بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

جەر سىلكىنىسىنە قارسى اتتانىپ، اپاتتان قۇتقارۋ ۇلى رۋحىن بارىنشا ساۋلەلەندىرەيىك

ـــــ جۇڭگو كوممۋنيستەرىنىڭ رۋحاني شەجىرەسى تۋرالى (17)

«حالىق گازەتىنىڭ» شولۋشىسى

2021.09.13 15:35     كەلۋ قاينارى : حالىق تورابى

  2008 – جىلى 5 - ايدىڭ 12 - كۇنى سىچۋان ولكەسىنىڭ ۋىنچۋان اۋدانىندا 8.0 بال ەرەكشە اۋىر جەر سىلكىنىسى تۋىلدى. پارتيا ورتالىق كوميتەتىنىڭ، مەملەكەتتىك كەڭەستىڭ جانە ورتالىق اسكەري ىستەر كوميتەتىنىڭ باسشىلىعىندا، ءبىز تاريحتا قۇتقارۋ قارقىنى ەڭ تەز، جۇمىلدىرۋ كولەمى ەڭ كەڭ، قارجى قوسۋ قۋاتى ەڭ زور جەر سىلكىنىسىنە قارسى اتتانىپ، اپاتتان قۇتقارۋ كۇرەسىن ورىستەتىپ، اپاتقا ۇشىراعان بۇقارانىڭ ءومىرىن مۇمكىندىكتىڭ بارىنشا قۇتقارىپ، اپاتتان تۋىلعان زياندى بارىنشا ازايتىپ، جەر سىلكىنىسىنە قارسى اتتانىپ، اپاتتان قۇتقارۋ كۇرەسىنىڭ كەلەلى جەڭىسىنە قول جەتكىزىپ، جۇدىرىقتاي جۇمىلىپ، ەل بىرلىگىنەن قامال تۇرعىزۋ، جاپا - ماشاقاتتان، حاۋىپ - قاتەردەن قورىقپاۋ، نە ءبىر بۇرالاڭدىقتان تايسالماۋ، ادامدى نەگىز ەتىپ، عىلىمعا قۇرمەت ەتۋ سىندى جەر سىلكىنىسىنە قارسى اتتانىپ، اپاتتان قۇتقارۋ ۇلى رۋحىن قالىپتاستىردىق. 2013 - جىلى 5 - ايدىڭ 2 - كۇنى باس شۋجي شي جينپيڭ لۋشانداعى جەر سىلكىنىسىنە قارسى اتتانىپ، اپاتتان قۇتقارۋ قىزمەتى جونىندە ماڭىزدى نۇسقاۋ بەرگەندە بىلاي دەپ دارىپتەدى: «جەر سىلكىنىسىنە قارسى اتتانىپ، اپاتتان قۇتقارۋ ۇلى رۋحىن بارىنشا ساۋلەلەندىرىپ، ءار دارەجەلى پارتيا ۇيىمدارىنىڭ باسشىلىق ۇيىتقىلىق جانە جاۋىنگەر قامالدىق رولىن، قالىڭ پارتيا مۇشەلەرىنىڭ اتويشى ۇلگىلىك رولىن بارىنشا ساۋلەلەندىرۋ كەرەك».

  سىچۋان ولكەسىنىڭ ۋىنچۋان اۋدانىنداعى ەرەكشە اۋىر جەر سىلكىنىسى جاڭا جۇڭگو قۇرىلعاننان بەرگى ويرانداۋ قۋاتى ەڭ كۇشتى، شارپۋ كولەمى ەڭ كەڭ، اپاتتان قۇتقارۋ قيىندىعى ەڭ زور ءبىر رەتكى جەر سىلكىنىسى بولدى. توسىن تۋىلعان ەرەكشە اۋىر جەر سىلكىنىسى اپاتى الدىندا بۇكىل پارتيا، بۇكىل ارميا، بۇكىل ەلدەگى ءار ۇلت حالقى جۇدىرىقتاي جۇمىلىپ، قيىنشىلىقتان تايسالماي، قايسارلىقپەن كۇرەس جۇرگىزدى. ورتالىقتان تارتىپ جەرگىلىكتى ءار دارەجەلى پارتكومدار مەن ۇكىمەتتەرگە دەيىن پارمەندى باسشىلىق ەتىپ، عىلمي قولباسشىلىق ەتىپ، اپاتقا ۇشىراعان رايونداعى حالىقپەن باستان - اياق جۇرەكتەس، تىنىستاس، تاعدىرلاس بولدى؛ اپاتقا ۇشىراعان رايونداعى ءار دارەجەلى پارتكومدار مەن ۇكىمەتتەر ابىرجىماي، بايىپپەن قولباسشىلىق ەتتى، ءار دارەجەلى كادرلار كەۋدە كەرىپ العا شىعىپ، اتويلاپ الدا ءجۇرىپ، بۇقارانى باستاپ قايعىنى قايراتقا اينالدىرىپ، قيراندىدان ەرلىكپەن ەڭسە كوتەرىپ، تىرەكتىك رولىن تولىق ساۋلەلەندىردى؛ حالىق ازاتتىق ارمياسىنىڭ قولباسشىلارى مەن جاۋىنگەرلەرى، قارۋلى ساقشى بولىمدەرىنىڭ كوماندير - جاۋىنگەرلەرى، حالىق جاساقتارىنىڭ زاپاس قىزمەتكەرلەرى جانە قوعام حاۋىپسىزدىگى حالىق ساقشىلارى اتويلاپ الدا ءجۇرىپ، اۋىر مىندەتتى باتىلدىقپەن ارقالاپ، نەگىزگى كۇش قوسىنى جانە ەكپىندىلەر اترەتى بولۋ رولىن ساۋلەلەندىردى؛ بۇكىل ەل حالقى اپات تۋىلعان رايونعا كوڭىل ءبولىپ، اپات تۋىلعان رايونعا سۇيىسپەنشىلىك ورناتىپ، ءبىر جاعادان باس، ءبىر جەڭنەن قول شىعارىپ اپاتقا قارسى اتتانۋدىڭ جويقىن كۇشىن قالىپتاستىردى. وسى رەتكى ەرەكشە اۋىر جەر سىلكىنىسى اپاتى − ءارى ادامدار اراسىنداعى اۋىر ازاپ، ءارى العا باسۋ بارىسىنداعى كەلەلى سىناق. جەر سىلكىنىسىنە قارسى اتتانىپ، اپاتتان قۇتقارۋ كۇرەسىنىڭ كەلەلى جەڭىسى سوتسياليستىك جۇڭگونىڭ قۇدىرەتتى دامۋ ومىرشەڭدىك كۇشىنە يە ەكەنىن، حالىقتىڭ جۇڭگو قوعامىنىڭ دامۋىن، العا باسۋىن ىلگەرىلەتەتىن ناعىز قوزعاۋشى كۇش ەكەنىن، حالىق ارمياسى حالىقتى قورعايتىن قۇرىش قورعان ەكەنىن، جۇڭگو كوممۋنيستىك پارتياسى جۇڭگوشا سوتسياليزم ىستەرىنىڭ پارمەندى باسشىلىق ۇيىتقىسى ەكەنىن تاعى ءبىر رەت دالەلدەدى. ەلىمىزدىڭ سوتسياليستىك ءتۇزىمىنىڭ ابزالدىعى، جۇڭحۋا ۇلتىنىڭ تاڭداۋلى قاسيەتى، حالىق ارمياسىنىڭ ساياسي قاسيەتى، جۇڭگو كوممۋنيستىك پارتياسىنىڭ پارمەندى باسشىلىعى − ەلىمىز بەن ۇلتىمىزدىڭ كورنەكتى ساياسي ابزالدىعى، ءبىز ونى بارىنشا قاستەرلەۋىمىز، وندا ماڭگى تاباندى بولۋىمىز كەرەك.

  جەر سىلكىنىسىنە قارسى اتتانىپ، اپاتتان قۇتقارۋ كۇرەسىندە ءبىز مۇرات ارقىلى كۇش - قۋاتتى ۇيىستىرىپ، سەنىم ارقىلى قايسارلىقتى سومداپ، شىنايى سۇيىسپەنشىلىكپەن قامقورلىق جاساپ، جەر سىلكىنىسىنە قارسى اتتانىپ، اپاتتان قۇتقارۋ ۇلى رۋحىن سومدادىق. ەرەكشە اۋىر جەر سىلكىنىسى اپاتى الدىندا ءبىز جۇدىرىقتاي جۇمىلىپ، ەل بىرلىگىنەن بەرىك قامال تۇرعىزىپ، تار جول، تايعاق كەشۋلەردى بىرگە وتكەرىپ، الدىڭعى شەپ پەن ارتقى شەپ ءبىر جاعادان باس، ءبىر جەڭنەن قول شىعارىپ، ەل ءىشى - سىرتى بولىپ العان بەتتەن قايتپاي، جۇدىرىقتاي جۇمىلىپ، مىزعىماس تىرشىلىك ورتاق تۇلعاسىن قالىپتاستىرىپ، جۇڭحۋا ۇلتىنىڭ ءبىر جاعادان باس، ءبىر جەڭنەن قول شىعارىپ، ىنتىماقتاسا كۇرەس جاسايتىن ۇلتتىق قاسيەتىن تولىق ايگىلەدىك؛ جاپا - ماشاقاتتان، حاۋىپ - قاتەردەن قورىقپاي، نە ءبىر بۇرالاڭدىقتان تايسالماي، اۋىر اپات الدىندا باس يمەي، ولىسپەي بەرىسپەي، قيىن - قىستاۋ كۇندەردە ۋاز كەشپەي، دەنە، رۋحاني بەينە، تىرشىلىك جاقتارىنان قايسارلىقپەن سايىس جاريالاپ، قاي جەردە اپات قاتەرلى بولسا، سول جەرگە قاراي ۇمتىلىپ، قاي جەردە ءومىر مەن ءولىم سىناعى بولسا، سول جەرگە جورىق جاساپ، قاي جەردە اپاتقا ۇشىراعان بۇقارا بولسا سول جەرگە جينالىپ، جۇڭحۋا ۇلتىنىڭ تالىقپاي تالپىناتىن، جەڭىسكە جەتۋگە باتىلدىق ەتەتىن ۇلتتىق قاسيەتىن تولىق ايگىلەدىك؛ ادامدى نەگىز ەتۋدە، عىلىمعا قۇرمەت ەتۋدە تاباندى بولىپ، ۋاقىتپەن جارىسىپ، اجال قۇرىعىمەن ايقاسىپ، ومىرگە وسكەلەڭ قامقورلىق جاساپ، عىلىمعا وسكەلەڭ قۇرمەت ەتىپ، ءارى ادامنىڭ بەلسەندى رۋحىن تولىق ساۋلەلەندىرىپ، ءارى عىلىم - تەحنيكانىڭ ماڭىزدى رولىن تولىق ساۋلەلەندىرىپ، جۇڭحۋا ۇلتىنىڭ ءومىردى سۇيەتىن، اقىلعا قۇرمەت ەتەتىن ۇلتتىق قاسيەتىن ايگىلەدىك. جەر سىلكىنىسىنە قارسى اتتانىپ، اپاتتان قۇتقارۋدىڭ ۇلى رۋحى وتانشىلدىق، كوللەكتيۆشىلدىك، سوتسياليزم رۋحىن شوعىرلى بەينەلەدى جانە ونان ارى دامىتتى، پارتيامىز بەن ارميامىزدىڭ داڭقتى ءداستۇرى مەن تاڭداۋلى ستيلىن شوعىرلى بەينەلەدى جانە ونان ارى دامىتتى، جۇڭحۋا ۇلتىنىڭ ۇلى ۇلتتىق رۋحى مەن زامانىمىزداعى جۇڭگو حالقىنىڭ ءداۋىر رۋحىن شوعىرلى بەينەلەدى جانە ونان ارى دامىتتى، ول − جۇڭگو كوممۋنيستەرىنىڭ رۋحاني شەجىرەسىنىڭ ماڭىزدى قۇرامداس بولەگى.

  13 جىل وتە شىقتى، جەر سىلكىنىسى اپاتى تۋىلعان رايوندا وراسان زور وزگەرىستەر تۋىلدى. يىڭشيۋدىڭ جاڭا كوشەلەرىندە ساياحاتشىلار قايشالىسادى؛ حانۋاڭداعى مەكتەپ اۋلاسىندا تىرشىلىك تىنىسى جالىندايدى؛ چياڭجايداعى شارۋالار شاتتىعى ساياجايلارىنىڭ ساۋداسى كۇسەت بولۋدا؛ بەيچۋانداعى ونەركاسىپ باقشاسىندا جەر سىلكىنىسىنە قارسى اتتانىپ، اپاتتان قۇتقارۋ ۇلى رۋحىنىڭ جەبەۋىندە ءبىز ەرەكشە اۋىر جەر سىلكىنىسىنە قارسى اتتانىپ، اپاتتان قۇتقارۋ جانە اپاتتان كەيىنگى قالپىنا كەلتىرۋ، قايتا قۇرۋ جەڭىسىنە قول جەتكىزىپ، جەر سىلكىنىسىنە قارسى اتتانىپ، اپاتتان قۇتقارۋ جانە اپاتتان كەيىنگى قالپىنا كەلتىرۋ، قايتا قۇرۋ كەرەمەتتەرىن جاراتتىق. ۋىنچۋاننان يۇيشۋعا دەيىن، جوۋچۇيدان لۋشانعا دەيىن، ءبىز اپاتتىڭ ازابىن تارتتىق، اپات بارىسىندا تىزە بۇكپەۋ رۋحىن سومداپ، سارقىلماس كۇش ۇيىستىردىق. تاريح پەن اماليات جەر سىلكىنىسىنە قارسى اتتانىپ، اپاتتان قۇتقارۋ رۋحىنىڭ پارتيا مەن حالىقتىڭ اسا باعالى رۋحاني بايلىعى ەكەنىن تولىق دالەلدەدى.

