شىلاق مامەتريم:
شەكاراعا تامىر تارتىپ، جاڭا تۇرمىس وتكىزدى
انار بۇلت / شينجياڭ گازەتىنىڭ ءتىلشىسى ءرايدا
2021.09.23 14:53 كەلۋ قاينارى : شينجياڭ گازەتى
”وسى رەت قايتىپ كەلگەنىمدە، قىستاعىمىز ءتىپتى دە قۇلپىرىپ كەتىپتى“. 9 - ايدىڭ 18 - كۇنى تاشقورعان تاجىك اۆتونوميالى اۋدانى دافتەر اۋىلى راسكام قىستاعىندا تۇراتىن شىلاق مامەتريم مەن ايەلى، ءبىر جاعىنان، ءوز ءۇيىنىڭ ءبيدايىن ورىپ، ەندى ءبىر جاعىنان، قىستاقتاعى وزگەرىستەردى تىلگە تيەك ەتتى.
شىلاق پەن ايەلى راسكام قىستاعىنىڭ شەكارا قورعاۋشىسى، ۇزاق جىلدار بويى شەكارا شارلاۋمەن، شەكارا قورعاۋمەن كەلەدى، ۇيىنە قايتاتىن ورايى دا تىم از. ”ەڭ قىسقا بولعاندا، 20 كۇندە ءبىر رەت قايتامىز، ال ۇزاق بولعاندا، 3 ايدا ءبىر رەت قايتامىز، بۇل رەت ارناۋلى ءبيداي ورۋ ءۇشىن كەلدىك“، - دەدى شىلاق، - جاڭا قىستاققا كوشىپ كەلگەننەن بەرى، ءار جولى ۇيگە قايتىپ كەلگەن سايىن قىستاقتاعى تىڭ وزگەرىستەرگە كۋا بولامىز.
شىلاق تۇرعان راسكام قىستاعى پامير ۇستىرتىندەگى قونىس جاڭالاپ كەدەيلەردى سۇيەمەلدەۋ بويىنشا كوشىرىپ ورنالاستىرىلعان جاڭا قىستاق. 2018 - جىلى 12 تاۋلى قىستاقتان كوشىرىلگەن تۇرعىندار وسى اراعا كوشىپ كەلدى. جاڭا قىستاقتىڭ ۇيلەرى، مال قورالارى تاپ - تۇيناقتاي رەتتى، نەگىزدىك قۇرىلعىلارى كەمەلدى، اسفالت جول اۋدان قالاشىعىمەن توتە تۇتاسقان.
”قازىر راسكام قىستاعىنداعى وتباسىلاردا تۇگەلدەي جەم - ءشوپ قامباسى، تونار بار، ەسىك الدىندا جاياۋلار جولى، ءۇيدىڭ ارتىندا شاعىن سوقپاق بار، اۋلادا كوكونىس ەگۋگە، قوي - سيىر باعۋعا بولادى، راسىندا، كورىكتى اۋىل - قىستاق“، - دەدى شىلاق.
ءبيدايىن ورىپ بولعاننان كەيىن شىلاق پەن ايەلى ۇيلەرىنە كىرىپ، قولىن جۋىپ، ۇستىلەرىنە تازا كيىمدەرىن كيىنىپ، سافاعا وتىرا قالىپ تەلەۆيزور كورە باستادى. ”ءۇيىمىز ەدەننەن جىلىنادى، تابيعي گاز، قۇبىر سۋى تارتىلعان، قالاداعىلار ىستەتەتىن ءۇي ەلەكتر جابدىقتارى بىزدە دە بار، تۇرمىسىمىز، راسىندا، بارعان سايىن جاقسارىپ كەلەدى“، - دەدى شىلاق تەبىرەنە.
ءدال وسى كەزدە شىلاقتىڭ قول تەلەفونى سايراي جونەلدى، قاشقار قالاسىندا تولىق ورتا وقىپ جاتقان ۇلكەن قىزى ەكراندا سويلەسۋ جالعانىمىن جولداعان ەكەن. اكەسى مەن قىزى جاقىننان بەرگى جاعدايلارى جونىندە ءبىراز اڭگىمەلەستى، شىلاق قىزىنا: ”پارتيانىڭ قامقورلىعىندا ءبىز تاۋ قويناۋىنان وسى اراعا كوشىپ كەلىپ باقىتتى تۇرمىس كەشىرىپ جاتىرمىز، ءسىڭلىڭ ەكەۋىڭ دە تاماشا تاربيە قابىلداپ جاتىرسىڭدار، سوندىقتان العىس ايتا بىلىڭدەر، جاقسى وقىڭدار“، - دەپ قاداعالادى.
بالالارى سىرتتا وقيدى، ەرلى - زايىپتى ەكەۋى جىل بويى شەكارا شارلايدى، شەكارا قورعايدى، ەكراندا سويلەسۋ وسى وتباسىنىڭ ەڭ تاماشا بايلانىس تاسىلىنە اينالدى. ”حابارلاسۋ سيگنالى قىستاقتى تولىق قامتىعاننان باستاپ، ءبىز كەڭ جيىلىك ورناتىپ، ينتەرنەت تەلەۆيزور نومىرلەرىن كورەتىن بولدىق، قول تەلەفونىمىزدا دا سيگنال بار، اپتا سايىن ەكران ارقىلى قىزدارىمىزبەن ديدارلاسامىز، وتە قۋانىشتامىز“، - دەدى شىلاق.
قازىر ۇيگە ينتەرنەت تارتىلىپ قانا قويماي، ەرلى - زايىپتى ەكەۋىنىڭ شەكارا سىزىعىنداعى مىندەت اتقارۋ ءتۇيىنى دە ينتەرنەتپەن تولىق قامتىلدى. ”بۇرىن ءبىز شەكارا شارلاۋعا شىققاندا بالالارمەن حابارلاسۋ قيىنعا سوعاتىن، قازىر قايدا جۇرسەك تە ءوزارا حابارلاسا بەرەمىز، كوڭىلىمىز الاڭسىز. ينتەرنەت جالعانعالى ءبىزدىڭ شەكارا شارلاۋداعى تۇرمىسىمىز دا ءماندى ءوتتى، ايەلىم جاقىننان بەرى ينتەرنەت تەاترىن كورۋگە اۋەستەنىپ قالدى“، - دەدى شىلاق كۇلە.
تۇرمىسىنداعى، قىزمەتىندەگى وزگەرىستەردى كورىپ شىلاق ۇنەمى بۇرىنعى تۇرمىسىن ەسكە الادى.
شىلاق وتباسى ءۇش ۇرپاق بويى شەكارا قورعاپ كەلەدى. اتاسى مەن اكەسى شەكارا قورعاعان داۋىرلەردە ولار تەك تۇيە سياقتى جانۋارلارعا ءمىنىپ شەكارا شارلايتىن، قارىندارى اشسا نان جەپ، شولدەسە قار سۋىمەن سۋسىندايتىن، شەكارا شارلاۋ قوسىمشا قاراجاتى دا توتەنشە ماردىمسىز ەدى. مۇنداي شەكارا قورعاۋ تۇرمىسىن شىلاق تا 10 جىلدان استام ۋاقىت باسىنان كەشىردى. ”سوڭىنان تاۋعا كىرىپ - شىعاتىن جولدار جوندەلدى، شەكارا قورعاۋشىلارىنىڭ اي سايىنعى قوسىمشا قاراجاتى دا ارتتى. كەيىن كەلە ءبىز جاڭا قىستاققا كوشىپ كەلدىك، بالالاردىڭ وقۋىنان، ءوزىمىزدىڭ ەمدەلۋىمىزدەن قام جەمەيتىن بولدىق، قىستاقتا دا كاسىپ سالاسى دامىپ، كوپتەگەن وتباسى جەڭىل اۆتوكولىك ساتىپ الدى، تۇرمىسىمىز بارعان سايىن شالقي ءتۇستى“، - دەدى شىلاق.
”ءبىز العىسقا تولى جۇرەگىمىزبەن وتانىمىزدىڭ ءار سۇيەم جەرىن ويداعىداي قورعاۋىمىز كەرەك“، - دەيدى شىلاق.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
