بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

توققۇزاق قالاشىعى سەنترلى باستاۋىش مەكتەبى: العىسقا تولى كوڭىل كۇيمەن ارمانعا قاراي ارشىندى قادام تاستادى

□ انار بۇلت / شينجياڭ گازەتىنىڭ تىلشىلەرى بارشا تەگىس، حان چين - يان

2021.09.16 14:49     كەلۋ قاينارى : شينجياڭ گازەتى


  9 - ايدىڭ 13 - كۇنى توققۇزاق قالاشىعى سەنترلى باستاۋىش مەكتەبىنىڭ وقۋشىلارى كۋايبان ورىنداۋدا. □ سۋرەتتى انار بۇلت / شينجياڭ گازەتىنىڭ ءتىلشىسى وتكىر نيجات تۇسىرگەن

  اكەم ماعان: ”بۇگىنگى باقىتتى تۇرمىسىمىز وڭاي - وسپاق قولعا كەلمەگەن دەيدى! اۋىلدىڭ مەن ەستىگەن، مەن كورگەن، مەن بىلەتىن وزگەرىستەرىن تۇگەلدەي ءسىزدىڭ قامقورلىعىڭىز بەن قولداۋىڭىزدان بولە قاراۋعا كەلمەيدى، ءبىز، ءسوز جوق، قۇلشىنا ۇيرەنىپ، ەسەيگەندە ءسىز سياقتى حالىق ءۇشىن قىزمەت ىستەيمىز...“.

  9 - ايدىڭ 10 - كۇنى كونەءشار اۋدانى توققۇزاق قالاشىعى سەنترلى باستاۋىش مەكتەبىنىڭ وقۋ باستاۋ ءبىرىنشى ساباعىندا وقۋشىلار ”شي جينپيڭ اتايعا ءبىر پارشا حاتتى“ داۋىستاپ وقىدى. مەكتەپ اۋلاسىندا بالالاردىڭ ءۇنى اۋەلەپ، پارتياعا دەگەن العىس سەزىمدەرى بەينەلەندى؛ بولاشاق ارمانعا قانات قاققان وقىتۋشى - وقۋشىلار ەل ءۇمىتىن اقتايتىن بەكىمدەرىن جەتكىزدى.

  2014 - جىلى 4 - ايدىڭ 28 - كۇنى باس شۋجي شي جينپيڭ توققۇزاق قالاشىعى سەنترلى باستاۋىش مەكتەبىنە كەلىپ قىزمەت تەكسەرگەندە وسى مەكتەپتەگى وقىتۋشىلاردى ”بارلىعى وقۋشىلار ءۇشىن، بارلىق وقۋشىلار ءۇشىن، وقۋشىلاردىڭ بارلىق ءىسى ءۇشىن“ ۇستانىمىن امالياتتا ويداعىداي ايگىلەۋگە شابىتتاندىرعان بولاتىن.

  العىس ايتۋ −− توققۇزاق قالاشىعى سەنترلى باستاۋىش مەكتەبىنىڭ ماڭگىلىك تاربيە تاقىرىبى. ”ءبىر ادام العىس ايتۋدى بىلگەندە عانا ەڭبەكتەنۋدى بىلەدى، ەڭبەكتەنگەندە عانا تابىسقا جەتۋگە بولادى“، - دەيدى وسى مەكتەپتىڭ احىلاق تاربيەسىنە جاۋاپتى ورىنباسار باستىعى لي جيانشين.

  وقۋ باستاۋدىڭ ءبىرىنشى ساباعىنان سىرت، توققۇزاق قالاشىعى سەنترلى باستاۋىش مەكتەبى باستان - اياق قامقورلىقتى ءبىلۋدى، قامقورلىققا العىس ايتۋدى، قامقورلىقتى اقتاۋدى وقىتۋدىڭ ءارقايسى بۋىندارىنا ءسىڭىردى: العىس ايتۋ حيكاياسى باسەكەسىن مەرزىم سايىن ورىستەتىپ، ساباق الدىنداعى 5 مينۋتتىق العىس ايتۋ تاربيەسىن قانات جايدىرىپ، تاماق الدىندا العىس ايتۋ، ساباق الدىندا العىس ايتۋ سالتىن وتكىزىپ، 4 - ايدىڭ 28 - كۇنىن مەكتەپتىڭ ”العىس ايتۋ مەرەكەسى“ ەتىپ بەلگىلەدى.

  توققۇزاق قالاشىعى سەنترلى باستاۋىش مەكتەبى ءداستۇرلى مەرەكەلەرمەن ۇشتاستىرىپ بىرگە ءان ايتىپ، ءبي بيلەۋ، بىرگە كىتاپ وقۋ، بىرگە مەرەكە وتكىزۋ، بىرگە قيمىل جاساۋ، بىرگە سپورتپەن شۇعىلدانۋ سىندى ”بەستە بىرگە بولۋ“ تاربيە قيمىلىن ورىستەتىپ، العىس ايتۋ بارىسىندا سۇيىسپەنشىلىكتى توعىستىرۋدى، ۇيرەنۋ ارقىلى سۇيىسپەنشىلىكتى توعىستىرۋدى، كوڭىلدىلىك بارىسىندا سۇيىسپەنشىلىكتى توعىستىرۋدى، اۋىس - كۇيىس جاساۋ بارىسىندا سۇيىسپەنشىلىكتى توعىستىرۋدى، ءوسىپ - جەتىلۋ بارىسىندا سۇيىسپەنشىلىكتى توعىستىرۋدى جۇزەگە اسىرىپ، وقىتۋشى - وقۋشىلاردىڭ العىس ايتۋ سەزىمىن بارىنشا تاسقىنداتتى.

  توققۇزاق قالاشىعى سەنترلى باستاۋىش مەكتەبىندەگى وقىتۋشى - وقۋشىلاردىڭ العىس ايتۋ سەزىمى بۇگىنگى باقىتتى تۇرمىستان باستاۋ الدى.

  ”3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسى اشىلعاننان كەيىن، مەكتەپتە كوپتەگەن جاڭا وزگەرىستەر تۋىلدى: قۇرعاق دارەتحانانى سۋمەن شايىلاتىن دارەتحاناعا وزگەرتىپ سالدى، تۇتاس مەكتەپ اۋلاسى جاسىل جەلەك جامىلدى، ءورت ءسوندىرۋ، ورتتەن ساقتانۋ قۇرىلعىلارى جاقساردى، دارەجەسى جوعارىلادى، وقۋشىلار اسحاناسى جاڭاردى، ’ءتورت تاريح‘ سارايى جانە يدەيا - ساياسي، عىلىم - تەحنيكا سارايى، ورەندەر سارايى تىڭنان سالىندى، وتانشىلدىق كاريدورى، مادەنيەت كاريدورى جاسالدى، مەكتەپتىڭ جۇمساق - قاتتى بولشەكتەرى تۇگەلدەي جاڭاردى“. وسى ءبىر جىلداعى وزگەرىستەردى تىلگە العاندا، توققۇزاق قالاشىعى سەنترلى باستاۋىش مەكتەبى پارتيا ياچەيكاسىنىڭ شۋجيى ياۋ حۇڭيۇي تەبىرەنىسىن باسا المادى.

  ءتىلشى وسى مەكتەپتەگى ءاربىر وقىتۋشىعا تۇگەلدەي بىردەن كومپيۋتەر سەپتەلگەنىن، ساباقحانادا وقىتۋشىلار مەن وقۋشىلاردىڭ كەز كەلگەن ۋاقىتتا ينتەرنەتتەگى ءتۇرلى وقىتۋ بايلىقتارىنان پايدالانا الاتىندىعىن كوردى. ياۋ حۇڭيۇي مەكتەپتىڭ ”زەردەلى مەكتەپ اۋلاسى“ قۇرىلىسى سىناق كەزەڭىنە وتكەنىن ايتتى.

  ”ەسەيگەندە بەيجيڭگە وقۋعا بارامىن“ دەگەن وسى مەكتەپتىڭ 6 - جىلدىق وقۋشىسى گۇلزوھرا ابدۇكەرىم ءوزىنىڭ وقىتۋشى بولۋدى ارماندايتىندىعىن ايتتى.

  توققۇزاق قالاشىعى سەنترلى باستاۋىش مەكتەبى قاشقار ايماعىنداعى اۋىل - قىستاق مەكتەپتەرى اراسىندا باستاۋىش مەكتەپتىڭ 1 - جىلدىعىنان 6 - جىلدىعىنا دەيىن مەملەكەتتە ءبىر تۇتاس قولدانىلاتىن ءتىل - جازۋ وقىتۋىمەن جاپپاي قامتۋدى الدىمەن جۇزەگە اسىردى. 2020 - جىلدان بەرى بۇل مەكتەپتەگى 30 وقۋشى شينجياڭ رايونى ىشىندەگى ورتالاۋ مەكتەپكە قابىلداندى.

  ”بۇرىن مەنىڭ پۋتۇڭحۋامەن دىبىستاۋىم ولشەمدى ەمەس بولاتىن“، − دەيدى گۇلزوھرا، − قازىر پۋتۇڭحۋانى جاتىق سويلەپ قانا قويماي، ساحنادا ولەڭ دە وقي الاتىن بولدىم.

  توققۇزاق قالاشىعى سەنترلى باستاۋىش مەكتەبىندەگى ءار ۇلت وقىتۋشىلارى باس شۋجي شي جينپيڭنىڭ تاپسىرماسىن باستان − اياق ەستە بەرىك ساقتاپ، وقۋشىلاردىڭ ءىسىن ماڭداي الدى ۇلكەن ءىس رەتىندە ءبىتىردى. ءبىر جىلدان بەرى مەكتەپ باي مازمۇندى، الۋان ءتۇرلى ”ۇلتتار ىنتىماعىنىڭ بەرەكەلى شاڭىراعى“، ”ۇشكە كىرۋ، ەكىمەن بايلانىس ورناتۋ، بىرمەن دوستاسۋ“ قيمىلىن ورىستەتىپ، تۇتاس مەكتەپتەگى وقىتۋشىلاردىڭ ءبارى وقۋشىلارمەن، اتا - انالارمەن جۇپ قۇراپ، تۋىس بولىپ، 700دەن استام ادام - رەت وتباسىلارىنا بارىپ جاعداي ۇعىسىپ، وقۋشىلاردىڭ قيىنشىلىعىن شەشۋگە كومەكتەسىپ، وتباسى مەن مەكتەپتى شىن مانىندە جاناستىرىپ، وقۋشىلاردىڭ جان دۇنيەسىن مەيىرمەن نارلەندىردى.

  ”جۇڭگولىقپىن“، ”پارتيانى سۇيەمىن، وتاندى سۇيەمىن“، ”قامقورلىققا العىس ايتامىن، قامقورلىقتى بىلەمىن، قامقورلىقتى اقتايمىن“... وسى مەكتەپتىڭ حاتكەرلىك كلاسىندا ءتىلشى ۇستەلدىڭ ۇستىنە قويىلعان وقۋشىلاردىڭ حاتكەرلىك تۋىندىلارىنىڭ ءاربىر جولىندا قويۋ وتباسى - وتان سۇيىسپەنشىلىگىنىڭ بەينەلەنگەنىن كوردى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار