شي جينپيڭ گەرمانيانىڭ زۇڭليى مەركەلمەن تەلەفوندا سويلەستى
2021.09.13 15:55 كەلۋ قاينارى : حالىق تورابى
شينحۋا اگەنتتىگى، 9 - ايدىڭ 10 - كۇنى، بەيجيڭ. مەملەكەت ءتوراعاسى شي جينپيڭ 9 - ايدىڭ 10 - كۇنى كەشتە گەرمانيانىڭ زۇڭليى مەركەلمەن تەلەفوندا سويلەستى.
شي جينپيڭ بىلاي دەپ اتاپ كورسەتتى: بىلتىردان بەرى ءبىز ءجيى، جوعارى ءونىمدى اۋىس - كۇيىستى ساقتاپ، جۇڭگو - گەرمانيا، جۇڭگو - ەۆروپا قاتىناسىن دامىتۋدا ماڭىزدى جەتەكشىلىك رول اتقاردىق، بۇل جۇڭگو - گەرمانيا ەكى ەلدىڭ ءبىر - بىرىنە ايرىقشا سەنەتىنىن دە ايگىلەدى. زۇڭلي حانىم گەرمانيا مەن ەۆروپانىڭ جۇڭگوعا باعىتتالعان ناقتى سەلبەستىگى مەن دوستىق بارىس - كەلىسىن ىلگەرىلەتۋگە بەلسەنە كۇش سالدى، مەن مۇنى ايرىقشا القايمىن.
شي جينپيڭ بىلاي دەپ دارىپتەدى: تاياۋ جىلداردان بەرى جۇڭگو مەن گەرمانيا قاتىناسى جالپى جاقتان ءساتتى دامۋدى ساقتادى، ءار سالاداعى سەلبەستىگى ىندەت جاعدايىندا قۋاتتى سەرپىمدىلىگىن ايگىلەپ، ەكى ەل حالىقتارىنا ناقتى تابىس سەزىمىن سيلادى. جۇڭگو مەن گەرمانيا جۇڭگو مەن ەۆروپانىڭ قارجى قوسۋ كەلىسىمى كەلىسسوزىن ۋاعىندا ورىنداۋىن ىلگەرىلەتىپ، كوپ جاقتىلىقتى بىرگە دارىپتەپ، ەركىن ساۋدانى قورعاپ، كليمات وزگەرىسىنە بەلسەنە توتەپ بەرىپ، دۇنيە ءجۇزىنىڭ بەيبىتشىلىگىن، ورنىقتىلىعىن قورعاۋعا قول ۇستاسا بەلسەنە ۇلەس قوستى. جۇڭگو - گەرمانيا قاتىناسىنىڭ اسا زور تابىسقا قول جەتكىزۋىنىڭ ءتۇبىرلى سەبەبى ەكى جاقتىڭ ءوزارا قۇرمەت ەتىپ، پارىقتاردى ساقتاپ، ورتاقتىققا ۇمتىلىپ، سەلبەسىپ تەڭ يگىلىككە كەنەلۋگە باسا ءمان بەرىپ، ابزالدىقتارى ارقىلى ءبىر - ءبىرىن تولىقتاۋدى ىلگەرىلەتكەنىندە. ەكى جاق ءوزارا سەنىمدىلىكتى بەكەمدەۋدە، تەرەڭدەتۋدە تاباندى بولسا، تەڭ تۇرعىدا مامىلە جاساۋدا، نازاردى سەلبەستىككە شوعىرلاندىرۋدا تاباندى بولسا عانا، جۇڭگو مەن گەرمانيا قاتىناسىنىڭ ۇزدىكسىز جاڭا دامۋعا قول جەتكىزۋىن ىلگەرىلەتۋگە بولادى. گەرمانيا جاقتىڭ ەۆروپا وداعىنىڭ جۇڭگوعا قاراتىلعان دۇرىس ساياساتتا تاباندى بولۋىن ىلگەرىلەتىپ، پارىققا وبيەكتيۆ مامىلە جاساپ، الاۋىزدىقتى ۇستامدىلىقپەن ءبىر جاقتى ەتىپ، جۇڭگو - ەۆروپا قاتىناسىنىڭ باياندى، اقاۋسىز دامۋىن ىلگەرىلەتۋىن ءۇمىت ەتەمىن.
مەركەل مىنالاردى ءبىلدىردى: تاياۋ جىلداردان بەرگى گەرمانيا - جۇڭگو، ەۆروپا - جۇڭگو قاتىناسىنىڭ دامۋىندا قورىتىندىلاۋعا تاتيتىن كوپتەگەن تۇس بار، مەن جۇڭگو جاقپەن ءجيى تىلدەسۋدى ساقتاپ، بىرگە قۇلشىنىپ، گەرمانيا مەن جۇڭگو، ەۆروپا مەن جۇڭگو ەكى جاقتىڭ كەڭەسۋ ارقىلى پارىقتاردى تولىقتاۋعا كۇش سالۋىن ىلگەرىلەتىپ، الاۋىزدىقتى ۇتىمدى ءبىر جاقتى ەتۋدى قالايمىن. ەۆروپا مەن جۇڭگونىڭ قارجى قوسۋ كەلىسىمى ەۆروپا جاققا دا، جۇڭگو جاققا دا ءوزارا پايدا جەتكىزىپ، تەڭ يگىلىككە كەنەلدىرەدى، تەز ارادا ءساتتى بەكىتىلىپ، كۇشكە يە بولۋىن ءۇمىت ەتەمىن. گەرمانيا جاق جۇڭگو جاقپەن ۆاكسينا سەلبەستىگىن كۇشەيتۋدى ءۇمىت ەتەدى.
مەركەل قازىرگى اۋعانستان جاعدايى جونىندەگى كوزقاراسىن حابارلاندىرىپ، جۇڭگو جاقپەن بىرلەسكەن مەملەكەتتەر ۇيىمى سياقتى كوپ جاقتى جۇلگەدە تىلدەسۋدى، سايكەسۋدى كۇشەيتۋدى ءۇمىت ەتەتىنىن ءبىلدىردى. شي جينپيڭ بىلاي دەپ دارىپتەدى: جۇڭگو جاق تۇرلىشە وركەنيەتتەردىڭ بىرگە ءومىر ءسۇرىپ، ءوزارا ۇلگى الۋىن دارىپتەيدى، وزگە ەلدىڭ ىشكى ىسىنە كيلىگۋگە قارسى تۇرادى، گەرمانيانى قامتىعان حالىقارالىق قوعاممەن بىرگە اۋعانستاننىڭ بەيبىتشىلىكتى، ورنىقتىلىقتى شىنايى جۇزەگە اسىرۋى ءۇشىن سىندارلى قۇلشىنىس جاساۋدى قالايدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
