شي جينپيڭ ۆيەتنام كوممۋنيستىك پارتياسى ورتالىق كوميتەتىنىڭ باس شۋجيى رۋان فۋجۇڭمەن تەلەفوندا سويلەستى
2021.09.26 16:15 كەلۋ قاينارى : حالىق تورابى
شينحۋا اگەنتتىگى، 9 - ايدىڭ 24 - كۇنى، بەيجيڭ. 9 - ايدىڭ 24 - كۇنى ج ك پ ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ ۆيەتنام كوممۋنيستىك پارتياسى ورتالىق كوميتەتىنىڭ باس شۋجيى رۋان فۋجۇڭمەن تەلەفوندا سويلەستى.
شي جينپيڭ مىنانى ءبىلدىردى: جۇڭگونىڭ مەملەكەت مەرەكەسى قارساڭىندا باس شۋجي رۋان فۋجۇڭ جولداسپەن تەلەفوندا سويلەسكەنىمە ايرىقشا قۋانىشتامىن. بيىل جىل باسىنان بەرى مەن باس شۋجي رۋان فۋجۇڭ جولداسپەن ءتۇرلى تاسىلدە ءجيى بايلانىستى ساقتاپ، جۇڭگو - ۆيەتنام ەكى پارتيانىڭ، ەكى ەلدىڭ ستراتەگيالىق ءوزارا سەنىمدىلىكتى تەرەڭدەتۋىن، ءداستۇرلى دوستىقتى بەكەمدەۋىن ىلگەرىلەتىپ، جاڭا جاعدايداعى ەكى جاقتى قاتىناستى ۇزدىكسىز دامىتۋعا، ورنىقتى قاداممەن الىستارعا جەتكىزۋگە بىرگە جەتەكشىلىك ەتتىك.
شي جينپيڭ بىلاي دەپ اتاپ كورسەتتى: جۇڭگو مەن ۆيەتنام ەكى ەل − تاۋ - وزەنى تۇتاسقان سوتسياليستىك كورشى ەلدەر، ستراتەگيالىق ماڭىزى بار تاعدىرلاس ورتاق تۇلعا. دۇنيە ءجۇزىنىڭ 100 جىلدىق وزگەرىسى مەن عاسىرلىق ىندەت قاباتتاسا ىقپال جاساعان كۇردەلى جاعدايدا ەكى جاقتا كوپتەگەن ورتاق مۇددە جانە بىرگە ءجىتى قاداعالاپ وتىرعان ىستەر بار. ءبىز دۇرىس بەتالىستى يگەرىپ، ىنتىماقتى، سەلبەستىكتى كۇشەيتىپ، سوتسياليزم ىستەرىن ۇزدىكسىز زورايتىپ، ەكى پارتيانىڭ، ەكى ەلدىڭ، ەكى ەل حالىقتارىنىڭ ءتۇبىرلى مۇددەسىن شىن مانىندە ويداعىداي قورعاۋىمىز ءارى ءوڭىردىڭ جانە دۇنيە ءجۇزىنىڭ بەيبىتشىلىگى مەن دامۋىنا بەلسەندى ۇلەس قوسۋىمىز كەرەك.
شي جينپيڭ بىلاي دەپ دارىپتەدى: كوممۋنيستىك پارتيانىڭ بيلىك جۇرگىزۋ حاۋىپسىزدىگى مەن سوتسياليزم ءتۇزىمىنىڭ حاۋىپسىزدىگىن قورعاۋ – جۇڭگو، ۆيەتنام ەكى جاقتىڭ ەڭ ءتۇبىرلى ورتاق ستراتەگيالىق مۇددەسى. جۇڭگو جاق باس شۋجي جولداستىڭ ۆيەتنام پارتياسى مەن حالقىن ءوز ەلىنىڭ مەملەكەت جاعدايىنا ۇيلەسەتىن سوتسياليزم جولىمەن جۇرۋگە باستاپ، ۆيەتنام كوممۋنيستىك پارتياسىنىڭ 13 - قۇرىلتايى تۇراقتاندىرعان دامۋ نىساناسىن جۇزەگە اسىرۋىن باتىل قولدايدى. ەكى جاق نازاريالىق تالقى، كادرلاردى باۋلۋ، جەرگىلىكتى پارتكومدار سەلبەستىگى سياقتى مەحانيزمدەنگەن بارىس - كەلىستى ويداعىداي ورىستەتىپ، ەكى پارتيانىڭ، ەكى ەلدىڭ سايكەستى تاراۋلارىنىڭ اۋىس - كۇيىسىن، ءوزارا ۇلگى الۋىن تەرەڭدەتىپ، قوعامدىق پىكىر جەتەكشىلىگىن كۇشەيتۋى كەرەك. ەكى جاق ستراتەگيالىق ۇشتاسۋدى جەدەل دامىتىپ، سەلبەستىكتىڭ جاڭا كورىنەۋ تۇيىندەرىن تۇلعالاپ، ەكى ەل حالىقتارىن اناعۇرلىم كوپ تابىس سەزىمىنە كەنەلدىرۋى كەرەك. جۇڭگو جاق ۆيەتنام جاقتىڭ ىندەتتى جەڭۋىن، ەكونوميكالىق، قوعامدىق دامۋدى جەبەۋىن باتىل قولدايدى. ەكى جاق حالىقارالىق جانە وڭىرلىك ىستەردەگى سايكەسۋ مەن سەلبەسۋدى كۇشەيتىپ، نانحاي تەڭىزىنىڭ بەيبىتشىلىگى مەن ورنىقتىلىعىن قورعاپ، جاڭا تيپتى ايدارشا ۆيرۋستىڭ تەگىن انىقتاۋدى ساياسيلاندىرۋعا قارسى تۇرىپ، شىن مانىندەگى كوپ جاقتىلىقتى امالياتتا ايگىلەپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋى كەرەك.
رۋان فۋجۇڭ جۇڭگونىڭ پارتيا قۇرىلعانىنىڭ 100 جىلدىعىن ءساتتى تويلاعانىن جانە مەملەكەت قۇرىلعانىنىڭ 72 جىلدىعىن قارسى الاتىنىن قىزۋ قۇتتىقتادى، ج ك پ قۇرىلعان 100 جىلدان جانە جاڭا جۇڭگو قۇرىلعان 70 نەشە جىلدان بەرى، اسىرەسە، 18 - قۇرىلتايدان بەرى شي جينپيڭ جولداستى ۇيىتقى ەتكەن ج ك پ ورتالىق كوميتەتىنىڭ پارمەندى باسشىلىعىندا، جۇڭگونىڭ ءار سالادا قول جەتكىزگەن كەلەلى تابىستارىنا جوعارى باعا بەردى، جۇڭگونىڭ جاپپاي سوتسياليستىك وسىزاماندانعان مەملەكەت قۇرۋ جاڭا ساپارىندا جاڭا شۇعىلالى ناتيجەلەرگە قول جەتكىزەتىنىنە كامىل سەندى. رۋان فۋجۇڭ مىنانى ءبىلدىردى: قازىر ۆيەتنام - جۇڭگو ەكى پارتيا، ەكى ەل قاتىناسى تاماشا اۋقىمدى ساقتاپ، جوعارى جىكتەگىلەردىڭ بارىس - كەلىسى جيىلەدى، ەكونوميكا - ساۋدا سەلبەستىگى جىلدام ارتتى. ۆيەتنام جاق ۆيەتنام - جۇڭگو جالپى بەتتىك ستراتەگيالىق سەلبەستىك سەرىكتەستىك قاتىناسىن دامىتۋعا بارىنشا ءمان بەرەدى ءارى باستان - اياق ەڭ ماڭىزدى، الدىمەن ويلاساتىن ءىس سانايدى، جۇڭگو جاقتىڭ ۆيەتنام جاقتىڭ ىندەتكە قارسى اتتانۋىنا جانە ەكونوميكالىق، قوعامدىق دامۋدى قالپىنا كەلتىرۋىنە كورسەتكەن قاستەرلى قولداۋى مەن كومەگىنە العىس ايتادى. ۆيەتنام كوممۋنيستىك پارتياسى جۇڭگو كوممۋنيستىك پارتياسىمەن پارتيالار ارا بارىس - كەلىستى كۇشەيتىپ، ساياسي جاقتاعى ءوزارا سەنىمدىلىكتى نىعايتىپ، پارتيانى، مەملەكەتتى جونگە سالۋ تاجىريبەلەرىن اۋىستىرۋدى تەرەڭدەتىپ، ەكى جاقتىڭ ەكونوميكا - ساۋدا، ىندەتكە قارسى اتتانۋ، گۋمانيتارلىق سالا، جەرگىلىكتى ورىن سياقتى ءار سالادا ءبىر - بىرىنە پايدا جەتكىزەتىن سەلبەستىكتى كۇشەيتۋىن ىلگەرىلەتىپ، ەكى جاقتىڭ سوتسياليزم ىستەرى مەن ەكى ەل قاتىناسىنىڭ ۇزدىكسىز دامۋىن جەبەپ، وسى ءوڭىر مەن دۇنيە ءجۇزىنىڭ بەيبىتشىلىگىن، ورنىقتىلىعىن بىرگە دەمەۋدى قالايدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
