قورعاس قالاسى زەردەلى الەۋمەتتىك اۋماق تۇعىرىنا سۇيەنىپ بۇقاراعا دالمە - ءدال قىزمەت وتەدى
جونگە سالۋ زەردەلىلەنۋگە وزگەرىپ، قىزمەت وتەۋ بارىنشا قولايلىلاستى
انار بۇلت/شينجياڭ گازەتىنىڭ ءتىلشىسى جازيرا نەسىپبەك، ەرىكتى ءتىلشى فان تيڭجۇن
2021.09.13 13:25 كەلۋ قاينارى : شينجياڭ گازەتى
”لي اپەكە، قونىستانۋ كۋالىگىن بىتىرمەكشى بولساڭىز، قىزىل ءتۇستى وكىلەتتى ءبىتىرۋشى قىزمەتكەر دەگەندى ءتۇرتىپ، سوڭىنان وكىلەتتى ءبىتىرۋشى قىزمەتكەر ليۋ جياڭدى تاڭداڭىز، قالعانىنا باس اۋىرتپاي - اق قويساڭىز بولدى. مەن تۇستەن كەيىن قىزمەتتەن تۇسەردەن بۇرىن قونىستانۋ كۋالىگىن ۇيىڭىزگە اپارىپ بەرەمىن“، - دەدى 9 - ايدىڭ 7 - كۇنى قورعاس قالاسى قاراسۋ ءمالىسى قاراسۋ الەۋمەتتىك اۋماعىنىڭ كادرى ليۋ جياڭ الەۋمەتتىك اۋماقتىڭ تۇرعىنى لي شياڭليگە.
لي شياڭلي الەۋمەتتىك اۋماقتا قونىستانۋ كۋالىگىن ءبىتىرۋدىڭ وسىنشاما قولايلى بولارىن ويلاماعان ەدى، ول قۋانعانىنان: ”جارايدى! جارايدى! جارايدى!“، - دەي بەردى.
بۇل لي شياڭليدى ريزا ەتكەن ينتەرنەتتەگى جۇمىس ءبىتىرۋ فورماسى ەدى، بۇل ليۋ جياڭدى دا قۋانتتى. ”قازىر تۇرعىنداردىڭ ۋايىمداعان ىستەرىن شەشۋىنە كومەكتەسۋ وتە قولايلى بولدى. تۇرعىندار الەۋمەتتىك اۋماققا تەلەفون بەرىپ، ينتەرنەت جەلىسىندە الدىن الا كەلىسىپ قويسا بولعانى، ءبىز ينتەرنەتتە ولارعا كومەكتەسىپ جاڭا تۋعان بوبەكتەردى قامسىزداندىرۋىنا قاتىناستىرۋ، جۇمىستانۋ، شارۋاشىلىق قۇرۋ قوسىمشا قاراجاتىن الۋ سياقتى ءتۇرلى جۇمىستارىن وكىلەتتى ءبىتىرىپ بەرەمىز، بۇل ەكى جاقتىڭ ۋاقىتىن ۇنەمدەپ قانا قويماي، قىزمەت ونىمدىلىگىن دە جوعارىلاتتى“، - دەدى ليۋ جياڭ.
2018 - جىلدان باستاپ قاراسۋ الەۋمەتتىك اۋماعى نەگىزگى ساتى قوعامدىق جونگە سالۋ فورماسىندا جاڭالىق اشىپ، ۇيىمداستىرۋ، ۇگىتتەۋ، قىزمەت وتەۋ، ەلەكتروندى ساۋدا، زەردەلىلەنگەن ىندەتتەن ساقتانۋ، قوعامدىق جونگە سالۋ، ساندى مالىمەتتەرگە تالداۋ جاساۋ سىندى 7 ۇلكەن يقۋاتى شوعىرلى ءبىر تۇلعالانعان قاراسۋ زەردەلىلەنگەن الەۋمەتتىك اۋماق ۋيچات الەۋمەتتىك ءنومىرىن ىستەتە باستادى. بۇل تۇعىر تۇرعىنداردى ينتەرنەت جەلىسىندە توركوزدەندىرىپ باسقارۋ قىزمەت وتەۋ فورماسىن ورناتۋ ارقىلى ۇلكەن ساندى مالىمەتتەن پايدالانىپ، بۇقاراعا تۇيىننەن تۇيىنگە دەيىن دالمە - ءدال قىزمەت وتەپ، جونگە سالۋدى زەردەلىلەندىرىپ، نەگىزگى ساتى كادرلارىنىڭ قولىن بوساتىپ، اۋىرتپالىعىن جەڭىلدەتىپ، ولاردىڭ اناعۇرلىم كوپ ۋاقىتى مەن زەيىن - زەردەسىن بۇقاراعا ناقتى ءىس ىستەۋگە، جاقسى ءىس ىستەۋگە جۇمساۋىنا مۇمكىندىك جاسادى. كەزەكتە تەك ”قىزىل ءتۇستى وكىلەتتى ءبىتىرۋ“ سىندى وسى يقۋاتتىڭ وزىنەن بۇقاراعا 200دەن استام جۇمىس ءبىتىرىپ بەرىپ، 3000 نەشە ادامدى (رەت) يگىلىككە كەنەلتتى.
سونىمەن بىرگە، قاراسۋ الەۋمەتتىك اۋماعى زەردەلىلەنگەن الەۋمەتتىك اۋماق تۇعىرىنا سۇيەنىپ، زەردەلىلەنگەن ىندەتتەن ساقتانۋ - تىزگىندەۋدى بار كۇشپەن جولعا قويىپ، ۇلكەن ساندى مالىمەتكە تالداۋ جاساۋ يقۋاتىن تۇرعىنداردىڭ دەنە تەمپەراتۋراسىن يكەمدى قاداعالاپ، تۇرمىستاعى باسقان - تۇرعان جەرلەرىن جەدەل ءبىر - بىرلەپ اداقتاۋعا، قالىپسىز جاعدايلاردان الدىن الا ساقتاندىرۋعا پايدالانىپ، الەۋمەتتىك اۋماق قىزمەتكەرلەرى مەن تۇرعىنداردىڭ تىكە جاقىنداسۋىن ازايتتى، قىزمەت تە اناعۇرلىم دالمە - ءدال، جوعارى ءونىمدى بولدى.
ينتەرنەت جەلىسىندە دەنە تەمپەراتۋراسىن جازىپ مالىمدەۋ يقۋاتى ”زەردەلىلەنگەن“ ىندەتتەن ساقتانۋدىڭ ءبىر ءتۇرلى ءتاسىلى. بۇل ءتاسىل تۇرعىنداردىڭ دەنە تەمپەراتۋراسىن يكەمدى قاداعالاۋعا، باسقارۋعا قولايلىلىق تۋدىردى. ەگەر تۇرعىنداردىڭ دەنە تەمپەراتۋراسىندا قالىپسىزدىق بايقالسا، الەۋمەتتىك اۋماق قىزمەتكەرلەرى ەڭ الدىمەن ينفورماتسيا قابىلداپ، ىندەتتەن ساقتانۋ - تىزگىندەۋ تالابىنا ساي كەيىنگى قىزمەتتەردى ورىستەتەدى، بۇل ىندەتتەن ساقتانۋ - تىزگىندەۋدىڭ ”ەرتە بايقاۋ“ قابىلەتىن جوعارىلاتتى. قازىر زەردەلىلەنگەن الەۋمەتتىك اۋماق تۇعىرى ارقىلى دەنە تەمپەراتۋراسىن كۇنىنە جازىپ مالىمدەيتىن تۇرعىندار 5000نان اسىپ، تۇرعىنداردى قامتۋ مولشەرى ％100كە جەتتى.
”بۇل مەنىڭ ۇدايى 379 كۇن ينتەرنەت جەلىسىندە دەنە تەمپەراتۋرامدى جازىپ مالىمدەۋىم، 4500 ءنومىر جيىپپىن. ءار كۇنى ينتەرنەت جەلىسىندە دەنە تەمپەراتۋرامدى مالىمدەيمىن، قولايلى، تەز ءارى سيلىققا دا يە بولامىن، بۇعان ادەتتەنىپ تە قالىپپىن“، - دەدى قاراسۋ الەمەتتىك اۋماعىنىڭ تۇرعىنى لي سىيوۋ.
”ءبىزدىڭ قاراستى اۋماعىمىزدا جىلجىمالى جان سانى ％84تى ۇستايدى، باسقارۋ ءبىرشاما قيىن، تاياۋدا زەردەلىلەنگەن الەۋمەتتىك اۋماق تۇعىرىندا جىلجىمالى جان سانىن مالىمدەۋ يقۋاتى قوسىلدى“. قاراسۋ الەۋمەتتىك اۋماعى جاپپاي جونگە سالۋ ورتالىعىنىڭ مەڭگەرۋشىسى ۋاڭ چيانجىن بىلاي دەدى: ”ۇگىتتەۋ - جەتەكتەۋ، جيىنتىق نومىرگە سيلىق بەرۋ ارقىلى تۇرعىندار ىرىقتىلىقپەن بايقايتىن ءارى جىلجىمالى جان سانىنىڭ ينفورماتسياسىن جوعارىعا مالىمدەيتىن بولدى، بۇل ءبىزدىڭ قىزمەت اۋىرتپالىعىمىزدى جەڭىلدەتتى“.
