«شي جينپيڭ ەل باسقارۋ جونىندە» اتتى كىتاپتىڭ 2 - تومىنىڭ نەپال تىلىندەگى باسىلىمىنىڭ تۇڭعىش تاراتىلۋ سالتى مەن 3 - تومىنىڭ اعىلشىن تىلىندەگى باسىلىمىن تانىستىرۋ جينالىسى كاتماندۋدا وتكىزىلدى
2021.09.24 16:08 كەلۋ قاينارى : حالىق تورابى
شينحۋا اگەنتتىگى، 9 - ايدىڭ 23 - كۇنى، كاتماندۋ. «شي جينپيڭ ەل باسقارۋ جونىندە» اتتى كىتاپتىڭ 2 - تومىنىڭ نەپال تىلىندەگى باسىلىمىنىڭ تۇڭعىش تاراتىلۋ سالتى مەن 3 - تومىنىڭ اعىلشىنشا باسىلىمىن تانىستىرۋ جينالىسى 9 - ايدىڭ 23 - كۇنى نەپالدىڭ استاناسى كاتماندۋدا وتكىزىلدى. بۇل رەتكى قيمىلدى جۇڭگو مەملەكەتتىك كەڭەسىنىڭ اقپارات كەڭسەسى، نەپال زۇڭتۇڭ سارايى، جۇڭگو شەتەل تىلدەرى مەكەمەسى، جۇڭگونىڭ نەپالداعى باس ەلشىحاناسى بىرگە وتكىزدى.
نەپالدىڭ زۇڭتۇڭى بانداري قيمىلعا قاتىناستى ءارى ءسوز سويلەدى، ج ك پ ورتالىق كوميتەتى ساياسي بيۋروسىنىڭ مۇشەسى، ورتالىق ۇگىت ءبولىمىنىڭ باستىعى حۋاڭ كۇنميڭ بەينە ەكرانمەن ءسوز سويلەدى. جۇڭگونىڭ نەپالداعى باس ەلشىسى حوۋ يانچي، نەپال جۇڭگو زەرتتەۋ ورتالىعىنىڭ اتقارۋشى ءتوراعاسى باتلاي قاتارلى ءار سالا قايراتكەرلەرى سول كۇنگى قيمىلعا قاتىناستى.
بانداري سوزىندە مىنانى ءبىلدىردى: جۇڭگو مەملەكەتتى جونگە سالۋ جانە ەكونوميكالىق قۇرىلىس جاعىندا بۇرىن بولىپ كورىلمەگەن تابىسقا قول جەتكىزىپ، دۇنيە ءجۇزىنىڭ جاپپاي نازارىن اۋداردى. بۇگىن ءبىز «شي جينپيڭ ەل باسقارۋ جونىندە» اتتى كىتاپتىڭ 2 - تومىنىڭ نەپال تىلىندەگى باسىلىمىنىڭ تۇڭعىش تاراتىلۋ سالتىن وتكىزدىك، وقىرمانداردىڭ وسى كىتاپتى وقىعان كەزدە جۇڭگونىڭ سوڭعى 10 جىلدا قول جەتكىزگەن كەرەمەت دامۋ ناتيجەلەرىن، ءتوراعا شي جينپيڭنىڭ يدەيالىق نازارياسىن، ساياسي كوزقاراسىن، ساياسات - باعىتىن جانە ونىڭ تابىستى امالياتىن تۇسىنەتىنىنە سەنەمىز. جۇڭگونىڭ كەدەيلىكتەن ارىلتۋدان قامال الۋ جانە جونگە سالۋ جاعىنداعى مول تاجىريبەلەرى دە نەپالدى قامتىعان وركەندەپ كەلە جاتقان ەلدەرگە ءتيىمدى ۇلگى بولدى.
حۋاڭ كۇنميڭ ارناۋ سوزىندە مىنانى ءبىلدىردى: «شي جينپيڭ ەل باسقارۋ جونىندە» اتتى كىتاپ جۇڭگولىق، شەتەلدىك وقىرمانداردىڭ شي جينپيڭ جاڭا ءداۋىر جۇڭگوشا سوتسياليزم يدەياسىن تانۋىنا، يگەرۋىنە ماڭىزدى قۇجات ازىرلەدى. بۇل يدەيا ــ ماركسيزمنىڭ نەگىزگى قاعيدالارىن جۇڭگونىڭ ناقتى امالياتىمەن ۇشتاستىرۋدا، جۇڭحۋانىڭ تاڭداۋلى ءداستۇرلى مادەنيەتىمەن ۇشتاستىرۋدا تاباندى بولۋدىڭ نازاريالىق جاۋھارى، جۇڭگو حالقىنىڭ تاماشا تۇرمىسقا دەگەن تالپىنىسىن جۇزەگە اسىرۋدىڭ ارەكەت باعدارلاماسى، ول جاپپاي سوتسياليستىك وسىزاماندانعان مەملەكەت قۇرۋعا عىلمي جەتەكشىلىك ەتىپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋگە جۇڭگونىڭ اقىل - پاراساتىن ارنادى. ءبىز وسى رەتكى قيمىلدى وراي ەتىپ، جۇڭگو مەن نەپالدىڭ مەملەكەت باسشىلارى كەلىسكەن ماڭىزدى ورتاق تانىمدى ىشكەرىلەي دايەكتىلەندىرىپ، گۋمانيتارلىق اۋىس - كۇيىستى ۇزدىكسىز تەرەڭدەتىپ، ءداستۇرلى دوستىقتى جەبەپ، جۇڭگو مەن نەپالدىڭ دامۋ مەن گۇلدەنۋگە بەت العان ۇرپاقتان - ۇرپاققا جالعاسقان ستراتەگيالىق سەلبەستىك سەرىكتەستىك قاتىناسىن ورناتۋعا بەلسەندى ۇلەس قوسامىز.
قيمىل مايدانىندا بانداري «شي جينپيڭ ەل باسقارۋ جونىندە» اتتى كىتاپتىڭ 2 - تومىنىڭ نەپال تىلىندەگى جاڭا نۇسقاسىنىڭ شىمىلدىعىن اشتى، حوۋ يانچي جۇڭگو اتىنان نەپالدان كەلگەن سيلى قوناقتارعا 2 - تومنىڭ نەپال تىلىندەگى جانە 3 - تومنىڭ اعىلشىن تىلىندەگى نۇسقالارىن ۇسىندى.
«شي جينپيڭ ەل باسقارۋ جونىندە» اتتى كىتاپتىڭ 2 - تومىنىڭ نەپال تىلىندەگى نۇسقاسىن جۇڭگو شەتەل تىلدەرى باسپاسى مەن نەپال جۇڭگو زەرتتەۋ ورتالىعى بىرگە اۋدارىپ باسپادان شىعاردى. قازىرگە دەيىن «شي جينپيڭ ەل باسقارۋ جونىندە» اتتى كىتاپتىڭ 2 - تومى 13 تىلگە اۋدارىلىپ باسپادان شىقتى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
