لي جانشۋ باحرەين حالىقتىق پارلامەنتىنىڭ باستىعى، قوسىمشا قاۋىم پالاتاسىنىڭ باستىعى زاينالمەن كەڭەس وتكىزدى
2021.09.17 16:20 كەلۋ قاينارى : حالىق تورابى
شينحۋا اگەنتتىگى، 9 - ايدىڭ 16 - كۇنى، بەيجيڭ. مەملەكەتتىك حالىق قۇرىلتايى تۇراقتى كوميتەتىنىڭ باستىعى لي جانشۋ 9 - ايدىڭ 15 - كۇنى بەيجيڭدەگى حالىق سارايىندا بەينە ەكران تاسىلىمەن باحرەين حالىقتىق پارلامەنتىنىڭ باستىعى، قوسىمشا قاۋىم پالاتاسىنىڭ باستىعى زاينالمەن كەڭەس وتكىزدى.
لي جانشۋ بىلاي دەدى: جۇڭگو مەن باحرەين ديپلوماتيالىق قاتىناس ورناتقاننان بەرى ەكى جاقتى قاتىناس ورنىقتى دامىدى. ءتوراعا شي جينپيڭ مەن حاماد پاتشانىڭ بىرگە جەتەكشىلىك ەتۋىندە جۇڭگو مەن باحرەيننىڭ ءار سالاداعى دوستىق سەلبەستىگى ۇزدىكسىز تىڭ ىلگەرىلەۋشىلىككە قول جەتكىزىپ، ساياسي سەنىمدىلىگى اناعۇرلىم بەكەمدەلىپ، ناقتى سەلبەستىگى تىڭعىلىقتى ىلگەرىلەپ، گۋمانيتارلىق اۋىس - كۇيىسى اناعۇرلىم جيىلەدى. جۇڭگو باحرەيندى باستان - اياق جاقسى دوس، سەنىمدى سەرىك دەپ قارايدى، باحرەينمەن قول ۇستاسا قۇلشىنىپ، ەكى ەل باسشىلارى كەلىسكەن ماڭىزدى ورتاق تانىمدى ويداعىداي تياناقتاندىرىپ، ەكى جاقتى قاتىناستى ونان ارى كەڭەيتىپ جانە تەرەڭدەتىپ، ەكى ەل مەن ەكى ەل حالىقتارىنا ءتىپتى دە زور باقىت جاراتۋدى قالايدى.
لي جانشۋ بىلاي دەپ اتاپ كورسەتتى: جۇڭگو - باحرەين قاتىناسىنىڭ ۇزاق ۋاقىت ورنىقتى دامۋى ەكى ەل حالىقتارىنىڭ ءتۇبىرلى مۇددەسىنە ۇيلەسەدى. ەكى جاق ساياسي جاقتا ءوزارا قولداۋدى ۇزدىكسىز كۇشەيتۋى كەرەك. جۇڭگو باحرەيننىڭ مەملەكەتتىڭ يەلىك ۇقىعىن، تاۋەلسىزدىگىن، حاۋىپسىزدىگىن قورعاۋىن باتىل قولدايدى، باحرەيننىڭ تايۋانعا، شينجياڭعا، شياڭگاڭعا ساياتىن ىستەر، ادامدىق ۇقىق سياقتى جۇڭگونىڭ وزەكتى مۇددەسىنە جانە ءجىتى قاداعالاپ وتىرعان كەلەلى ىستەرىنە ساياتىن ماسەلەلەردە ۇزاق ۋاقىتتان بەرى كورسەتكەن قاستەرلى قولداۋىن القايدى. باحرەين − دۇنيە ءجۇزى بويىنشا تۇڭعىش توپتاعى جۇڭگو ۆاكسيناسىنان شۇعىل پايدالانۋدى جانە تىركەپ بازارعا سالۋدى بەكىتكەن مەملەكەت، جۇڭگو باحرەيننىڭ ىندەتكە قارسى اتتانۋ قۇلشىنىسىن ۇزدىكسىز قولداپ، ىندەتكە قارسى اتتانۋ سەلبەستىگىن تەرەڭدەتىپ، ادامزاتتىڭ دەنساۋلىق ساقتاۋ، سالاماتتىق ورتاق تۇلعاسىن قۇرۋدى بىرگە ىلگەرىلەتەدى. ءار سالاداعى ناقتى سەلبەستىكتى جوعارى ساپامەن ىلگەرىلەتىپ، «ءبىر بەلدەۋ، ءبىر جول» باستاماسىنىڭ باحرەيننىڭ «2030 - جىلعا دەيىنگى ەكونوميكالىق دامۋ بولاشاعىمەن» ۇشتاسۋىن ىلگەرىلەتىپ، ەكى ەلدىڭ ەكونوميكا - ساۋدا، ەنەرگيا، نەگىزدىك قۇرىلىس، 5 - بۋىن جىلجىمالى حابارلاسۋى، ەلەكتروندىق ساۋدا سياقتى سالالارداعى سەلبەستىگىن كەڭەيتۋ كەرەك. گۋمانيتارلىق اۋىس - كۇيىستى ۇزدىكسىز جيىلەتىپ، ەكى ەل دوستىعىنىڭ حالىق رايى نەگىزىن بەكەمدەۋ كەرەك. لي جانشۋ جۇڭگونىڭ جاڭا تيپتى ايدارشا ۆيرۋستىڭ تەگىن انىقتاۋ ماسەلەسىندەگى پرينسيپتىك مايدانىن تانىستىردى.
لي جانشۋ مىنالاردى دارىپتەدى: جۇڭگو مەملەكەتتىك حالىق قۇرىلتايى باحرەين حالىقتىق پارلامەنتىمەن اۋىس - كۇيىستى، سەلبەستىكتى كۇشەيتىپ، جۇڭگو - باحرەين قاتىناسىن تەرەڭدەتۋدى ىلگەرىلەتۋدە بەلسەندى رول اتقارۋدى قالايدى. ەكى جاقتىڭ ءتۇرلى تاسىلدەر ارقىلى جوعارى جىكتەگىلەردىڭ بارىس - كەلىسىن ساقتاپ، ارناۋلى كوميتەتتەردىڭ اۋىس - كۇيىسىن ىلگەرىلەتۋىنە بولادى. ەكى جاقتى قاتىناستىڭ دامۋىنا ءتيىمدى زاڭدىق قۇجاتتاردى دەر كەزىندە بەكىتىپ، وعان وزگەرىس ەنگىزىپ نەمەسە شىعارىپ، ەكى ەلدىڭ ءار سالاداعى ناقتى سەلبەستىگىنە تاماشا ساياساتتىق، زاڭدىق ورتا ازىرلەۋ كەرەك. ەل باسقارۋ تاجىريبەلەرىن اۋىستىرىپ، مەملەكەتتى زاڭمەن جونگە سالۋ، ەكونوميكانى دامىتۋ، حالىق تۇرمىسىن جاقسارتۋ سياقتى جاقتاردا ءوزارا ۇيرەنىپ، ءوزارا ۇلگى الۋ كەرەك. وڭىرلىك جانە دۇنيە جۇزىلىك ماسەلەلەردە تىلدەسۋدى كۇشەيتىپ، ءار ەلدىڭ پارلامەنتتەر وداعى سياقتى كوپ جاقتى ورىنداردا پىكىرلەسۋدى، سەلبەسۋدى جيىلەتىپ، وركەندەپ كەلە جاتقان ەلدەردىڭ مۇددەسىن بىرگە قورعاۋ كەرەك.
زاينال مىنانى ءبىلدىردى: جۇڭگونىڭ بايىرعى وركەنيەتى مەن ۇزاق تاريحى بار. باحرەين جۇڭگومەن سەرىكتەستىك قاتىناستى قاستەرلەيدى. جۇڭگونىڭ جاڭا تيپتى ايدارشا ۆيرۋس وكپە قابىنۋىنا بىرگە قارسى اتتانۋ بارىسىندا باحرەينگە ماڭىزدى قولداۋ كورسەتكەنىنە العىس ايتامىن. باحرەين حالىقتىق پارلامەنتى جۇڭگو مەملەكەتتىك حالىق قۇرىلتايىمەن اۋىس - كۇيىستى تەرەڭدەتىپ، زاڭ شىعارۋ سەلبەستىگىن كۇشەيتۋ، ەكونوميكا - ساۋدا بارىس - كەلىسىن جەبەۋ، حالىقتار دوستىعىن كۇشەيتۋ سياقتى جاقتاردا زاڭ شىعارۋ قۇرىلىمدارىنىڭ ماڭىزدى رولىن ساۋلەلەندىرۋدى قالايدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
