بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

شي جينپيڭ بريكس ەلدەرى باسشىلارىنىڭ 13 - رەتكى ديدارلاسۋىنا قاتىناستى ءارى ماڭىزدى ءسوز سويلەدى

2021.09.10 16:14     كەلۋ قاينارى : حالىق تورابى

بريكس ەلدەرى باسشىلارىنىڭ 13 - رەتكى ديدارلاسۋى 9 - ايدىڭ 9 - كۇنى كەشتە بەينە ەكران تاسىلىمەن وتكىزىلدى. مەملەكەت ءتوراعاسى شي جينپيڭ بەيجيڭدە ديدارلاسۋعا قاتىناستى ءارى ماڭىزدى ءسوز سويلەدى. سۋرەتتى شينحۋا اگەنتتىگىنىڭ ءتىلشىسى حۋاڭ جيڭۋىن تۇسىرگەن

  ■ قازىر جاڭا تيپتى ايدارشا ۆيرۋس وكپە قابىنۋ ىندەتى ءالى دە دۇنيە جۇزىندە بەلەڭ بەرۋدە، دۇنيە ءجۇزى ەكونوميكاسىنىڭ قالپىنا كەلۋى قيىن دا بۇراڭ بولۋدا، حالىقارالىق ءتارتىپتىڭ وزگەرىسى تەرەڭ دە كۇردەلى بولۋدا. سىن - سايىس الدىندا، بريكس ەلدەرى جاۋاپكەرلىكتى ايگىلەپ، دۇنيە ءجۇزىنىڭ بەيبىتشىلىگى مەن دامۋىنا بەلسەندى ۇلەس قوسىپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋى كەرەك

  ■ قازىرگى جاعدايدا ءبىز سەنىمدى بەكەمدەپ، ىنتىماقتى كۇشەيتىپ، بريكس ەلدەرىنىڭ ناقتى سەلبەستىگىنىڭ اناعۇرلىم ساپالى بەتالىسقا قاراي ىلگەرىلەۋىن ىلگەرىلەتۋىمىز كەرەك. 5 باستامانى العا قويامىن: ءبىرىنشى، تار جول، تايعاق كەشۋلەردەن بىرگە وتۋدە تاباندى بولىپ، الەۋمەتتىك دەنساۋلىق ساقتاۋ سەلبەستىگىن كۇشەيتۋ كەرەك. ەكىنشى، ادىلدىكتە، ۇيلەسىمدىلىكتە تاباندى بولىپ، ۆاكسينا جاعىنداعى حالىقارالىق سەلبەستىكتى كۇشەيتۋ كەرەك. ءۇشىنشى، ءوزارا پايدا جەتكىزىپ، تەڭ يگىلىككە كەنەلۋدە تاباندى بولىپ، ەكونوميكالىق سەلبەستىكتى كۇشەيتۋ كەرەك. ءتورتىنشى، ادىلدىك پەن ادىلەتتىلىكتە تاباندى بولىپ، ساياسي حاۋىپسىزدىك سەلبەستىگىن كۇشەيتۋ كەرەك. بەسىنشى، ءوزارا ۇيرەنۋدە، ءوزارا ۇلگى الۋدا تاباندى بولىپ، گۋمانيتارلىق اۋىس - كۇيىستى، سەلبەستىكتى كۇشەيتۋ كەرەك

  شينحۋا اگەنتتىگى، 9 - ايدىڭ 9 - كۇنى، بەيجيڭ. بريكس ەلدەرى باسشىلارىنىڭ 13 - رەتكى ديدارلاسۋى 9 - ايدىڭ 9 - كۇنى كەشتە بەينەەكران تاسىلىمەن وتكىزىلدى. جۇڭگونىڭ مەملەكەت ءتوراعاسى شي جينپيڭ، وڭتۇستىك افريكانىڭ زۇڭتۇڭى راماپوسا، برازيليانىڭ زۇڭتۇڭى بولسونارو، رەسەيدىڭ زۇڭتۇڭى پۋتين قاتىناستى، ءۇندىستاننىڭ زۇڭليى مودي ديدارلاسۋدى باسقاردى.

  شي جينپيڭ بىلاي دەپ اتاپ كورسەتتى: بيىل − بريكس ەلدەرى سەلبەستىگىنىڭ 15 جىلدىعى. 15 جىلدان بەرى 5 ەل اشىق، سيىسىمدى بولۋدا، تەڭ تۇرعىدا مامىلە جاساۋدا تاباندى بولىپ، ستراتەگيالىق قاتىناس پەن ساياسي ءوزارا سەنىمدىلىكتى ارتتىرىپ، ءبىر - ءبىرىنىڭ قوعامدىق ءتۇزىمى مەن دامۋ جولىنا قۇرمەت ەتىپ، مەملەكەت پەن مەملەكەتتىڭ دۇرىس تا تاتۋ جولىن ۇزدىكسىز قاراستىردى؛ ناقتى ىستەر ىستەپ، جاڭالىق اشۋدا، سەلبەسىپ تەڭ يگىلىككە كەنەلۋدە تاباندى بولىپ، دامۋ ساياساتىن ۇشتاستىرىپ، ءبىرىن - ءبىرى تولىقتاۋ ابزالدىعىن ساۋلەلەندىرىپ، ءار سالاداعى ناقتى سەلبەستىكتى تىڭعىلىقتى ىلگەرىلەتىپ، بىرگە دامۋ جولىندا ۇدەرە العا تارتتى؛ ادىلدىك پەن ادىلەتتىلىكتە تاباندى بولىپ، وزگەنى كوڭىل تۇكپىرىنە قويىپ، كوپ جاقتىلىقتى قولداپ، دۇنيە ءجۇزىن جونگە سالۋعا ات سالىسىپ، حالىقارالىق ساحناداعى نەمقۇرايدى قاراۋعا بولمايتىن ماڭىزدى كۇشكە اينالدى. بيىل جىل باسىنان بەرى 5 ەل جاڭا تيپتى ايدارشا ۆيرۋس وكپە قابىنۋ ىندەتىنىڭ ىقپالىن جەڭىپ، بريكس ەلدەرى سەلبەستىگىنىڭ دامۋ ارىنىن ساقتاپ، كوپتەگەن سالادا تىڭ ىلگەرىلەۋشىلىككە قول جەتكىزدى. اماليات مەيلى قانداي قيىنشىلىققا جولىقساق تا، ءبىر نيەت، ءبىر تىلەكتە بولىپ، ءبىر جاعادان باس، ءبىر جەڭنەن قول شىعارساق بولعانى، بريكس ەلدەرىنىڭ سەلبەستىگى ورنىقتى، شىنايى بولىپ، ۇزاققا جالعاساتىنىن دالەلدەدى.

  شي جينپيڭ «بريكس ەلدەرى قول ۇستاسا سەلبەسىپ، ورتاق سايىستارعا توتەپ بەرەيىك» دەگەن تاقىرىپتا ماڭىزدى ءسوز سويلەدى.

  شي جينپيڭ بىلاي دەپ اتاپ كورسەتتى: قازىر جاڭا تيپتى ايدارشا ۆيرۋس وكپە قابىنۋ ىندەتى ءالى دە دۇنيە جۇزىندە بەلەڭ بەرۋدە، دۇنيە ءجۇزى ەكونوميكاسىنىڭ قالپىنا كەلۋى قيىن دا بۇراڭ بولۋدا، حالىقارالىق ءتارتىپتىڭ وزگەرىسى تەرەڭ دە كۇردەلى بولۋدا. سىن - سايىس الدىندا، بريكس ەلدەرى جاۋاپكەرلىكتى ايگىلەپ، دۇنيە ءجۇزىنىڭ بەيبىتشىلىگى مەن دامۋىنا بەلسەندى ۇلەس قوسىپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋى كەرەك.

  − ءبىز ناعىز كوپ جاقتىلىقتى امالياتتا ايگىلەۋدى ىلگەرىلەتىپ، بىرلەسكەن مەملەكەتتەر ۇيىمى ۋستاۆىنىڭ باستى ماقساتى مەن پرينسيبىنە قاتاڭ بويسۇنىپ، بىرلەسكەن مەملەكەتتەر ۇيىمىن ۇيىتقى ەتكەن حالىقارالىق جۇيە مەن حالىقارالىق زاڭدى نەگىز ەتكەن حالىقارالىق ءتارتىپتى قورعاۋىمىز كەرەك.

  − ءبىز دۇنيە ءجۇزىنىڭ ىنتىماقتاسا وتىرىپ ىندەتكە قارسى اتتانۋىن ىلگەرىلەتىپ، ىندەتكە قول ۇستاسا توتەپ بەرىپ، تەگىن عىلمي جولمەن انىقتاۋدا تاباندى بولىپ، ساياسيلاندىرۋعا، اتقا داق سالۋعا قارسى تۇرىپ، بىرلەسىپ قورعانۋدى، بىرلەسىپ تىزگىندەۋدى كۇشەيتىپ، بۇكىل دۇنيە ءجۇزى بويىنشا الەۋمەتتىك ءونىم سانالاتىن ۆاكسينانى زەرتتەپ اشۋدى، ءوندىرۋدى، ءادىل بولىسكە سالۋدى جەبەۋىمىز كەرەك.

  − ءبىز اشىق ۇستالاتىن، جاڭالىق اشۋ نەگىزىندەگى ارتۋدى ىلگەرىلەتىپ، دۇنيە ءجۇزى ەكونوميكاسىنىڭ ورنىقتى قالپىنا كەلۋىنە دەم بەرىپ، دۇنيە جۇزىلىك ساۋدا ۇيىمىن ىرگە تاس ەتكەن كوپ جاقتى ساۋدا ءتۇزىلىسىن قورعاپ، عىلىم - تەحنيكا دامۋىنىڭ ەڭ جاڭا جەتىستىكتەرىنەن بارلىق ەلدى يگىلىكتەندىرىپ، ەكونوميكانىڭ جاھاندانۋىنىڭ اناعۇرلىم اشىق، سيىسىمدى، جالپىعا ءتيىمدى، بارابار بولۋ، تەڭ يگىلىككە كەنەلۋ باعىتىنا قاراي دامۋىن ىلگەرىلەتۋىمىز كەرەك.

  − ءبىز بىرگە دامۋدى ىلگەرىلەتىپ، حالىقتى وزەك ەتكەن دامۋ يدەياسىندا تاباندى بولىپ، 2030 - جىلعا دەيىنگى باياندى دامۋ كەڭەستىك ءتارتىبىن جاپپاي تياناقتاندىرۋىمىز كەرەك. ورتاق، ءبىراق پارىقتى بولۋ سىندى جاۋاپكەرلىك پرينسيبىنە ساي، كليمات وزگەرىسىنە بەلسەنە توتەپ بەرىپ، جاسىل، تومەن كومىرتەكتى بولۋعا بۇرىلىس جاساۋدى جەبەپ، تازا، كوركەم دۇنيەنى بىرگە قۇرۋىمىز كەرەك.

  شي جينپيڭ بىلاي دەپ دارىپتەدى: قازىرگى جاعدايدا ءبىز سەنىمدى بەكەمدەپ، ىنتىماقتى كۇشەيتىپ، بريكس ەلدەرىنىڭ ناقتى سەلبەستىگىنىڭ اناعۇرلىم ساپالى بەتالىسقا قاراي ىلگەرىلەۋىن ىلگەرىلەتۋىمىز كەرەك. شي جينپيڭ 5 باستامانى العا قويدى.

