جۇڭچيۋ دەمالىسىندا شينجياڭ قابىلداعان ساياحاتشى 3 ميلليون 200 مىڭ ادام - رەتتەن استى
2021.09.23 15:28 كەلۋ قاينارى : شينجياڭ گازەتى
انار بۇلت / شينجياڭ گازەتىنىڭ ءتىلشىسى ياۋ گاڭ 9 - ايدىڭ 21 - كۇنى ۇرىمجىدەن حابارلايدى. اۆتونوميالى رايوندىق مادەنيەت جانە ساياحات مەڭگەرمەسىنەن ۇعىسۋىمىزشا، 3 - جاق سەرىكتەستىگىنىڭ تەكسەرگەن ساناعىنا قاراعاندا، بيىل جۇڭچيۋ مەرەكەسى دەمالىسىندا رايونىمىز قابىلداعان ەل ءىشى ساياحاتشىلارى 3 ميلليون 201 مىڭ 500 ادام رەت بولىپ، ساياحات كىرىسى 2 ميلليارد 190 ميلليون يۋانعا جەتكەن. جۇڭچيۋ مەرەكەسى دەمالىسىندا شينجياڭ ساياحاتىندا 3 ەرەكشەلىك جارىققا شىققان.
قيمىل كوپ بولدى. 9 - ايدىڭ 19 - كۇنى ءۇشتۇرپان اۋدانى تۇڭعىش كەزەكتى حالىقارالىق شىرعاناق مادەنيەت - ساياحات مەرەكەسىنىڭ ”بۇلاق قالاسى ءۇشتۇرپان · ءجۇزىم پىستى“ مول ءونىم ءۇزۋ مەرەكەسى اقيار قالاشىعى شينشييۋان ءجۇزىم بازاسىندا شىمىلدىعىن اشتى، جەر - جەردەن كەلگەن ساياحاتشىلار وسىندا باس قوسىپ، جەمىستەردەن تاتىپ، مول ءونىم شاتتىعىمەن ءبولىستى؛ سول كۇنى ”قارلى قالا التايدان ءدام تاتۋ“ 2 - كەزەكتى التاي ءدامدى تاعامدار مادەنيەت - ساياحات مەرەكەسى التاي قالاسى حوتان كەشكى بازارىندا وتكىزىلدى، 10 ءىرى ايگىلى تاعامدار كورمەسى اۋماعىنداعى ەرەكشە اق شاي، قۋىرداق، التاي تاۋى ساڭىراۋقۇلاعى، ساۋىر تاۋى بىقتىرىلعان قوي ەتى كورمە تەكشەسى الدىنا تولىپ العان قالا تۇرعىندارى ءدامدى تاعامداردان اۋىز تيە پىكىر اۋىستىردى؛ لوپنۇر اۋدانى لوپنۇرلىقتار قىستاعى كورىنىس اۋماعى ”جۇڭچيۋدە دالادا تۇنەپ ايدى تاماشالاۋ· الاۋ كەشى“ قيمىلىن وتكىزدى، ساياحاتشىلار توراڭعىنى تاماشالاۋمەن بىرگە، ءشول دالاداعى كونسەرت قوناعاسىنان ءلاززاتتاندى؛ ءپىشان قۇمتاع ءشول دالا كورىنىس اۋماعى ”ءشول دالادان اسىل ىزدەۋ ساپارى“، قۇم ويما DIY سياقتى مادەنيەت - ساياحات قيمىلدارىن وتكىزىپ، كوپتەگەن ساياحاتشىنى باۋرادى...
تيىمدىلىك كوپ بولدى. شينجياڭ بايىرعى ەكولوگيالىق باقشاسى ايعا قاراپ باقىت تىلەۋ قيمىلىن وتكىزدى، ساياحاتشىلار مەن قىزمەتكەلەر ءوزارا ىقپالداسىپ، ”اي“ تۋرالى 3 ولەڭ وقىسا، ءبىر ايكۇلشەگە جانە ءبىر رەت سيلىق سۋىرۋ ورايىنا يە بولدى؛ حوشۇت اۋدانى جينشاتان ساياحات ءوڭىرى ءبىر ادامعا 35 يۋاندىق بەلەت الۋ، اۋماقتار ارا قاتىنايتىن كولىكپەن بارىپ - قايتسا ءبىر ادامعا 5 يۋان الۋ تيىمدىلىك باعاسىن شىعاردى، سونىمەن بىرگە بالالار، وقۋشىلار، قارتتار، مۇگەدەكتەر، مىندەت وتەپ جاتقان اسكەرلەر قاتارلى ءتۇرلى قاۋىمدارعا ءتيىمدى بەلەت باعاسىن شىعاردى...
وتباسىلار كوپ بولدى. ءۇرىمجى نانشاننان مادەنيەت - ساياحات اشۋ شەكتى سەرىكتەستىگىنىڭ ديرەكتورى گۇلتايدىڭ تانىستىرۋىنشا، دەمالىس مەزگىلىندە كوپتەگەن وتباسى ءوز كولىكتەرىمەن كورىنىس وڭىرىنە كەلىپ ساياحاتتاۋدى تاڭداعان؛ تيانشان بوعدا كولى كورىنىس ءوڭىرى ”تولعان اي تيانشانعا نۇرىن توكتى“ جۇڭچيۋ قيمىلىمەن وتباسىلارىن بىرلىك ەتكەن ساياحاتشىلاردى ساياحاتتاۋعا جانە بىرگە قاتىناسۋعا باۋرادى، ”ءبىز ءۇي ىشىمىزبەن فيحۋاليڭ تاقپاق ويىنى، شام جۇمباق شەشۋ قيمىلدارىنا قاتىناستىق، ۇلكەن - كىشىمىز ءماز - مەيرام بولدىق“، - دەدى ءۇرىمجى قالاسىنان كەلگەن ساياحاتشى جيا جيا.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
