بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

شي جينپيڭ سولومون توپ ارالىنىڭ زۇڭليى سوگاۆارەمەن تەلەفوندا سويلەستى

2021.09.26 16:20     كەلۋ قاينارى : حالىق تورابى

  شينحۋا اگەنتتىگى، 9 - ايدىڭ 24 - كۇنى، بەيجيڭ. مەملەكەت ءتوراعاسى شي جينپيڭ 9 - ايدىڭ 24 - كۇنى سولومون توپ ارالىنىڭ زۇڭليى سوگاۆارەمەن تەلەفوندا سويلەستى.

  شي جينپيڭ بىلاي دەپ دارىپتەدى: جۇڭگو مەن سولومون توپ ارالى ديپلوماتيالىق قاتىناس ورناتقان 2 جىلدان بەرى ەكى ەلدىڭ قاتىناسى قارىشتاپ دامىپ، ەكى جاقتىڭ حالىقتارىنا شىن مانىندە ىرىس - قۇت اكەلدى. فاكت سولومون توپ ارالىنىڭ جۇڭگومەن ديپلوماتيالىق قاتىناس ورناتۋ شەشىمىنىڭ بۇكىلدەي دۇرىس ەكەنىن دالەلدەدى. جۇڭگو مەن سولومون توپ ارالى − وركەندەپ كەلە جاتقان ەلدەر، حالىقارالىق ءتارتىپ پەن ادىلدىكتى، تۋراشىلدىقتى قورعاۋ جاقتارىندا كوپتەگەن ورتاق مۇددەسى بار. جۇڭگو جاق سولومون توپ ارالى جاقتىڭ ءوز ەلىنىڭ مەملەكەت جاعدايىنا ۇيلەسەتىن دامۋ جولىن ءوز كۇشىنە سۇيەنىپ ىزدەۋىنە قۇرمەت ەتەدى، سولومون توپ ارالى حالقىنىڭ تاماشا تۇرمىسقا تالپىنۋداعى قۇلشىنىستارىن قولدايدى. جۇڭگو جاق سولومون توپ ارالى جاقتىڭ ءبىر جۇڭگو ساياساتىن تاباندىلىقپەن اتقارعانىن ايرىقشا القايدى، سولومون توپ ارالى جاقپەن بىرگە جۇڭگو - سولومون توپ ارالى قاتىناسىنىڭ اناعۇرلىم جوعارى دەڭگەيگە كوتەرىلۋىن ىلگەرىلەتۋدى قالايدى.

  شي جينپيڭ بىلاي دەپ اتاپ كورسەتتى: جۇڭگو جاق سولومون توپ ارالى جاقپەن پارتيالار ارا اۋىس - كۇيىستى كۇشەيتىپ، «ءبىر بەلدەۋ، ءبىر جولدى» بىرگە قۇرۋ باستاماسىنىڭ سولومون توپ ارالىنىڭ دامۋ جوباسىمەن ۇشتاسۋىن ىلگەرىلەتىپ، ءار سالاداعى ناقتى سەلبەستىكتى تەرەڭدەتۋدى قالايدى، سولومون توپ ارالى جاقتىڭ جۇڭگو حالىقارالىق يمپورت كورمەسى سياقتى تۇعىرلاردان پايدالانىپ ابزالدىققا يە ونىمدەردى جالپىلاستىرىپ، جۇڭگوعا ەكسپورتتى كەڭەيتۋىن قارسى الادى. جۇڭگو جاق سولومون توپ ارالى جاققا ۇزدىكسىز ەشقانداي ساياسي شارت قويىلماعان ەكونوميكالىق، تەحنيكالىق كومەك بەرىپ، سولومون توپ ارالى جاقتىڭ ىندەتكە قارسى اتتانۋىنا قولىنان كەلگەنىنشە كومەك كورسەتۋدى قالايدى. جۇڭگو جاق سولومون توپ ارالى سياقتى تىنىق مۇحيت ارال ەلدەرىمەن كەدەيلىكتى ازايتۋ تاجىريبەلەرىن ورتاقتاسىپ، دامۋ سەلبەستىگىن تەرەڭدەتىپ، تىنىق مۇحيت ارال ەلدەرىنىڭ ءوز ەلدەرىنىڭ مەملەكەت جاعدايىنا ۇيلەسەتىن كەدەيلىكتى ازايتۋ جولىن تاۋىپ، ەلەۋلى الەۋمەتتىك دەنساۋلىق ساقتاۋ وقيعالارى مەن جاراتىلىستىق اپاتتارعا اناعۇرلىم ويداعىداي توتەپ بەرىپ، كليمات وزگەرىسىنە توتەپ بەرۋ قابىلەتىن جوعارىلاتۋىنا كومەكتەسۋدى قالايدى.

  سوگشۆارە مىنانى ءبىلدىردى: جۇڭگو كوممۋنيستىك پارتياسى قۇرىلعانىنىڭ 100 جىلدىعىن جانە جۇڭگو حالقىنا باسشىلىق ەتىپ ۇلى دامۋ تابىستارىنا قول جەتكىزگەنىن قۇتتىقتايمىن، بەيجيڭ قىسقى وليمپيادا سپورت جارىسىنىڭ ءساتتى، تابىستى وتكىزىلۋىن تىلەيمىن. جۇڭگو سولومون توپ ارالىن قامتىعان دۇنيە جۇزىندەگى ءار ەلدىڭ جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋىنا كوپتەپ قولداۋ كورسەتتى جانە كومەك بەردى، سولومون توپ ارالى جاق مۇنى القايدى جانە العىس ايتادى. سولومون توپ ارالى جاق ءبىر جۇڭگو ساياساتىن تاباندىلىقپەن اتقارىپ، جۇڭگو جاق قۋاتتاعان يەلىك ۇقىق تاۋەلسىزدىگى، ءوزارا قۇرمەت ەتۋ، ءبىر - ءبىرىنىڭ ىشكى ىسىنە كيلىكپەۋ سياقتى پرينسيپتەردى قۇپتايدى، ادامزاتتىڭ تاعدىرلاس ورتاق تۇلعاسىن قۇرۋدى قولدايدى، تايۋانعا ساياتىن، شينجياڭعا ساياتىن، شياڭگاڭعا ساياتىن ماسەلەلەردە، ادامدىق ۇقىق سياقتى ماسەلەلەردە جۇڭگو جاقتى ۇزدىكسىز تاباندىلىقپەن قولدايدى. سولومون توپ ارالى جاق جۇڭگونىڭ دامۋ تاجىريبەلەرىن ۇيرەنىپ، ودان ۇلگى الىپ، جۇڭگو جاقپەن ءار سالاداعى ءوزارا تيىمدىلىك جەتكىزەتىن سەلبەستىكتى كۇشەيتىپ، سولومون توپ ارالى مەن جۇڭگونىڭ قاتىناسىن تىڭ دەڭگەيگە كوتەرۋدى قالايدى.

  كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار