ساياحاتشىلار ءدامى ءتىل ۇيىرەتىن سورپا ءىشۋ ءۇشىن ۇشاقپەن كەلدى
انار بۇلت / شينجياڭ گازەتىنىڭ ءتىلشىسى ۋاڭ جيڭجيڭ
2021.09.24 16:49 كەلۋ قاينارى : شينجياڭ گازەتى
9 - ايدىڭ 10 - كۇنى ءۇرىمجى اۋدانى شۇيشيگوۋ قالاشىعى وڭتۇستىك شينان كوشەسىنە ورنالاسقان ليڭجيا سەيىل - سەرۋەن ساياجايىنىڭ قوجايىنى دۋ جيڭ گۋاڭجوۋداعى كونە قاريدارىنا بوچتا جولداماسى ارقىلى تىرجىڭقۇلاق جىبەرۋدىڭ قاربالاستىعىنا ءتۇستى، ول: ”الدىڭعى اپتادا ولار «كۇنلۇن ۋادەسىن» كورۋ ءۇشىن ۇشاققا وتىرىپ ۇرىمجىگە ارنايى كەلگەننەن كەيىن، ءبىزدىڭ ۇيدەگى تاۋىق سورپاسىنان ءدام تاتىپ قايتقان بولاتىن. كەتەرلەرىندە الا كەتەتىن تىرجىڭقۇلاق جەتپەي قالىپ، ماعان ارتىنان جولداپ جىبەرۋدى تاپسىرعان بولاتىن“، - دەدى.
جارتى عۇمىر بويى ”ساياحات اسىن“ جەپ، تۇرمىس كەشىرگەن دۋ جيڭ مەن كۇيەۋى لين ۋيدىڭ وسى ءبىر جىلدان بەرى العان ەڭ تەرەڭ اسەرى مىناۋ بولدى: ءۇرىمجى اۋدانىنىڭ ساياحات كاسىپ كۇيى بارعان سايىن تولىستى، ساياحاتشىلاردىڭ سۇرانىسى دا سان قيلى، وزدەرىنىڭ شارۋالار شاتتىعى ساياجايىندا دا بىلىنبەي ءجۇرىپ تالاي وزگەرىستەر بولدى.
بىلتىر جىل باسىنان بەرى، «كۇنلۇن ۋادەسى» اتتى كولەمدى ناق كورىنىستىك تەاتردىڭ ۇدايىلاندىرا قويىلۋى جانە ءۇرىمجى اۋدانىندا حالىقتىق تۇسەلحانا كاسىبىنىڭ گۇلدەنۋىنە ساي، نانشاندا تۇنەيتىن ساياحاتشىلار دا بارعان سايىن كوبەيدى. ۇشاقپەن كەلىپ تاۋىق سورپاسىن ءىشىپ قايتقان گۋاڭجوۋلىق ساياحاتشى چىن چىن جۇما كۇنى تۇندە ۇشاقتان تۇسىسىمەن - اق توتە نانشانداعى حالىقتىق تۇسەلحاناعا كەلىپ جايعاستى، ەرتەڭىندە تاۋىق سورپاسىنان ءدام تاتىپ، تەاتردى تاماشالاعاننان كەيىن، جەكسەنبى كۇنى گۋاڭجوۋعا قايتا قايتىپ كەتتى. ”ءبىز ساياحاتشىلاردىڭ قاجەتىن شامانىڭ كەلىسىنشە قاناعاتتاندىرىپ، ءدامدى تاعامداردان اۋىز ءتيىپ كوڭىلدى قايتۋىنا مۇمكىندىك جاسايمىز“، - دەدى دۋ جيڭ.
بۇرىن قوناقتاردىڭ باسىم كوپ ساندىسى اسحانامىزعا كەلىپ سورپا ىشەتىن، قازىر كوپتەگەن ادامدار قوراپتاپ الىپ قايتىپ، حالىقتىق تۇسەلحاناعا اپارىپ جايلانىپ وتىرىپ ءىشۋدى قالايتىن بولدى. دۋ جيڭ قوراپتاۋ زاۆودىمەن بايلانىس جاساپ، تاۋىق سورپاسىن قۇيۋعا كەلەتىن ۇلكەن ىدىس جاساتادى. ”تاۋىق سورپاسىن ەكى بولەك ىدىسقا قۇيىپ بەرەمىز، كوپ ساندىلارى جارتىسىن اسحانادا ءىشىپ، جارتىسىن ۇيلەرىنە الىپ قايتادى، ىسىراپ تا بولمايدى، قايتىپ بارعان سوڭ دا ءدامدى تاعامنان جالعاستى عۇزىرلانۋىنا بولادى“، - دەدى لين ۋي.
ەرلى - زايىپتى ەكەۋى قاريدارلارعا ۇنەمى:” كوپشىلىك بۇل ارانى ءوز ۇيلەرىڭدەي سەزىنىپ، جانۇيالارىڭىزدا وتىرعانداي جايلى دا الاڭسىز تاماقتانۋلارىڭىزدى ءۇمىت ەتەمىز“ دەيتىن. سوڭعى جىلدارى ولاردىڭ شارۋالار شاتتىعى ساياجايى ەڭ العاشىنداعى 8 ۇستەلى عانا بار ساياجايدان كەڭەيىپ، قازىر الدى مەن ارتىندا 2 ۇلكەن زالى بار، 200 ادامنىڭ ءبىر ۋاقىتتا تاماقتانۋىنا بولاتىن بولدى.
بيىل جازدا لينجيا سەيىل - سەرۋەن ساياجايى ءۇرىمجى اۋدانىنداعى قار - مۇز سپورتى ەرەكشەلىگىندەگى شاعىن قالاشىق بويىنشا سەلبەسكەن ساۋدا دۇكەنىنە اينالىپ، 200 نەشە ادامدىق زەرتتەۋ، ۇيرەنۋ، ساياحاتتاۋ ۇيىرمەسىن تاعاممەن قامدادى. ”بۇرىن نانشانعا كەلگەن ساياحاتشىلار ات ءمىنىپ، اسقان قوي ەتىنەن، تورە تاباق تاۋىق ەتىنەن اۋىز ءتيىپ قايتىپ كەتەتىن. ال قازىر زەرتتەۋ، ۇيرەنۋ، ساياحاتتاۋ قيمىلى ورىستەتىلگەننەن بەرى، اتا - انالار بالا - شاعالارىمەن بىرگە كەلىپ، نانشانداعى وسىمدىك، حايۋانات جونىندەگى تۇسىنىكتەرى ارتىپ، سەيىل - سەرۋەن قۇرا ءجۇرىپ ۇيرەنەتىن بولدى، تىزىمدەلەتىندەر دە وتە كوپ، ءاربىر ۇيىرمەدە از دەگەندە 30 − 40داي ادام بار“، - دەدى دۋ جيڭ.
بيىل دۋ جيڭ ءوز اۋلاسىنا بىرنەشە ءتۇرلى اسەمدىك گۇلدەردى سىناق رەتىندە ءوسىردى، ”شارۋالار شاتتىعى ساياجايىمىزدىڭ دارەجەسىن وسىرۋگە دە تۋرا كەلىپ وتىر، اۋلانىڭ ءىشىن اسەمدەپ، اپپاق ۇستەل - ورىندىق قويىپ، ”شەتەلشە“ جاساپ قويىپ، ۇشاقپەن كەلەتىن قوناقتاردىڭ ءتىپتى دە جايلى سەزىنىپ، تاتيدى دەپ بىلۋىنە مۇمكىندىك جاساپ وتىرمىز“، - دەدى دۋ جيڭ.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
