حان جىڭ 2021 – جىلعى دۇنيە جۇزىلىك جاڭا ەنەرگيالى اۆتوموبيل جينالىسىنا قاتىناستى ءارى ءسوز سويلەدى
2021.09.17 16:22 كەلۋ قاينارى : حالىق تورابى
ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەس زۇڭليىنىڭ ورىنباسارى حان جىڭ 9 - ايدىڭ 16 - كۇنى بەيجيڭدە بەينە جازبا تاسىلىمەن 2021 - جىلعى دۇنيە جۇزىلىك جاڭا ەنەرگيالى اۆتوموبيل جينالىسىنا قاتىناستى ءارى ءسوز سويلەدى.
حان جىڭ بىلاي دەپ اتاپ كورسەتتى: دۇنيە ءجۇزىنىڭ جاڭا كەزەكتى عىلىم - تەحنيكا توڭكەرىسى مەن كاسىپ وزگەرىسىنىڭ قارىشتاپ دامۋىنا بايلانىستى اۆتوموبيل ەنەرگيا، قاتىناس، ينفورماتسيا، حابارلاسۋ سياقتى سالالارداعى قاتىستى تەحنيكالارمەن جەدەل توعىسىپ، جاڭا ەنەرگيالى اۆتوموبيل دۇنيە ءجۇزىنىڭ اۆتوموبيل كاسىبىنىڭ تيبىن وزگەرتىپ دامۋىنىڭ باستى بەتالىسىنا اينالدى. دۇنيە جۇزىندەگى ەڭ ءىرى اۆتوموبيل ءوندىرۋشى ەل جانە تۇتىنۋشى ەل رەتىندە جۇڭگو جاڭا ەنەرگيالى اۆتوموبيل مەملەكەتتىك ستراتەگياسىن ىشكەرىلەي اتقارىپ، جاڭا ەنەرگيالى اۆتوموبيل كاسىبىنىڭ دامۋىندا بەلسەندى ونىمدىلىككە قول جەتكىزىپ، ءوندىرۋ، ساتۋ مولشەرى ءۇرتىس 6 جىل دۇنيە ءجۇزى بويىنشا 1 - ورىندى يەلەدى، شەشۋشى ۇساق بولشەكتەر تەحنيكاسىنىڭ دەڭگەيى دۇنيە ءجۇزى بويىنشا الدىڭعى قاتاردا بولىپ، جوعارى، تومەنگى اعاردا ءونىمدى تۇتاسقان جاڭا ەنەرگيالى اۆتوموبيل كاسىپ تىزبەگى قالىپتاستى.
حان جىڭ مىنانى ءبىلدىردى: قازىر جاڭا ەنەرگيالى اۆتوموبيل جەدەل دامۋدىڭ جاڭا كەزەڭىنە ءوتتى، ءارى كەلەلى ورايعا، ءارى تەحنيكا، بازار سياقتى كوپتەگەن سىن - سايىسقا ءدوپ كەلىپ وتىر. جاڭالىق اشۋ ارقىلى دەم بەرۋدە تاباندى بولىپ، كاسىپورىنداردىڭ جاڭالىق اشۋداعى تۇلعالىق رولىن تولىق ساۋلەلەندىرىپ، شەشۋشى، وزەكتى تەحنيكالاردان قامال الۋدى جەدەلدەتىپ، جانار زات، باتەريا تەحنيكاسىنداعى كەدەرگىلەردى جەڭىپ، اۆتوكولىكتەگى چيپ، مەڭگەرۋ جۇيەسى سياقتى شەشۋشى تەحنيكالاردى زەرتتەۋ - اشۋدى جانە كاسىپ سالالاندىرۋدى جەدەلدەتۋ كەرەك. شەكارا اتتاپ توعىسۋدا تاباندى بولىپ، جاڭاشا كاسىپ ەكولوگياسىن سايكەستى ورناتىپ، توراپتاندىرۋدى، زەردەلىلەندىرۋدى ەلەكترلەندىرۋ تەحنيكاسىمەن قاتار ىلگەرىلەتىپ، اۆتوموبيل كاسىبى مەن جاڭا بۋىن ينفورماتسيالىق حابارلاسۋى، جاڭا ەنەرگيا، جاڭا ماتەريال، جاساندى زەردە، ءىرى ساندى مالىمەت سياقتى جاڭادان گۇلدەنگەن كاسىپتەردىڭ ىشكەرىلەي توعىسۋىن جەدەلدەتۋ كەرەك. بازاردى جەتەكشى ەتۋدە تاباندى بولىپ، كاسىپ سالاسىن باسقارۋ جانە قولداۋ ساياساتىن كەمەلدەندىرىپ، نەگىزدىك قۇرىلعى قۇرىلىسىن جەدەلدەتىپ، الەۋمەتتىك سالالار مەن جەكەلەر سالاسىنداعى جاڭا ەنەرگيالى اۆتوكولىك تۇتىنۋىن جەبەپ، جاڭا ەنەرگيالى اۆتوكولىكتەردىڭ قولدانىلۋ كولەمىن ۇزدىكسىز كەڭەيتۋ كەرەك. اشىق سەلبەستىكتەن جازباي، كوپ جاقتى جانە ەكى جاقتى حالىقارالىق سەلبەستىك مەحانيزمىنەن تولىق پايدالانىپ، ساياساتتاردى سايكەستىرۋ، تەحنيكادا جاڭالىق اشۋ سياقتى سەلبەستىكتەردى ىشكەرىلەي ىلگەرىلەتىپ، دۇنيە جۇزىلىك كاسىپ تىزبەگى، قۇن تىزبەگى جۇيەسىمەن بەلسەنە توعىسۋ كەرەك.
مەملەكەتتىك ساياسي كەڭەس ءتوراعاسىنىڭ ورىنباسارى، جۇڭگو عىلىم - تەحنيكا قوعامىنىڭ ءتوراعاسى ۋان گاڭ حايكوۋدا جينالىسقا قاتىناستى ءارى بايانداما جاسادى.
وسى كەزەكتى دۇنيە جۇزىلىك جاڭا ەنەرگيالى اۆتوموبيل جينالىسىن جۇڭگو عىلىم - تەحنيكا قوعامى، حاينان ولكەلىك حالىق ۇكىمەتى، عىلىم - تەحنيكا مينيسترلىگى، سونداي - اق قاتىستى تاراۋلار مەن ورىندار بىرلەسىپ وتكىزدى، «بازارلاندىرۋدى جاپپاي ىلگەرىلەتىپ، كاسىپ سالاسىنىڭ توعىسۋىن جەدەلدەتىپ، كومىرتەگىن بەيتاراپتاندىرۋدى قول ۇستاسا جۇزەگە اسىرۋ» دەگەندى نەگىزگى تاقىرىپ ەتتى، 15 مەملەكەتتەن جانە رايوننان كەلگەن مىڭنان استام ۋاكىل جەلىدە جانە جەلىدەن تىس پىكىر اۋىستىرىپ، تالقى ورىستەتتى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
