ورنىقتىلىقتىڭ پايداسى ونان ارى جارىققا شىقتى
− 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ ءبىر جىلدىعى جونىندە جالپى شولۋ (1)
□ انار بۇلت / شينجياڭ گازەتىنىڭ ءتىلشىسى لي ياڭ
2021.09.27 14:48 كەلۋ قاينارى : شينجياڭ گازەتى
ۋاقىت ادال ەستەلىككە الۋشى، سونداي - اق وبيەكتيۆ كۋاگەر.
ۋاقىت سترەلكاسى ءبىر جىلدىڭ الدىنداعى مىنا ءبىر ماڭىزدى ساتكە تۋرالاندى − 2020 - جىلى 9 - ايدىڭ 25 - كۇنىنەن 26 - كۇنىنە دەيىن 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسى بەيجيڭدە اشىلدى.
باس شۋجي شي جينپيڭ بىلاي دەپ باسا دارىپتەدى: كەزەكتە جانە بۇدان بىلايعى ءبىر مەزگىلدە شينجياڭ قىزمەتىن ويداعىداي ىستەۋدە جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، شينجياڭ قىزمەتى باس نىساناسىن مىقتاپ يگەرىپ، شينجياڭدى زاڭمەن جونگە سالىپ، شينجياڭدى ىنتىماقتاسا ورنىقتىرىپ، شينجياڭدى مادەنيەتپەن نارلەندىرىپ، حالىقتى بايىتىپ شينجياڭدى گۇلدەندىرىپ، شينجياڭدى باياندى كوركەيتىپ، جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋدى قامتاماسىزدىق ەتىپ، ۇزاق بولاشاقتىق شارانى كوبىرەك قاراستىرىپ، نەگىزدى بەكەمدەۋ امالىن كوبىرەك قولدانىپ، ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، تىنىش ءومىر، شات - شادىمان تىرشىلىك كەشىرگەن، ەكولوگياسى تاماشا جاڭا داۋىردەگى جۇڭگوشا سوتسياليستىك شينجياڭ قۇرۋعا قۇلشىنۋ كەرەك.
تاپسىرما كوڭىلگە ۇيالاپ، العا باسۋ جولىندا كۇش - قۋات ەسەلەپ ارتتى.
ءبىر جىلدان بەرى باس شۋجيدىڭ ىقىلاستى تاپسىرماسىن شينجياڭداعى ءار ۇلت كادرلارى مەن بۇقاراسى ءبىر ءسات تە ەسىنەن شىعارمادى؛ ءبىر جىلدان بەرى تىنىش تا جاراسىمدى شينجياڭعا باقىتتىڭ شىت جاڭا بەينەسى قوسىلىپ، ورنىقتىلىقتىڭ پايداسى ونان ارى جارىققا شىقتى. ءۇش تاۋ، ەكى ويپات الابىندا بارلىق جەر گۇلدەي قۇلپىرىپ، بار الاپتان ومىرشەڭدىك قاۋلادى...
باس نىسانا تۋى تيانشان الابىنا جەتەكشىلىك ەتتى
وسى رەتكى جۇڭچيۋ دەمالىسىندا شينجياڭنىڭ ساياحاتى تاعى جانداندى!
بۇكىل ەلدىڭ جەر - جەرىنەن كەلگەن ساياحاتشىلار قۇمدى ءشولدى، كول جاعاسىن، جايلاۋدى ارالاپ، جۇلدىزدى اسپان مۋزيكا كەشىنىڭ شەكسىز رومانتيكاسىنان ءلاززات الىپ، كۇزگى توراڭعىنى ارالاپ، جاقۇت كولدىڭ جاعاسىندا ”تيانشانداعى جارىق اي“ اسەم كورىنىسىن تاماشالادى...
ىندەت ىقپالىنا ۇشىراعانىمەن، ىقىلاستى ساياحاتشىلار شينجياڭدى اڭساعان كوڭىل كۇيلەرىن باسا المادى. جۇڭچيۋ دەمالىسىندا رايونىمىز ەل ىشىنەن كەلگەن 3 ميلليون 201 مىڭ 500 ادام - رەت ساياحاتشى قابىلداپ، 2 ميلليارد 190 ميلليون يۋان ساياحات كىرىسىن جۇزەگە اسىردى.
سيفردىڭ استارىنان ايگىلەنگەن ءمان وزگەشە! الىستان كەلگەن كوپ ساياحاتشى ”شينجياڭ وتە حاۋىپسىز ەكەن!“، − دەدى.
ساياحاتشىلاردىڭ ”حاۋىپسىز“ دەۋىنىڭ 2 ءتۇرلى ءمانى بار − شينجياڭ جاراسىمدى، ورنىقتى، مەيلى قايدا بارساڭىز دا تاماشا كوڭىل كۇيدە بولاسىز؛ ىندەتتەن ساقتانۋ - تىزگىندەۋدى ۇدايىلاندىرعاندىقتان، بارلىق جەردىڭ ءتارتىبى رەتتى بولىپ، ”باس اماندىعىن“ سەزىندىرىپ عانا قويماي، ”الاڭسىزدىقتى“ تىپتەن سەزىندىرەدى.
قوعامنىڭ ورنىقتى كۇيى مەن ورنىقتىلىق پايداسىنىڭ جارىققا شىعۋى جاڭا داۋىردەگى پارتيانىڭ شينجياڭدى جونگە سالۋ جالپى جوباسىنىڭ عىلمي جەتەكشىلىگىنەن كەلگەن.
”بۇكىل پارتيا جاڭا داۋىردەگى پارتيانىڭ شينجياڭدى جونگە سالۋ جالپى جوباسىن دايەكتىلەندىرۋدى ساياسي مىندەت ەتىپ، تولىق، دالمە - ءدال دايەكتىلەندىرۋ جاعىنا كۇش سالىپ، شينجياڭ قىزمەتىنىڭ باستان - اياق دۇرىس ساياسي بەتالىستى ساقتاۋىنا شىنايى كەپىلدىك ەتۋ كەرەك“. 3 - رەتكى ورتالىقتىڭ شينجياڭ قىزمەتى جونىندەگى اڭگىمە ماجىلىسىندە باس شۋجي شي جينپيڭ شينجياڭنىڭ قوعام ورنىقتىلىعى مەن باياندى تىنىشتىعىن ىلگەرىلەتۋدىڭ ءتۇيىندى قىزمەتىن جاپپاي ورنالاستىرىپ، ”شينجياڭ قىزمەتىنىڭ باس نىساناسىن مىقتاپ يگەرۋ كەرەك“ دەگەندى باسا دارىپتەدى. بۇل كەزەكتەگى جانە مۇنان بىلايعى ءبىر مەزگىلدەگى شينجياڭ قىزمەتىن ويداعىداي ىستەۋدىڭ ءتۇبىرلى بويسۇنۋ ولشەمى.
باس نىسانا − تۋ، بەتالىس. بۇگىنگى كۇندە شينجياڭنىڭ ورنىقتىلىق جاعدايى ۇزدىكسىز جاقسارىپ، بۇكىل رايوندا ءۇرتىس 4 جىلدان استام ۋاقىت زورلىقتى كۇش لاڭكەستىك دەلولارى تۋىلعان جوق، قىلمىستىق ىستەر دەلولارى، قوعام اماندىعى دەلولارى، حاۋىپسىزدىككە قاتەر ءتوندىرۋ دەلولارى، الەۋمەتتىك حاۋىپسىزدىك وقيعالارى زور دارەجەدە ازايىپ، ءار ۇلت بۇقاراسىنىڭ حاۋىپسىزدىك سەزىمى كورنەكتى كۇشەيىپ، قوعام ورنىقتىلىعى مەن باياندى تىنىشتىق جونىندەگى سەنىمدەرى ونان ارى نىعايدى.
”ەمىن - ەركىن تاماقتانىپ، جايلى كيىنىپ، تىنىش ءومىر كەشىپ، سالت - سانادان ءلاززاتتاندى“. ىرعىن تۇرمىس ورناعان، بارلىق كاسىپ وركەندەگەن، مادەنيەت گۇلدەنگەن، ۇلتتار ىنتىماقتى بولعان بۇگىنگى شينجياڭ تاريحتاعى ەڭ جاقسى گۇلدەنۋ، دامۋ مەزگىلىندە تۇر.
قوعام ورنىقتىلىعىنىڭ جەتىستىكتەرى اناعۇرلىم بەكەمدەلدى
ەجەلدەن بەرى شەكارا ءوڭىر ورنىقتى بولسا، مەملەكەت تىنىش بولعان؛ شەكارا ءوڭىر بىلىقسا، مەملەكەتتىڭ تىنىش بولۋى قيىنعا تۇسكەن. رايونىمىز سوتسياليستىك زاڭمەن جونگە سالۋ تۋىن بيىك ۇستاپ، زاڭمەن جونگە سالۋ رۋحىن اسقاقتاتىپ، مەملەكەتتى زاڭمەن جاپپاي جونگە سالۋ تالابىن شينجياڭ قىزمەتىنىڭ ءار سالاسىندا تياناقتاندىردى.
”لاڭكەستىكتىڭ، ۇشقارىلىقتىڭ ناقتى حاۋىپ − قاتەرى الدىندا، جۇڭگونىڭ شينجياڭى باتىل شارا قولدانىپ، لاڭكەستىككە قارسى تۇرۋ جانە ۇشقارىلىقتى الاستاۋ كۇرەسىن زاڭ بويىنشا ورىستەتىپ، لاڭكەستىك ارەكەتتەردىڭ كوپ تۋىلۋ، ءجيى تۋىلۋ بەتالىسىن ءونىمدى تەجەپ، ءار ۇلت حالىق بۇقاراسىنىڭ ءومىر ءسۇرۋ ۇقىعى، دامۋ ۇقىعى سياقتى نەگىزگى ۇقىق - مۇددەلەرىن ەڭ جوعارى شەكتە قامتاماسىز ەتتى“. 3 - ايدىڭ 30 - كۇنى شاڭحاي سەلبەستىك ۇيىمىنىڭ باس حاتشىسى جانە قاتىستى مەملەكەتتەردىڭ جۇڭگودا تۇراتىن ەلشىلەرى مەن ديپلوماتتارى شينجياڭ حالىقارالىق كورمە ورتالىعىنا كەلىپ، ”شينجياڭنىڭ لاڭكەستىككە قارسى تۇرۋ جانە ۇشقارىلىقتى الاستاۋ كۇرەسى نەگىزگى تاقىرىپتىق كورمەسىن“ ەكسكۋرسيالادى. كوپتەگەن ەلشى شينجياڭ لاڭكەستىككە قارسى تۇرۋدىڭ جانە ۇشقارىلىقتى الاستاۋدىڭ ۇتىمدى تاجىريبەسىن تاپتى، بۇل حالىقارالىق قوعام جونىنەن ۇلگى الۋ مانىنە يە دەپ قارادى.
تىنىش كۇندە حاۋىپ - قاتەردى ۇمىتپاۋ، جونگە سالىنعان كۇندە دە بىلىقپالىقتىڭ بولارىن ۇمىتپاۋ كەرەك. بۇكىل رايوندا جوعارىدان تومەنگە دەيىن شينجياڭ قىزمەتىنىڭ باس نىساناسىن مىقتاپ يگەرىپ، لاڭكەستىككە قارسى تۇرىپ، ورنىقتىلىقتى قورعاۋدىڭ كەشەندى شارالارىن ويداعىداي جۇرگىزىپ، قوعام ورنىقتىلىعىنىڭ جەتىستىكتەرىن ونان ارى بەكەمدەدى.
7 - ايدىڭ 26 - كۇنىنەن 29 - كۇنىنە دەيىن رەسەي، وزبەكستان، پولشا، قازاقستان، مولدوۆا سياقتى ەلدەردىڭ حالىقارالىق ساۋدا قوعامدارى مەن ەل اتتاعان كاسىپورىندارىنىڭ جۇڭگوداعى ۋاكىلدەرى شينجياڭعا كەلىپ ارالاپ، ساپاردا بولدى. حۋانو ىشياڭ (بەيجيڭ) ساۋدا شەكتى سەرىكتەستىگىنىڭ ۋاكىلى لينشي بەلورۋسسيادان كەلگەن. ول شينجياڭ حالىقارالىق ۇلكەن بازارىن ارالاعان كەزدە بىلاي دەدى: ”مەن بازار دەگەن ءسوزدى تۇسىنەمىن، الايدا بۇل ارانىڭ وسىنشاما جاقسى ەكەندىگىن ويلاماعان ەكەنمىن! ساياحاتشىلار نەمەسە ساۋداگەرلەر بولسىن، ءبارىنىڭ جۇزدەرىنەن كۇلكى ەسەدى، بار الاپ ومىرشەڭدىككە تولىپتى“.
شينجياڭنىڭ كوركى، شينجياڭنىڭ جونگە سالىنۋى كوپتەگەن ادامدى تامساندىردى. ەسىك اشقان، گۇلدەنگەن شينجياڭ دۇنيە جۇزىندەگى ءار ەلدىڭ جۇڭگودا تۇراتىن ەلشىلەرىنىڭ، كاسىپورىنشىلارىنىڭ ۋاكىلدەرىن ناق مايداندا ەكسكۋرسيادا، ساپاردا بولۋعا ۇسىنىس ەتتى، ”مىڭ ەستىگەننەن ءبىر كورگەن ارتىق“ دەگەن وسى ەكەن دەپ سۇيىنگەندەر دە از ەمەس. تاياۋدا سىرتقى ىستەر مينيسترلىگىنىڭ مالىمدەمەشىسى جاۋ ليجيان دا ميكروبلوگتا شينجياڭدى قولداپ: ءبىزدىڭ شينجياڭ جاقسى جەر! دەپ تىلگە الدى.
”كوكتەمدە سۋدىڭ جىلىعانىن الدىمەن ۇيرەك بىلەدى“، ءتۇرلى بازار تۇلعالارى قوعامدىق ورتانى، شارۋاشىلىق - ساۋدا ورتاسىن سەزگىرلىكپەن اڭعاردى.
سيفر ەڭ پارمەندى دالەل. 6 - ايدىڭ سوڭىنا دەيىن رايونىمىزدا تىزىمگە الىنىپ تىركەلگەن ءتۇرلى بازار تۇلعالارى 2 ميلليون 95 مىڭعا جەتىپ، 2015 - جىلدىڭ سوڭىنداعىمەن سالىستىرعاندا ％88.7 ارتتى. اۆتونوميالى رايوندىق بازار باقىلاۋ - باسقارۋ مەكەمەسىنىڭ قاتىستى جاۋاپتىسى ارتۋ دەڭگەيىنىڭ جوعارىلىعى بويىنشا الدىڭعى 3 ورىندى قاشقار، حوتان، اقسۋ ايماقتارى يەلەگەندىگىن ايتتى. سوڭعى جىلداردان بەرى ورنىقتىلىق پايداسىنىڭ ۇزدىكسىز جارىققا شىعۋى قارجى قوسۋشىلاردىڭ رايونىمىزعا، اسىرەسە، وڭتۇستىك شينجياڭ وڭىرىنە قارجى قوسۋ سەنىمىن ارتتىردى.
