بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

كاسىپتىك سەلبەستىك كووپەراتيۆى گۇل ەكپەشىلىگىمەن بايۋ جولىن اشتى (100 جىلدىق كۇرەس جولىندا تىڭ ساپارعا اتتانۋ، ءبىر نيەت، ءبىر تىلەكپەن دوڭگەلەك داۋلەتتى قوعامعا قادام تاستاۋ)

«حالىق گازەتىنىڭ» تىلشىلەرى ليۋ چىڭيوۋ، جيا فىڭفىڭ

2021.09.14 14:34     كەلۋ قاينارى : حالىق تورابى

  چيڭحاي ولكەسى شينيڭ قالاسى حۋاڭجۇڭ رايونى لانلۇڭكوۋ قالاشىعى نيمالۇڭ قىستاعى جاسىل جەلەك جامىلىپ، ەرەكشە كوز تارتادى. تال ءتۇس كەزى، شينا وزەنىنىڭ گۇرىلى عانا ەستىلەدى، كوشەسى تىم – تىرىس، تاڭىرقاعان ءبىز: «قىستاقتاعىلار قايدا كەتتى؟» دەپ سۇرادىق.

  نيمالۇڭ قىستاعى پارتيا ياچەيكاسىنىڭ شۋجيى ۋاڭ جىجۇن قولىن سىلتەپ: «قىزمەتكە كەتتى، جۇرىڭدەر، الدىمەن كاسىپ باقشاسىنا بارايىق» دەدى.

  تەپ - تەگىس قىستاق جولىن بويلاپ ياۋحۋاشياڭ كاسىپ باقشاسى رايونىنا كەلدىك، ءدارى ماتەريالدارىن مانەرلەۋ سەحىندا قىستاق تۇرعىندارى بىرنەشە ادام ءبىر گرۋپپا بولىپ، ۇيىلگەن تاسپا ءشوپتى، ايۋ بالدىرعاندى ۇساقتاپ قالتالاۋدا، ءدارى ءيىسى مۇرىندى جارادى. «كوپشىلىك وسى جۇمىسپەن قاربالاس بولىپ جاتىر!» دەدى ۋاڭ جىجۇن.

  ۋاڭ جىجۇن 10 جىلدىڭ الدىنداعى جاعدايدى ەسىنە الىپ بىلاي دەپ تانىستىردى: تۇتاس رايوننىڭ كاسىپ سالاسىن دامىتۋ جينالىسى اشىلدى، مەن ءبىر بۇرىشتا ەكى قولىمدى ايقاستىرىپ تەرەڭ ويعا شومىپ وتىرعانمىن. جاۋاپتى جولداس: «اۋدان كاسىپ سالاسىن دامىتۋ ءۇشىن ساياسات جانە اقشا جاعىنان سۇيەمەلدەيتىن بولدى، ايتسە دە قىستاعىمىزدىڭ جاي – جاپسارى وزدەرىڭىزگە انىق، نەگىزىمىز ءالسىز» دەدى.

  اۋداننىڭ شابىتتاندىرۋىندا بىرنەشە قىستاق تۇرعىنىن باستاپ گانسۋ ولكەسىنىڭ ديڭشي قالاسىنا بارىپ جۇڭگوشا ءدارى ماتەريالدارىن ەگۋ جاعدايىن كوزدەن كەشىردىم. ول جەردىڭ سارى توپىراعىندا ءتۇرلى ءدارى ماتەريالدارى قاۋلاپ ءوسىپتى، سودان ءبىزدىڭ سەنىمىمىز نىعايىپ: «مۇنىءبىز دە ىستەي الامىز!» دەگەن بەكىمگە كەلدىك.

  بازار جاعدايىن ۇعىسقان سوڭ اقىلداسا كەلە ءجۇز نەشە مىڭ يۋانعا مايسا تاپسىرىسىن بەردىك. قىستاققا قايتىپ كەلگەننەن كەيىن، پارتيا مۇشەلەرى باستاماشى بولىپ، مايسانى اقىسىز تاراتىپ، ماماندار جەتەكشىلىك ەتىپ، ساتۋ جولىنا كەپىلدىك ەتەتىن بولىپ جۇمىسقا كىرىسىپ كەتتىك. جەر قۇنارلى ەدى، كوپشىلىك قۇلشىنا ەڭبەك ەتتى، سونىڭ ارقاسىندا سول جىلى ءونىمىن كوردىك.

  «بۇكىل قىستاقتاعى 460 مۋ جەردەگى ايۋ بالدىرعاننان مول ءونىم الىندى، ءبىر مۋ جەردىڭ ءونىمى ەڭ كوپ بولعاندا 6 مىڭ 200 يۋانعا ساتىلدى». ۋاڭ جىجۇن بىلاي دەدى: قىستاق تۇرعىندارى پايدانىڭ ءدامىن تاتىپ، ەرەكشە ەكپەشىلىككە ويىسا باستادى، جۇڭگوشا ءدارى ماتەريالدارى ەگىلەتىن جەر كولەمى ۇزدىكسىز كەڭەيدى. 2020 - جىلعا بارعاندا، بۇكىل قىستاقتا ايۋ بالدىرعان، تاسپا ءشوپ، جاۋجۇمىر سياقتى ەرەكشە داقىلدار ەگىلگەن جەر اۋدانى ءبىر مىڭ 200 مۋدان استى، ونىڭ سىرتىندا ءدارى ماتەريالدارى مايساسىن جەتىلدىرۋ پارنيگى، جاپىراقتاپ مانەرلەۋ بازاسى قۇرىلىپ، 100 دەن استام قىستاق تۇرعىنى ىرگەدە ورنىقتى جۇمىسقا ورنالاسىپ، بۇكىل قىستاقتىڭ ادام باسىندىق جىلدىق ورتاشا كىرىسى 15 مىڭ يۋانعا جەتتى.

  54 جاستاعى قىستاق تۇرعىنى جاۋ جۇنسايدىڭ ءجۇرىس - تۇرىسى قولايسىز بولعاندىقتان، اۋىر جۇمىس ىستەي المايدى. 3 جىلدىڭ الدىندا ول قىستاقتاعى ءدارى ماتەريالدارىن ەگۋ كاسىپتىك سەلبەستىك كووپەراتيۆىنە كەلىپ جۇمىس ىستەپ، ايىنا 3 مىڭ يۋان كىرىس تاپتى، ونىڭ ۇستىنە جەردى جارناعا قوسىپ، پايدا ءبولىسىن الادى، ول وسىلايشا كەدەيلىكتەن ارىلۋمەن بىرگە، نەداۋىر تەحنيكا ۇيرەندى. «جاپىراقتاپ كەپتىرۋ، قوراپتاۋ، جىلىجاي جۇمىسى، وسىنىڭ ءبارى قولىمنان كەلەدى!» دەدى جاۋ جۇنساي ماقتانىشپەن.
4 جىلدىڭ الدىندا ۋاڭ جىجۇن كوپتەگەن گۇلدىڭ دارىلىك رولى بار ەكەنىن ۇعىسىپ، دارىلىك گۇل كاسىبىن دامىتساق دەگەن تىڭ ويعا كەلەدى. قازىر نيمالۇڭ قىستاعىنىڭ ارتقى تاۋىندا ءار ءتۇرلى قالامپىر قالامشاسى، مۋدان گۇلى، ءلالا گۇلى جايقالا وسۋدە. «وسى مىڭ مۋعا جۋىق گۇل - ءشوپ تۇگەلدەي اسىل، كوپتەگەن گۇل جاپىراقشالارى مەن گۇل ۇرىقتارىن ءدارى رەتىندە پايدالانۋعا بولادى، گۇل اشقان كەزدە ادەمى كورىنەدى، كوپتەگەن ساياحاتشىلاردى باۋرايمىز» دەدى ۋاڭ جىجۇن.

  نيمالۇڭ قىستاعىندا قۇرىلعان جۇڭگوشا ءدارى ماتەريالدارىن ەگۋ كاسىپتىك سەلبەستىك كووپەراتيۆى قازىر چيڭحاي ولكەسىنىڭ ورمان ءتۇبى ەكونوميكاسىنان ۇلگى كورسەتۋ بازاسىنا، ولكە دارەجەلى باستاماشى كاسىپتىك سەلبەستىك كووپەراتيۆىنە اينالدى.

  ۋاڭ جىجۇن نىق سەنىممەن: «جۇڭگوشا شيپاگەرلىك پەن ءدارى - دارمەكتى دامىتۋدىڭ تاماشا ورايىن قارسى الىپ وتىرمىز، ءبىز ەگىمشىلىك قۇرىلىمىن ۇزدىكسىز ساپالىلاندىرىپ، <سەلبەستىك كووپەراتيۆى + بازا + ەگىنشى وتباسىلارى> ۇلگىسىن كەمەلدەندىرىپ، كوپشىلىكتىڭ تۇرمىسىن گۇلدەي قۇلپىرتامىز» دەدى.

  كەلۋ قاينارى: حالىق تورابى

جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار