14 - كەزەكتى مەملەكەتتىك سپورت جارىسى شانشي ولكەسىنىڭ شي - ان قالاسىندا باستالدى
شي جينپيڭ اشىلۋ سالتىنا قاتىناستى ءارى سپورت جارىسىنىڭ باستالعانىن جاريالادى
2021.09.16 16:20
سۋرەتتە: ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 9 - ايدىڭ 15 - كۇنى كەشتە شانشي ولكەسىنىڭ شي - ان قالاسىندا جۇڭحۋا حالىق رەسپۋبليكاسىنىڭ 14 - كەزەكتى سپورت جارىسىنىڭ اشىلۋ سالتىنا قاتىناستى ءارى سپورت جارىسىنىڭ باستالعانىن جاريالادى. سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن
«حالىق گازەتى»، 9 - ايدىڭ 15 – كۇنى، شي - ان. جۇڭحۋا حالىق رەسپۋبليكاسىنىڭ 14 - كەزەكتى سپورت جارىسى 9 - ايدىڭ 15 – كۇنى كەشتە شانشي ولكەسىنىڭ شي - ان قالاسىندا سالتاناتپەن باستالدى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ اشىلۋ سالتىنا قاتىناستى ءارى سپورت جارىسىنىڭ باستالعانىن جاريالادى.
9 – ايدىڭ 15 – كۇنى كەشتە شي - ان وليمپيادا سپورت ورتالىعىنىڭ دەنەتاربيە الاڭىندا شىراقتار سامالاداي جارقىراپ، دۋماندى بەينەگە شومدى.
ساعات 19 دان 58 مينۋت وتكەندە ويناقى مۋزىكا ءۇنى ىشىندە شي جينپيڭ مەن حانىمى پىڭ لييۋان قاتارلىلار ءتوراعالار مىنبەسىنە شىعىپ، كورەرمەندەرگە قول بۇلعاپ قۇرمەت ءبىلدىردى. تۇتاس الاڭنان ۇزاققا سوزىلعان قىزۋ قول شاپالاق ءۇنى كوتەرىلدى.
ساعات 20 دا مەملەكەتتىك 14 - كەزەكتى سپورت جارىسىنىڭ اشىلۋ سالتى رەسمي باستالدى. «وتاندى جىرلايمىز» دەگەن اسقاق اۋەننىڭ سۇيەمەلدەۋىندە قۇرمەت قاراۋىلىنىڭ مۇشەلەرى جايناعان بەس جۇلدىزدى قىزىل تۋدى قورعاپ دەنەتاربيە الاڭىنا كىردى. ايبىندى «سپورتشىلار مارشى» ورىندالىپ، مەملەكەتتىك سپورت جارىسىنىڭ تۋى، 14 - كەزەكتى مەملەكەتتىك سپورت جارىسىنىڭ تۋى جانە 60 تۋشىدان قۇرالعان جينالىس تۋى شارشى توبى، تورەشىلەر ۋاكىلدەرىنىڭ شارشى توبى ءتوراعالار مىنبەسىنە قاراي بەتتەدى. وسىدان كەيىن 37 ۋاكىلدەر ۇيىرمەسىنىڭ سپورتشىلار ۋاكىلدەرى كوتەرىڭكى رۋحپەن ىلەسە ءجۇردى، ولار جەكە - جەكە ولكە، اۆتونوميالى رايون، توتە قاراستى قالالاردان، شياڭگاڭ ەرەكشە اكىمشىلىك رايونىنان، اۋمىن ەرەكشە اكىمشىلىك رايونىنان، شينجياڭ ءوندىرىس - قۇرىلىس بيڭتۋانىنان جانە 3 كاسىپتىك دەنەتاربيە قوعامىنان كەلگەن. تۇتاس الاڭداعى كورەرمەندەر شاتىرلاعان شاپالاق ۇنىمەن جانە الاقايلاعان داۋىسپەن سپورتشىلاردى قارسى الدى.
الاڭعا كىرۋ سالتى اياقتاعان سوڭ، تۇتاس الاڭداعىلار ورىندارىنان تۇرىپ، جۇڭحۋا حالىق رەسپۋبليكاسىنىڭ مەملەكەت ءانىن اسقاقتاتا شىرقادى. ايبىندى مەملەكەت انىمەن بەس جۇلدىزدى قىزىل تۋ باياۋ كوتەرىلىپ، جەلبىرەدى.
شانشي ولكەسىندەگى، مەملەكەتتىك دەنەتاربيە باس مەكەمەسىندەگى جاۋاپتى جولداستار جەكە - جەكە ءسوز سويلەدى.
20 ساعات 40 مينۋتتا شي جينپيڭ اسقاق داۋىسپەن: «جۇڭحۋا حالىق رەسپۋبليكاسىنىڭ 14 - كەزەكتى سپورت جارىسى باستالدى!» دەپ جاريالادى. تۇتاس الاڭداعىلار دۋ قول شاپالاق سوعىپ، الاقايلاعان داۋىستار كوپكە دەيىن تولاستامادى.
مەملەكەتتىك 14 - كەزەكتى سپورت جارىسىنىڭ ءان اۋەنىمەن بىرگە مەملەكەتتىك سپورت جارىسىنىڭ تۋى مەن مەملەكەتتىك 14 - كەزەكتى سپورت جارىسىنىڭ تۋى باياۋ كوتەرىلدى.
سپورتشى ياڭ شۇنحۇڭ، جاتتىقتىرۋشى چىن رۇڭشۋە، تورەشى جۇڭ حاڭۋەي جەكە - جەكە 14 - كەزەكتى مەملەكەتتىك سپورت جارىسىنا قاتىناساتىن سپورتشىلار، جاتتىقتىرۋشىلار، تورەشىلەر اتىنان سەرت بەردى.
14 - كەزەكتى مەملەكەتتىك سپورت جارىسىنىڭ «بولاشاق قۋىپ اتتانايىق» دەگەن جينالىس انىمەن «جاڭا داۋىردە كۇرەس جاساپ، ۇدەرە العا تارتۋدىڭ جاڭا جورىعى» اتتى مادەنيەت – دەنەتاربيە ويىندارىنىڭ شىمىلدىعى اشىلدى، تۇتاس كونسەرت «قوناقتاردى قارسى الۋ دابىلى» سىندى بەتاشار مۋزىكادان جانە «ۇلت تامىرى»، «يان - ان رۋحى»، «جۇڭگو ارمانى»سىندى 3 بولىمنەن قۇرالىپ، كوپ مەديالى تەحنيكا مەن دىبىس - فوتوەلەكتر تاسىلىنەن پايدالانىپ، وسى كەزەكتى سپورت جارىسىنىڭ «جالپى حالىقتىق سپورت جارىسى، ءبىر نيەت، ءبىر تىلەكتە بولۋ» نەگىزگى تاقىرىبىن جاندى ءتۇسىندىردى.
ادامدى تەبىرەنتەتىن الاڭ ىشىندەگى الاۋ جەتكىزۋ جانە نەگىزگى الاۋدى تۇتاندىرۋ سالتى باستالدى. 8 - ايدىڭ 16 – كۇنىنەن باستاپ 14 - كەزەكتى مەملەكەتتىك سپورت جارىسىنىڭ الاۋى شانشي ولكەسىندە ءۇرتىس جەتكىزىلىپ، ەڭ سوڭىندا شي - ان وليمپيادا ورتالىق دەنەتاربيە الاڭىنا اكەلىندى. كۇللى جۇرتتىڭ كوز تىگۋىمەن سۋ بيڭتيان، جاڭ يۇيفەي، چين كاي، گو ۋىنجۇن، ما لۇڭ قاتارلى 5 الاۋشى كۇش جالعاپ جەتكىزىپ، ەڭ سوڭىندا توكيو وليمپيادا سپورت جارىسىنداعى تۇڭعىش التىن مەدالدىڭ يەگەرى ياڭ چيان سپورت جارىسىنىڭ نەگىزگى الاۋىن تۇتاندىردى.
21 ساعات 35 مينۋتتا 14 - كەزەكتى مەملەكەتتىك سپورت جارىسىنىڭ اشىلۋ سالتى «قارىشتاۋ» اتتى تاقىرىپتىق ءان ىشىندە قىزۋ مەرەيمەن تابىستى اياقتادى.
9 – ايدىڭ 15 – كۇنى تۇستەن كەيىن شي جينپيڭ شانشي سارايىندا بۇقارالىق سپورتتاعى مەملەكەتتىك وزات ورىنداردىڭ، وزات جەكەلەردىڭ ۋاكىلدەرىمەن جانە بۇكىل ەلدىڭ دەنەتاربيە جۇيەسىندەگى وزات كوللەكتيۆتەردىڭ، وزات قىزمەتكەرلەردىڭ ۋاكىلدەرىمەن، توكيو وليمپيادا سپورت جارىسىنداعى جۇڭگو دەنەتاربيە ۋاكىلدەر ۇيىرمەسىنىڭ سپورتشىلارى مەن جاتتىقتىرۋشىلارىنىڭ ۋاكىلدەرىمەن، ت. ب. ىقىلاسپەن كەزدەستى ءارى كوپشىلىكپەن بىرگە سۋرەتكە ءتۇسىپ ەستەلىك قالدىردى. شي جينپيڭ كوپشىلىكپەن ىقىلاسپەن اڭگىمەلەسىپ، ولاردى قۇلشىنا كۇرەس جۇرگىزىپ، تاعى دا تاماشا ناتيجە جاراتۋعا شابىتتاندىردى.
ديڭ شۋەشياڭ، ليۋ حى، شۇي چيلياڭ، سۇن چۇنلان، چىن شي، ساي دافىڭ، لۋ جانگۇڭ، حى ليفىڭ جوعارىداعى قاتىستى قيمىلدارعا قاتىناستى.
14 - كەزەكتى مەملەكەتتىك سپورت جارىسى 9 - ايدىڭ 27 – كۇنى جابىلادى، جالپى 12 مىڭنان استام سپورتشى باسەكەلىك جارىس تۇرىنە قاتىناسادى، 10 مىڭنان استام بۇقارالىق سپورتشى بۇقارالىق جارىس قيمىلىنا قاتىناسادى.
سۋرەتتە: ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 9 - ايدىڭ 15 – كۇنى شانشي ولكەسىنىڭ شي - ان قالاسىندا بۇقارالىق سپورتتاعى مەملەكەتتىك وزات ورىنداردىڭ، وزات جەكەلەردىڭ ۋاكىلدەرىمەن جانە بۇكىل ەلدىڭ دەنەتاربيە جۇيەسىندەگى وزات كوللەكتيۆتەردىڭ، وزات قىزمەتكەرلەردىڭ ۋاكىلدەرىمەن، توكيو وليمپيادا سپورت جارىسىنداعى جۇڭگو دەنەتاربيە ۋاكىلدەر ۇيىرمەسىنىڭ سپورتشىلارى مەن جاتتىقتىرۋشىلارىنىڭ ۋاكىلدەرىمەن ىقىلاسپەن كەزدەستى ءارى كوپشىلىكپەن بىرگە سۋرەتكە ءتۇسىپ ەستەلىك قالدىردى. سۋرەتتى شينحۋا اگەنتتىگىنىڭ ءتىلشىسى يان يان تۇسىرگەن
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
