بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

حالىقارالىق باسەكەلىك قۋات كورنەكتى ارتىپ، جاڭالىق اشۋ قابىلەتى كورنەكتى جوعارىلادى

جاساۋ كاسىبىنىڭ ارتقان قۇنى ءۇرتىس 11 جىل دۇنيە ءجۇزى بويىنشا 1 – ورىندا تۇردى (جاڭا ساندى مالىمەت، جاڭا ءتۇيىن)

2021.09.14 13:48     كەلۋ قاينارى : حالىق تورابى

  «حالىق گازەتى»، 9 - ايدىڭ 13 - كۇنى، بەيجيڭ (ءتىلشى ۋاڭ جىڭ). ءتىلشىنىڭ 9 - ايدىڭ 13 - كۇنى مەملەكەتتىك كەڭەس اقپارات كەڭسەسىنىڭ اقپار جاريالاۋ ماجىلىسىنەن ۇعىسۋىنشا، 2010 – جىلدان بەرى ەلىمىزدىڭ جاساۋ كاسىبىنىڭ ارتقان قۇنى ءۇرتىس 11 جىل دۇنيە ءجۇزى بويىنشا ءبىرىنشى ورىندا تۇرىپ، دۇنيە ءجۇزى بويىنشا ۇستايتىن سالىستىرماسى %30 كە تاياعان. دۇنيە جۇزىندەگى ونەركاسىپ جۇيەسى ەڭ كەمەلدى مەملەكەت رەتىندە، 500 ءتۇرلى نەگىزگى ونەركاسىپ ءونىمىنىڭ ىشىندە، ەلىمىزدە %40 تەن استام ءونىمنىڭ ءونىم مولشەرى دۇنيە ءجۇزى بويىنشا ءبىرىنشى ورىندا تۇرادى.

  تانىستىرۋعا قاراعاندا، پارتيانىڭ 18 – قۇرىلتايىنان بەرى ەلىمىزدىڭ جاساۋ كاسىبىندەگى ءىرى ەلدىك ورنى اناعۇرلىم بەكەمدەلگەن. 2012 – جىلدان 2020 – جىلعا دەيىن ەلىمىز ونەركاسىبىنىڭ ارتقان قۇنى 20 تريلليون 900 ميلليارد يۋاننان 31 تريلليون 300 ميلليارد يۋانعا ارتقان، مۇنىڭ ىشىندە جاساۋ كاسىبىنىڭ ارتقان قۇنى 16 تريلليون 980 ميلليارد يۋاننان 26 تريلليون 600 ميلليارد يۋانعا جەتىپ، دۇنيە جۇزىندەگى سالىستىرماسى %22.5 تەن %30 كە جوعارىلاعان.

  − جاساۋ كاسىبىنىڭ حالىقارالىق باسەكەلىك قۋاتى كورنەكتى كۇشەيدى. ونەركاسىپ جانە ينفورماتسيالاندىرۋ مينيسترلىگىنىڭ ساناعىندا كورسەتىلۋىنشە، ەلىمىز ونەركاسىبىندە 41 ۇلكەن ءتۇر، 207 ورتا ءتۇر، 666 شاعىن ءتۇر بار بولىپ، ەلىمىز دۇنيە ءجۇزى بويىنشا ب م ۇ - نىڭ كاسىپتەردى تۇرگە ايىرۋىندا بارلىق ونەركاسىپ ءتۇرى بار بىردەن - ءبىر مەملەكەت ەكەن. 2020 - جىلى ەلىمىزدە 220 نەشە ءتۇرلى ونەركاسىپ ءونىمىنىڭ ءونىم مولشەرى دۇنيە ءجۇزى بويىنشا ءبىرىنشى ورىندا تۇرعان. فوتوۆولت، جاڭا ەنەرگيالى اۆتوموبيل، ءۇي ەلەكتر جابدىقتارى، زەردەلى قول تەلەفون سياقتى ءتۇيىندى كاسىپتەر دۇنيە ءجۇزىنىڭ الدىڭعى قاتارىنان ورىن الىپ، حابارلاسۋ جابدىقتارى، جوعارى قارقىندى تەمىر جول سياقتى سالالارداعى ءبىر توپ جوعارى دەڭگەيلى ماركالار دۇنيە جۇزىنە بەت العان. جۋىردا جاريالانعان دۇنيە جۇزىندەگى 500 مىقتى كاسىپورىننىڭ تىزىمدىگىنە ەلىمىزدەن ەنگەن ونەركاسىپ سالاسىنداعى كاسىپورىن 73 كە جەتىپ، 2012 - جىلداعىدان 28 كاسىپورىن كوبەيگەن، «جۇڭگونىڭ جاساۋ كاسىبىنىڭ» دۇنيە جۇزىلىك كاسىپ تىزبەگى مەن قامداۋ تىزبەگىندەگى ىقپالى ۇزدىكسىز جوعارىلاعان.

  − جاساۋ كاسىبىنىڭ جاڭالىق اشۋ قابىلەتى كورنەكتى جوعارىلادى. «چاڭ - ى − 5»، «تيانۋىن − 1»، «كۇرەسكەرلەر»، «جەتىقاراقشى − 3» قاتارلى كەلەلى ينجەنەريالار ىركەس - تىركەس ىسكە قوسىلىپ، ءىرى ەلدىڭ ماڭىزدى قۇرال - جابدىعىندا كورىنەۋ تۇيىندەر ارت - ارتىنان جارىققا شىقتى. 2020 - جىلى كولەمدەنگەن ونەركاسىپ كاسىپورىندارىن زەرتتەۋ جانە سىناق رەتىندە دامىتۋ قۇرىلىمدارىنىڭ جالپى سانى، زەرتتەۋ - اشۋ قاراجاتى شىعىسى 2012 - جىلداعىدان ءبىر ەسە ارتىپ، كۇشكە يە بولعان تاپقىرلىق پاتەنتىنىڭ ءوتىنىشى سانى 2 ەسەدەن استام ارتتى. ەرەكشە جوعارى كەرنەۋلى ەلەكتر جەتكىزۋ، كەرنەۋ وزگەرتۋ، ءىرى تۇرپاتتى قازۋ جابدىقتارى، كومىر حيميا ونەركاسىبىنىڭ جۇيەلى جابدىقتارى، مەتال نانومەتر قۇرىلىمدىق ماتەريالدار سياقتىلار دۇنيە ءجۇزىنىڭ الدىڭعى لەگىنە ءوتتى، ەلىمىزدىڭ جاساۋ كاسىبى جۇڭگونىڭ جاساۋ كاسىبىنەن جۇڭگو جاسامپازدىعىنا قادام تاستاۋدا.

  − جاساۋ كاسىبىنىڭ كاسىپ قۇرىلىمى جەدەل جوعارىلادى. جوعارى تەحنيكالى جاساۋ كاسىبىنىڭ كولەمدەنگەن ونەركاسىپتىڭ ارتقان قۇنىنداعى سالىستىرماسى 2012 - جىلعى %9.4 تەن 2020 - جىلى %15.1 كە جوعارىلادى؛ جابدىق جاساۋ كاسىبىنىڭ كولەمدەنگەن ونەركاسىپتىڭ ارتقان قۇنىنداعى سالىستىرماسى %28 تەن %33.7 كە جوعارىلادى. تەحنيكالىق جاقتان قايتا قۇرۋعا قوسىلعان قارجىنىڭ ونەركاسىپكە قارجى قوسۋداعى ارا سالماعى %47.1 كە جەتتى، جاڭا تەحنيكا، جاڭا ماتەريال، جاڭا جابدىق، جاڭا تەحنولوگيا كەڭىنەن قولدانىلىپ، كولەمدەنگەن ونەركاسىپ كاسىپورىندارىنىڭ جاڭا ونىمدەرىنىڭ ساتىلۋ كىرىسىنىڭ نەگىزگى تيجارات كىرىسىندەگى ارا سالماعى %20 اينالاسىندا جوعارىلادى.

  − جاساۋ كاسىبىنىڭ سيفرلانۋعا بۇرىلىس جاساۋى جاپپاي تەزدەدى. ەلىمىز دۇنيە جۇزىندەگى ەڭ كولەمدى وپتيكالىق تالشىق جانە جىلجىمالى حابارلاسۋ تورابىن قۇردى. 5G نەگىزگى پۋنكتى، تەرمينال جالعاۋ سانى دۇنيە ءجۇزى بويىنشا جەكە - جەكە %70 تەن جانە %80 تەن استى. سيفردى كاسىپ سالالاندىرۋ، كاسىپ سالاسىن سيفرلاندىرۋ اياق الىسى تەزدەپ، ءتۇيىندى سالالارداعى شەشۋشى جۇمىس تارتىپتەرىنىڭ سيفرلانۋىن تىزگىندەۋ مولشەرى 2012 - جىلعى ٪24.6 تەن 2020 - جىلعى ٪52.1 كە، سيفرلانعان زەرتتەۋ - اشۋ، جوبالاۋ قۇرالدارىنىڭ جالپىلاسۋ شاماسى ٪48.8 تەن ٪73 كە جوعارىلادى. سيفرلى ەكونوميكا ەكونوميكانىڭ، قوعامنىڭ باياندى، اقاۋسىز دامۋىنا پارمەندى قوزعاۋشى كۇش ازىرلەدى.

  (قاتىستى حابارلاردى «حالىق گازەتىنىڭ» 2 – بەتىنەن وقي الاسىزدار)

  كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار