شي جينپيڭ ا ق ش - تىڭ زۇڭتۇڭى بايدەنمەن تەلەفوندا سويلەستى
2021.09.13 15:42 كەلۋ قاينارى : حالىق تورابى
شينحۋا اگەنتتىگى، 9 - ايدىڭ 10 - كۇنى، بەيجيڭ. مەملەكەت ءتوراعاسى شي جينپيڭ 9 - ايدىڭ 10 - كۇنى تۇستەن بۇرىن ۋاعدا بويىنشا ا ق ش - تىڭ زۇڭتۇڭى بايدەنمەن تەلەفوندا سويلەسىپ، جۇڭگو مەن ا ق ش قاتىناسى جانە ەكى جاق كوڭىل ءبولىپ وتىرعان قاتىستى ماسەلەلەر جونىندە بۇكپەسىز، ىشكەرىلەي، كەڭ كولەمدە ستراتەگيالىق سيپاتتى كەڭەستى جانە پىكىر اۋىستىردى.
شي جينپيڭ، اۋەلى، ايدا داۋىلىنىڭ ا ق ش - تىڭ كوپتەگەن جەرىندە ءولىم - ءجىتىم جانە مال - مۇلىك شىعىنىن تۋدىرعانى جونىندە بايدەننەن جانە ا ق ش حالقىنان حال سۇرادى. بايدەن بۇعان العىس ايتتى.
شي جينپيڭ بىلاي دەپ اتاپ كورسەتتى: ءبىر مەزەت ۋاقىتتان بەرى ا ق ش - تىڭ جۇڭگوعا قولدانعان ساياساتى جۇڭگو مەن ا ق ش قاتىناسىن اۋىر قيىنشىلىققا ۇشىراتتى، بۇل ەكى ەل حالىقتارىنىڭ ءتۇبىرلى مۇددەسى مەن دۇنيە جۇزىندەگى ءار ەلدىڭ ورتاق مۇددەسىنە ۇيلەسپەيدى. جۇڭگو − ەڭ ءىرى وركەندەپ كەلە جاتقان ەل، ا ق ش ەڭ − ءىرى دامىعان ەل، جۇڭگو مەن ا ق ش - تىڭ ءوزارا قاتىناسىن ويداعىداي ءبىر جاقتى ەتە الۋ - الماۋى دۇنيە ءجۇزىنىڭ بولاشاعىنا، تاعدىرىنا قاتىستى، ەكى ەل، ءسوز جوق، ويداعىداي جاۋاپ بەرۋگە ءتيىستى عاسىرلىق ساۋال. جۇڭگو مەن ا ق ش سەلبەسسە، ەكى ەل جانە دۇنيە ءجۇزى يگىلىككە كەنەلەدى؛ جۇڭگو مەن ا ق ش قارسىلاسسا، ەكى ەل جانە دۇنيە ءجۇزى زوبالاڭعا ۇشىرايدى. جۇڭگو مەن ا ق ش قاتىناسى جاقسارتۋعا بولا ما، جوق پا دەيتىن تاڭداۋ سۇراۋى ەمەس، قايتا قالاي جاقسارتۋ كەرەك دەيتىن ءسوزسىز جاۋاپ بەرەتىن سۇراۋ.
شي جينپيڭ بىلاي دەپ دارىپتەدى: جۇڭگونىڭ بايىرعى ءبىر ولەڭىندە «قاتپار تاۋلار، اساۋ وزەن بوگەگەنمەن جولىڭدى، نۋ ورماننىڭ اراسىنان گۇل جايناعان اۋىل تاعى كورىندى» دەلىنگەن. جۇڭگو مەن ا ق ش 1971 - جىلى ەكى جاقتى قاتىناسىنداعى «سەڭدى جارعاننان» بەرى قول ۇستاسا سەلبەسىپ، ءار ەلگە ناقتى يگىلىك اكەلدى. قازىر حالىقارالىق قوعام كوپتەگەن ورتاق قيىن ماسەلەگە ءدوپ كەلىپ وتىر، جۇڭگو مەن ا ق ش جالپى اۋقىمدى ايگىلەپ، ۇلكەن جاۋاپكەرلىك ارقالاپ، العا قاراۋدا، العا جۇرۋدە تاباندى بولىپ، ستراتەگيالىق باتىلدىق جانە ساياسي الىمدىلىق كورسەتىپ، جۇڭگو مەن ا ق ش قاتىناسىنىڭ ورنىقتى دامۋدىڭ دۇرىس ارناسىنا تەز ارادا ورالۋىن ىلگەرىلەتىپ، ەكى ەل حالىقتارى مەن دۇنيە جۇزىندەگى ءار ەل حالقىن اناعۇرلىم ويداعىداي باقىتقا كەنەلتۋگە ءتيىس.
شي جينپيڭ جۇڭگو جاقتىڭ كليمات وزگەرىسى سياقتى ماسەلەلەردەگى تۇرعىسىن بايانداپ، بىلاي دەپ دارىپتەدى: جۇڭگو جاق ەكولوگيانى الدىمەن ويلاسۋدا، جاسىل، تومەن كومىر قىشقىل گازدى دامۋ جولىمەن جۇرۋدە تاباندى بولدى، ءوزىنىڭ مەملەكەت جاعدايىنا ۇيلەسەتىن حالىقارالىق جاۋاپكەرلىگىن باستان - اياق بەلسەندى، ىرىقتى تۇردە ارقالاپ كەلەدى. ءبىر - ءبىرىنىڭ وزەكتى، ءجىتى قاداعالاپ وتىرعان ماسەلەلەرىنە قۇرمەت ەتۋ، الاۋىزدىقتى ۇتىمدى باسقارۋ - تىزگىندەۋ نەگىزىندە ەكى ەلدىڭ قاتىستى تاراۋلارى ۇزدىكسىز بايلانىس جاساپ، تىلدەسىپ، كليمات وزگەرىسى، ىندەتتەن ساقتانۋ - تىزگىندەۋ، ەكونوميكانى جانداندىرۋ، سونداي - اق كەلەلى حالىقارالىق، وڭىرلىك ماسەلەلەردە سايكەسۋ مەن سەلبەسۋدى ىلگەرىلەتۋىنە، سونىمەن بىرگە، اناعۇرلىم كوپ سەلبەسۋ كومەسكى كۇشىن اشىپ، ەكى ەلدىڭ قاتىناسىنا اناعۇرلىم كوپ بەلسەندى فاكتور ۇستەۋىنە بولادى.
بايدەن مىنالاردى ءبىلدىردى: دۇنيە ءجۇزى جەدەل وزگەرىستى باستان وتكەرۋدە، ا ق ش - جۇڭگو قاتىناسى − دۇنيە جۇزىندەگى ەڭ ماڭىزدى ەكى جاقتى قاتىناس، ا ق ش پەن جۇڭگونىڭ قالاي ىقپالداسىپ، قاتار تۇرۋى اسا زور دەڭگەيدە دۇنيە ءجۇزىنىڭ بولاشاعىنا ىقپال كورسەتەدى. ەكى ەلدىڭ باسەكەگە بولا قاقتىعىسۋىنىڭ ءجونى جوق. ا ق ش جاقتىڭ ەجەلدەن ءبىر جۇڭگو ساياساتىن وزگەرتۋ ويى جوق. ا ق ش جاق جۇڭگو جاقپەن اناعۇرلىم كوپ بۇكپەسىز اۋىس - كۇيىس جاساپ جانە سىندارلى پىكىرلەسىپ، ەكى جاقتىڭ سەلبەستىك ورىستەتۋىنە بولاتىن ءتۇيىندى جانە الدىمەن ويلاساتىن سالالارىن تۇراقتاندىرىپ، اعات تۇسىنىكتەن، قاتە تۇجىرىمنان جانە توسىن قاقتىعىستان ساقتانىپ، ا ق ش پەن جۇڭگو قاتىناسىنىڭ دۇرىس ارناعا قايتا ورالۋىن ىلگەرىلەتۋدى قالايدى. ا ق ش جاق جۇڭگو جاقپەن كليمات وزگەرىسى سياقتى كەلەلى ماسەلەلەردە تىلدەسۋدى، سەلبەسۋدى كۇشەيتىپ، اناعۇرلىم كوپ ورتاق تانىم قالىپتاستىرۋدى كۇتەدى.
ەكى جاق ءبىر اۋىزدان بىلاي دەپ قارادى: جۇڭگو مەن ا ق ش - تىڭ مەملەكەت باسشىلارىنىڭ جۇڭگو - ا ق ش قاتىناسى جانە كەلەلى حالىقارالىق ماسەلەلەر جونىندە ىشكەرىلەي تىلدەسۋى جۇڭگو مەن ا ق ش قاتىناسىنىڭ دۇرىس بەتالىسقا قاراي دامۋىنا جەتەكشىلىك ەتۋ جونىنەن ەرەكشە ماڭىزدى، كوپ ءتۇرلى تاسىلمەن ۇنەمىلىك بايلانىستى ۇزدىكسىز ساقتاپ، ەكى جاقتىڭ قىزمەت جىكتەرىن قىزمەتتى جەدەلدەتىپ، كەڭ كولەمدە تىلدەسىپ، جۇڭگو - ا ق ش قاتىناسىنىڭ العا قاراي دامۋىنا شارت - جاعداي ازىرلەۋگە مىندەتتەۋگە قوسىلدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
