شي جينپيڭ تونگانىڭ پاتشاسى تۋپۋ Ⅵ مەن تەلەفوندا سويلەستى
2021.09.26 16:16 كەلۋ قاينارى : حالىق تورابى
شينحۋا اگەنتتىگى، 9 - ايدىڭ 24 - كۇنى، بەيجيڭ. مەملەكەت ءتوراعاسى شي جينپيڭ 9 - ايدىڭ 24 - كۇنى تونگانىڭ پاتشاسى تۋپۋ Ⅵ مەن تەلەفوندا سويلەستى.
شي جينپيڭ بىلاي دەپ اتاپ كورسەتتى: جۇڭگو مەن تونگا ديپلوماتيالىق قاتىناس ورناتقاننان بەرى ەكى ەلدىڭ ساياسي جاقتاعى ءوزارا سەنىمدىلىگى ۇزدىكسىز تەرەڭدەپ، ءار سالاداعى اۋىس - كۇيىسى، سەلبەستىگى مول تابىسقا جەتتى. جاڭا تيپتى ايدارشا ۆيرۋس وكپە قابىنۋ ىندەتى تۋىلعاننان كەيىن جۇڭگو مەن تونگا قيىندىقتى بىلەك بىرىكتىرە جەڭىپ، ىندەتكە قول ۇستاسا قارسى اتتاندى. جۇڭگو جاق تونگا جاقتىڭ ءبىر جۇڭگو ساياساتىن تاباندىلىقپەن اتقارعانىن ايرىقشا القايدى. دۇنيە ءجۇزىنىڭ 100 جىلدىق وزگەرىسى مەن دۇنيە جۇزىلىك ىندەت قاباتتاسقان كۇردەلى جاعداي الدىندا جۇڭگو مەن تونگا ىنتىماقتى كۇشەيتىپ، سايكەسە سەلبەسىپ، جۇڭگو - تونگا جالپى بەتتىك ستراتەگيالىق سەرىكتەستىك قاتىناسىنىڭ ۇزدىكسىز تىڭ ساتىعا كوتەرىلۋىن ىلگەرىلەتىپ، ادامزاتتىڭ تاعدىرلاس ورتاق تۇلعاسىن قول ۇستاسا قۇرۋى كەرەك.
شي جينپيڭ بىلاي دەپ دارىپتەدى: جۇڭگو جاق تونگا جاقپەن «ءبىر بەلدەۋ، ءبىر جولدى» بىرگە قۇرۋ جۇلگەسىندە ءار سالاداعى سەلبەستىكتى كەڭەيتىپ، تونگاعا ەشقانداي ساياسي شارت قويىلماعان ەكونوميكالىق، تەحنيكالىق كومەك كورسەتىپ، اۋىل شارۋاشىلىعى تەحنيكاسى سەلبەستىگى نىسانىن ۇزدىكسىز ويداعىداي اتقارىپ، تونگانىڭ ەگىن، بالىق شارۋاشىلىعى ونىمدەرىنىڭ جۇڭگو بازارىنا كىرۋىنە قاجەتتى كومەك كورسەتۋدى قالايدى. جۇڭگو جاق تونگا كاسىپورىندارىنىڭ جۇڭگو حالىقارالىق يمپورت كورمەسىنە بەلسەنە قاتىناسۋىن قارسى الادى، تونگا جاقتىڭ ىندەتكە قارسى اتتانۋىنا قولىنان كەلگەنىنشە ۇزدىكسىز كومەك كورسەتۋدى قالايدى.
شي جينپيڭ بىلاي دەپ دارىپتەدى: جۇڭگو تىنىق مۇحيت ارال ەلدەرىمەن ءوزارا تيىمدىلىك جاساپ، بىرگە يگىلىككە كەنەلۋ سەلبەستىگىن بەلسەنە ورىستەتىپ، تونگا قاتارلى تىنىق مۇحيت ارال ەلدەرىمەن كەدەيلىكتى ازايتۋ تاجىريبەلەرىن ورتاقتاسىپ، دامۋ سەلبەستىگىن تەرەڭدەتىپ، تىنىق مۇحيت ارال ەلدەرىنىڭ ەلەۋلى الەۋمەتتىك دەنساۋلىق ساقتاۋ وقيعالارى مەن جاراتىلىستىق اپاتتارعا اناعۇرلىم ويداعىداي توتەپ بەرۋىنە كومەكتەسۋدى قالايدى. جۇڭگو جاق جۇڭگو - تىنىق مۇحيت ارال ەلدەرى كەدەيلىكتى ازايتۋ جانە دامۋ سەلبەستىك ورتالىعىن قۇرىپ، جۇڭگو - تىنىق مۇحيت ارال ەلدەرى توتەنشە جاعدايعا توتەپ بەرۋ زاتتىق ماتەريالدار قور قامباسى سياقتى نىسانداردى جوسپارلاپ قۇرادى. جۇڭگو جاق وركەندەپ كەلە جاتقان شاعىن ارال مەملەكەتتەردىڭ كليمات وزگەرىسى ماسەلەسىندەگى ەرەكشە ءجىتى قاداعالاپ وتىرعان ىستەرىن تۇسىنەدى، تىنىق مۇحيت ارال ەلدەرىنىڭ كليمات وزگەرىسىنە توتەپ بەرۋ قابىلەتىن جوعارىلاتۋىن قولدايدى.
تۋپۋ Ⅵ جۇڭگو جاقتىڭ مەملەكەتتىك سپورت جارىسىن ءساتتى وتكىزگەنىن قۇتتىقتادى، بەيجيڭ قىسقى وليمپيادا سپورت جارىسىنىڭ تولىق تابىستى بولۋىن تىلەدى. تۋپۋ Ⅵ مىنانى ءبىلدىردى: جۇڭگو جاقتىڭ ەمدەۋ ماماندارى مەن اۋىل شارۋاشىلىعى تەحنيكاسى ماماندارى تونگانىڭ جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋى مەن تونگانىڭ استىق حاۋىپسىزدىگىنە شىنايى كەپىلدىك ەتۋىندە ماڭىزدى رول اتقاردى، تونگا جاق بۇعان العىس ايتادى. تونگا جاق دەربەس ءوز - وزىنە قوجايىن بولۋدا تاباندى بولىپ، ءبىر جۇڭگو ساياساتىن تاباندىلىقپەن اتقارىپ، جۇڭگو جاقتىڭ وزەكتى مۇددەسىنە ساياتىن ماسەلەلەردە جۇڭگو جاقتى ۇزدىكسىز باتىل قولدايدى. تونگا جاق تىنىق مۇحيت ارال ەلدەرىنىڭ جۇڭگومەن قاتىناستى كۇشەيتۋىن قولداپ، بۇل جاعىندا بەلسەندى رول اتقارۋدى قالايدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
