ۇقىق - مۇددەسىن اناعۇرلىم ويداعىداي قورعاۋداعى ناقتى ارەكەت، كۇردەلى دە قۇبىلمالى جاعدايدا دامۋ مەن حاۋىپسىزدىكتى، ونىمدىلىك پەن ادىلدىكتى، ومىرشەڭدىك كۇش پەن ءتارتىپتى، ەل ءىشى مەن حالىقارانى ءبىر تۇتاس جوسپارلاپ، سوتسياليستىك بازار شارۋاشىلىعى ءتۇزىلىسىن كەمەلدەندىرۋدەگى پارمەندى شارا.
پارتيانىڭ 18 - قۇرىلتايىنان بەرى پارتيا ورتالىق كوميتەتى مونوپوليالاۋعا، ورىنسىز باسەكەگە قارسى تۇرۋدى ارقاۋ ەتىپ، ءبىرقىدىرۋ كەلەلى شەشىمدەر مەن ورنالاستىرۋلار جاساپ، ءادىل باسەكە ءتۇزىمىن كەمەلدەندىرىپ، بازاردى باقىلاۋ - باسقارۋ تۇزىلىسىنە رەفورما جاساپ، مونوپوليالاۋعا قارسى باقىلاۋ - باسقارۋدى كۇشەيتىپ، جوعارى ولشەمدى بازار جۇيەسى قۇرىلىسىن ىلگەرىلەتىپ، ءبىر تۇتاس اشىق، باسەكەلى، ءتارتىپتى بازار جۇيەسىنىڭ قالىپتاسۋىن ىلگەرىلەتتى. كەيبىر تۇعىر كاسىپورىندارىندا ورىن تەۋىپ وتىرعان «جابايى ءوسۋ»، ءتارتىپسىز كەڭەيتۋ سياقتى كورنەكتى ماسەلەلەرگە مەڭزەس، قاتىستى تاراۋلار پارتيا ورتالىق كوميتەتىنىڭ شەشىمدەرى مەن ورنالاستىرۋلارىن باتىل دايەكتىلەندىرىپ، تياناقتاندىرىپ، مونوپوليالاۋعا قارسى باقىلاۋ - باسقارۋ تەبىنىن ارتتىرىپ، قاتىستى تۇعىر كاسىپورىندارىنىڭ مونوپوليالاۋ جانە جوسىقسىز باسەكە ارەكەتتەرىن زاڭ بويىنشا تەكسەرىپ ءبىر جاقتى ەتىپ، كاپيتالدىڭ ءتارتىپسىز كەڭەيۋىنەن ساقتانۋدا العاشقى ناتيجەگە قول جەتكىزدى، بازاردىڭ ءادىل باسەكە ءتارتىبى ورنىقتى جاقساردى.
جاڭا دامۋ جاعدايىن جەدەل قالىپتاستىرۋ − ءبىزدىڭ بولاشاق دامۋدىڭ ىرىقتىلىق ۇقىعىن يگەرۋدەگى ستراتەگيالىق شارامىز، بۇل بولجاۋعا بولاتىن جانە بولجاۋعا بولمايتىن ءتۇرلى اساۋ تولقىنداردا تىرشىلىك قۋاتىمىزدى، باسەكەلىك قۋاتىمىزدى، دامۋ قۋاتىمىزدى، باياندىلىق قۋاتىمىزدى ارتتىرۋ ءۇشىن بولىپ تابىلادى. دامۋ مەن حاۋىپسىزدىكتى ءبىر تۇتاس جوسپارلاۋدا تاباندى بولىپ، تومەنگى شەكتە ويلاۋدى كۇشەيتىپ، ولقىلىقتاردى تولىقتىرۋعا، ءالسىز بۋىنداردى كۇشەيتۋگە باسا ءمان بەرىپ، العاشقى قادامدى ويداعىداي باسىپ، ىرىقتى شايقاستى ويداعىداي جۇرگىزىپ، ءتۇرلى حاۋىپ - قاتەر مەن سىن - سايىستان ءونىمدى ساقتانعاندا جانە ونى جويعاندا عانا، جاڭا دامۋ جاعدايىنىڭ حاۋىپسىزدىك تومەنگى شەگىن ساقتاۋعا بولادى. بۇل بىزدەن سوتسياليستىك بازار شارۋاشىلىعى ءتۇزىلىسىن جەدەل كەمەلدەندىرىپ، تۇعىر ەكونوميكاسى، عىلىم - تەحنيكادا جاڭالىق اشۋ، ينفورماتسيا حاۋىپسىزدىگى، حالىق تۇرمىسىن قامتاماسىز ەتۋ سياقتى ءتۇيىندى سالالاردى ارقاۋ ەتىپ، جان - جاقتى، كوپ ساتىلى، سترەولدى باقىلاۋ - باسقارۋ جۇيەسىن جەدەل ورناتىپ، باقىلاۋ - باسقارۋ ساڭلاۋلارىن بىتەپ، باقىلاۋ - باسقارۋ ونىمدىلىگىن جوعارىلاتۋدى تالاپ ەتەدى.
باقىلاۋ - باسقارۋدى ارناعا ءتۇسىرۋ مەن دامۋدى جەبەۋگە بىردەي ءمان بەرۋدە، ەكى جاعىن دا قاتاڭ يگەرۋدە تاباندى بولۋ كەرەك. ەرەجەنى ايقىنداپ، تومەنگى شەك بەلگىلەپ، «قىزىل، جاسىل شىراقتى» ويداعىداي ورناتۋداعى ماقسات كاسىپورىنداردى پارتيانىڭ باسشىلىعىنا بويسۇنۋعا، ەكونوميكالىق، قوعامدىق دامۋدىڭ جالپى جاعدايىنا بويسۇنۋعا جانە وعان قىزمەت ەتۋگە جەتەكتەپ، كاسىپورىنداردىڭ عىلىم - تەحنيكا العاباسارلىعىن جەبەۋ، بازار شارۋاشىلىعىن گۇلدەندىرۋ، حالىق تۇرمىسىنا قولايلىلىق جاساۋ، حالىقارالىق باسەكەگە قاتىناسۋ بارىسىندا بەلسەندى رول اتقارۋىنا دەم بەرۋ جانە قولداۋ كورسەتۋ بولىپ تابىلادى. مەملەكەت باسەكەسىنىڭ جاڭا ابزالدىعىن قالىپتاستىرۋ ستراتەگيالىق تۇرعىسىن شىعار ءتۇيىن ەتىپ، دامۋدى ارناعا ءتۇسىرۋ، باقىلاۋ - باسقارۋدى كۇشەيتۋ اناعۇرلىم اقاۋسىز، اناعۇرلىم باياندى، اناعۇرلىم ۇزاق بولاشاقتىق دامۋدى جەبەۋ ءۇشىن بولىپ تابىلادى، بۇل قاتىستى كاسىپورىنداردىڭ حالىقارالىق باسەكەگە اناعۇرلىم ويداعىداي قاتىناسۋىنا قولداۋ كورسەتىپ، ارناعا ءتۇسىرۋ، جاڭالىق اشۋ، اقاۋسىز، باياندى دامۋدى جۇزەگە اسىرۋدا ماڭىزدى رول اتقارادى. سوتسياليستىك بازار شارۋاشىلىعى، ءمانى جاعىنان العاندا، زاڭمەن باسقارىلاتىن شارۋاشىلىق، زاڭمەن باسقارىلاتىن شارۋاشىلىقتىڭ ماندىك تالابى − زاڭدىلىقتى يگەرۋ، زاڭدىلىققا قۇرمەت ەتۋ. جوعارى ولشەمدى بازار جۇيەسىن ورناتىپ، ءادىل باسەكە ءتۇزىمىن كەمەلدەندىرىپ، سوتسياليستىك بازار شارۋاشىلىعىنىڭ ءونىمدى اينالىمىنىڭ ءتۇزىلىس نەگىزىن بەكەمدەگەندە ءتۇرلى كاپيتالدىڭ، سالالاردىڭ جۇيەلى، اقاۋسىز دامۋىن اناعۇرلىم بەرىك قامتاماسىز ەتۋگە بولادى.
پارتيامىزدىڭ نەگىزگى ەكونوميكالىق تۇزىمدە تاباندى بولۋ جونىندەگى كوزقاراسى ايقىن، دايەكتى، ودان ەشقاشان اۋىتقىعان جوق. پارتيانىڭ 18 - قۇرىلتايىنان بەرى پارتيا ورتالىق كوميتەتى «ەكىدەن تيتتەي دە اۋىتقىماۋدا» تاباندى بولىپ، حالىقتىق شارۋاشىلىقتىڭ دامۋىن سۇيەمەلدەيتىن ءبىرقىدىرۋ رەفورما شارالارىن شىعارىپ، حالىقتىق كاسىپورىنداردىڭ دامۋىنا تاماشا زاڭمەن جونگە سالۋ ورتاسىن جانە تيجارات - ساۋدا ورتاسىن ازىرلەپ، حالىقتىق كاسىپورىنداردىڭ دامۋ ومىرشەڭدىگىن، سەنىمىن جانە جىگەرىن اناعۇرلىم كۇشەيتتى. ۇكىمەت قۇرىلىمدارىن ىقشامداپ، ۇقىقتى تومەنگە بەرۋدى ىشكەرىلەي ىلگەرىلەتىپ، ءادىل باسەكەلى بازار ورتاسىنىڭ قالىپتاسۋىن جەبەپ، ءتۇرلى بازار تۇلعالارىنا، اسىرەسە، ورتا، شاعىن كاسىپورىندارعا كەڭ دامۋ ءورىسىن اشىپ، بازار تۇلعالارىنىڭ ومىرشەڭدىك كۇشىن قورعادى جانە تاسقىنداتتى، بازار تۇلعالارى 2012 - جىلعى 55 ميلليوننان قازىرگى 146 ميلليونعا جەتىپ، 1.7 ەسەگە جۋىق ارتتى؛ بازار تۇلعالارىنىڭ قيىنشىلىعىن شەشۋ تەبىنىن ارتتىرىپ، قازىنا - سالىق، قوعامدىق قامتاماسىزداندىرۋ، فينانس، بازار ءتارتىبى سياقتى كوپ جاقتان ءبىرقىدىرۋ سۇيەمەلدەۋ ساياسات - شارالارىن شىعارىپ، بازار تۇلعالارىنىڭ قيىن وتكەلدەن وتۋىنە، كۇش توپتاۋىنا دەم بەردى. اماليات جالپىلىق مەنشىككە جاتپايتىن شارۋاشىلىقتىڭ ەلىمىزدىڭ ەكونوميكالىق، قوعامدىق دامۋىنداعى ورنى مەن رولىنىڭ وزگەرمەگەنىن تولىق دالەلدەدى! جالپىلىق مەنشىككە جاتپايتىن شارۋاشىلىقتىڭ دامۋىنا تيتتەي دە اۋىتقىماستان دەم بەرۋ، قولداۋ كورسەتۋ، جەتەكشىلىك ەتۋ باعىت - ساياساتتارى وزگەرگەن جوق! جالپىلىق مەنشىككە جاتپايتىن شارۋاشىلىقتىڭ دامۋىنا تاماشا ورتا جاراتۋعا جانە اناعۇرلىم كوپ وراي جاراتۋعا كۇش سالاتىن باعىت - ساياساتتار وزگەرگەن جوق! جاڭا جاعدايدا ءبىز «ەكىدەن استە اۋىتقىماۋدا» تاباندى بولىپ، حالىقتىق شارۋاشىلىقتىڭ، شەتەل ساۋداگەرلەرى قارجى قوسقان كاسىپورىنداردىڭ دامۋىن قولدايتىن زاڭمەن جونگە سالۋ ورتاسىن، ورتا، شاعىن كاسىپورىنداردىڭ دامۋىن قولداۋ ءتۇزىمىن اقاۋسىزداندىرىپ، ءتۇرلى مەنشىك تۇلعالارى بايلىق فاكتورلارىنان زاڭ بويىنشا تەڭ پايدالاناتىن، باسەكەگە اشىق، ءادىل ات سالىساتىن، زاڭنىڭ قورعاۋىندا بولاتىن بازار ورتاسىن قالىپتاستىرۋىمىز كەرەك. شىعارىلعان باقىلاۋ - باسقارۋ ساياساتى بارىنە بىردەي قارايدى، زاڭعا قايشى جانە بەلگىلەمەگە قايشى ارەكەتتەرگە باعىتتالادى، استە ەرەكشە كاسىپ سالاسىنا نەمەسە كاسىپورىنعا باعىتتالمايدى.
سىرتقا ەسىك اشۋ − جۇڭگونىڭ نەگىزگى مەملەكەت ساياساتى، ودان قاي - قاشان دا اۋىتقۋعا بولمايدى. جاڭا دامۋ جاعدايىندا جۇڭگو اشىق ەسىگىن ونان ارى ايقارا اشىپ، دۇنيە جۇزىندەگى ءار ەلمەن دامۋ ورايىنان بىرگە يگىلىكتەنەدى. دۇنيە ءجۇزى ەكونوميكاسىنىڭ ورنىقسىزدىعى مەن تۇراقسىزدىعى كورنەكتى كۇشەيدى، سىڭار جاقتىلىق، قورعانىمپازدىق، ۇشقارىلىق ءورشىپ كەلەدى، جۇڭگونىڭ سىرتقا ەسىك اشۋى توقتاعان جوق، ونىڭ ۇستىنە ەسىك اشۋدى كەڭەيتەتىن ءبىرقىدىرۋ ساياساتتىق شارالاردى العا قويدى، بۇل شەتەل ساۋداگەرلەرى قارجى قوسۋ زاڭىن جانە ونى اتقارۋ ەرەجەسىن جاپپاي اتقارۋ، شەتەل ساۋداگەرلەرىنىڭ قارجى قوسۋىنا رۇقسات ەتۋدىڭ شەكتەلگەن سالالار تىزىمدىگىن ونان ارى ازايتۋ، فينانستىڭ بازارعا كىرۋىنە رۇقسات ەتۋدى ورنىقتى كەڭەيتۋ، حاينان ەركىن ساۋدا پورتى قۇرىلىسىنىڭ جالپى تۇلعالىق جوباسىن شىعارۋ، شىنجىن مەن پۋدۇڭنىڭ رەفورما جاساپ، ەسىك اشۋ شارالارىن كۇشەيتۋ، قىزمەت وتەۋ ساۋداسىنىڭ جاڭالىق اشا دامۋىن تۇيىندە سىناق ەتۋدى تەرەڭدەتۋ سياقتىلاردى قامتيدى. بيىل الدىڭعى 7 ايدا بۇكىل ەل بويىنشا ناقتى پايدالانىلعان شەتەل قارجىسى 672 ميلليارد 190 ميلليون يۋان بولىپ، سايكەس مەزگىلدەگىدەن %25.5 ارتتى، شەتەل ساۋداگەرلەرىنىڭ جۇڭگوداعى قارجى قوسۋ مەجەسى مەن سەنىمى جالپى جاقتان ورنىقتى بولىپ، ورنىقتىلىق بارىسىندا جاقساردى. حالىقارالىق قارجى قوسۋشىلار: «جۇڭگو كاسىپورىنشىلار رۋحىن قولداپ كەلەدى ءارى شەتەل قارجى قوسۋشىلارىنا ۇزدىكسىز بازار اشادى» دەپ بۇكپەسىز ايتتى. بولاشاققا بەت العاندا، جۇڭگو جوعارى دەڭگەيدەگى سىرتقا ەسىك اشۋدى تاباندىلىقپەن ىلگەرىلەتىپ، شەتەل قارجىسىنىڭ زاڭدى ۇقىق - مۇددەسىن قورعاپ، ىشكى - سىرتقى قارجىلى كاسىپورىنداردىڭ ءادىل باسەكەسىن جەبەپ، مال - مۇلىك ۇقىعى مەن ءبىلىم مەنشىك ۇقىعىن قورعاپ، ساياساتتىڭ جاريالىلىعى مەن بولجامپازدىعىن كۇشەيتىپ، جان - جاقتى، كوپ ساتىلى، كەڭ سالالى جاپپاي ەسىك اشۋدىڭ جاڭا جاعدايىن قالىپتاستىرادى.
جاڭا دامۋ كەزەڭىن تياناق ەتىپ، جاڭا دامۋ ۇستانىمىن دايەكتىلەندىرىپ، جاڭا دامۋ جاعدايىن قالىپتاستىرىپ، جوعارى ولشەمدى بازار جۇيەسىن قۇرىپ، ءادىل باسەكە ءتۇزىمىن كەمەلدەندىرۋ بازار تۇلعالارىنىڭ دامۋ ومىرشەڭدىك كۇشىن تاسقىنداتۋعا ءتيىمدى، بۇل قوعامدىق وندىرگىش كۇشتەردىڭ دامۋىنا ءتيىمدى بارلىق كۇش قاينارىن تولىق اشۋعا مۇمكىندىك جاراتادى. جۇيەلى دامۋ اقاۋسىز دامۋدى جەبەۋ ءۇشىن، ەلىمىزدىڭ ۇزاق ۋاقىتتىق ەكونوميكالىق ساياسات باعىتى وزگەرگەن جوق. سوتسياليستىك نەگىزگى ەكونوميكالىق تۇزىمدە تاباندى بولىپ جانە ونى كەمەلدەندىرىپ، دامۋ مەن حاۋىپسىزدىكتى، ەسىك اشۋدى جانە حاۋىپسىزدىكتى ءبىر تۇتاس جوسپارلاپ، اناعۇرلىم تولىسقان سوتسياليستىك بازار شارۋاشىلىعى ءتۇزىلىسىن دامىتىپ، بازاردىڭ بايلىقتى ورنالاستىرۋداعى شەشۋشى رولىن تولىق ساۋلەلەندىرىپ، ۇكىمەتتىڭ رولىن اناعۇرلىم ويداعىداي ساۋلەلەندىرىپ، قامداۋ جاعىنداعى قۇرىلىمدىق رەفورمانى نەگىزگى جەلى ەتۋدە تاباندى بولىپ، وسىزاماندانعان ەكونوميكالىق جۇيەنى جەدەل قۇرىپ، ەكونوميكانىڭ ساپالى دامۋىن ىلگەرىلەتكەندە عانا جۇڭگو ەكونوميكاسىنىڭ الىپ كەمەسى، ءسوز جوق، تولقىن جارىپ، نىق قاداممەن الىسقا جەتە الادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
