شينجياڭنىڭ ەمدەۋ - دەنساۋلىق ساقتاۋ قىزمەت وتەۋ تورى قالا مەن اۋىلدى قامتىدى
2021.09.16 14:52 كەلۋ قاينارى : شينجياڭ گازەتى
انار بۇلت / شينجياڭ گازەتىنىڭ ءتىلشىسى سۋ لۋپيڭ، پراكتيكانت جاۋ شينيۋە 9 - ايدىڭ 14 - كۇنى ۇرىمجىدەن حابارلايدى. اۆتونوميالى رايوندىق حالىق ۇكىمەتى اقپارات كەڭسەسى 9 - ايدىڭ 14 - كۇنى اشقان اۆتونوميالى رايوندىق دەنساۋلىق ساقتاۋ، سالاماتتىق ىستەرىنىڭ”13 - بەسجىلدىق“ دامۋ تابىسى جانە ”14 - بەسجىلدىقتىڭ“ باستاما جاعدايى جونىندەگى اقپار جاريالاۋ ماجىلىسىنەن ۇعىسۋعا قاراعاندا، كەزەكتە رايونىمىزدا قالا مەن اۋىلدى قامتىعان ەمدەۋ − دەنساۋلىق ساقتاۋ قىزمەت وتەۋ تورى نەگىزىنەن قۇرىلىپ، اۋىل، قىستاق ەكى دارەجەلى ەمدەۋ − دەنساۋلىق ساقتاۋ قۇرىلىمدارىن ولشەمدەندىرىپ قۇرۋدى ％100 ورىنداپ، ءار دارەجەلى، ءار ءتۇرلى ەمدەۋ - دەنساۋلىق ساقتاۋ قۇرىلىمى 15 مىڭ 631گە جەتكەن (بيڭتۋاندى قامتىمايدى).
اۆتونوميالى رايوندىق دەنساۋلىق ساقتاۋ، سالاماتتىق كوميتەتى پارتيا باسشىلىق گرۋپپاسىنىڭ مۇشەسى، ورىنباسار مەڭگەرۋشىسى سۇي يان بىلاي دەپ تانىستىردى: ”13 - بەسجىلدىق“ مەزگىلىندە، اۆتونوميالى رايون ”ەمدەۋ، ەمدەۋ قامسىزداندىرۋى، ءدارى - دارمەك ىستەرىن“ بىرلەسىپ ىلگەرىلەتۋ رەفورما مەحانيزمىن ورناتىپ، دارەجەگە ءبولىپ دياگنوز قويۋ، ەمدەۋ ءتۇزىمىن ءتارتىپتى ىلگەرىلەتتى؛ ءدارى - دارمەك ارقىلى شيپاحانانى اسىراۋدى كۇشىنەن قالدىرۋدى نىشان ەتكەن اۋدان دارەجەلى ۇكىمەتتىك شيپاحانالاردىڭ كەشەندى رەفورماسىمەن بارلىق اۋدان، قالالاردى تۇتاس قامتۋدى جۇزەگە اسىرىپ، نەگىزگى ءدارى - دارمەك ءتۇزىمىن نەگىز ەتكەن ءدارى - دارمەكپەن قامداۋدى قامتاماسىزداندىرۋ جۇيەسى اناعۇرلىم اقاۋسىزداندى؛ تۇرعىنداردىڭ دەنساۋلىق ساقتاۋعا جۇمساعان ناق اقشا شىعىسىنىڭ سالىستىرماسى ％30تەن تومەندەپ، ءار ۇلت بۇقاراسىنىڭ اۋرۋ كورسەتۋ، ەمدەلۋ اۋىرتپالىعى ءونىمدى باسەڭدەدى.
قازىر رايونىمىز رايون، ايماق، اۋدان 3 دارەجەلى الىس ارالىقتى ەمدەۋمەن تۇتاس قامتۋدى جۇزەگە اسىرىپ، ”اۋرۋ كورسەتۋ قيىن بولۋ، اۋرۋ كورسەتۋ الىس بولۋ“ ماسەلەسى ءونىمدى تۇردە شەشىلدى. ەمدەۋ ساپاسى مەن تەحنيكا دەڭگەيى زور دارەجەدە جوعارىلاپ، مەملەكەت دارەجەلى جانە اۆتونوميالى رايون دارەجەلى كلينيكالىق ءتۇيىندى ارناۋلى بولىمدەر جەكە - جەكە 14كە جانە 281گە جەتتى. الەۋمەتتىك دەنساۋلىق ساقتاۋ قىزمەت وتەۋ قابىلەتى ورنىقتى جوعارىلاپ، سالماقتى جۇقپالى اۋرۋلار، جەرگىلىكتى اۋرۋلار ءونىمدى تىزگىندەلىپ، ىندەتتەن ساقتانۋ - تىزگىندەۋدى ۇدايىلاندىرۋ ونىمدىلىگى كورنەكتى بولدى. جاڭا تيپتى ايدارشا ۆيرۋس ىندەتى ۆاكسيناسىن ەگۋ قىزمەتى حاۋىپسىز، ءتارتىپتى، جوعارى ءونىمدى بولىپ، حالىقتىڭ سالاماتتىعىن قامتاماسىزداندىراتىن يممۋنيتەت قالتقىسى ورناتىلدى.
سۇي يان بىلاي دەپ تانىستىردى: اۆتونوميالى رايون، ايماق، اۋدان 3 دارەجەلى جۇڭگوشا شيپاگەرلىك ەمدەۋ قىزمەت وتەۋ جۇيەسى العاشقى قادامدا قۇرىلىپ، ايماق، وبلىس، قالا دارەجەلى ۇكىمەت قۇرعان جۇڭگوشا ەمدەۋ تۇرىندەگى شيپاحانالارمەن تۇتاس قامتۋ جۇزەگە اسىرىلدى. بۇكىل مەملەكەتتىك ايگىلى، ساقا جۇڭگوشا شيپاگەرلىك، ءدارى - دارمەك ماماندارىنىڭ ماماندىعىن جالعاستىرۋ قىزمەت كەڭسەسىنەن 11ى، نەگىزگى ساتىداعى تانىمالى، ساقا جۇڭگوشا شيپاگەرلىك، ءدارى - دارمەك ماماندارىنىڭ ماماندىعىن جالعاستىرۋ قىزمەت كەڭسەسىنەن 16سى قۇرىلىپ، جۇڭگوشا شيپاگەرلىك، ءدارى - دارمەك بايىرعى جازبا دەرەكتەرىنەن 20سى اشىلىپ، رەتتەلىپ، 6 ءتۇرلى ءداستۇرلى ەمدەۋ، ءدارى - دارمەك تەحنيكاسى مەملەكەتتىك بەيزاتتىق مادەنيەت مۇرالارى تىزىمدىگىنە ەنگىزىلدى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