”قازىر وڭتۇستىك شينجياڭنىڭ جەرى ىرىستى، ەلى تىنىستى، جاعدايى توتەنشە تاماشا، نىساندار جەدەل تياناقتانۋدا، بارلىق جەردە ساۋدا ورايى تابىلادى دەۋگە بولادى“، − دەدى شينجياڭ جۇڭي ليفت شەكتى سەرىكتەستىگىنىڭ باس ديرەكتورى لي گوجيە تەبىرەنگەن سەزىممەن، − ”بۇرىن قارجى قوسۋدان الاڭدايتىنبىز، قازىر كەشىگىپ قۇر قالۋدان الاڭدايتىن بولدىق!“ قاشقاردىڭ وزگەشە وڭىرلىك ورىن باسىمدىعىن كورگەن وسى سەرىكتەستىكتىڭ 1 - مەرزىمدە 110 ميلليون يۋان قارجى قوسقان ليفت ءوندىرۋ نىسانى شامامەن 9 - ايدىڭ سوڭىندا وندىرىسكە قوسىلادى.
شينجياڭنىڭ قوعامدىق كەلەلى جاعدايىنىڭ باياندى ورنىقتىلىعىن، ۇزاق ۋاقىتتىق ورنىقتىلىعىن ساقتاۋ كەمەڭگەرلىك شەشىم ءارى حالىقتىڭ قالاۋى. ءار ۇلت بۇقاراسى اناعۇرلىم كوپ، اناعۇرلىم تىكە، اناعۇرلىم ناقتى تابىس سەزىمىنە، باقىت سەزىمىنە، حاۋىپسىزدىك سەزىمىنە يە بولدى، مىنە بۇل ”حالىقتى باقىتقا كەنەلتۋدىڭ“ ەڭ جاندى بەينەسى.
نەگىزگى ساتىنى جونگە سالۋدىڭ جاڭا ارناسى قالىپتاستى
ايرىلىسامىز دەپ قيعىلىق سالعان ەرلى - زايىپتىلاردى ”اقىل ايتۋ تاسىلىمەن“ جاراستىردى؛ ەڭبەكاقىسىن داۋلاعان شارۋا جۇمىسكەرلەردى ەڭبەك باقىلاۋ - تەكسەرۋ تاراۋلارىمەن، جۇمىسشى ىستەتكەن كاسىپورىندارمەن بىرگە ”بىرلەسىپ قيمىلداۋ تاسىلىمەن“ ءبىتىستىردى... كورلا قالالىق قوعام حاۋىپسىزدىگى مەكەمەسىنىڭ شينچىڭ ساقشى بولىمشەسى ”الۋان ءتۇرلى“ جاراستىرۋ ءتاسىلىن قولداندى، بيىل 1 - ايدان 8 - ايعا دەيىن 712 قايشىلىقتى، داۋ - شاردى جاراستىرىپ، جاراستىرۋ مولشەرى ％96كە جەتتى.
كورلا قالاسى ىنتىماق ءمالىسى ليحۋا الەۋمەتتىك اۋماق سىناق ءتۇيىنى قايشىلىق، داۋ - شار شاعىمىن قاينارىنان جونگە سالۋ ورتالىعىن قۇرىپ، حالىق سوتى، قوعام حاۋىپسىزدىگى، ءادىليا سياقتى تاراۋلاردىڭ، سونداي - اق كاسىپتىك جاراستىرۋ القاسىنىڭ كۇشىن بىرىكتىرىپ، قايشىلىقتى، داۋ - شاردى ”ءبىر ورىندا“ باسقارىپ، ”ءبىر تەرەزەدە“ ءبىتىرىپ ، ”ءبىر جەلىدە“ ءبىر جاقتى ەتىپ، ورتالىقتى نەگىزگى تۇلعا ەتكەن، كوپ تۇعىر بىرگە كۇش سالعان قايشىلىقتى، داۋ - شاردى ءار ءتۇرلى جولمەن شەشۋ مەحانيزمىن قالىپتاستىردى.
”باسقارۋدان“ ”جونگە سالۋعا“ دەيىن اتاپ ايتقاندا، قوعامدىق جونگە سالۋ ۇستانىمىنداعى جاڭالىق ءارى قىزمەت تاسىلىندەگى، ادىسىندەگى سەكىرۋ. رايونىمىز قوعامدىق جونگە سالۋدى ەگجەي - تەگجەيلىلەندىرۋدى نىسانا ەتىپ، قوعامدىق جونگە سالۋ تۇزىلىسىندە جاڭالىق اشۋ، قوعامدىق جونگە سالۋ ءتاسىلىن جاقسارتۋ جاعىندا ۇتىمدى ىزدەنىستەر جاسادى. پارتكوم باسشىلىق ەتەتىن، ۇكىمەت جاۋاپتى بولاتىن، قوعام سايكەسەتىن، بۇقارا ات سالىساتىن، زاڭمەن جونگە سالۋ ارقىلى قامتاماسىزداندىرىلاتىن قوعامدىق جونگە سالۋ ءتۇزىلىسىن ۇزدىكسىز كەمەلدەندىرىپ، بىرگە قۇراتىن، بىرگە جونگە سالاتىن، بىرگە يگىلىكتەنەتىن قوعامدىق جونگە سالۋ ارناسىن قالىپتاستىردى.
قارامايلى قالاسى نازاردى قوعامدىق جونگە سالۋ سالاسىنداعى قولامتالى، قيىن ماسەلەلەرگە شوعىرلاندىرىپ، قالىڭ بۇقارانىڭ ارمان - تىلەگىمەن تىعىز بايلانىستىرىپ، «قارامايلى قالاسىنىڭ ءيت باعۋدى باسقارۋ ەرەجەسى»، «قارامايلى قالاسىنىڭ بوران اپاتىنان ساقتانۋ ەرەجەسى» سياقتى 7 ءتۇرلى جەرگىلىكتى زاڭ ەرەجەنى ىركەس - تىركەس جاريالاپ اتقارىپ، نەگىزگى ساتىنى جونگە سالۋ امالياتىندا بويسۇناتىن زاڭ بولۋدى جۇزەگە اسىردى؛ ءۇرىمجى قالاسى الەۋمەتتىك اۋماق كادرلارى مەن ءۇي قوجالىعى سەرىكتەستىگىندەگى قىزمەتكەرلەردى اۋىستىرىپ مىندەتكە قويۋ ارقىلى پارتيا مۇشەلەرىنىڭ اۆانگاردتىق ۇلگىلىك رولدارىن ساۋلەلەندىرىپ، پارتيا ۇيىمىن ءۇي قوجالىعى كاسىپورىندارىنا ءونىمدى كىرىستىرىپ، الەۋمەتتىك اۋماق پەن ءۇي قوجالىعىن بىردەي جونگە سالۋدى جۇزەگە اسىردى؛ اقسۋ ايماعى جاراستىرۋشىلار قوعامى، حالىق جاعدايىن رياسىز كەڭەسۋ ورنى سياقتى بۇقارا باسقارۋىنداعى ۇيىمداردى قۇرىپ، حالىق جاعدايىن كەڭەسۋ، قىستاق تۇرعىندارى ءىس ايتۋ سياقتى قيمىلدار ورىستەتتى. ”كوڭىلدى بالاقايدىڭ ساعات 6 جارىمداعى ساباقحاناسى“، ”قارتتارعا ۋاقىتشا قارايلاسۋ“ سياقتى دانەكەرلەردەن پايدالانىپ، 12 مىڭنان استام ادامعا (رەت) كومەكتەسىپ، ۋاقىتشا قارايلاسىپ قىزمەت كورسەتتى، مۇنان 113 مىڭنان استام بۇقارا يگىلىكتەندى...
قايشىلىق پەن داۋ - شاردى نەگىزگى ساتىدا شەشتى، جاراسىمدىلىق، ورنىقتىلىق بويىنشا قۇرۋ قيمىلى نەگىزگى ساتىدا ورىندالدى، بارلىق ادام جاۋاپتى بولاتىن، بارلىق ادام ءوز جاۋاپكەرشىلىگىن وتەيتىن، بارلىق ادام يگىلىكتەنەتىن قوعامدىق جونگە سالۋ ارناسى قالىپتاسۋدا.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
