بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

لي جانشۋ برۋنەي زاڭ شىعارۋ كەڭەسىنىڭ باستىعى راحمانمەن كەڭەس وتكىزدى

2021.09.24 16:09     كەلۋ قاينارى : حالىق تورابى

  شينحۋا اگەنتتىگى، 9 - ايدىڭ 23 - كۇنى، بەيجيڭ. مەملەكەتتىك حالىق قۇرىلتايى تۇراقتى كوميتەتىنىڭ باستىعى لي جانشۋ 9 - ايدىڭ 23 - كۇنى بەيجيڭدەگى حالىق سارايىندا بەينە ەكران تاسىلىمەن برۋنەي زاڭ شىعارۋ كەڭەسىنىڭ باستىعى راحمانمەن كەڭەس وتكىزدى.

  لي جانشۋ بىلاي دەدى: جۇڭگو مەن برۋنەي ــ تەڭىز ءبولىپ جاتقان دوس كورشى ەلدەر. ءتوراعا شي جينپيڭ حاساننار سۇلتانمەن بىرگە ەكى ەل قاتىناسىن ستراتەگيالىق سەلبەستىك سەرىكتەستىك قاتىناس دەڭگەيىنە كوتەرىپ، ەكى جاقتى قاتىناستىڭ دامۋى «جەدەل ارناعا» ءتۇستى. ەكى ەلدىڭ ساياسي سەنىمدىلىگى ۇزدىكسىز تەرەڭدەپ، ناقتى سەلبەستىگى ۇزدىكسىز كەڭەيىپ، گۋمانيتارلىق اۋىس - كۇيىسى اناعۇرلىم جيىلەپ، حالىقارالىق جانە وڭىرلىك ىستەردە تاماشا پىكىرلەسۋ مەن سايكەسۋدى ساقتادى. جاڭا تيپتى ايدارشا ۆيرۋس وكپە قابىنۋ ىندەتى تۋىلعاننان بەرى ەكى ەل ءبىر - بىرىنە قارايلاسىپ، قيىنشىلىقتى بىرگە جەڭىپ، ءداستۇرلى دوستىقتى اناعۇرلىم بەكەمدەدى، تەرەڭدەتتى.

  لي جانشۋ بىلاي دەپ اتاپ كورسەتتى: جۇڭگو برۋنەيمەن دوستىق قاتىناستى دامىتۋعا باستان - اياق ستراتەگيالىق جانە ۇزاق بولاشاقتىق تۇرعىدان مامىلە جاسايدى، برۋنەيمەن شىنايى مامىلە جاسايتىن جاقسى دوس، بىرگە داميتىن جاقسى سەرىك بولۋدى قالايدى. بيىل ــ ەكى ەلدىڭ ديپلوماتيالىق قاتىناس ورناتقانىنىڭ 30 جىلدىعى، ەكى جاقتىڭ وسىنى وراي ەتىپ، ەكى ەل باسشىلارى كەلىسكەن ماڭىزدى ورتاق تانىمدى ويداعىداي تياناقتاندىرىپ، ستراتەگيالىق سەلبەستىك سەرىكتەستىك قاتىناستىڭ ۇزدىكسىز دامۋىن بىرگە ىلگەرىلەتۋىن ءۇمىت ەتەمىن. ءبىرىنشى، جوعارى جىكتەگىلەردىڭ بارىس - كەلىسىن جيىلەتىپ، ستراتەگيالىق ءوزارا سەنىمدىلىكتى تەرەڭدەتىپ، ءبىر - ءبىرىنىڭ وزەكتى مۇددەسىنە جانە ءجىتى قاداعالاپ وتىرعان كەلەلى ىستەرىنە ساياتىن ماسەلەلەردە ءوزارا ۇزدىكسىز باتىل قولداۋ كورسەتۋ كەرەك. ەكىنشى، ىندەتكە قارسى اتتانۋ سەلبەستىگىن كۇشەيتىپ، ىندەتتى بىرگە جەڭىپ، ىنتىماقتاسا وتىرىپ ىندەتكە قارسى اتتانۋ ۇلى تۋىن بيىك ۇستاپ، ىندەتتەن پايدالانىپ اتقا داق سالۋعا، ۆيرۋستىڭ قاينارىن تەكتەۋدى ساياسيلاندىرۋعا بىرگە قارسى تۇرىپ، ادامزاتتىڭ دەنساۋلىق ساقتاۋ، سالاماتتىق ورتاق تۇلعاسىن قول ۇستاسا قۇرۋ كەرەك. ءۇشىنشى، دامۋ ستراتەگياسىمەن ۇشتاستىرىپ، «ءبىر بەلدەۋ، ءبىر جولدى» جوعارى ساپامەن بىرگە قۇرۋ كەرەك، برۋنەي جاق العا قويعان «2035 - جىلعا دەيىنگى ۇلى ارمان» مەن جۇڭگو جاق جاساعان «2035 - جىلعا دەيىنگى ۇزاق بولاشاقتىق نىسانا» ەكى ەلدىڭ سەلبەستىكتى تۇيىلىستىرۋىنە اناعۇرلىم كوپ توعىسۋ ءتۇيىنىن الا كەلىپ، اناعۇرلىم كەڭ ءورىس اشتى. ءتورتىنشى، ديپلوماتيالىق قاتىناس ورناتۋدىڭ 30 جىلدىعىن قۇتتىقتاۋ قيمىلىن ويداعىداي وتكىزىپ، گۋمانيتارلىق اۋىس - كۇيىستى تەرەڭدەتىپ، حالىقتار اراسىنداعى دوستىقتى نىعايتۋ كەرەك.

  لي جانشۋ بىلاي دەپ دارىپتەدى: جۇڭگو مەن برۋنەي ەلدەرىنىڭ زاڭ شىعارۋ قۇرىلىمدارى تاماشا بارىس - كەلىس ءداستۇرىن ساقتادى. جۇڭگو مەملەكەتتىك حالىق قۇرىلتايى برۋنەي زاڭ شىعارۋ كەڭەسىمەن بىرگە اۋىس - كۇيىس پەن سەلبەستىكتى كۇشەيتىپ، ەكى ەلدىڭ ستراتەگيالىق سەلبەستىك سەرىكتەستىك قاتىناسىنىڭ مازمۇنىن ۇزدىكسىز بايىتۋدى قالايدى. ەكى جاقتىڭ جوعارى جىكتەگىلەردىڭ بارىس - كەلىسىن جالعاستىرىپ، ارناۋلى كوميتەتتەر، حالىق قۇرىلتايى ۋاكىلدەرى جانە پارلامەنت مۇشەلەرى اراسىنداعى اۋىس - كۇيىستى ىلگەرىلەتۋىن ءۇمىت ەتەمىن. ەكى جاقتى قاتىناستىڭ دامۋىنا ءتيىمدى زاڭدىق قۇجاتتاردى شىعارىپ نەمەسە وعان وزگەرىس ەنگىزىپ، ەكى ەلدىڭ «ءبىر بەلدەۋ، ءبىر جولدى» جوعارى ساپامەن بىرگە قۇرۋىنا تاماشا ساياساتتىق، زاڭدىق ورتا ازىرلەۋ كەرەك. ەلدى زاڭمەن باسقارۋ، دامۋ پلانى، زاڭ - ءتۇزىم قاتارلى جاقتارداعى جاقسى تاجىريبەلەرمەن، جاقسى ادىستەرمەن بەلسەنە ءبولىسۋ كەرەك. ءار ەل پارلامەنتتەر وداعى، ازيا پارلامەنتتەر جينالىسى سياقتى كوپ جاقتى مەحانيزمدەردە ۇزدىكسىز تاماشا سايكەسۋدى، سەلبەسۋدى جالعاستىرۋ كەرەك.

  راحمان مىنانى ءبىلدىردى: بيىل ــ برۋنەي مەن جۇڭگونىڭ ديپلوماتيالىق قاتىناس ورناتقانىنىڭ 30 جىلدىعى. برۋنەي جۇڭگومەن ۇزاق ۋاقىتتىق دوستىق قاتىناستى دامىتۋعا باسا ءمان بەرەدى. ەكى ەل ەكونوميكا - ساۋدا، اۋىل شارۋاشىلىعى، بالىق شارۋاشىلىعى، وقۋ - اعارتۋ، گۋمانيتارلىق سياقتى سالالاردا تىعىز سەلبەستىك ورىستەتتى. جۇڭگونىڭ برۋنەيدىڭ ىندەتپەن كۇرەسۋىن قولداپ، ۆاكسينامەن بەلسەنە قامداعانىنا العىس ايتامىن، بۇل ەكى ەلدىڭ دوستىق قاتىناسى مەن ەكى جاقتىڭ ىندەتكە بىرگە توتەپ بەرۋ قۇلشىنىسىن ايگىلەدى. برۋنەي زاڭ شىعارۋ كەڭەسى جۇڭگو مەملەكەتتىك حالىق قۇرىلتايىمەن اۋىس - كۇيىستى كۇشەيتىپ، ەكى ەل قاتىناسىنىڭ دامۋىن جەبەۋگە ۇلەس قوسۋدى قالايدى.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار