گۇيجوۋ ماۋتاي توبىنىڭ بۇرىنعى القالار باستىعى يۋان رىنگونىڭ پارا الۋ دەلوسىنا ءبىرىنشى سوتتىڭ ۇكىمى جاريالاندى
2021.09.24 13:35 كەلۋ قاينارى : حالىق تورابى
شينحۋا اگەنتتىگىنىڭ ءتىلشىسى شياڭ ديڭجيە، ۋاڭ جۇن 9 – ايدىڭ 23 – كۇنى گۇيياڭنان حابارلايدى. 2021 – جىلى 9 – ايدىڭ 23 – كۇنى تۇستەن بۇرىن، گۇيجوۋ ولكەسى گۇيياڭ قالالىق ورتا دارەجەلى حالىق سوتى ساياسي كەڭەس گۇيجوۋ ولكەلىك 12 – كەزەكتى كوميتەتى ەكونوميكا كوميتەتىنىڭ بۇرىنعى ورىنباسار مەڭگەرۋشىسى يۋان رىنگونىڭ پارا الۋ دەلوسى جونىندە ءبىرىنشى سوت ۇكىمىن اشىق جاريالاپ، ايىپكەر يۋان رىنگوعا پارا الۋ قىلمىسى بويىنشا مەرزىمسىز قاماق جازاسىن بەرىپ، ساياسي ۇقىعىنان ومىرلىك ماحرۇم ەتتى ءارى ونىڭ بارلىق مال – مۇلكىن تاركىلەدى؛ يۋان رىنگونىڭ پاراعا العان مال – مۇلكى مەن ونىڭ ءوسىمىن زاڭ بويىنشا قايتارىپ الىپ، ۇكىمەت قازىناسىنا تاپسىردى.
تەرگەۋ بارىسىندا تەكسەرىپ انىقتاۋعا قاراعاندا، 1994 – جىلدان 2018 – جىلعا دەيىن، ايىپكەر يۋان رىنگو ىلگەرىندى – كەيىندى گۇيجوۋ ولكەسى ماۋتاي اراق زاۆودىنىڭ ورىنباسار زاۆود باستىعى، جۇڭگو گۇيجوۋ ماۋتاي اراق زاۆودى (توبى) شەكتى جاۋاپكەرشىلىك سەرىكتەستىگىنىڭ ورىنباسار باس ديرەكتورى، ورىنباسار القالار باستىعى، باس ديرەكتورى، القالار باستىعى، گۇيجوۋ ماۋتاي اراق جارنالىق شەكتى سەرىكتەستىگىنىڭ القالار باستىعى قاتارلى مىندەتتەردى وتەگەن كەزدە، قىزمەت مىندەتىندەگى قولايلىلىقتان پايدالانىپ، باسقالارعا ماۋتاي اراعىن ساۋدالاۋ ۇقىعى، ۇلەستىرىپ ساۋدالاۋ، ماۋتاي اراعىمەن قامداۋ مولشەرىن ارتتىرۋ قاتارلى ىستەردە كومەك كورسەتىپ، باسقالار بەرگەن قۇنى 112 ميلليون 900 مىڭ يۋاننان استام كەلەتىن مال – مۇلىكتى زاڭعا قايشى تۇردە قابىلداعان.
گۇيياڭ قالالىق ورتا دارەجەلى حالىق سوتى ايىپكەر يۋان رىنگونىڭ ارەكەتى پارا الۋ قىلمىسىن قالىپتاستىردى دەپ قاراعان. يۋان رىنگو پاراعا الماقشى بولعان 20 ميلليون 500 مىڭ يۋان اقشانى ءالى تاپسىرىپ الماعان؛ تەكسەرۋ جۇرگىزىلگەننەن كەيىن، ءوزىنىڭ قىلمىستارىن شىنايى بايانداعان، دەلو ءبىتىرۋ قۇرىلىمدارى ءالى بىلمەيتىن، پارا الۋ قىلمىسىنا قاتىستى باسىم كوپ ساندى فاكتىلەردى ىرىقتىلىقپەن تاپسىرعان؛ قىلمىسىن تانىپ، وكىنەتىنىن بىلدىرگەن، پاراعا العان اقشانى بەلسەندىلىكپەن قايتارعان، پاراعا العان قاراجاتتى تۇگەل تاپسىرعان، زاڭداعى بەلگىلەمەگە ساي، جاعدايعا قاراي جازاسىن جەڭىلدەتۋگە ۇيلەسەدى، وسىعان ساي زاڭ بويىنشا ونىڭ جازاسىن جەڭىلدەتۋگە بولادى. سوت ەڭ سوڭىندا جوعارىداعىداي ۇكىم شىعاردى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
