بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

قىستاقتاعى تۇستەن كەيىنگى ارەدىك شاي

□ انار بۇلت / شينجياڭ گازەتىنىڭ ءتىلشىسى يىن لۋ

2021.09.14 14:35     كەلۋ قاينارى : شينجياڭ گازەتى

  ءجۇزىم سورەسىنىڭ استى، سالقىن سامال ەسىپ تۇر، اۋلاداعى اس ۇستەلىنىڭ ۇستىنە ادەمى، تاپ - تازا شىنى - اياق تىزىلگەن. 8 - ايدىڭ 27 - كۇنى اۋات اۋدانى جاڭا ارىق قالاشىعى سوگەت ارىق قىستاعىندا جەمىس - جيدەك تەرىپ ساياحاتتاپ جۇرگەن جاۋ يجيە ”سوگەت تۇستەن كەيىنگى ارەدىك شاي“ دەگەن ۇگىت تاقتايشاعا كوز الماي قاراپ تۇردى، قىستاقتاعى ”تۇستەن كەيىنگى ارەدىك شاي“ ونىڭ وسى رەتكى ساپارىندا بايقاعان ءبىر جاڭالىعى بولدى.

  سوگەت ارىق قىستاعى اۋدان قالاشىعىنان 30 كيلومەتر قاشىقتىقتا، قىستاقتا جەمىس ورمانى مەن كوكونىس تۇرلەرى ءبىرشاما مول، سوڭعى جىلدارى اۋىل - قىستاق ساياحاتى، اسىرەسە، جەمىس - جيدەك، كوكونىس تەرىپ ساياحاتتاۋ ويداعىداي دامىدى.

  ”ساياحاتشىلار كوبەيگەن سايىن قىستاعىمىزدىڭ سايكەستى قىزمەت وتەۋ تالابى دا جوعارىلادى. بيىل 5 - ايدا اشىلعان ’سوگەت تۇستەن كەيىنگى ارەدىك شاي‘ ساياحاتشىلاردىڭ سەزىنۋ دەڭگەيىن جوعارىلاتىپ، قىستاق تۇرعىندارىنىڭ تۇرمىستاعى باقىت سەزىمىن ارتتىرۋ بويىنشا ورنالاستىرىلعان نىسان“، - دەدى اۆتونوميالى رايوندىق مادەنيەت جانە ساياحات مەڭگەرمەسىنىڭ وسى قىستاقتا تۇراتىن ءبىرىنشى شۋجيى جاڭ رۇيحۋا.

  شايحانادا قىزىل شاي، جاسىل شاي، كۇرەك شاي ءبارى بار، ساياحاتشىلار مەن قىستاق تۇرعىندارىنىڭ تەگىن دەمدەپ ىشۋىنە بولادى. شايدان سىرت، كوپشىلىكتىڭ نان، لياڭفىن، ايران، كەپتەر سورپاسى، پالاۋ، كوجە سياقتى وزىندىك ەرەكشەلىكتەگى جەڭىل تاعامداردى دا بۇيىرتۋىنا بولادى.

  ”سوگەت تۇستەن كەيىنگى ارەدىك شاي“ شايحاناسىنداعى جەڭىل تاعامداردىڭ ءبارىن انارگۇل تاتلىق جاساعان، ول قىستاقتاعى ءدامدى تاعام شەبەرى، تۇستەن كەيىنگى ارەدىك شايعا قانداي تاعام لايىق دەگەن ماسەلە تۋرالى ەگجەي - تەگجەيلى زەرتتەۋ جۇرگىزگەن.

  ”تۇستەن كەيىنگى ارەدىك شاي نەگىزگى تاماق بولماعاندىقتان، قالىپتى بولعانى ءجون، بولماسا ىسىراپ بولادى، سوندىقتان مەن ءبارىن ولشەپ ساتامىن، كورىنىسى ادەمى، كەلگەندەر تاعامنىڭ ءار تۇرىنەن اۋىز تيۋىنە بولادى. ۇلكەن قالالاردىڭ تۇستەن كەيىنگى ارەدىك شايىنىڭ جاعدايىن دا ۇعىسىپ كوردىم، وندا بالكۇلشە، سۋسىندىق سياقتىلار بار ەكەن، ونى مەن دە جاساي الامىن، وسى اراعا كەلگەن قىستاق تۇرعىندارى مەن ساياحاتشىلار دا ’جاڭالىقتىڭ‘ ءدامىن تاتا الادى“. انارگۇل تاتلىق: قىستاقتىڭ ءوزى وندىرگەن ورىگىنەن، شاپتولىنان، جۇزىمىنەن ۆارينا مەن سۋسىندىق جاساۋعا ابدەن بولادى، - دەدى.

  ”جۇمىستان كەيىنگى قالجاۋراعانىمدا نەمەسە بىرەر كوڭىلسىزدىككە جولىققاندا، مەن تۇستەن كەيىنگى ارەدىك شايحاناعا كەلىپ ءبىراز وتىرىپ، قىستاقتاعى اپەكە - سىڭلىلەرمەن اڭگىمەلەسىپ قايتقاندى جاقسى كورەمىن“. قىستاق تۇرعىنى امانگۇل ماحسۇم: ”قالاداعىلاردىڭ راحاتتانىپ ىشەتىن تۇستەن كەيىنگى ارەدىك شايىن بۇگىن قىستاقتاعىلار دا راحاتتانىپ ىشە الاتىن بولدىق“، - دەدى.

  جاڭ رۇيحۋا بىلاي دەپ تانىستىردى: سوڭعى جارتى جىلدا سوگەت ارىق قىستاعى تۇتاس قىستاقتى كورىنىس اۋماعىنا اينالدىرۋ قۇرىلىسىن ورىنداپ، قىستاق تۇرعىندارىنىڭ جۇمىستانىپ كىرىستى ارتتىرۋىن اناعۇرلىم جەبەيدى، سوڭعى جىلداردان بەرگى قىستاقتىڭ اۋلانى كورىكتەندىرۋ، جەمىس ورمانىن ەگۋ، كوكونىس ەگۋ سياقتى جاقتارداعى جەتىستىكتەرىنەن تولىق پايدالانىپ، ءاربىر وتباسىن ساياحاتشىلاردى باۋرايتىن جەرگە اينالدىرۋعا كۇش سالادى.

  كەشكە تاياۋ قورجىنى قامپايعان جاۋ يجيە ۇيگە قايتۋعا دايىندالدى. ول ”سوگەت تۇستەن كەيىنگى ارەدىك شايدا“ تۇسكەن ادەمى سۋرەتتەرىن ۋيچات دوستىق شەڭبەرىنە شىعارعان ەدى، ۇناتىپ القاعاندار ەكراندى لىق تولتىردى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار