قارامايلى قالاسىندا:
”وكىل بالالار“ قارتتارعا شىن پەيىلىمەن قىزمەت وتەدى
□ انار بۇلت / شينجياڭ گازەتىنىڭ ءتىلشىسى لي شيڭ
2021.09.27 14:49 كەلۋ قاينارى : شينجياڭ گازەتى
”گۋ اجەي، 2 كۇننەن بەرى دەنساۋلىعىڭىز قالاي؟ ۇيدە مەن ىستەيتىن جۇمىس بار ما؟“ 9 - ايدىڭ 11 - كۇنى تۇستەن كەيىن قارامايلى قالاسى قارامايلى رايونى شىڭلي جولى ءمالىسى حۇڭچي مينجۋ الەۋمەتتىك اۋماعىنىڭ ورىنباسار مەڭگەرۋشىسى ۋاڭ جياندۇڭ الەۋمەتتىك اۋماقتىڭ 79 جاستاعى تۇرعىنى گۋ شۋجىننىڭ ۇيىنە بارىپ قارتقا امانداستى.
گۋ شۋجىن قارتپەن بايلانىس جاساۋشى ”وكىل بالا“ رەتىندە، ۋاڭ جياندۇڭ 2 − 3 كۇندە ءبىر رەت قارتتىڭ ۇيىنە بارىپ امانداسىپ تۇرادى. پارتيا تاريحىن ۇيرەنۋ تاربيەسى ورىستەتىلگەننەن بەرى قارامايلى قالاسى ”مەن بۇقارا ءۇشىن ناقتى ءىس ىستەيمىن“ امالياتتىق قيمىلىن بەلسەنە ورىستەتىپ، پارتيا تاريحىن ۇيرەنۋ تاربيەسىنىڭ ناتيجەسىن حالىق بۇقاراسىنىڭ قيىن ماسەلەلەرىن شەشۋ، ناقتى ءىس ىستەۋ امالياتى بارىسىندا شىنايى ايگىلەدى. ”قىزىل كلەتكا“ پارتيا مۇشەلەرىنىڭ قوس تىزىمدەلۋ قىزمەت وتەۋ مەحانيزمىنە ۇشتاستىرىپ، تىڭعىلىقتى تۇردە”شاعىن قىزمەت وتەۋ“ ورىستەتىپ، ”قامقورلىقتارىن“ ايگىلەدى.
حۇڭچي مينجۋ الەۋمەتتىك اۋماعى الەۋمەتتىك اۋماقتاعى بۇقارانىڭ ”بولماشى تىلەگىن“ ۇعىسۋ بارىسىندا الەۋمەتتىك اۋماقتاعى ءىشىنارا قارتتاردىڭ جاسى ۇلعايىپ، ءجۇرىس - تۇرىسىنىڭ قولايسىزدانعاندىعىن، الايدا ۇل - قىزدارى قاسىندا بولماعاندىقتان تۇرمىستاعى ۇساق - تۇيەك ىستەردى ىستەي الماي وتىرعاندىعىن بايقادى. الەۋمەتتىك اۋماق ”وكىل بالالار“ مەحانيزمىن ورناتتى، الەۋمەتتىك اۋماقتاعى 70 جاستان اسقان 22 قارتقا الەۋمەتتىك اۋماق كادرلارى ۋاقىتشا بالا بولىپ، قارتتاردىڭ كوكونىس، ءدارى - دارمەك ساتىپ الۋ، قارتتاردى اۋرۋ كورسەتۋگە اپارۋ سياقتى تۇرمىستىق ۇساق - تۇيەك ىستەرىنە كومەكتەسىپ، شىن پەيىلىمەن قىزمەت وتەدى. قازىر الەۋمەتتىك اۋماقتاعى 22 پارتيالى كادر قارتتارعا بىرگە - ءبىر شىن پەيىلىمەن قىزمەت وتەۋدە.
الەۋمەتتىك اۋماقتاعى پارتيالى كادرلاردىڭ كومەگىن اۋىزعا العاندا، گۋ شۋجىن اجەي تەبىرەنە: ”وتە جاقسى بولدى، جۇمىسىم شىقسا بولدى، تەلەفون شالسام جەتىپ كەلەدى!“، - دەدى.
گۋ شۋجىن اجەي جالعىز تۇرادى، قىزى سىرت جەردە قىزمەت ىستەيدى، ۇلىنىڭ قىزمەتى قاربالاس بولعاندىقتان اپتا سوڭىندا عانا وعان امانداسا كەلەدى. اجەيدىڭ قانتتى نەسەپ اۋرۋى بار، اياعىندا دا كىلتيپان بار، تاياققا سۇيەنىپ جۇرەدى. الەۋمەتتىك اۋماق قارتقا ”وكىل بالا“ ەتىپ ۋاڭ جياندۇڭدى ورنالاستىردى ءارى ”وكىل بالا“ دەگەن ءسوز جانە الەۋمەتتىك اۋماقتىڭ تەلەفون ءنومىرى جازىلعان تىلەكتەستىك كارتچكاسىن قارتتىڭ ءۇيىنىڭ ەڭ كورنەكتى ورنىنا جاپسىرىپ، قارتتىڭ بايلانىس جاساۋىنا قولايلىلىق جاسادى.
جايشىلىقتا قارتتى شيپاحاناعا اپارىپ ەمدەتۋ، اۋىق - اۋىق قارتقا ءدارى - دارمەك، كوكونىس، كۇرىش، ۇن، ماي ساتىپ اكەلۋ سياقتى جۇمىستار ۋاڭ جياندۇڭنىڭ قىزمەتىنىڭ ءبىر بولەگىنە اينالعان. ول ۇنەمى قارتتىڭ ۇيىنە بارىپ، قارتپەن اڭگىمەلەسىپ، قارتتىڭ جۋىنىپ - شايىنۋىنا كومەكتەسىپ، ءۇي ءىشىن جيناستىرىپ بەرەدى.
”ءبىزدىڭ ىستەگەنىمىزدىڭ بارلىعى ۇساق - تۇيەك ىستەر بولعانىمەن، قارتتاردىڭ قيىنشىلىعىن شەشتى. كانديدات پارتيا مۇشەسى رەتىندە، مەن ىستەۋگە ءتيىستى ىستەرىمدى ىستەپ، بۇقارانىڭ قولداۋىنا يە بولدىم ءارى شىنايى سۇيىسپەنشىلىككە بولەندىم“، − دەدى ۋاڭ جياندۇڭ.
قىسقا عانا بىرنەشە ايدا گۋ شۋجىن قارت پەن ۋاڭ جياندۇڭ تەرەڭ سۇيىسپەنشىلىك ورناتتى، قارتتىڭ بالالارى دا الەۋمەتتىك اۋماق كادرلارىنىڭ اكە - شەشەسىنە قارايلاسقاندىعىنا ەرەكشە العىس ايتتى.
حۇڭچي مينجۋ الەۋمەتتىك اۋماعى پارتكومىنىڭ شۋجيى تيە يان بىلاي دەپ تانىستىردى: حۇڭچي مينجۋ الەۋمەتتىك اۋماعى ”مەن بۇقارا ءۇشىن ناقتى ءىس ىستەيمىن“ امالياتتىق قيمىلىن پارتيا تاريحىن ۇيرەنۋ تاربيەسىنىڭ تابان تىرەر تياناعى جانە كۇش سالۋ ءتۇيىنى ەتۋگە تاباندى بولىپ، بۇقارا قاجەت ەتكەن، اسىعىپ وتىرعان ىستەردى دەر كەزىندە شەشىپ، بۇقاراعا تيىمدىلىك جەتكىزىپ، تۇرعىنداردىڭ بىردەن جاقسى باعاسىنا يە بولدى. ”الداعى جەردە ءبىز بۇقارانىڭ ’بولماشى تىلەگىن‘ ۇزدىكسىز قابىلداپ، ’وكىل بالالار‘ مەحانيزمىن ونان ارى كەمەلدەندىرىپ، بۇقاراعا اناعۇرلىم ەتەنە، اناعۇرلىم ءتيىمدى قىزمەت وتەيمىز“.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
