بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

شي جينپيڭ حالىقاراداعى دوستاردىڭ تۋىس - تۋعاندارىنا جاۋاپ حات جازدى

2021.09.18 16:22     كەلۋ قاينارى : حالىق تورابى

  شينحۋا اگەنتتىگى، 9 - ايدىڭ 17 - كۇنى، بەيجيڭ. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ 9 - ايدىڭ 14 - كۇنى سنوۋ، حاتەم، اللەي، ەپيشتەين قاتارلى حالىقاراداعى دوستاردىڭ تۋىس - تۋعاندارىنا جاۋاپ حات جازىپ، كەزىندە جۇڭگو كوممۋنيستىك پارتياسىمەن جانە جۇڭگو حالقىمەن جاپا - ماشاقاتتا بىرگە بولىپ، قيىن - قىستاۋ جاعدايدى بىرگە وتكىزىپ، تىزە قوسا شايقاس جاساپ، جۇڭگونىڭ توڭكەرىس، قۇرىلىس، رەفورما ىستەرىنە قاستەرلى ۇلەس قوسقان حالىقارالىق دوستاردى ساعىنىشپەن ەسكە الدى.

  شي جينپيڭ حاتىندا مىنالاردى اتاپ كورسەتتى: 20 - عاسىردىڭ العاشقى جارتىسىندا سنوۋ، حاتەم، بەتيۋن، كونتني حۋا، اللەي، ەپيشتەين قاتارلى ءبىر توپ حالىقارالىق دوستار شالعايدان جۇڭگوعا كەلىپ، جۇڭگو كوممۋنيستىك پارتياسىمەن جانە جۇڭگو حالقىمەن جاپا - ماشاقاتتا بىرگە بولىپ، قيىن - قىستاۋ جاعدايدى بىرگە وتكىزىپ، تىزە قوسا شايقاس جاسادى. ءبىز ولاردىڭ جۇڭگونىڭ توڭكەرىس، قۇرىلىس، رەفورما ىستەرىنە قوسقان قاستەرلى ۇلەسىن جانە جۇڭگو كوممۋنيستىك پارتياسىنا، جۇڭگو حالقىنا دەگەن شىنايى دوستىعىن باستان - اياق ەستە بەرىك ساقتايمىز.

  شي جينپيڭ مىنالاردى دارىپتەدى: جۇڭگو كوممۋنيستىك پارتياسى قۇرىلعان 100 جىلدان بەرى ءداۋىردىڭ ۇندەۋىن، حالىقتىڭ ءۇمىتىن، حالىقاراداعى دوستاردىڭ سەنىمىن اقتاپ، جۇڭگو حالقىن ىنتىماقتاستىرىپ جانە باستاپ، ۇزاق ۋاقىت كۇرەس جۇرگىزىپ، جاپپاي دوڭگەلەك داۋلەتتى قوعام قۇرۋدىڭ ءبىرىنشى 100 جىلدىق كۇرەس نىساناسىن جۇزەگە اسىرىپ، جۇڭگو حالقىنا باسشىلىق ەتىپ، جاپپاي سوتسياليستىك وسىزاماندانعان قۇدىرەتتى ەل قۇرۋدىڭ ەكىنشى 100 جىلدىق كۇرەس نىساناسىنا قاراي قادام تاستاپ، دۇنيە ءجۇزىنىڭ بەيبىتشىلىگى مەن دامۋى سىندى وسكەلەڭ ءىستى ۇزدىكسىز جەبەۋدە. سىزدەردىڭ تۋىستارىڭىزدىڭ سول كەزدەگى تالعامى بۇكىلدەي دۇرىس بولعان.

  شي جينپيڭ مىنالاردى اتاپ كورسەتتى: تاريح توقتاۋسىز جوڭكىلىپ، رۋح ۇرپاقتان - ۇرپاققا جالعاسىپ كەلەدى. سىزدەردىڭ تۋىستارىڭىزدى ۇلگى ەتىپ، جۇڭگو حالقى مەن دۇنيە ءجۇزى حالقىنىڭ دوستىعى مەن سەلبەستىگىن كۇشەيتىپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋگە ۇلەس قوسۋلارىڭىزدى ءۇمىت ەتەمىن!

  جاقىندا سنوۋ، حاتەم، اللەي، ەپيشتەين، ميللەر، كرۋك، جىڭ لۇيچىڭ، لي شا، فرەي، رۋت ۆەيس، يە حۋا، بەتتي چاندلەر قاتارلى حالىقاراداعى 16 دوستىڭ تۋىس - تۋعاندارى بىرلەسىپ ءتوراعا شي جينپيڭگە حات جولداپ، جۇڭگو كوممۋنيستىك پارتياسىنىڭ عاسىرلىق مەرەي تويىن قىزۋ قۇتتىقتايتىندارىن، جۇڭگو حالقىنىڭ جاپون شاپقىنشىلارىنا قارسى سوعىسى مەن دۇنيە ءجۇزىنىڭ فاشيزمگە قارسى سوعىسى جەڭىسكە جەتكەنىنىڭ 76 جىلدىعى قارساڭىندا جاپون شاپقىنشىلارىنا قارسى سوعىس قۇرباندارىن بىرگە ەسكە الاتىنىن، تۋىس - تۋعاندارىنىڭ سول جىلدارى جۇڭگو كوممۋنيستىك پارتياسىمەن جانە جۇڭگو حالقىمەن بىرگە بولۋدى تاڭداعانىن ماقتانىش ەتىپ، داڭق سانايتىندارىن ءارى ادامزاتتىڭ تاعدىرلاس ورتاق تۇلعاسى دارىپتەمەسىنىڭ جەتەكشىلىگىندە جاڭا داۋىردەگى ينتەرناتسيونالدىق رۋحقا مۇراگەرلىك ەتىپ جانە ونى ساۋلەلەندىرىپ، جۇڭگو مەن شەتەل حالىقتارىنىڭ دوستىعىن كۇشەيتۋگە، جۇڭگونىڭ ەكىنشى 100 جىلدىق كۇرەس نىساناسىن جۇزەگە اسىرۋىن قولداۋعا تىڭ ۇلەس قوساتىندارىن بىلدىرگەن بولاتىن.

  كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار