سىرتقى ىستەر مينيسترلىگى: سىرتقا ەسىك اشۋ سىندى نەگىزگى مەملەكەت ساياساتى ەشقاشان وزگەرمەيدى
2021.09.09 13:38 كەلۋ قاينارى : حالىق تورابى
شينحۋا اگەنتتىگىنىڭ ءتىلشىسى ۋىن شين، ما جويان 9 – ايدىڭ 8 – كۇنى بەيجيڭنەن حابارلايدى. سىرتقى ىستەر مينيسترلىگىنىڭ مالىمدەمەشىسى ۋاڭ ۋىنبيننىڭ 9 – ايدىڭ 8 – كۇنى ايتۋىنشا، جۇڭگو ۇكىمەتىنىڭ مونوپولياعا قارسى تۇرۋدى باقىلاۋ – باسقارۋ تەبىنىن كۇشەيتۋى زاڭعا، قاعيداعا ساي جۇرگىزىلگەن. سىرتقا ەسىك اشۋ — جۇڭگونىڭ نەگىزگى مەملەكەت ساياساتى، ەشقاشان دا وزگەرمەيدى.
ا ق ش – نداعى كەيبىرەۋلەردىڭ جۇڭگو ۇكىمەتىنىڭ بازاردى باقىلاۋ – باسقارۋدى كۇشەيتكەن شارالارى بازارداعى حاۋىپ – قاتەردى ارتتىرۋى مۇمكىن دەگەنىنە باعىتتاي وتىرىپ، ۋاڭ ۋىنبين سول كۇنى وتكىزىلگەن تىلشىلەردى قابىلداۋ ماجىلىسىندە مىنانى ءبىلدىردى: جۇڭگو ۇكىمەتىنىڭ مونوپوليالاۋعا قارسى باقىلاۋ – باسقارۋ تەبىنىن ارتتىرىپ، ۇيلەسىمسىز باسەكەلىك ارەكەتتەردى انىقتاپ ءبىرجاقتى ەتىپ، بازارداعى ءادىل باسەكە ءتارتىبىن قورعاۋى زاڭ بويىنشا اتقارىلىپ قالماستان، قاعيداعا دا ساي كەلەدى، بۇل كوپتەگەن مەملەكەتتىڭ ەكونوميكالىق ارەكەتتەردى باسقارۋدا ۇنەمى قولداناتىن ءادىسى.
«بۇل جۇڭگو ەكونوميكاسىنىڭ ءادىل، ءتارتىپتى، باياندى ارتۋى مەن دامۋىن تۇبىرىنەن ىلگەرىلەتۋگە ءتيىمدى، دۇنيە ءجۇزى ەكونوميكاسىنىڭ دامۋىنا دا ۇزاق ۋاقىت بويى ءتيىمدى بولادى. بارشا جۇڭگولىق – شەتەلدىك قارجىگەرلەر، تيجاراتشىلار جانە تۇتىنۋشىلار تۇبىندە وسىدان پايداعا كەنەلەدى»، — دەدى ۋاڭ ۋىنبين، بۇل جونىندە تۇسىنىستىك پەن قولداۋ كورسەتكەن حالىقارالىق قۇرىلىمدار مەن ەكونوميكا سالاسىنداعىلاردىڭ قاتارى بارعان سايىن مولايۋدا.
ۋاڭ ۋىنبين مىنانى اتاپ كورسەتتى: سىرتقا ەسىكتى اشىق ۇستاۋ — جۇڭگونىڭ نەگىزگى مەملەكەت ساياساتى، ەشقاشان دا وزگەرمەيدى. ءىس جۇزىندە، جۇڭگونىڭ جوعارى ورەدە سىرتقا ەسىك اشۋ قادامى بارعان سايىن ارشىنداي تۇسۋدە. جۋىردا ءتوراعا شي جينپيڭ بۇكىل ەلىمىز بويىنشا شەكارا اتتاعان ساۋدالىق قىزمەت وتەۋ جاعىنداعى جاعىمسىز جاعدايلار تىزىمدىگى ءتۇزىمىن اتقارۋ ىلگەرىلەتىلەتىنىن، بەيجيڭ قاتارلى جەرلەردە حالىقارالىق جوعارى ورەدەگى ەركىن ساۋدا كەلىسىمشارتىنىڭ قاعيدالارىن ۇشتاستىرۋ الدىمەن سىناق ەتىلەتىنىن جاريالادى. مەملەكەتتىك كەڭەس «ەركىن ساۋدا سىناق رايونىنداعى ساۋدالىق قارجىلاندىرۋدى قولايلىلاندىرۋ رەفورماسىندا جاڭالىق جاراتۋ جونىندەگى ءبىرقىدىرۋ شارالاردى» جاريالاپ، ساۋدا، قارجىلاندىرۋ، حالىقارالىق زات اينالىمى جانە فينانستىق قىزمەت وتەۋ قاتارلى ناقتى تۇلعالىق ەكونوميكانىڭ قولايلىلىق دارەجەسىن جوعارىلاتتى. «حىڭچين گۋاڭدۇڭ – اۋمىن ىشكەرىلەي سەلبەستىك ورناتۋ رايونى قۇرىلىسىنىڭ جالپى تۇلعالىق جوباسى»، «چيانحاي – شىنجىن – شياڭگاڭ وسىزامانعى قىزمەت وتەۋ كاسىبى سەلبەستىك رايونى رەفورما جاساپ، ەسىك اشۋ جوباسى» اشىق جاريالانىپ، جوعارى ورەدە سىرتقا ەسىك اشىق ۇستاۋ جاڭا ءتۇزىلىسىن كوركەيتۋ، ساۋدا ورتاسىن جاقسارتۋ جاقتارىندا جاڭا نىسانانى ورتاعا قويدى.
«جۇڭگو جاقتىڭ شەتەلدىك قارجىگەرلەردىڭ جۇڭگوعا كەلىپ قارجى قوسىپ، كاسىبىن دامىتۋىن اناعۇرلىم ويداعىداي قامتاماسىزداندىراتىنىن، ءارقايسى جاقتارمەن بىرگە اشىق سەلبەستىك ورناتۋعا، ءوزارا تيىمدىلىك جەتكىزىپ، بىرگە يگىلىكتەنۋگە، دامۋ ورايىنان ورتاق يگىلىكتەنۋگە، دۇنيە ءجۇزى ەكونوميكاسىنىڭ جاندانۋى مەن ارتۋىن بىرگە ىلگەرىلەتۋگە تاباندى بولاتىنىن باسا دارىپتەيمىن»، — دەدى ۋاڭ ۋىنبين.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
