بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

شي جينپيڭ شاڭحاي سەلبەستىك ۇيىمىنا مۇشە ەلدەر باسشىلارى القالار كەڭەسىنىڭ 21 - رەتكى ماجىلىسىنە قاتىناستى ءارى ماڭىزدى ءسوز سويلەدى

شاڭحاي سەلبەستىك ۇيىمى «شاڭحاي رۋحى» تۋىن بيىك ۇستاپ، اناعۇرلىم نىعايعان شاڭحاي سەلبەستىك ۇيىمىنىڭ تاعدىرلاس ورتاق تۇلعاسىن قۇرۋى كەرەكتىگىن دارىپتەدى

2021.09.18 16:27     كەلۋ قاينارى : حالىق تورابى


  مەملەكەت ءتوراعاسى شي جينپيڭ 9 - ايدىڭ 17 - كۇنى بەيجيڭدە بەينە ەكران تاسىلىمەن شاڭحاي سەلبەستىك ۇيىمىنا مۇشە ەلدەر باسشىلارى القالار كەڭەسىنىڭ 21 - رەتكى ماجىلىسىنە قاتىناستى ءارى ماڭىزدى ءسوز سويلەدى

  سۋرەتتى شينحۋا اگەنتتىگىنىڭ ءتىلشىسى حۋاڭ جيڭۋىن تۇسىرگەن

  مەملەكەت ءتوراعاسى شي جينپيڭ 9 - ايدىڭ 17 - كۇنى بەيجيڭدە بەينە ەكران تاسىلىمەن شاڭحاي سەلبەستىك ۇيىمىنا مۇشە ەلدەر باسشىلارى القالار كەڭەسىنىڭ 21 - رەتكى ماجىلىسىنە قاتىناستى ءارى ماڭىزدى ءسوز سويلەدى

  سۋرەتتى شينحۋا اگەنتتىگىنىڭ ءتىلشىسى شىن حۇڭ تۇسىرگەن

  شينحۋا اگەنتتىگى، 9 - ايدىڭ 17 - كۇنى، بەيجيڭ. مەملەكەت ءتوراعاسى شي جينپيڭ 9 - ايدىڭ 17 - كۇنى تۇستەن كەيىن بەيجيڭدە بەينە ەكران تاسىلىمەن شاڭحاي سەلبەستىك ۇيىمىنا مۇشە ەلدەر باسشىلارى القالار كەڭەسىنىڭ 21 - رەتكى ماجىلىسىنە قاتىناستى ءارى «اۋەلگى ماقساتتى ۇمىتپاي، ۇدىرە العا تارتىپ، شاڭحاي سەلبەستىك ۇيىمى دامۋىنىڭ جاڭا ساپارىن باستايىق» دەگەن تاقىرىپتا ماڭىزدى ءسوز سويلەدى (ءسوزدىڭ تولىق ءماتىنىن «حالىق گازەتىنىڭ» 2 - بەتىنەن وقي الاسىزدار).