  2018 - جىلى 2 - ايدا باس شۋجي شي جينپيڭ ۋىنچۋان اۋدانى يىڭشيۋ قالاشىعى شۋانكوۋ ورتا مەكتەبىنىڭ ەسكى جۇرتىنا كەلىپ، جەر سىلكىنىسى جۇرتتارىن، ءسوز جوق، ويداعىداي قورعاپ، ونى ماڭىزدى وتانشىلدىق تاربيە بازاسىنا اينالدىرۋدى قاداعالاي تاپسىردى. ىنتىماق − كۇش، كۇرەس بولعاندا عانا جەڭىسكە جەتۋگە بولادى. قازىر دۇنيە جۇزىندە ءجۇز جىلدان بەرى بولماعان زور وزگەرىس جەدەل قۇبىلىپ، جۇڭحۋا ۇلتىنىڭ ۇلى گۇلدەنۋى شەشۋشى كەزەڭگە ءوتتى، ءبىز ءدوپ كەلىپ وتىرعان حاۋىپ - قاتەر، سىن - سايىس كورنەكتى كوبەيدى. قيىنشىلىق بولعان سايىن بۇكىل پارتيانىڭ، بۇكىل ەلدەگى ءار ۇلت حالقىنىڭ ءبىر جاعادان باس، ءبىر جەڭنەن قول شىعاراتىن ۇيىسقىشتىعىن سولعۇرلىم كۇشەيتۋ، نەعۇرلىم قيىن بولعان سايىن، تىنباي العا باساتىن رۋحتى سولعۇرلىم كۇشەيتۋ كەرەك. دايىندىعىمىز بولسا، ءبىر نيەتپەن ىنتىماقتاسىپ، بىرگە توتەپ بەرسەك بولعانى، جورىقتاعى ءتۇرلى كۇردەلى جاعدايعا بايىپتىلىقپەن توتەپ بەرىپ، تۋىلۋى مۇمكىن ءتۇرلى قيىنشىلىقتار مەن حاۋىپ - قاتەردى جەڭە الامىز. ءبىز بۇكىل پارتيادا، بۇكىل قوعامدا جەر سىلكىنىسىنە قارسى اتتانىپ، اپاتتان قۇتقارۋ ۇلى رۋحىن بارىنشا ساۋلەلەندىرىپ، ونى قاجىرلىلىقپەن كۇرەس جۇرگىزۋدىڭ بەرىك ەركىنە، ەكونوميكالىق، قوعامدىق دامۋدى ىلگەرىلەتەتىن قۇدىرەتتى كۇشكە اينالدىرۋىمىز كەرەك.

  تار جول، تايعاق كەشۋلەردەن ءوتىپ، تابىسقا جەتتىك. جۇڭحۋا ۇلتى تاريحتا تالاي تاۋقىمەتتى باستان كەشىرگەنىمەن، ەشقاشان ويراندالمادى، قايتا ساتسىزدىككە ۇشىراعان سايىن ەرلىك كورسەتىپ، جاپا - ماشاقاتتا ۇزدىكسىز ەسەيىپ - ەرجەتىپ، جاپا - ماشاقاتتان جىگەرلەنە ءتۇستى. العا باسۋ جولىندا شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، ءبىر جاعادان باس، ءبىر جەڭنەن قول شىعارىپ، قايراتتانا العا ۇمتىلعاندا عانا، ءبىز، ءسوز جوق، بارلىق حاۋىپ - قاتەر مەن سىن - سايىستى جەڭىپ، اناعۇرلىم باقىتتى، تاماشا تۇرمىس جاراتا الامىز!

  كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار