زەرتتەۋ ناتيجەسى ا ق ش – تا جاڭا تيپتى ايدارشا ۆيرۋس وكپە قابىنۋ ىندەتى 2019 – جىلى 9 – ايدىڭ اينالاسىندا تارالا باستاعانىن اڭعارتادى
2021.09.23 13:49 كەلۋ قاينارى : حالىق تورابى
شينحۋا اگەنتتىگىنىڭ 9 – ايدىڭ 22 – كۇنى بەيجيڭنەن بەرگەن حابارى. جۇڭگو عىلىم اكادەمياسىنىڭ ChinaXiv تەكشەسى 9 – ايدىڭ 22 – كۇنى جاريالاعان ىرىدەرەك نەگىزىندە جاڭا تيپتى ايدارشا ۆيرۋس وكپە قابىنۋ ىندەتىنىڭ العاش باستالۋ ۋاقىتى جونىندە جۇرگىزىلگەن زەرتتەۋ ناتيجەسىنە قاراعاندا، ا ق ش – تا جاڭا تيپتى ايدارشا ۆيرۋس ىندەتى 2019 – جىلى 9 – ايدىڭ اينالاسىنان باستاپ تارالعان بولۋ ىقتيمالدىعى جوعارى.
ۆيرۋستىڭ تەگىن ىزدەۋ جۇقپالى اۋرۋدان ساقتانۋ – ەمدەۋدە وتە ماڭىزدى، وسىنىڭ الدىنداعى ءبىرقىدىرۋ زەرتتەۋلەرگە قاراعاندا، ا ق ش، يسپانيا، فرانسيا، يتاليا، برازيليا قاتارلى كوپتەگەن ەلدەردە جاڭا تيپتى ايدارشا ۆيرۋس وكپە قابىنۋ ىندەتى جۇڭگودا تارالۋدان بۇرىن ۆيرۋستىڭ شابۋىلىنا ۇشىراعان بەلگىلەر بايقالعان.
اتالعان زەرتتەۋ ۇجىمىنداعىلار بىلاي دەپ قاراعان: ماتەماتيكالىق مودەل مەن جاساندى زەردە تەحنيكاسىن ۇشتاستىرا وتىرىپ، ۆيرۋستىڭ تارالۋداعى سيپاتىن جانە مولشەرىن بەكىتۋ جونىندە ساراپتاۋ جۇرگىزىپ، جۇقپالى اۋرۋدىڭ تارالۋ زاڭدىلىعىن اشۋعا بولادى. زەرتتەرمەندەر جۇقپالى اۋرۋدىڭ تارالۋ مودەلى جانە ىرىدەرەك ارقىلى تالداۋ جاساۋ تاسىلدەرىنە سۇيەنە وتىرىپ، جاقسارتىلعان فورما قالىپتاستىرعان، اشىق جاريالانعان ساندى دەرەكتەرگە نەگىزدەلە وتىرىپ، ا ق ش – تىڭ شىعىس سولتۇستىك بولىگىندەگى 12 شتاتى مەن جۇڭگونىڭ ۋحان قالاسى، جىجياڭ ولكەسى قاتارلى جەرلەرىندەگى ىندەتتىڭ باستاپ تارالعان ۋاقىتى جونىندە تۇجىرىم جاساعان.
زەرتتەۋ ناتيجەسىنە قاراعاندا، ا ق ش – تىڭ شىعىس سولتۇستىك بولىگىندەگى بۇل 12 شتاتتاعى جاڭا تيپتى ايدارشا ۆيرۋس وكپە قابىنۋ ىندەتىمەن جۇعىمدالۋدىڭ تۇڭعىش رەت تۋىلۋ ىقتيمالدىعى %50 تەن اساتىن ۋاقىت كوبىنشە 2019 – جىلى 8 – ايدان 10 – ايعا دەيىن بولعان، ەڭ ەرتە بولعاندا رود ارالى شتاتىندا بولىپ، 2019 – جىلى 4 – ايدىڭ 26 – كۇنىنە، ەڭ كەش بولعاندا دەلاۆار شتاتىندا بولىپ، 2019 – جىلى 11 – ايدىڭ 30 – كۇنىنە تۋرا كەلەدى، بۇلاردىڭ بارلىعى ا ق ش ۇكىمەتى جاريالاعان ا ق ش – تاعى ەڭ العاشقى ناۋقاستىڭ دياگنوزى تۇراقتاندىرىلعان 2020 – جىلى 1 – ايدىڭ 20 – كۇنىنەن ەرتە. ەسەپتەۋ ناتيجەسىنە قاراعاندا، ا ق ش – تا جاڭا تيپتى ايدارشا ۆيرۋس ىندەتىنىڭ 2019 – جىلى 9 – اي اينالاسىندا تارالا باستاعان بولۋ ىقتيمالدىعى ءبىرشاما زور.
ساناققا قاراعاندا، جۇڭگونىڭ ۋحان قالاسىندا تۇڭعىش رەت جۇعىمدالۋدىڭ تۋىلۋ ىقتيمالدىعى %50 بولعان ۋاقىت 2019 – جىلى 12 – ايدىڭ 20 – كۇنى، جۇڭگو جىجياڭ ولكەسىندە تۇڭعىش رەت جۇعىمدالۋشىنىڭ بايقالۋ ىقتيمالدىعى %50 بولعان ۋاقىت 2019 – جىلى 12 – ايدىڭ 23 – كۇنى. وسى بويىنشا جورامالداعاندا، جۇڭگودا جاڭا تيپتى ايدارشا ۆيرۋس وكپە قابىنۋ ىندەتىنىڭ 2019 – جىلى 12 – ايدىڭ سوڭعى مەزگىلىندە تارالا باستاعان بولۋ ىقتيمالدىعى ءبىرشاما زور. بۇل قورىتىندى ەپيدەميولوگيالىق تەكسەرۋ ناتيجەسىمەن نەگىزىنەن سايكەس كەلەدى، ەسەپتەۋ ءادىسىنىڭ دۇرىس ءارى سەنىمدى ەكەنىن كورسەتەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