  شي جينپيڭ مىنالاردى اتاپ كورسەتتى: شاڭحاي سەلبەستىك ۇيىمى قۇرىلعان 20 جىلدان بەرى «ءوزارا سەنۋ، ءوزارا تيىمدىلىك جاساۋ، تەڭدىك، كەڭەسۋ، الۋان ءتۇرلى وركەنيەتكە قۇرمەت ەتۋ، بىرگە دامۋعا ۇمتىلۋ» سىندى «شاڭحاي رۋحىنا» باستان - اياق بويسۇنىپ، دۇنيە ءجۇزىنىڭ بەيبىتشىلىگى مەن دامۋىنا جانە ادامزاتتىڭ العا باسۋ ىستەرىنە كۇش سالىپ، جاڭاشا حالىقارالىق قاتىناس پەن ادامزاتتىڭ تاعدىرلاس ورتاق تۇلعاسىن قۇرۋعا ماڭىزدى نازاريالىق جانە امالياتتىق ىزدەنىس جاسادى. ءبىز ساياسي سەنىمدىلىكتى بىرگە جەبەپ، «سەرىكتەسەتىن، ءبىراق وداقتاسپايتىن، پىكىرلەسەتىن، ءبىراق قارسىلاسپايتىن» شىت جاڭا ۇلگىنى اشتىق؛ حاۋىپسىزدىك پەن ورنىقتىلىقتى بىرگە قورعاپ، ەسىرتكى اتكەزشىلىگىن، ينتەرنەت قىلمىستارىن، ەل اتتاعان ۇيىمدىق قىلمىستاردىڭ ءورشۋ جاعدايىن باتىل تەجەدىك؛ گۇلدەنىپ - كوركەيۋدى، دامۋدى بىرگە جوسپارلاپ، وڭىرلىك ناقتى سەلبەستىكتىڭ ىشكەرىلەي دامۋىن ىلگەرىلەتتىك؛ حالىقارالىق ادىلەتتىلىكتى بىرگە ارقالاپ، كوپ جاقتىلىقتى جانە بۇكىل ادامزاتتىڭ ورتاق قۇنىن ساۋلەلەندىرۋ جونىندە اسقاق ءۇن قاتىپ، زورەكەرلىككە جانە وكتەمدىك ساياسيعا قارسى تۇرۋ جاعىنداعى ادىلەتتى تۇرعىنى ايگىلەدىك.

  شي جينپيڭ مىنالاردى دارىپتەدى: شاڭحاي سەلبەستىك ۇيىمى جاڭا تاريحي باستامادا تۇر. ءبىز «شاڭحاي رۋحى» تۋىن بيىك ۇستاپ، حالىقارالىق قاتىناستىڭ دەموكراتيالانۋ تاريحي اعىمىندا العا باسۋ بەتالىسىن يگەرىپ، ادامزاتتىڭ بىرگە دامۋىنىڭ ۇلى جاعدايىندا وزىندىك دامۋدى ىلگەرىلەتىپ، اناعۇرلىم تىعىز شاڭحاي سەلبەستىك ۇيىمىنىڭ تاعدىرلاس ورتاق تۇلعاسىن قۇرىپ، دۇنيە ءجۇزىنىڭ باياندى بەيبىتشىلىگى مەن بىرگە گۇلدەنۋىنە اناعۇرلىم زور ۇلەس قوسۋىمىز كەرەك. شي جينپيڭ 5 ءتۇرلى ۇسىنىستى ورتاعا قويدى.

  ءبىرىنشى، ىنتىماق، سەلبەستىك جولىمەن ءجۇرۋ. ساياساتتىق پىكىرلەسۋ مەن تىلدەسۋدى، سايكەسۋدى كۇشەيتىپ، ءبىر - ءبىرىنىڭ ءجىتى قاداعالاپ وتىرعان ۇيلەسىمدى ماسەلەلەرىنە قۇرمەت ەتىپ، سەلبەستىك بارىسىندا جارىققا شىققان ماسەلەلەردى دەر كەزىندە شەشىپ، شاڭحاي سەلبەستىك ۇيىمىنىڭ دامۋ بەتالىسىن بىرگە ورنىقتىرۋ كەرەك. ءتۇزىم سەنىمىن بەكەمدەپ، «تالىمگەرلىك» سياقتى ەمەۋرىندى استە قابىلداماي، ءار ەلدىڭ ءوز ەلىنىڭ مەملەكەت جاعدايىنا ۇيلەسەتىن دامۋ جولى مەن جونگە سالۋ ۇلگىسىن قاراستىرۋىن باتىل قولداپ، سىرتقى كۇشتەردىڭ ءارقانداي سىلتاۋمەن وڭىردەگى ەلدەردىڭ ىشكى ىسىنە كيلىگۋىنە استە جول بەرمەۋ، ءوز ەلىنىڭ دامۋ، العا باسۋ بولاشاعى مەن تاعدىرىن ءوز قولىندا بەرىك ۇستاۋ كەرەك.

