مەملەكەت بويىنشا اۋىل - قىستاقتى گۇلدەندىرۋ كاسىپتىك شەبەرلىك جارىسى 9 - ايدىڭ 26 - كۇنىنەن 28 - كۇنىنە دەيىن شينجياڭدا وتكىزىلەدى
2021.09.16 14:51 كەلۋ قاينارى : شينجياڭ گازەتى
انار بۇلت / شينجياڭ گازەتىنىڭ ءتىلشىسى لي لين 9 - ايدىڭ 14 - كۇنى ۇرىمجىدەن حابارلايدى. اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسىنەن مىنانى ۇعىستىق: مەملەكەت بويىنشا اۋىل - قىستاقتى گۇلدەندىرۋ كاسىپتىك شەبەرلىك جارىسى 9 - ايدىڭ 26 - كۇنىنەن 28 - كۇنىنە دەيىن رايونىمىزدا وتكىزىلەدى، بۇل جاڭا جۇڭگو قۇرىلعاننان بەرى وتكىزىلگەن تۇڭعىش كەزەكتى اۋىل - قىستاقتى گۇلدەندىرۋ كاسىپتىك شەبەرلىك جارىسى. بۇكىل ەلدەگى 31 ولكە (اۆتونوميالى رايون، توتە قاراستى قالا) مەن شينجياڭ ءوندىرىس - قۇرىلىس بيڭتۋانىنان كەلگەن جالپى 32 ۋاكىلدەر ۇيىرمەسىندەگى 684 شەبەر 11 ءتۇر بويىنشا سايىسقا قاتىناسادى، مۇنىڭ ىشىندە رايونىمىزدان 22 شەبەر جارىسقا قاتىناسادى.
وسى رەتكى جارىس رايونىمىزدىڭ تۇڭعىش رەت ۇستىنە الىپ وتكىزگەن مەملەكەتتىك كاسىپتىك شەبەرلىك جارىسى ءارى رايونىمىز ۇستىنە الىپ وتكىزگەن دارەجەسى ەڭ جوعارى، كولەمى ەڭ ۇلكەن كاسىپتىك − تەحنيكالىق باسەكەلىك جارىس. جارىستى ادام كۇشى بايلىعى جانە قوعامدىق قامتاماسىزداندىرۋ مينيسترلىگى، مەملەكەتتىك اۋىل - قىستاقتى گۇلدەندىرۋ مەكەمەسى، اۆتونوميالى رايوندىق حالىق ۇكىمەتى باس بولىپ وتكىزەدى، اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسى، اۆتونوميالى رايوندىق اۋىل - قىستاقتى گۇلدەندىرۋ مەكەمەسى، ءۇرىمجى قالالىق حالىق ۇكىمەتى بىرگە ۇستىنە الىپ وتكىزەدى، قاتىستى 21 مەڭگەرمە، مەكەمە، ورىن سەلبەسەدى.
جارىس ”شەبەرلىك كەلبەتىن ايگىلەپ، اۋىل - قىستاقتى گۇلدەندىرۋدى جەبەۋدى“ نەگىزگى تاقىرىپ ەتكەن، جارىس تۇرلەرى اۋىل - قىستاقتىڭ قولدانىلمالى شەبەرلىگىن نەگىز ەتىپ، تام قالاۋشى، اۆتوكولىك رەمونتتاۋشى، اۋىل شارۋاشىلىق ماشينالارىن رەمونتتاۋشى، توكشى، شاشتاراز، شاش جاساۋشى، قارتتاردى كۇتۋشى، بوبەك قاراۋشىلارى - تاربيەشىلەرى، باتىسشا ۇن تاعامدارىن پىسىرۋشىلار، اسحانا قىزمەت وتەۋشىلەرى، ەلەكتروندى ساۋداگەرلەر جانە جۇڭگوشا اسپازدىق (قوي ەتىن قاقتاۋ) سىندى 11 جارىس ءتۇرى جانە جۇڭگوشا ۇن تاعامدارىن پىسىرۋشىلار (نان جابۋ) سىندى ءبىر ويىن كورسەتۋ ءتۇرى بويىنشا ورنالاستىرىلعان.
جارىسقا قاتىناسۋشىلار اۋىل شارۋاشىلىق وتباسىلارىنداعى، اسىرەسە، جەر - جەردەگى كەدەيلىكتەن ارىلعان وتباسىلارىنداعى (كومەكتەسىپ سۇيەمەلدەنەتىن وبيەكتىلەر وتباسىن سارالاۋدى قامتيدى) ادامداردى نەگىز ەتىپ، ءارقايسى ولكەلەر (اۆتونوميالى رايون، توتە قاراستى قالا) مەن شينجياڭ ءوندىرىس - قۇرىلىس بيڭتۋانىن بىرلىك ەتكەن ۇيىرمە فورماسىندا جارىسقا قاتىناسادى. ءاربىر تۇرگە جارىسقا قاتىناسقان ۋاكىلدەر ۇيىرمەسى 2 شەبەردى جارىسقا قاتىناسۋعا تاڭداپ جىبەرەدى، مۇنىڭ ىشىندە جۇمىسشى - قىزمەتكەرلەر گرۋپپاسى مەن وقۋشىلار گرۋپپاسىنىڭ ءارقايسىسىنان بىردەن ادام بولادى.
جارىستىڭ ءارقايسى جارىس تۇرلەرىنىڭ ءارقايسى گرۋپپاسىنا جەكە - جەكە ءبىر التىن مەدال، 2 كۇمىس مەدال، 3 قولا مەدال ورنالاستىرىلىپ، التىن، كۇمىس، قولا مەدالعا يە بولعان شەبەرلەر قازىرگى كاسىپتىك تولىمدىلىعى نەمەسە كاسىپتىك شەبەرلىك دارەجەسى نەگىزىندە ءبىر دارەجە وسىرىلەدى؛ جارىستىڭ ءارقايسى جارىس تۇرلەرىندە جۇمىسشى - قىزمەتكەرلەر گرۋپپاسىنىڭ الدىڭعى 3 ورنىن يەلەگەن شەبەرلەرگە ادام كۇشى بايلىعى جانە قوعامدىق قامتاماسىزداندىرۋ مينيستىرلىگى تەكسەرىپ بەكىتكەننەن كەيىن، ”مەملەكەتتىك تەحنيكا شەبەرى“ داڭقى بەرىلەدى، مەدال، سيلىق جانە كۋالىك تاراتىلادى.
جارىس كەزىندە تاعى ”شەبەرلىك جۇڭگو ساپارى 2021 − شينجياڭعا قادام تاستاۋ“، ”كاسىپتىك باسەكەلىك جارىسى كاسىبى بويىنشا اۋىس - كۇيىس جاساۋ، باۋلۋ“، ”جۇڭحۋانىڭ ورەلى ونەرىن كورسەتۋ قويىلىمى“ سياقتىلار وتكىزىلىپ، اۋىس - كۇيىس قيمىلدارى كورسەتىلەدى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
