يۇي لى:
كۇرەس جۇرگىزۋ بارىسىندا باقىتقا كەنەلدى
انار بۇلت / شينجياڭ گازەتىنىڭ ءتىلشىسى سۇن فاڭتيڭ
2021.09.26 15:48 كەلۋ قاينارى : شينجياڭ گازەتى
9 - ايدىڭ 16 - كۇنى تاڭەرتەڭ ەرتە، ”جۇڭگو پوچتاسى“ دەگەن جازۋى بار جۇك اۆتوكولىگى جۇڭگو پوچتا توبى شەكتى سەرىكتەستىگى ءۇرىمجى قالالىق بولىمشە سەرىكتەستىگى شيحۇڭ جولى قابىلداۋ - جونەلتۋ ورنىنا جەتتى، يۇي لى مەن قىزمەتتەستەرى اۆتوكولىكتەگى جولدامالاردى ەپتىلىكپەن ءتۇسىرىپ، سكانەرلاپ، زارارسىزداندىرىپ، تۇرگە ايىرعاننان كەيىن، جونەلتۋگە دايىندالدى، وسى جۇمىستاردى ىستەۋگە نەبارى ءبىر ساعات ۋاقىت جۇمسادى.
1999 - جىلى اسكەري قوسىننان قايتقاننان كەيىن، يۇي لى جۇڭگو پوچتا توبى شەكتى سەرىكتەستىگى ءۇرىمجى قالالىق بولىمشە سەرىكتەستىگىنىڭ قابىلداۋ - جونەلتۋ قىزمەتكەرى بولىپ ىستەگەنىنە 22 جىل بولىپتى.
”مەن ءار كۇنى 107 شاعىن اۋماققا جەتكىزۋ قىزمەتىن وتەۋگە جاۋاپتىمىن. ءاربىر جەتكىزۋشىنىڭ كوڭىلىندە ءبىر قاريتا تۇرادى، جولداما جەتكىزگەن كەزدە، بارلىعى دا ’ەڭ ساپالى، ەڭ تەز بولۋ‘ پرينسيبىنە بويسۇنادى“. يۇي لى قابىلداۋ - جونەلتۋ ورنىنىڭ ءار كۇنى 2500دەي جولداما تاپسىرىپ الاتىندىعىن، قابىلداۋ - جونەلتۋ قىزمەتكەرلەرىنىڭ كۇنىنە شامامەن 50 جولداما جەتكىزىپ بەرەتىندىگىن، قاۋىرت مەزگىلدە كۇنىنە 100دەن استام جولداما جەتكىزىپ بەرەتىندىگىن ايتتى.
وتكەن ءبىر جىلداعى قىزمەتىن ەسكە العان يۇي لى تەبىرەنگەن كۇيدە: ”2020 - جىل ومىرىمدەگى ەڭ ۇمىتىلماس ءبىر جىل بولدى“، - دەدى.
”ىندەتتەن ساقتانۋ - تىزگىندەۋ مەزگىلىندە ءبىز زور مولشەردەگى ىندەتتەن ساقتانۋ زاتتىق ماتەريالدارىن جەتكىزۋگە جانە وتكەرمەلەۋگە، سونداي - اق قالاداعى تۇرعىندارعا زاتتىق ماتەريال جەتكىزۋگە جاۋاپتى بولدىق“. كوممۋنيستىك پارتيا مۇشەسى رەتىندە، يۇي لى باستان - اياق باستاماشىلدىقپەن ءبىرىنشى شەپتە اتويلاپ، جولدامالاردى زارارسىزداندىرۋ قىزمەتىن مۇقيات، ويداعىداي ىستەۋگە تاباندى بولدى. ”جولدامانىڭ مولشەرى ءبىرشاما مول بولعاندىقتان، جەتكىزۋگە اناعۇرلىم قولايلى بولۋ ءۇشىن، مەن ۇنەمى قامباعا 2 ساعات بۇرىن كەلىپ، زارارسىزداندىرۋ قىزمەتىن الدىن الا ىستەيمىن“.
ۋاقىتتى ۇنەمدەۋ ءۇشىن، سۋ ءىشىپ، نان جەي سالۋ يۇي لىنىڭ قاربالاس كەزدەگى تاماقتانۋ ولشەمى، قارنى اشسا ءبىر ءۇزىم نان، ءبىر جۇتىم سۋمەن قاۋجانىپ الادى دا، جالعاستى جولداما جەتكىزەدى. كەيبىر جولدامالاردى تەك شاعىن اۋماقتاردىڭ قاقپاسىنا عانا قويىپ كەتۋگە، كەيبىرەۋىن ۇيىنە جەتكىزىپ بەرۋگە تۋرا كەلەدى، تۇرعىندارعا جولدامانى ەڭ كوپ جەتكىزگەن كەزدە ول ءبىر كۇندە 50 نەشە قاباتقا ءتۇسىپ - شىعادى ەكەن. وسىلاي بولا تۇرسا دا، يۇي لى باستان - اياق تاباندىلىقپەن ىستەپ كەلەدى. جەدەل جەتكىزۋشىدە جاپا - ماشاقاتتان، شارشاپ - شالدىعۋدان قورىقپايتىن قاجىر - قايرات بولۋ كەرەك، - دەيدى ول.
وسى ءبىر قاجىر - قايرات وزىنە دە، ۇيىندەگىلەرگە دە تاماشا تۇرمىس سيلادى. وتكەن ءبىر جىلدا يۇي لىنىڭ جىلدىق كىرىسى 10 مىڭ يۋانعا تاياۋ ارتتى. ”بۇل كۇرەسكەرلەردىڭ ءداۋىرى، قۇلشىنا ەڭبەك ەتكەندە عانا، جەمىسىن كورۋگە بولادى“، - دەيدى يۇي لى تەرەڭ سەزىممەن.
”قازىر مەملەكەت جەدەل جەتكىزۋ كاسىبىنە بارعان سايىن ءمان بەرىپ كەلەدى، جەدەل جەتكىزۋشى جىگىتتەر دە بارعان سايىن كوپتەگەن قامقورلىقتارعا بولەنەتىن بولدى“. يۇي لى سەرىكتەستىكتىڭ كۇندەلىكتى 3 ۋاق تاماققا تۇگەلدەي قوسىمشا قاراجات بەرەتىندىگىن، جاز ماۋسىمىندا جوعارى تەمپەراتۋرا قوسىمشا قاراجاتى بار ەكەندىگىن، قىس ماۋسىمىندا سۋىقتان قورعانۋ زاتتىق ماتەريالدارىن تاراتاتىندىعىن ايتتى. ”مەن ءوزىم قانشالىقتى قۇلشىنا ىستەسەم، بۇكىل قالا سونشالىقتى جىلۋعا بولەنەتىندەي سەزىنەمىن. قابىلداۋ - جونەلتۋ، جەدەل جەتكىزۋ كەزىندە قوجالىق ورىندار، تۇرعىندار بىزگە وتە تۇسىنىستىكپەن قارايدى جانە كومەكتەسەدى، بۇعان مەن قاتتى اسەرلەنەمىن ءارى تابىس سەزىمىنە بولەنەمىن“.
قالانىڭ ۇلكەندى - كىشىلى كوشەلەرىندە شاپقىلاپ ءجۇرىپ، يۇي لى كوپشىلىكتىڭ ”ءۇمىت - تىلەگىن“ جەتكىزدى، سونداي - اق ءوز قۇلشىنىسى ارقىلى مول باقىتقا كەنەلدى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
