سىچۋان ولكەسى لۋشيان اۋدانىندا 6 بال جەر سىلىكىندى

سىچۋان ولكەسى 2 - دارەجەلى جەر سىلكىنىسىنە شۇعىل شۇعىل توتەپ بەرۋ ساقتىق سەگنالىن ىسكە قوستى

2021.09.16 13:39   كەلۋ قاينارى : حالىق تورابى

　　جۇڭگو جەر سىلكىنىسىن باقىلاۋ ستانسياسى تورابىنىڭ رەسمي ولشەۋىنە قاراعاندا، 9 - ايدىڭ 16 - كۇنى ساعات 4تەن 33 مينۋت وتكەندە، سىچۋان ولكەسى لۋجوۋ قالاسىنىڭ لۋشيان اۋدانىندا 6.0 بال جەر سىلكىنگەن، سىلكىنىس قاينارىنىڭ تەرەڭدىگى 10 كيلومەتر، سىلكىنىس ورتالىعى سولتۇستىك ەندىك 29.20 گرادۋس، شىعىس بويلىق 105.34 گرادۋس بولعان. سىچۋان ولكەلىك جەر سىلكىنىسىنە قارسى اتتانىپ، اپاتتان قۇتقارۋعا قولباسشىلىق ەتۋ شتابى 2 - دارەجەلى جەر سىلكىنىسىنە شۇعىل توتەپ بەرۋ ساقتىق سەگنالىن ىسكە قوسقان.

　　ءتىلشىنىڭ سىچۋان ولكەلىك شۇعىل جاعدايعا توتەپ بەرۋدى باسقارۋ مەڭگەرمەسىنەن ۇعىسۋىنشا، سىچۋان ولكەلىك ۇكىمەتتىڭ ماقۇلداۋىمەن سىچۋان ولكەسىنىڭ جەر سىلكىنىسىنە قارسى اتتانىپ، اپاتتان قۇتقارۋ قولباسشىلىق شتابى مىنانى ۇيعارعان: ءبىرىنشى، «سىچۋان ولكەسىنىڭ جەر سىلكىنىسىنە شۇعىل توتەپ بەرۋ جوباسىنا» ساي، 2 ـ دارەجەلى شۇعىل جاعدايعا توتەپ بەرۋ ساقتىق سەگنالىن ىسكە قوسقان. ەكىنشى، ولكەگە توتە قاراستى قاتىستى تاراۋلار دەرەۋ شۇعىل جاعدايعا توتەپ بەرۋ كۇيىنە ءوتىپ، قاتەردەن قۇتقارۋ، كومەك بەرۋ، شۇعىل جاعدايعا توتەپ بەرۋ كەزەكشىلىگى، ينفورماتسيالاردى جيناقتاۋ، اپات جاعدايىن تەكسەرۋ، قوعام ورنىقتىلىعى سياقتى قىزمەتتەردى ويداعىداي ىستەيدى. ءۇشىنشى، قاتىستى قالا (وبلىس) اپات احۋالىن تەكسەرۋ جانە ناق مايداندا قۇتقارۋ قىزمەتىن قانات جايدىرۋعا ادام جىبەردى ٵرى ولكەلىك جەر سىلكىنىس اپاتىنا قارسى تۇرۋ، اپاتتان قۇتقارۋ قولباسشىلىق شتابىنا مالىمەت ەتەدى.

　　جەر سىلكىنىسى تۋىلعاننان كەيىن سىچۋان ولكەلىك شۇعىل جاعدايعا توتەپ بەرۋدى باسقارۋ مەڭگەرمەسى جەدەل ورنالاستىرۋ جاساپ، لۋجوۋ قالاسىندا 1 ـ دارەجەلى ساقتىق سەگنالىن ىسكە قوستى. ۇعىسۋعا قاراعاندا، لۋشيان اۋدانىنىڭ وسى رەتكى جەر سىلكىنىسىنىڭ توڭىرەگىندەگى 5 كيلومەتر جەردە كوپتەگەن قىستاق بار ەكەن.

　　كەلۋ قاينارى: حالىق تورابى