15 ولكەدە ەڭ تومەنگى ەڭبەكاقى ولشەمى جوعارىلاتىلدى

2021.09.17 14:50   كەلۋ قاينارى : حالىق تورابى

　　2021 – جىلى جىل باسىنان بەرى، جەر – جەر ەڭ تومەنگى ەڭبەكاقى ولشەمىن جوعارىلاتا باستادى. تولىق بولماعان ساناققا قاراعاندا، بيىل 15 ولكە ەڭ تومەنگى ەڭبەكاقى ولشەمى جوعارىلاتىلىپ، بارشا «جۇمىسكەرلەر» شىنايى يگىلىككە كەنەلەتىن بولعان.

　　15 ولكە ەڭ تومەنگى ەڭبەكاقى ولشەمىن جوعارىلاتتى

　　«ەڭ تومەنگى ەڭبەكاقى ولشەمى تۋرالى بەلگىلەمەگە» نەگىزدەلگەندە، ەڭ تومەنگى ەڭبەكاقى ولشەمىنە ادەتتە ايلىق ەڭ تومەنگى ەڭبەكاقى ولشەمى جانە ساعاتتىق ەڭ تومەنگى ەڭبەكاقى ولشەمى اتقارىلادى. ايلىق ەڭ تومەنگى ەڭبەكاقى ولشەمى تولىق كۇندىك جۇمىس ىستەۋشىلەرگە قولدانىلادى، ساعاتتىق ەڭ تومەنگى ەڭبەكاقى مولشەرى تولىق كۇندىك جۇمىس ىستەمەيتىن ەڭبەكشىلەرگە قولدانىلادى. رەتتەۋ بارىسىندا بايقاۋعا قاراعاندا، بيىل جىل باسىنان بەرى، حەيلۇڭجياڭ، جياڭشي، شينجياڭ، شانشي، شاڭحاي، تيانجين، شيزاڭ، بەيجيڭ، جىجياڭ، جياڭسۋ، حۋبەي، نيڭشيا، گانسۋ، سانشي، لياۋنيڭ قاتارلى 15 جەر ەڭ تومەنگى ەڭبەكاقى ولشەمىن جوعارىلاتقان.

　　ناقتى جاعدايى تومەندەگىدەي:

　　حەيلۇڭجياڭ

　　4 – ايدىڭ 1 – كۇنىنەن باستاپ، ەڭ تومەنگى ەڭبەكاقى ولشەمىن جوعارىلاتقان. تەڭشەلگەننەن كەيىنگى ەڭ جوعارى ەڭبەكاقى ولشەمى ءوڭىر بويىنشا ءۇش دارەجەگە بولىنگەن. ءبىرىنشى دارەجە 1860 يۋان، ەكىنشى دارەجە 1610 يۋان، ءۇشىنشى دارەجە 1450 يۋان، جەكە – جەكە 180 يۋان، 160 يۋان، 180 يۋان جوعارىلاتىلعان.

　　جياڭشي

　　4 – ايدىڭ 1 – كۇنىنەن باستاپ، ەڭ تومەنگى ەڭبەكاقى ولشەمىن جوعارىلاتقان. ءبىرىنشى توپتاعى وڭىرلەردە ەڭ تومەن بولعاندا ايىنا 1850 يۋان، ەكىنشى توپتاعى وڭىرلەردە ەڭ تومەن بولعاندا اي سايىن 1730 يۋان، ءۇشىنشى توپتاعى وڭىرلەردە ەڭ تومەن بولعاندا 1610 يۋان، جەكە – جەكە 170 يۋان، 150 يۋان، 140 يۋان جوعارىلاتىلعان.

　　شينجياڭ

　　ەڭ تومەنگى ەڭبەكاقى ولشەمى ءتورت دارەجەگە بولىنگەن، 4 – ايدىڭ 1 – كۇنىنەن باستاپ اتقارىلعان. ەڭ تومەنگى ەڭبەكاقى ولشەمى جەكە – جەكە 1900 يۋان، 1700 يۋان، 1620 يۋان، 1540 يۋان، تۇگەلدەي 80 يۋان جوعارىلاتىلعان.(باسقا ولكەلەردىڭ جاعدايىن كەستەدەن كورىڭىز)

　　كەلۋ قاينارى: حالىق تورابى