  حالىقتى بارىنەن جوعارى قويۋ، ءومىردى بارىنەن جوعارى قويۋ ۇستانىمىنان جازباي، عىلمي رۋحتى ساۋلەلەندىرىپ، ىندەتكە قارسى حالىقارالىق سەلبەستىكتى ىشكەرىلەي ورىستەتىپ، ۆاكسينانىڭ ءادىل، ۇيلەسىمدى ءبولىسىن ىلگەرىلەتىپ، ۆيرۋستىڭ قاينارىن انىقتاۋدى ساياسيلاندىرۋدى باتىل تەجەۋ كەرەك. جۇڭگو قازىرگە دەيىن 100 دەن استام مەملەكەت پەن حالىقارالىق ۇيىمدى ءبىر ميلليارد 200 ميلليونعا جۋىق ۆاكسينا جانە اۋەلگى ەرتىندىمەن قامدادى، تۇتاس جىلدا دۇنيە جۇزىنە 2 ميلليارد ۆاكسينا بەرۋگە جەدەل كىرىسىپ، وركەندەپ كەلە جاتقان ەلدەرمەن ىندەتكە قارسى اتتانۋ سەلبەستىگىن تەرەڭدەتىپ، «جاڭا تيپتى ايدارشا ۆيرۋس ۆاكسيناسىن اتقارۋ جوسپارى» بويىنشا جۇڭگو جاقتان بەرىلگەن 100 ميلليون دوللار جىلۋدان ويداعىداي پايدالانىپ، ادامزاتتىڭ ىندەتتى تۇبەگەيلى جەڭۋىنە ءتيىستى ۇلەس قوسادى.

  ەكىنشى، حاۋىپ - قاتەردى بىرگە ارقالاۋ جولىمەن ءجۇرۋ. ورتاق، كەشەندى، سەلبەسكەن، باياندى حاۋىپسىزدىك كوزقاراسىندا تاباندى بولىپ، «شىعىس تۇركستان ءىسلام قوزعالىسى» سياقتى «ءۇش ءتۇرلى كۇشكە» قاتاڭ سوققى بەرىپ، ەسىرتكىگە تيىم سالۋ، شەكارا قورعانىسى، كولەمدى قيمىلداردىڭ حاۋىپسىزدىگىن قورعاۋ سەلبەستىگىن تەرەڭدەتىپ، وسى ۇيىمنىڭ حاۋىپسىزدىك سەلبەستىك مەحانيزمىن جەدەل كەمەلدەندىرىپ، ءار ەلدىڭ باسقارۋشى تاراۋلارىنىڭ ورنىقتىلىقتى قورعاۋ، توسىن ۋاقيعالاردى ءبىر جاقتى ەتۋ قابىلەتى قۇرىلىسىن كۇشەيتۋ كەرەك. مۇشە ەلدەر سەلبەستىكتى كۇشەيتىپ، اۋعانستان جاعدايىنىڭ وتپەلى كەزەڭنەن ورنىقتى ءوتىپ، بەيبىتشىلىك، ورنىقتىلىق، دامۋ جولىنا شىن مانىندە ءتۇسۋىن ىلگەرىلەتۋى كەرەك.

  ءۇشىنشى، ەسىك اشۋ، توعىسۋ جولىمەن ءجۇرۋ. ساۋدا مەن قارجى قوسۋدىڭ ەركىن، قولايلى بولۋىن ۇزدىكسىز ىلگەرىلەتىپ، ادامداردىڭ، زاتتاردىڭ، قارجىنىڭ، ساندى مالىمەتتەردىڭ حاۋىپسىز، ءتارتىپتى اۋىسۋىن قامتاماسىز ەتىپ، سيفرلى ەكونوميكا، جاسىل ەنەرگيا، وسى زامانعى اۋىل شارۋاشىلىعى سەلبەستىگىنىڭ ارتۋ تۇيىندەرىن قالىپتاستىرۋ كەرەك. «ءبىر بەلدەۋ، ءبىر جولدى» بىرگە قۇرۋ دارىپتەمەسىنىڭ ءار ەلدىڭ دامۋ ستراتەگياسىمەن، سونداي - اق ەۆروپا - ازيا ەكونوميكالىق وداعى سياقتى وڭىرلىك سەلبەستىك دارىپتەمەسىمەن ىشكەرىلەي ۇشتاسۋىن ىلگەرىلەتىپ، كاسىپ تىزبەگىنىڭ، قامداۋ تىزبەگىنىڭ ورنىقتى، ىركىلىسسىز بولۋىن قورعاپ، ءار ەل ەكونوميكاسىنىڭ توعىسۋىن، دامۋىنىڭ ىقپالداستىعىن، تابىستان بىرگە يگىلىكتەنۋىن جەبەۋ كەرەك.

  جۇڭگو بازار ورايىنان ۇزدىكسىز تەڭ يگىلىكتەنىپ، الداعى 5 جىلدا وسى ۇيىمداعى ەلدەرمەن جالپى ساۋدا سوماسىن 2 تريلليون 300 ميلليارد دوللارعا جەتكىزۋ نىساناسىن جۇزەگە اسىرۋعا كۇش سالۋدى قالايدى. جۇڭگو جۇڭگو - شاڭحاي سەلبەستىك ۇيىمى ەكونوميكا - ساۋدا شۋەيۋانىن قۇرىپ، 2 - مەرزىمدىك ارناۋلى قارىز اقشانى «ءبىر بەلدەۋ، ءبىر جولدى» بىرگە قۇرۋ سەلبەستىگىنە پايدالانۋدى باستاپ اتقارىپ، وسىزاماندانعان ۇلاستىرۋ - تۇتاستىرۋ، نەگىزدىك قۇرىلعى قۇرىلىسى، جاسىل، تومەن كومىرتەكتى، باياندى دامۋ سياقتى نىسانداردى ءتۇيىندى تۇردە قولدايدى.

  ءتورتىنشى، ءوزارا ۇيرەنۋ، ءوزارا ۇلگى الۋ جولىمەن ءجۇرۋ. تۇرلىشە وركەنيەتتەردىڭ اۋىس - كۇيىسىن، تىلدەسۋىن، جاراسىمدى قاتار ءومىر ءسۇرۋىن دارىپتەپ، عىلىم - تەحنيكا، وقۋ - اعارتۋ، مادەنيەت، دەنساۋلىق ساقتاۋ، كەدەيلەردى سۇيەمەلدەۋ سياقتى سالالاردا جەرگىلىكتى جاعدايعا ۇيلەسەتىن، جۇرت تىلەگىن توعىستىراتىن اناعۇرلىم كوپ نىساندى قالىپتاستىرۋ كەرەك. الداعى 3 جىلدا جۇڭگو شاڭحاي سەلبەستىك ۇيىمى ەلدەرىنە كەدەيلەردى سۇيەمەلدەۋ كۋرسىنان مىڭ سان بەرىپ، 10 لۋبان شەبەرحاناسىن قۇرىپ، «جىبەك جولىنىڭ بەرەكەلى شاڭىراعى» ارەكەت جۇلگەسىندە دەنساۋلىق ساقتاۋ، سالاماتتىق، كەدەيلەردى سۇيەمەلدەۋ، قۇتقارۋ، مادەنيەت، وقۋ - اعارتۋ سياقتى سالالارداعى 30 سەلبەستىك نىسانىن ورىستەتەدى. جۇڭگو كەلەر جىلى وسى ۇيىمنىڭ جاستاردىڭ عىلىم - تەحنيكادا جاڭالىق اشۋ تالقى مىنبەرىن وتكىزىپ، وسى ۇيىمنىڭ ءداستۇرلى ءدارى - دارمەك كاسىبى وداعىن قۇرۋ باستاماسىن كوتەرەدى. ءار جاقتىڭ 2022 - جىلعى بەيجيڭ قىسقى وليمپياداسىنا، مۇگەدەكتەر قىسقى وليمپياداسىنا قاتىناسىپ، ۇنەمشىل، حاۋىپسىز، تارتىمدى وليمپيادا سالتاناتتى جينالىسى ەتىپ وتكىزۋگە اتسالىسۋىن قارسى الامىز.

  بەسىنشى، ادىلدىك، تۋراشىلدىق جولىمەن ءجۇرۋ. «ءبىر مەزەتتىك كۇشتى - السىزدىك كۇشكە بايلانىستى، ماڭگىلىك جەڭىس - جەڭىلىس جوسىندا تۇر». حالىقاراداعى ىستەردى شەشۋدە اتالمىش «قۋاتتى ورىندى» شىعار ءتۇيىن ەتىپ، زورەكەرلىك، وكتەمدىك جۇرگىزۋگە، ۇرەيلەندىرۋگە بولمايدى، ب م ۇ ۋستاۆىنىڭ باستى ماقساتى مەن پرينسيبىن ولشەم ەتىپ، بىرگە اقىلداسۋدا، بىرگە قۇرۋدا، بىرگە يگىلىكتەنۋدە تاباندى بولىپ، ناعىز كوپ جاقتىلىقتى امالياتتا ايگىلەپ، اتالمىش «ەرەجەنى» جەلەۋ ەتىپ حالىقارالىق ءتارتىپتى بۇلدىرەتىن، قارسىلاسۋ جانە بولشەكتەۋشىلىك تۋدىراتىن ارەكەتتەرگە قارسى تۇرۋ كەرەك. ءوزارا تيىمدىلىك جەتكىزىپ، تەڭ يگىلىككە كەنەلەتىن سەلبەستىك كوزقاراسىندا تاباندى بولىپ، سيىسىمدى، جالپىعا ءتيىمدى دامۋ بولاشاعىن قالىپتاستىرۋ كەرەك.

  شي جينپيڭ مىنالاردى اتاپ كورسەتتى: ۇزدىكسىز زورايعان «شاڭحاي سەلبەستىك ۇيىمى ۇلى شاڭىراعىنىڭ» دۇنيە جۇزىندەگى بارلىق العاباسار كۇشتەرمەن قول ۇستاسا العا باسىپ، دۇنيە ءجۇزى بەيبىتشىلىگىنىڭ قۇرۋشىسى، دۇنيە ءجۇزى دامۋىنىڭ ۇلەس قوسۋشىسى، حالىقارالىق ءتارتىپتىڭ قورعاۋشىسى بولاتىنىنا سەنەمىن.

  شي جينپيڭ سوڭىندا بىلاي دەدى: ءبىز «شاڭحاي رۋحى» تۋىن بيىك ۇستاپ، اۋەلگى ماقساتتى ۇمىتپاي، ۇدىرە العا تارتىپ، ادامزاتتىڭ تاعدىرلاس ورتاق تۇلعاسىن قۇرۋدىڭ دۇرىس جولىن بويلاپ، شاڭحاي سەلبەستىك ۇيىمى دامۋىنىڭ جاڭا جورىعىن باستايىق!

  شاڭحاي سەلبەستىك ۇيىمىنىڭ كەزەكتى ءتوراعا ەلى تاجىكستاننىڭ زۇڭتۇڭى راحمون ءماجىلىستى باسقاردى، قازاقستاننىڭ زۇڭتۇڭى توقايەۆ، قىرعىزستاننىڭ زۇڭتۇڭى جاپاروۆ، پاكيستاننىڭ زۇڭليى يمران حان، وزبەكستاننىڭ زۇڭتۇڭى ميرزيويەۆ قاتارلى مۇشە ەلدەردىڭ باسشىلارى، شاڭحاي سەلبەستىك ۇيىمىنىڭ باس حاتشىسى نوروۆ، شاڭحاي سەلبەستىك ۇيىمى وڭىرلىك لاڭكەستىككە قارسى تۇرۋ قۇرىلىمى اتقارۋ كوميتەتىنىڭ مەڭگەرۋشىسى جييوسوۆ قاتارلى تۇراقتى قۇرىلىمداردىڭ جاۋاپتىلارى، سونداي - اق بەلورۋسسيانىڭ زۇڭتۇڭى لۋكاشەنكو، يراننىڭ زۇڭتۇڭى رايسي قاتارلى باقىلاۋشى ەلدەردىڭ باسشىلارى جانە ءتوراعا ەلدىڭ قوناعى تۇركىمەنستاننىڭ زۇڭتۇڭى بەردىمۇحامەدوۆ ماجىلىسكە قاتىناستى. رەسەيدىڭ زۇڭتۇڭى پۋتين، ءۇندىستاننىڭ زۇڭليى مودي، موڭعۇليانىڭ زۇڭتۇڭى حورەلسۋح، ب م ۇ - نىڭ باس حاتشىسى گۋتتەرەس بەينە ەكران تاسىلىمەن ماجىلىسكە قاتىناستى.

  ماجىلىسكە قاتىناسقان باسشىلار شاڭحاي سەلبەستىك ۇيىمى قۇرىلعان 20 جىلدان بەرى ساياسي، ەكونوميكا، حاۋىپسىزدىك، گۋمانيتارلىق سياقتى سالالاردا قول جەتكىزگەن وراسان زور تابىستاردى جان - جاقتى ەسكە الىپ جانە وعان بەلسەندى باعا بەرىپ، «شاڭحاي رۋحىن« ۇزدىكسىز نەگىز ەتىپ، ءوزارا قۇرمەت ەتىپ، ءوزارا قولداۋ كورسەتىپ، تەڭدىك، ءوزارا تيىمدىلىك سەرىكتەستىك قاتىناسىن ورناتىپ، ورتاق مۇددەنى قورعاپ، جاڭا جاعداي، جاڭا سىن - سايىسقا سەلبەسىپ توتەپ بەرىپ، شاڭحاي سەلبەستىك ۇيىمىنىڭ باياندى، اقاۋسىز، ورنىقتى دامۋىن جەبەپ، ءوڭىردىڭ جالپى بەتتىك حاۋىپسىزدىگىن، بىرگە گۇلدەنىپ - كوركەيۋىن جەبەپ، جاڭاشا حالىقارالىق قاتىناس پەن ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتەتىندەرىن ءبىلدىردى. ءار جاق مىنانى ءبىلدىردى: ىنتىماقتى كۇشەيتىپ، جاڭا تيپتى ايدارشا ۆيرۋس وكپە قابىنۋ ىندەتىنە سەلبەسىپ قارسى اتتانىپ، ۆاكسينا سەلبەستىگىن كۇشەيتىپ، ۆيرۋستىڭ تەگىن انىقتاۋدى ساياسيلاندىرۋعا قارسى تۇرۋ كەرەك. ەكونوميكا - ساۋدا، ەنەرگيا، جاڭالىق اشۋ، ۇلاستىرۋ - تۇتاستىرۋ، سيفرلى ەكونوميكا، قورشاعان ورتانى قورعاۋ سياقتى سالالارداعى سەلبەستىكتى تەرەڭدەتىپ، ادامدى نەگىز ەتۋدە تاباندى بولىپ، گۋمانيتارلىق اۋىس - كۇيىستى كۇشەيتىپ، باياندى دامۋدى جۇزەگە اسىرىپ، وڭىردەگى ەلدەر حالىقتارىنا ءتىپتى دە زور باقىت جاراتۋ كەرەك. كوپ جاقتىلىقتى قولداپ، ب م ۇ ەرەجەسىنىڭ ماقساتى مەن پرينسيبىن قورعاپ، حالىقارالىق قاتىناستىڭ دەموكراتيالانۋىن جەبەپ، زورەكەرلىككە، سىڭار جاقتىلىققا قارسى تۇرىپ، دەموكراتيانى، ادامدىق ۇقىقتى سىلتاۋ ەتىپ باسقا ەلدەردىڭ ىشكى ىسىنە كيلىگۋگە قارسى تۇرىپ، ءار ەلدىڭ دامۋ جولىن دەربەس تاڭداۋىن قولداۋ كەرەك. لاڭكەستىككە قارسى تۇرۋ سەلبەستىگىن اناعۇرلىم كۇشەيتىپ، «ءۇش ءتۇرلى كۇشكە» جانە ەل اتتاعان قىلمىستارعا تىزە قوسا سوققى بەرىپ، ءوڭىردىڭ حاۋىپسىزدىگى مەن ورنىقتىلىعىن بىرگە قورعاۋ كەرەك. «ءبىر بەلدەۋ، ءبىر جول» باستاماسىنىڭ ەۆروپا - ازيا ەكونوميكالىق وداعى قۇرىلىسىمەن ۇشتاسۋىن ىلگەرىلەتۋگە قولداۋ كورسەتۋ كەرەك. ءارقايسى جاق مىنالاردى ءبىلدىردى: دەنەتاربيە قيمىلىن ساياسيلاندىرۋعا قارسى تۇرىپ، جۇڭگونىڭ بەيجيڭ قىسقى وليمپياداسىن، مۇگەدەكتەر قىسقى وليمپياداسىن ءساتتى وتكىزۋىن قولدايمىز. ءارقايسى جاق اۋعانستاننىڭ جاعدايىنا ايرىقشا نازار اۋدارىپ، اۋعانستاننىڭ لاڭكەستىكتىڭ قاتەرىن جويۋىن، بەيبىتشىلىك پەن قايتا قۇرۋدى جۇزەگە اسىرۋىن قولدادى، شاڭحاي سەلبەستىك ۇيىمى وسى ءۇشىن بەلسەندى رول اتقاراتىن بولادى.

  ءماجىلىس يراندى مۇشە ەل ەتىپ قابىلداۋ ءتارتىبىن باستاپ، ساۋد ارابياسىن، ەگيپەتتى، كاتاردى جاڭا پىكىرلەسۋ سەرىگى ەتىپ قابىلدادى.
ءماجىلىس وزبەكستاننىڭ شاڭحاي سەلبەستىك ۇيىمىنىڭ كەلەر كەزەكتى ءتوراعا ەلى بولىپ مىندەت اتقارۋىن ۇيعاردى.

  مۇشە ەلدەردىڭ باسشىلارى «شاڭحاي سەلبەستىك ۇيىمىنىڭ 20 جىلدىعى دۋشانبە جارناماسىنا» قول قويدى ءارى ءبىرقىدىرۋ قاۋلىنى بەكىتتى. ءماجىلىس تاعى عىلىم - تەحنيكادا جاڭالىق اشۋ، استىق حاۋىپسىزدىگى سياقتى سالالارداعى سەلبەستىككە قاتىستى مالىمدەمەلەردى جاريالادى.

  ديڭ شۋەشياڭ، ياڭ جيەچى، حى ليفىڭ قاتارلىلار ماجىلىسكە قاتىناستى.

  ۋاڭ ي ءتوراعا شي جينپيڭنىڭ ەرەكشە ۋاكىلى رەتىندە تاجىكستاندا ناق مايدان ماجىلىسىنە قاتىناستى.

  كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار