ورتالىقتىڭ 2 - كەزەكتى 4 - توپتاعى ەكولوگيالىق ورتانى قورعاۋدى باقىلاۋ - تەكسەرۋى ءبىر توپ كورنەكتى ماسەلەنى تەكسەرىپ انىقتادى
520دان استام پارتيا، ۇكىمەت باسشى كارلارىن شاقىرىپ سويلەستى، جاۋاپقا تارتتى
2021.09.22 15:28 كەلۋ قاينارى : حالىق تورابى
ورتالىقتىڭ 2 ـ كەزەكتى 4 ـ توپتاعى ەكولوگيالىق ورتانى قورعاۋدى باقىلاۋ ـ تەكسەرۋى جالپى بەتتىك تومەنگە ءتۇسۋ قىزمەت كەزەڭىنە ءوتتى. ورتالىقتىڭ ەكولوگيالىق ورتانى قورعاۋدى باقىلاۋ ـ تەكسەرۋ كەڭسەسىنىڭ ەڭ جاڭا حابارىنا قاراعاندا، باقىلاۋ ـ تەكسەرۋ گرۋپپالارى ءبىر توپ كورنەكتى ەكولوگيالىق ورتا ماسەلەلەرىن تەكسەرىپ انىقتاپ، بويكۇيەزدىك، سالعىرتتىق، جاۋاپكەرسىزدىك، جالتاقويلىق، ءتىپتى نەمقۇرايدى قاراۋ، كوز بوياۋشىلىق ىستەۋ سياقتى فورماشىلدىق، تورەشىلدىك ماسەلەلەرىنەن ءبىر توبىن اداقتادى،ءىشىنارا تيپتىك دەلولاردى اشىق جاريالادى. پارتيا، ۇكىمەت باسشى كادرلارىنان 306 ادامدى شاقىرىپ سويلەسىپ، پارتيا، ۇكىمەت باسشى كادرلارىنان 218 ادامدى جاۋاپقا تارتتى.
پارتيا ورتالىق كوميتەتىنىڭ، مەملەكەتتىك كەڭەستىڭ بەكىتۋىمەن 2021 ـ جىلى 8 ـ ايدىڭ 26 ـ كۇنىنەن 8 ـ ايدىڭ 31 ـ كۇنىنە دەيىن 2 ـ كەزەكتى 4 ـ توپتاعى 7 ورتالىقتىڭ ەكولوگيالىق ورتانى قورعاۋدى باقىلاۋ ـ تەكسەرۋ گرۋپپاسى جيلين، شاندۇڭ، حۋبەي، گۋاڭدۇڭ، سىچۋان سىندى 5 ولكەگە جانە جۇڭگو ءتۇستى مەتال كەن توبىنا، جۇڭگو التىن توبىنا باقىلاۋ ـ تەكسەرۋ جۇرگىزدى. قازىرگە دەيىن باقىلاۋ ـ تەكسەرۋ گرۋپپالارى جاپپاي تومەنگە ءتۇسىپ قىزمەت ىستەۋ كەزەڭىنە ءوتتى.
ورتالىقتىڭ ەكولوگيالىق ورتانى قورعاۋدى باقىلاۋ ـ تەكسەرۋ كەڭسەسى بىلاي دەدى: 9 - ايدىڭ 15 - كۇنى ساعات 20عا دەيىن باقىلاۋ ـ تەكسەرۋ گرۋپپالارى بۇقارادان كەلگەن تەلەفون، حات، اشكەرەلەۋ حاتتارىنان 22 مىڭ 511ىن تاپسىرىپ الىپ، ءونىمدى اشكەرەلەنگەن 18 مىڭ 347 دەلونى قابىلداپ، قايتالانعان اشكەرەلەۋدى رەتتەۋ ارقىلى باقىلاۋ ـ تەكسەرۋ جۇرگىزىلگەن ورىندارعا جيىنى 14 مىڭ 432 دەلونى ءبىر جاقتى ەتۋگە مىندەتتەدى؛ باقىلاۋ ـ تەكسەرۋ وبيەكتىسىنەن 3866 دەلونى تەكسەرىپ ءبىر جاقتى ەتتى، مۇنىڭ ىشىندە ىشىندە 1158 ورىنعا دەلو تۇرعىزىلىپ جازالاندى، 40 ميلليون 60 مىڭ يۋان ايىپ سالدى، 40 دەلوعا دەلو تۇرعىزىلىپ تەكسەرىلدى، 61 ادام قاماۋعا الىندى.
تومەنگە ءتۇسىپ قىزمەت ىستەۋ كەزەڭىندە، ءارقايسى باقىلاۋ ـ تەكسەرۋ گرۋپپاسى الدىڭعى ءبىر مەزگىلدەگى باقىلاۋ ـ تەكسەرۋدە يگەرگەن جاعداي مەن نازاردى شوعىرلاندىرعان ماسەلە دەرەكتەرىنە نەگىزدەلىپ، نەگىزگى ساتىعا، ءبىرىنشى شەپكە، ناق مايدانعا ىشكەرىلەي بارىپ، جاسىرىن تەكسەرۋ جانە تۇيىندە تۇرىپ تەكسەرۋ سياقتى تاسىلدەر ارقىلى قىزمەت ورىستەتەدى. جيلين قاتارلى 5 ولكە، توتە قاراستى قالا، قالاعا ءتۇيىندى تۇردە بارىپ، ەكولوگيالىق ورتانى قورعاۋ قىزمەتىن ىلگەرىلەتۋ، تياناقتاندىرۋ جاعدايىن ۇعىسادى؛ ەكى ورتالىق كاسىپورىندارىنا قاراستى قاتىستى كاسىپورىنداردىڭ (ورىنداردىڭ) ەكولوگيالىق ورتا جونىندەگى زاڭدارعا بويسۇنۋ جاعدايىن ءتۇيىندى تەكسەرەدى جانە ۇعىسادى.
ورتالىقتىڭ ەكولوگيالىق ورتانى قورعاۋدى باقىلاۋ ـ تەكسەرۋى مىنالاردى تالاپ ەتتى: باقىلاۋ ـ تەكسەرۋ گرۋپپالارى بۇقارا اشكەرەلەگەن ماسەلەلەردى رەتتەۋ ـ تۇزەتۋدى قاداعالاپ، بۇقارانىڭ اڭىسى كورنەكتى بولعان ەكولوگيالىق ورتا ماسەلەلەرىن شەشۋدى ۇزدىكسىز ىلگەرىلەتىپ، دەر كەزىندە بىتىرۋگە تاپسىرىپ، قۋزاپ، ۇلگى الىپ تەكسەرۋدى كۇشەيتىپ، ناق مايداندا قايتالاي تەكسەرۋ جۇرگىزىپ، حالىق بۇقاراسىنىڭ پىكىرىن بەتپە ـ بەت تىڭداۋ كەرەك. باقىلاناتىن وبيەكتىلەردى باقىلاۋ ـ تەكسەرۋدى، ءبىر جاعىنان تۇزەتۋدى پارمەندى، ءتارتىپتى ىلگەرىلەتۋگە قۋزاپ، ناقتى ەكولوگيالىق ورتا ماسەلەسىن شەشۋ ارقىلى قوعام نازار اۋدارىپ وتىرعان ماسەلەلەرگە جاۋاپ قايتارىپ، رەتتەۋ ـ تۇزەتۋدىڭ ءىس جۇزىندىك ونىمدىلىگى ارقىلى حالىقتىڭ سەنىمىنە يە بولىپ، حالىق بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز كۇشەيتۋ كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