  ءبىرىنشى، تار جول، تايعاق كەشۋلەردەن بىرگە وتۋدە تاباندى بولىپ، الەۋمەتتىك دەنساۋلىق ساقتاۋ سەلبەستىگىن كۇشەيتۋ كەرەك. ءتيىستى ساياسي جاۋاپكەرلىكتى ارقالاپ، ىندەتكە قارسى اتتانۋ قۇلشىنىسىن قولداپ، ىندەت ينفورماتسياسىنان ورتاق يگىلىكتەنىپ، ىندەتكە قارسى اتتانۋ تاجىريبەلەرىن اۋىستىرۋ كەرەك. ۆاكسينانى بىرلەسىپ زەرتتەۋ - اشۋ، سەلبەسىپ ءوندىرۋ، ولشەمدى ءوزارا مويىنداۋ سياقتى سالالاردا ناقتى سەلبەستىك ورىستەتىپ، بريكس ەلدەرىنىڭ ۆاكسينا زەرتتەۋ - اشۋ ورتالىعىنىڭ جەلىدە جەدەل ىسكە قوسىلۋىن ىلگەرىلەتۋ كەرەك. ءداستۇرلى ءدارى - دارمەك سەلبەستىگىن كۇشەيتىپ، ىندەتكە قارسى اتتانۋعا اناعۇرلىم كوپ ءتاسىل ازىرلەۋ كەرەك.

  ەكىنشى، ادىلدىكتە، ۇيلەسىمدىلىكتە تاباندى بولىپ، ۆاكسينا جاعىنداعى حالىقارالىق سەلبەستىكتى كۇشەيتۋ كەرەك. جۇڭگو جاق قاجەت ەتەتىن ەلدەرگە ۆاكسينا جاعىنان جانە سايكەستى تەحنيكا بويىنشا قولداۋ كورسەتىپ، ۆاكسينانىڭ ءادىل ءبولىسىن جەبەۋگە، دۇنيە ءجۇزىنىڭ ىندەتكە قارسى اتتانۋ سەلبەستىگىن كۇشەيتۋگە بەلسەندى ۇلەس قوسادى. قازىرگە دەيىن جۇڭگو 100 دەن استام مەملەكەت پەن حالىقارالىق ۇيىمدى ءبىر ميلليارد دانادان استام ۆاكسينا جانە اۋەلگى سۇيىقتىقپەن قامدادى، تۇتاس جىلدا سىرتقا 2 ميلليارد دانا ۆاكسينا بەرۋگە قۇلشىنادى. مەن «جاڭا تيپتى ايدارشا ۆيرۋس ۆاكسيناسى اتقارۋ جوسپارىنا» 100 ميلليون دوللار جىلۋ اتاۋ نەگىزىندە، جىل ىشىندە جۇڭگونىڭ تاعى دا وركەندەپ كەلە جاتقان ەلدەرگە 100 ميلليون دانا ۆاكسينانى بوداۋسىز جىلۋعا بەرەتىنىن جاريالايمىن.

  ءۇشىنشى، ءوزارا پايدا جەتكىزىپ، تەڭ يگىلىككە كەنەلۋدە تاباندى بولىپ، ەكونوميكالىق سەلبەستىكتى كۇشەيتۋ كەرەك. «بريكس ەلدەرىنىڭ 2025 – جىلعا دەيىنگى ەكونوميكالىق سەرىكتەستىك ستراتەگياسىن» ويداعىداي تياناقتاندىرىپ، ساۋدا جانە قارجى قوسۋ، عىلىم - تەحنيكادا جاڭالىق اشۋ، جاسىل، تومەن كومىرتەكتى بولۋ سياقتى سالالارداعى سەلبەستىكتى كەڭەيتۋ كەرەك. جۇڭگو بريكس ەلدەرىنىڭ كليمات وزگەرىسىنە توتەپ بەرۋ جونىندەگى جوعارى دارەجەلى ءماجىلىسىن، بريكس ەلدەرىنىڭ باياندى دامۋى جونىندەگى ءىرى ساندى مالىمەت تالقى مىنبەرىن وتكىزۋدى دارىپتەيدى. بريكس ەلدەرى جاڭا اشۋ بانكەسىنىڭ مۇشەلەردى كوبەيتۋدە ماندىك ىلگەرىلەۋشىلىككە قول جەتكىزۋىن قارسى الامىز، بانكەنىڭ مۇشەلەردىڭ دامۋىن قولداۋ جانە دۇنيە جۇزىلىك ەكونوميكا، فينانس ىستەرى جاعىندا اناعۇرلىم زور رول اتقارۋىن ءۇمىت ەتەمىن. بريكس ەلدەرىنىڭ جاڭا ونەركاسىپ توڭكەرىسى سەرىكتەستىك قاتىناسى بويىنشا شيامىنداعى جاڭالىق اشۋ بازاسى رەسمي ىسكە قوسىلدى، بريكس ەلدەرى ۇكىمەتتەرىنىڭ قاتىستى تاراۋلارى مەن ونەركاسىپ - ساۋدا سالالارىنىڭ بەلسەنە ات سالىسۋىن قارسى الامىن.

  ءتورتىنشى، ادىلدىك پەن ادىلەتتىلىكتە تاباندى بولىپ، ساياسي حاۋىپسىزدىك سەلبەستىگىن كۇشەيتۋ كەرەك. بريكس ەلدەرىنىڭ ستراتەگيالىق سەرىكتەستىك قاتىناسىن بەكەمدەپ، ءبىر - ءبىرىنىڭ وزەكتى مۇددەسىنە ساياتىن ماسەلەلەردە ءبىرىن - ءبىرى قولداپ، يەلىك ۇقىقتى، حاۋىپسىزدىكتى، دامۋ مۇددەسىن بىرگە قورعاۋ كەرەك. سىرتقى ىستەر مينيسترلەرىنىڭ ديدارلاسۋى، حاۋىپسىزدىك ىستەرى جونىندەگى جوعارى دارەجەلى ۋاكىلدەر ءماجىلىسى سياقتى مەحانيزمدەردەن ويداعىداي پايدالانىپ، كەلەلى حالىقارالىق جانە وڭىرلىك ماسەلەلەر جونىندە تۇرعىنى سايكەستىرۋدى كۇشەيتىپ، بريكس ەلدەرىنىڭ ءۇنىن ءتىپتى دە نىعايتۋ كەرەك.

  بەسىنشى، ءوزارا ۇيرەنۋدە، ءوزارا ۇلگى الۋدا تاباندى بولىپ، گۋمانيتارلىق اۋىس - كۇيىستى، سەلبەستىكتى كۇشەيتۋ كەرەك. جۇڭگو جاق بريكس ەلدەرىنىڭ كاسىپتىك وقۋ - اعارتۋ وداعىن قۇرىپ، كاسىپتىك شەبەرلىك جارىسىن وتكىزۋ باستاماسىن كوتەرەدى. جۇڭگو جاق تاعى بريكس ەلدەرىنىڭ ەل باسقارۋ جونىندەگى زەرتتەۋ - تالقى ءماجىلىسى مەن گۋمانيتارلىق اۋىس - كۇيىس تالقى مىنبەرىن وتكىزىپ، 5 ەلدىڭ اقپارات قۇرالدارىنا قاراتىلعان جەلىدەگى تاربيەلەۋ كۋرسىن اشادى. كەلەر جىلدىڭ باسىندا جۇڭگو بەيجيڭ قىسقى وليمپياداسىن، مۇگەدەكتەر قىسقى وليمپياداسىن وتكىزەدى، بريكس ەلدەرىنىڭ دۇنيە جۇزىندەگى ءار ەل سپورت ساڭلاقتارىمەن ءبىر ساحنادا ونەر كورسەتىپ، تاماشا ناتيجەگە قول جەتكىزۋىن ءۇمىت ەتەمىن.

  شي جينپيڭ بىلاي دەپ دارىپتەدى: كورەگەن ادام جاعدايعا قاراي وزگەرەدى، ءبىلىمدى ادام ىسكە قاراي ىستەيدى. ءبىز بريكس ەلدەرى سەلبەستىگىن ىلگەرىلەتۋ جولىندا ءداۋىردىڭ وزگەرىسىنە سايكەسىپ، داۋىرمەن بىرگە العا باسۋىمىز كەرەك. ءبىزدىڭ بىرگە قۇلشىنۋىمىزدىڭ ارقاسىندا بريكس مەحانيزمىنىڭ، ءسوز جوق، تىڭ تىرشىلىك تىنىسى مەن ومىرشەڭدىك كۇشىن ايگىلەي الاتىنىنا سەنەمىن ( ءسوزدىڭ تولىق مازمۇنىن «حالىق گازەتىنىڭ» 2 – بەتىنەن وقي الاسىزدار).

  شي جينپيڭ بىلاي دەپ اتاپ كورسەتتى: كەلەر جىلى جۇڭگو بريكس ەلدەرىنىڭ ءتوراعا ەلى مىندەتىن ۇستىنە الىپ، بريكس ەلدەرى باسشىلارىنىڭ 14 - رەتكى ديدارلاسۋىن وتكىزەدى. جۇڭگو جاق بريكس سەرىكتەرىمەن بىرگە ءار سالاداعى سەلبەستىكتى جاپپاي تەرەڭدەتىپ، اناعۇرلىم تىعىز، اناعۇرلىم ناقتى سەرىكتەستىك قاتىناس ورناتىپ، ورتاق سايىسقا توتەپ بەرىپ، كوركەم بولاشاق اشۋدى ءۇمىت ەتەدى.

  5 ەلدىڭ باسشىلارى «بريكس ەلدەرىنىڭ 15 جىلدىعى: بريكس سەلبەستىگىن ورىستەتىپ، جالعاستىرۋ، بەكەمدەۋ جانە ورتاق تانىمدى جەبەۋ» نەگىزگى تاقىرىبىن ارقاۋ ەتىپ، ىشكەرىلەي اۋىس - كۇيىس جاسادى، «بريكس ەلدەرى باسشىلارىنىڭ 13 - رەتكى ديدارلاسۋىنىڭ جاڭا دەلي جارناماسىن» ماقۇلدادى.

  5 ەلدىڭ باسشىلارى بريكس ەلدەرى سەلبەستىگىنىڭ 15 جىلدان بەرى قول جەتكىزگەن تابىستارىن تولىق تۇراقتاندىرىپ، بىلاي دەپ قارادى: بيىل جىل باسىنان بەرى بۇرىن - سوڭدى بولماعان سىن - سايىس پەن كۇردەلى حالىقارالىق جاعداي الدىندا 5 ەل قول ۇستاسا وتىرىپ جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانىپ، ءار سالاداعى سەلبەستىكتىڭ مول تابىستارعا قول جەتكىزۋىن ىلگەرىلەتىپ، جاڭادان گۇلدەنگەن ەكونوميكالىق تۇلعالاردىڭ ورنىن جوعارىلاتتى، ۇزدىكسىز بىرگە قۇلشىنىپ، بريكس ەلدەرىنىڭ ستراتەگيالىق سەرىكتەستىك قاتىناسىن تەرەڭدەتىپ، بريكس ەلدەرى سەلبەستىگىنىڭ اناعۇرلىم كوپ ناقتى جەتىستىكتەرگە قول جەتكىزۋىن ىلگەرىلەتۋدى قالايمىز. 5 ەلدىڭ باسشىلارى مىنانى ءبىلدىردى: دۇنيە ءجۇزىنىڭ ىنتىماقتاسا وتىرىپ ىندەتكە قارسى اتتانۋىن ۇزدىكسىز ىلگەرىلەتىپ، ۆيرۋستىڭ قاينارىن ىزدەۋدى ساياسيلاندىرۋعا قارسى تۇرامىز، الەۋمەتتىك دەنساۋلىق ساقتاۋ جانە ۆاكسينا سەلبەستىگىن كۇشەيتىپ، ۆاكسينانىڭ ءادىل ءبولىنۋىن، قولجەتىمدى بولۋىن ىلگەرىلەتىپ، دۇنيە ءجۇزى ەكونوميكاسىنىڭ پارمەندى قالپىنا كەلۋىن جەبەپ، 2030 - جىلعا دەيىنگى باياندى دامۋ نىساناسىن قۇلشىنا جۇزەگە اسىرۋدى قالايمىز. ءارقايسى جاق كوپ جاقتىلىق پەن حالىقارالىق قاتىناستىڭ نەگىزگى ولشەمىن قولداپ، سىڭار جاقتىلىققا، زورەكەرلىككە قارسى تۇرىپ، ءار ەلدىڭ ءبىر - ءبىرىنىڭ تاۋەلسىزدىگىنە، يەلىك ۇقىعىنا جانە بارابارلىعىنا ءوزارا قۇرمەت ەتۋدى دارىپتەپ، كەلەلى حالىقارالىق جانە وڭىرلىك ماسەلەلەر جونىندە پىكىرلەسۋدى، سايكەسۋدى كۇشەيتىپ، كليمات وزگەرىسىنە تىزە قوسا توتەپ بەرىپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋدى قايتالاي پايىمدادى. برازيليا، رەسەي، ءۇندىستان جانە وڭتۇستىك افريكا جۇڭگونىڭ بەيجيڭ قىسقى وليمپيادا سپورت جارىسىن، مۇگەدەكتەر قىسقى وليمپيادا سپورت جارىسىن وتكىزۋىن قولدادى، جۇڭگونىڭ 2022 - جىلعى بريكس ەلدەرىنىڭ ءتوراعا ەلى قىزمەتىن جانە بريكس ەلدەرى باسشىلارىنىڭ 14 - رەتكى ديدارلاسۋىن وتكىزۋىن قولدادى.

  5 ەلدىڭ باسشىلارى تاعى بريكس ەلدەرىنىڭ قاتىستى مەحانيزمدەرى جاۋاپتىلارىنىڭ قىزمەت بايانداماسىن تىڭدادى.

  ديڭ شۋەشياڭ، ياڭ جيەچى، ۋاڭ ي، حى ليفىڭ قاتارلىلار ديدارلاسۋعا قاتىناستى.

  كەلۋ قاينارى: حالىق تورابى
بريكس ەلدەرى باسشىلارىنىڭ 13 - رەتكى ديدارلاسۋى 9 - ايدىڭ 9 - كۇنى كەشتە بەينە ەكران تاسىلىمەن وتكىزىلدى. مەملەكەت ءتوراعاسى شي جينپيڭ بەيجيڭدە ديدارلاسۋعا قاتىناستى ءارى ماڭىزدى ءسوز سويلەدى. وڭتۇستىك افريكانىڭ زۇڭتۇڭى راماپوسا، برازيليانىڭ زۇڭتۇڭى بولسونارو، رەسەيدىڭ زۇڭتۇڭى پۋتين قاتىناستى، ءۇندىستاننىڭ زۇڭليى مودي ديدارلاسۋدى باسقاردى. سۋرەتتى شينحۋا اگەنتتىگىنىڭ ءتىلشىسى يۋە يۋەۋەي تۇسىرگەن

جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار