الدىڭعى 7 ايدا بۇكىل شينجياڭنىڭ قالا-قالاشىقتارىندا تىڭنان 356 مىڭ 200 ادام جۇمىستاندى
2021.09.24 16:50 كەلۋ قاينارى : شينجياڭ گازەتى
انار بۇلت / شينجياڭ گازەتىنىڭ ءتىلشىسى جاۋ شييا 9 - ايدىڭ 22 - كۇنى ۇرىمجىدەن حابارلايدى. اۆتونوميالى رايوندىق حالىق ۇكىمەتى اقپارات كەڭسەسى 9 - ايدىڭ 22 - كۇنى اشقان ”اۋەلگى ماقساتتى، بورىشتى امالياتتا ايگىلەپ، باتىلدىقپەن جاۋاپكەرشىلىك ارقالاپ، ىسكەرلىك كورسەتىپ، اۆتونوميالى رايوننىڭ ادام كۇشى بايلىعى جانە قوعامدىق قامتاماسىزداندىرۋ ىستەرىنىڭ جوعارى ساپالى دامۋىن ۇزدىكسىز ىلگەرىلەتەيىك“ اقپار جاريالاۋ ماجىلىسىنەن ۇعىسۋىمىزشا، بيىل 7 - ايدىڭ سوڭىنا دەيىن، بۇكىل رايونداعى قالا - قالاشىقتاردا تىڭنان 356 مىڭ 200 ادام جۇمىستانىپ، تۇتاس جىلدىق نىسانا - مىندەتتىڭ ％77.43ى ورىندالىپ، قالا - قالاشىقتارداعى بىردە - ءبىر ادامى جۇمىستانباعان وتباسىلارىندا كەم دەگەندە ءبىر ادام 24 ساعات ىشىندە يكەمدى جۇمىستاندىرىلعان.
”3 - رەتكى ورتالىقتىڭ شينجياڭ قىزمەتى جونىندەگى اڭگىمە ماجىلىسىنەن بەرى رايونىمىز اناعۇرلىم بەلسەندى جۇمىستاندىرۋ ساياساتىن اتقاردى“. اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسى پارتيا باسشىلىق گرۋپپاسىنىڭ ورىنباسار شۋجيى، مەڭگەرمە باستىعى راحمانجان داۋىت بىلاي دەپ تانىستىردى: كەدەيلىكتەن ارىلعاندار قاتارلى ءتۇيىندى قاۋىمدى جۇمىستاندىرۋ ارقىلى كومەكتەسۋ - سۇيەمەلدەۋدى ۇزدىكسىز جاقسى ىستەپ، جۇمىستاندىرۋ ارقىلى كەدەيلەردى سۇيەمەلدەۋ جەتىستىكتەرىن بەكەمدەۋ، كەڭەيتۋ ءۇشىن، اۆتونوميالى رايون «جۇمىستاندىرۋ ارقىلى كەدەيلەردى سۇيەمەلدەۋ جەتىستىكتەرىن بەكەمدەپ، اۋىل - قىستاقتى گۇلدەندىرۋگە دەم بەرۋ جونىندەگى اتقارۋ پىكىرى»، «جۇمىستانۋ اياسىن كەڭەيتىپ، حالىققا تيىمدىلىك جاساۋ ينجەنەرياسىن اتقارۋ جوباسى» قاتارلى حۇجاتتاردى شىعارىپ، جۇمىستانۋدىڭ ”سانى“ مەن ”ساپاسىنىڭ“ بىرگە دامۋىن ونان ارى ىلگەرىلەتتى. سونىمەن بىرگە، جەر - جەردى ”التىنى ورنىقتىرۋ“ قىزمەتىن تىڭعىلىقتى جاقسى ىستەپ، ”التىنى قامتاماسىز ەتۋ“ مىندەتىن جالپى بەتتىك تياناقتاندىرىپ، جىلدىق نىسانا - مىندەتتەردى ايقىنداۋىنا، سونداي - اق ءتۇرلى مىندەت - كورسەتكىشتەرىن ساتىلار بويىنشا ناقتىلاندىرىپ جىكتەۋىنە جەتەكشىلىك ەتتى.
ءتۇيىندى قاۋىمنىڭ جۇمىستانۋىن، شارۋاشىلىق قۇرۋىن جەبەۋ جاعىندا، ءار دارەجەلى ۇكىمەتتەر باتىل تۇردە جوعارى مەكتەپتەن وقۋ تاۋىسقان وقۋشىلاردى جۇمىستاندىرۋدى جۇمىستاندىرۋ قىزمەتىنىڭ كورنەكتى ورنىنا قويىپ، جۇمىستانۋ ارناسىن كوپ جاقتىلى، كوپ ءتۇرلى فورمادا كەڭەيتتى. جوعارى مەكتەپتەن وقۋ تاۋىسقان وقۋشىلاردى نەگىزگى ساتىعا بارىپ جۇمىستانۋعا جەتەكتەپ جانە شابىتتاندىرىپ، جوعارى مەكتەپتەن وقۋ تاۋىسقان وقۋشىلاردىڭ جۇمىستانۋىنا ينفورماتسيالىق قىزمەت وتەۋ ءادىس - امالدارىندا جاڭالىق اشىپ، ۋيچات، ميكروبلوگ، قول تەلەفون APPى قاتارلى تەحنيكالىق تاسىلدەردەن پايدالانىپ، ءتۇرلى قامداۋ - قاجەتسىنۋدى ءتۇيىستىرۋ قيمىلدارىن ورىستەتىپ، قامداۋ مەن قاجەتسىنۋدىڭ دالمە - ءدال سايكەسۋىن جەبەپ، قىزمەت وتەۋ ونىمدىلىگىن جوعارىلاتىپ، جوعارى مەكتەپتەن وقۋ تاۋىسقان وقۋشىلاردىڭ جۇمىستانۋىن، شارۋاشىلىق قۇرۋىن كوپ ءتۇرلى ارنامەن، كوپ ءتۇرلى فورمامەن جەبەدى. جۇمىستانۋىندا قيىنشىلىق بار ادامداردىڭ جۇمىستانۋىنا جاردەم بەرۋدى، ءسوز جوق، ارقالايتىن مىندەت ەتۋگە تاباندى بولىپ، قيىنشىلىعى بار قاۋىمنىڭ جۇمىستانۋىنا جاردەم بەرۋدى كۇشەيتىپ، جۇمىستانۋعا جاردەم بەرۋ ساياساتىن ۇزدىكسىز كەمەلدەندىرىپ، جۇمىستانۋدا قيىنشىلىعى بار ادامدار مەن بىردە - ءبىر ادامى جۇمىستانباعان وتباسىلارىنا ”بىرگە ءبىر“ ۇلگىسىندە كومەكتەسۋ - سۇيەمەلدەۋدى جانە ”بىردە - ءبىر ادامى جۇمىستانباعان وتباسىلاردا“ كەم دەگەندە ءبىر ادامدى يكەمدى جۇمىستاندىرۋ قىزمەت مەحانيزمىن ۇدايىلاندىرا اتقاردى.
مۇنان سىرت، رايونىمىز تاعى كاسىپتىك شەبەرلىكتى جوعارىلاتۋ ارەكەتىن ىشكەرىلەي ورىستەتىپ، كاسىپتىك شەبەرلىككە باۋلۋدىڭ باعىتتامالىلىعى مەن ونىمدىلىگىن كۇشەيتىپ، جۇمىستانۋ، شارۋاشىلىق قۇرۋ قابىلەتىن جوعارىلاتتى. 7 - ايدىڭ سوڭىنا دەيىن، بۇكىل رايون جالپى 693 مىڭ 600 ادامدى (رەت) ءتۇرلى كاسىپتىك شەبەرلىك بويىنشا باۋلىپ، تۇتاس جىلدا ءبىر ميلليون 100 مىڭ ادام - رەتكە جەتكىزۋ نىسانا - مىندەتىنىڭ ％63.05ى ورىندالىپ، ۋاقىتتىڭ جارتىسىنان وتكەندە، مىندەتتىڭ دە جارتىسىنان استامى تىندىرىلدى.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