”زەردەلىلەنگەن“ جونگە سالۋ ارقىلى قاراسۋ الەۋمەتتىك اۋماعىندا ءبىرىن - ءبىرى تەجەيتىن، ءبىرىن - ءبىرى شابىتتاندىراتىن، بارلىق ادام ءنومىر جياتىن، بارلىق وتباسى ات سالىساتىن، بارلىق عيماراتتاعىلار جاراسىمدى وتەتىن تاماشا جاعداي قالىپتاستى.
”مەنىڭ بايلانىس جاساۋشى ادامدارىم ورتا ەسەپپەن 10 نەشە مىڭ ءنومىر جيعاندىقتان، مەن اقىرى بەس جۇلدىز دارەجەلى وتباسىلارمەن بايلانىس جاساۋشى باستىقتار قاتارىنا كوتەرىلدىم“، - دەدى قاراسۋ الەۋمەتتىك اۋماعىنىڭ وتباسىلارمەن بايلانىس جاساۋشى باستىعى ما چۇنلان، - ”قازىر كورشىلەر جەكە باسىنىڭ، وتباسىنىڭ، بايلانىس جاساۋشى وتباسىنىڭ ءنومىرىن جيناۋىنا بارعان سايىن كوڭىل قوياتىن بولدى، كوپشىلىك الەۋمەتتىك اۋماقتىڭ قۇرىلىسىنا ىرىقتىلىقپەن ات سالىسىپ، ءنومىر جيۋدى ىرىقتىلىقپەن ءوتىنىش ەتىپ، الەۋمەتتىك اۋماقتى كوپشىلىكتىڭ وتباسىنداي كورىپ، ءار ادام ءوز رولىن ساۋلەلەندىرۋدە“.
قاراسۋ الەۋمەتتىك اۋماعى تۇرعىنداردىڭ ينتەرنەت جەلىسىندە ءنومىر جيۋ ءتۇزىمىن باسقارۋ جۇيەسىنىڭ دەڭگەيىن دە ۇزدىكسىز جوعارىلاتىپ، تۇرعىنداردىڭ ارەكەتىن 12 ۇلكەن ءتۇر بويىنشا 200 تۇرگە جىكتەپ، تۇرعىنداردى ”360 گرادۋس“ وركەنيەتتى ارەكەتتى اتقارۋعا جەتەكتەدى؛ ءنومىر جيۋدى باسقارۋ فورماسىندا جاڭالىق اشىپ، ايلىق، ماۋسىمدىق، جىلدىق جانە جەكە، وتباسى، بايلانىس جاساۋشى وتباسى، الەۋمەتتىك اۋماق جيعان ءنومىردى رەتكە تۇرعىزۋ فورماسىن جولعا قويدى، اسىرەسە، بايلانىس جاساۋشى وتباسىنىڭ جيىنتىق ءنومىر جيناۋىندا، كورشىلەر اراسىندا سالىستىرا ۇيرەنۋ، باسىپ وزۋ قويۋ رايى قالىپتاستى. كەزەكتە جيىنتىق ءنومىرى 10 مىڭنان اسقان تۇرعىنداردىڭ ۇستاعان ۇلەسى 2020 - جىلدىڭ سوڭىنداعى ％12تەن ％47كە جوعارىلادى؛ بەس جۇلدىز دارەجەلى بايلانىس جاساۋشى وتباسىلارىنىڭ سالىستىرماسى ％12.13تەن ％37.08كە جوعارىلادى.
”الەۋمەتتىك اۋماق تۇرعىندارىنىڭ جيىنتىق ءنومىر ءتۇزىمى بويىنشا باسقارۋ نەگىزگى ساتىنىڭ قوعامدىق جونگە سالۋ جۇيكە ۇشىن جانداندىرىپ، تۇرعىنداردىڭ ورتاق ات سالىسىپ، بىرگە جونگە سالۋ ىشكى قوزعاۋشى كۇشىن تاسقىنداتىپ، نەگىزگى ساتى الەۋمەتتىك اۋماعىنا اناعۇرلىم زور ءوزىن باسقارۋ ءورىسىن ازىرلەپ، الەۋمەتتىك اۋماق تۇرعىندارىنىڭ ءوزىن باسقارۋ ۇقىعىنىڭ ورنىنا كەلۋىن جەبەپ، ’اۋىرتپالىقتى جەڭىلدەتىپ، ونىمدىلىكتى ارتتىرۋ، ۇقىقتى كەڭەيتىپ، يقۋاتتى ارتتىرۋداي‘ الەۋمەتتىك اۋماقتى جونگە سالۋ ونىمدىلىگىن جۇزەگە اسىردى“، - دەدى قورعاس قالاسى قاراسۋ ءمالىسى پارتيا قىزمەتى كوميتەتىنىڭ شۋجيى شۇي حۇڭ.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
