ازاماتتىق كۋالىكتى باسقالاردىڭ ىستەتۋىنە بەرۋگە بولمايدى
مۇنداي ارەكەت زاڭعا قايشى ءارى حاۋىپتى
2021.09.27 16:17 كەلۋ قاينارى : حالىق تورابى
جۋىردا حىنان ولكەسى جىڭجوۋ قالالىق قوعام حاۋىپسىزدىگى مەكەمەسى جۇڭيۋان بولىمشە مەكەمەسىنىڭ حالىق ساقشىسى گو جيان ليڭ مەن شى لين ەكەۋى ۋاڭفۋ شاعىن اۋماعىنا بارىپ، تەلەگرافتان پايدالانعان الدامكوستىككە قارسى ۇگىت جۇرگىزگەن كەزدە، وسى ارانىڭ تۇرعىنى لاۋلي: «ءبىر تۋىسىم ازاماتتىق كۋالىگىمدى سۇراپ الىپ، قولفون كارتۋچكاسىن ءبىتىرىپ ەدى، وسىدان ءبىر اۋرە تاۋىپ الامىن با؟» — دەپ كەڭەس سۇرايدى.
انىقتاپ سۇراستىرعاندا، لاۋلي ەكى حالىق ساقشىسىنا ءوزىنىڭ ازاماتتىق كۋالىگىن بەرە تۇرعان بارىسىن ايتىپ بەردى. 2020 – جىلى 9 – ايدا، تۋىسى شياۋۋاڭ لاۋليعا تەلەفون ۇرىپ: «ازاماتتىق كۋالىگىمدى جوعالتىپ الدىم، قازىر جاساتۋدامىن، ءوزىڭنىڭ ازاماتتىق كۋالىگىڭدى الىپ، جىلجىمالى حابارلاسۋ سەرىكتەستىگىنىڭ زالىنان ماعان ءبىر قولفون كارتۋچكاسىن ءبىتىرىپ بەرشى»، — دەيدى. لاۋلي: «تەلەفونىڭ بار ەمەس پە؟ نەگە تاعى ءبىر ءنومىر بىتىرمەكشىسىڭ؟» — دەپ سۇرايدى. شياۋۋاڭ: «جىلجىمالى حابارلاسۋ سەرىكتەستىگى قيمىل وتكىزىپ جاتىپتى، كوپ تيىمدىلىك جاسايدى ەكەن. قازىرگى تەلەفون نومىرىمە اقشا كوپ كەتەدى»، — دەيدى. شياۋۋاڭ وسىلاي ايتقان سوڭ، لاۋلي تۋىسىنىڭ كوڭىلىن قيماي، ونىمەن بىرگە جىلجىمالى حابارلاسۋ سەرىكتەستىگىنىڭ زالىنا بارىپ، وعان ءبىر تەلەفون كارتۋچكاسىن ءبىتىرىپ بەرەدى.
«سەندەر شاعىن اۋماققا كەلىپ، تەلەگراف الدامكوستىگىنەن ساقتانۋ جايلى بىلىمدەردى ۇگىتتەگەن سوڭ، ۇنەمى تۋىلاتىن تەلەگراف الدمكوستىگىنىڭ تۇرلەرىن نەگىزگى جاقتان پارىقتايتىن حالگە جەتتىم، سونىمەن وسى ءىس كەنەتتەن ەسىمە تۇسە كەتتى»، — دەدى لاۋلي.
«شياۋۋاڭ قانداي ادام؟ بۇرىن قىلمىس وتكىزبەگەن شىعار؟» — دەپ سۇرايدى گو جيانلين، مۇنى ەستىگەن لاۋلي: «ول وتە ءتارتىپتى ادام، ەشقانداي ناشار قىلىعى جوق»، — دەدى.
«ازاماتتىق كۋالىكتى باسقالارعا بەرە تۇرۋ، ءسوزسىز، حاۋىپتى، ول بىتىرگەن تەلەفون ءنومىر باستان – اياق ءسىزدىڭ اتىڭىزدا تۇرادى، بۇل جاسىرىن حاۋىپ. شياۋۋاڭمەن دەرەۋ حابارلاسىپ، تيجارات زالىنا بارىپ، تەلەفون ءنومىردى ونىڭ اتىنا جوتكەتىڭىز. ەگەر ول بارماسا، ازاماتتىق كۋالىگىڭىزدى الىپ بارىپ، بۇل تەلەفون ءنومىردى كۇشىنەن قالدىرىڭىز»، — دەدى شى لين. ازاماتتىق كۋالىك — تۇرعىنداردىڭ ازاماتتىق سالاۋاتىنىڭ ىسپاتى. ونى باسقالاردىڭ پايدالانۋىنا بەرۋدىڭ زاڭدىق قاتەرى بار، ازاماتتىق ىستەر بويىنشا سوتتاسىپ قالۋىڭىز، ءتىپتى قىلمىستىق ىستەر دەلوسىنا شاتىلىپ قالۋىڭىز مۇمكىن. جۋىرداعى جىلداردان بەرى، ازاماتتىق كۋالىكتى پايدالانۋعا بەرە تۇرۋدىڭ سالدارىنان ازاماتتىق ىستەر دەلولارى جانە قىلمىستىق ىستەر دەلولارى ۇنەمى تۋىلۋدا، كەيبىرەۋى تەلەفون اقىسىن تولەمەي قويۋدىڭ سالدارىنان جەكەلىك سەنىمدىلىككە نۇقسان جەتكىزسە، كەيبىرەۋى تەلەگراف الدامكوستىگىنە شاتىلعاندىقتان، قىلمىستىق ىستەر جاۋاپكەرشىلىگىن قۋزاستىرۋعا دەيىن بارعان.
«ازاماتتىق كۋالىكتى باسقالاردىڭ پايدالانۋىنا بەرۋ — زاڭعا قايشى ارەكەت»، — دەدى گو جيانلين ونان ارى ءتۇسىندىرىپ، تۇرعىنداردىڭ ازاماتتىق كۋالىگى زاڭىنىڭ 16 – تارماعىنىڭ 2 – بولىمىندە: ازاماتتىق كۋالىكتى مايعا بەرگەندەرگە، پايدالانۋعا بەرگەندەرگە، وتكەرمەلەپ بەرگەندەرگە قوعام حاۋىپسىزدىگى ورگاندارى ەسكەرتۋ بەرەدى ءارى 200 يۋاننان تومەن اقشالاي ايىپ سالادى، زاڭعا قايشى تۇردە تابىسقا قول جەتكىزگەن بولسا، زاڭعا قايشى قول جەتكىزگەن تابىسى تاركىلەنەدى.
ەكى حالىق ساقشىسىنىڭ ءتۇسىندىرۋىن تىڭداعان سوڭ، لاۋلي دەرەۋ شياۋۋاڭعا تەلەفون جالعاپ، ەكەۋى تەلەفون ءنومىرىن شياۋۋاڭنىڭ اتىنا وتكىزىپ بەرەتىن بولىپ كەلىسەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
