ۋاڭ ياڭ مەملەكەتتىك تايۋاندىق باۋىرلاستار دوستىق قوعامى
قۇرىلعانىنىڭ 40 جىلدىعىن اتاپ ءوتۋ جينالىسىنا قاتىناستى
2021.09.27 16:49 كەلۋ قاينارى : حالىق تورابى
«حالىق گازەتى»، 9 - ايدىڭ 26 - كۇنى، بەيجيڭ. مەملەكەتتىك تايۋاندىق باۋىرلاستار دوستىق قوعامى قۇرىلعانىنىڭ 40 جىلدىعىن اتاپ ءوتۋ جينالىسى مەن 5 – كەزەكتى تايۋاندىق باۋىرلاستار ۇيىمى تالقى مىنبەسىنىڭ اشىلۋ سالتى 9 - ايدىڭ 26 - كۇنى بەيجيڭدە وتكىزىلدى. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى ۋاڭ ياڭ جينالىسقا قاتىناستى ءارى ءسوز سويلەدى.
ۋاڭ ياڭ ج ك پ ورتالىق كوميتەتىنىڭ اتىنان، باس شۋجي شي جينپيڭنىڭ اتىنان مەملەكەتتىك تايۋاندىق باۋىرلاستار دوستىق قوعامىن قۇتتىقتادى، ۇزاق ۋاقىتتان بەرى ەكى جاعالاۋ قاتىناسىنىڭ بەيبىت دامۋىن ىلگەرىلەتۋگە، وتاننىڭ بەيبىت بىرلىككە كەلۋ اياق الىسىن ىلگەرىلەتۋگە بەلسەندى ۇلەس قوسقان ءار سالا قايراتكەرلەرىنە قۇرمەت ءبىلدىردى.
ۋاڭ ياڭ بىلاي دەپ اتاپ كورسەتتى: 40 جىلدان بەرى مەملەكەتتىك تايۋاندىق باۋىرلاستار دوستىق قوعامى سوتسياليزم جانە وتانشىلدىق تۋىن بيىك ۇستاپ، تايۋانعا قاراتىلعان قىزمەتتىڭ جالپى جاعدايىن تىعىز ارقاۋ ەتىپ، تايۋاندىق باۋىرلاستارمەن كەڭ كولەمدە دوستاسىپ، تايۋاندىق باۋىرلاستارعا ىستىق ىقىلاسپەن قىزمەت وتەپ، تايۋاندىق باۋىرلاستارمەن تىعىز ىنتىماقتاسىپ، قىرۋار ناتيجەلى قىزمەت ىستەپ، پارتيا مەن ۇكىمەتتىڭ تايۋاندىق باۋىرلاستارمەن بايلانىس جاساۋىندا ماڭىزدى كوپىرلىك، دانەكەرلىك رول اتقارىپ، باۋىرمالدىققا، ۇيىسقىشتىققا، باۋراعىشتىققا تولى «تايۋاندىق باۋىرلاستاردىڭ وتباسىلارى» بولدى.
ۋاڭ ياڭ بىلاي دەپ دارىپتەدى: مەملەكەتتىك تايۋاندىق باۋىرلاستار دوستىق قوعامى شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋدە تاباندى بولىپ، باس شۋجي شي جينپيڭنىڭ تايۋان قىزمەتى جونىندەگى ماڭىزدى پايىمداۋلارىن ىشكەرىلەي ۇيرەنىپ، دايەكتىلەندىرىپ، پارتيانىڭ باسشىلىعىن كۇشەيتىپ، بورىش - مىندەتتەردى تۇراقتاندىرىپ، سيپاتى مەن ورنىن ءدال تاۋىپ، ەرەكشەلىگى مەن ابزالدىعىن ساۋلەلەندىرىپ، وزىندىك قۇرىلىستى ويداعىداي جۇرگىزىپ، پارتيا ورتالىق كوميتەتىنىڭ تايۋان قىزمەتى جونىندەگى كەلەلى باعىت - ساياساتتارى مەن شەشىم - ورنالاستىرۋلارىن قۇلشىنا تياناقتاندىرىپ، تايۋاندىق باۋىرلاستاردى جۇڭحۋا ۇلتىنىڭ ۇلى گۇلدەنۋى مەن وتاننىڭ بىرلىككە كەلۋى ءۇشىن اقىل - پاراساتى مەن كۇش – قۋاتىن ارناۋعا ۇيىستىرۋى كەرەك.
ۋاڭ ياڭ مىنالاردى دارىپتەدى: قازىر ەكى جاعالاۋ قاتىناسىنىڭ دامۋ ورايى مەن سايىسى قاتار ءومىر ءسۇرىپ وتىر. ەكى جاعالاۋداعى باۋىرلاستار جۇڭحۋا ۇلتىنىڭ ءتۇبىرلى مۇددەسىن شىعار ءتۇيىن ەتىپ، ءبىر تۇتاستىققا تالپىنۋ، ءبىر تۇتاستىقتى قولداۋ، ءبىر تۇتاستىقتى قورعاۋ سىندى ۇلت مۇراتىندا تاباندى بولىپ، ءارقانداي فورماداعى «تايۋان تاۋەلسىزدىگى» بولشەكتەۋشىلىك ارەكەتىنە باتىل قارسى تۇرىپ، جۇڭگولىق بولۋ جىگەرىن، جالىنىن، سەنىمىن كۇشەيتۋى كەرەك. وتاننىڭ، ءسوز جوق، بىرلىككە كەلۋى ءارى تابيعي بىرلىككە كەلۋى سىندى تاريحي اۋقىمدى ايقىن تانىپ، تايۋان ماسەلەسىن شەشۋدىڭ ىرىقتىلىق ۇقىعى مەن جەتەكشىلىك ۇقىعىن باستان - اياق وتانىمىزدىڭ ۇلى قۇرلىعى جاعىندا يگەرىپ، وتاننىڭ بۇكىلدەي بىرلىككە كەلۋىن جۇزەگە اسىرۋ سەنىمىن بەكەمدەپ، وتاننىڭ تۇتاستىعىن جەبەۋدىڭ قۇدىرەتتى وڭ ەنەرگياسىن كەڭىنەن توپتاۋ كەرەك. ەكى جاعالاۋ قاتىناسىنىڭ بەيبىت دامۋىنا، توعىسپالى دامۋىنا ۇزدىكسىز كۇش سالىپ، ءار سالاداعى اۋىس - كۇيىس پەن سەلبەستىككە بەلسەنە ات سالىسىپ جانە ونى ىلگەرىلەتىپ، باۋىرلاستاردىڭ ىرىس - قۇتىن ارتتىرۋعا، جۇرەكتەردىڭ توعىسۋىن جەبەۋگە اقىل - كەڭەس بەرىپ، كۇش شىعارۋ كەرەك.
يوۋ چۋان، ۋان ىشياڭ، سۋ حۇي جينالىسقا قاتىناستى. ورتالىق پەن مەملەكەت ورگاندارىنىڭ قاتىستى تاراۋلارىنداعى جاۋاپتى جولداستار، قاتىستى دەموكراتيالىق پارتيا - توپتاردىڭ ورتالىق كوميتەتتەرىندەگى جانە حالىقتىق ۇيىمدارداعى جاۋاپتى جولداستار، ەل ءىشى - سىرتىنداعى تايۋاندىق باۋىرلاستاردىڭ ۋاكىلدەرى، مەملەكەتتىك تايۋاندىق باۋىرلاستار دوستىق قوعامىنىڭ القالارى، ۇسىنىس ەتىلگەن القالارى، ولكەلىك تايۋاندىق باۋىرلاستار دوستىق قوعامدارىنىڭ جاۋاپتىلارى بولىپ جالپى 350 ادام جينالىسقا قاتىناستى.
مەملەكەتتىك تايۋاندىق باۋىرلاستار دوستىق قوعامىنىڭ باستىعى حۋاڭ جىشيان اشىلۋ ءسوزىن سويلەدى. جۇڭگو مۇھاجىرلار بىرلەستىگىنىڭ ءتوراعاسى ۋان ليجۇن حالىقتىق ۇيىمدار اتىنان قۇتتىقتاۋ ءسوزىن سويلەدى. تايۋان جاڭا پارتياسىنىڭ بۇرىنعى ءتوراعاسى يۇي مۋميڭ، تايۋان ەڭبەك پارتياسىنىڭ ءتوراعاسى ۋ رۇڭيۋان، تايۋاندىق باۋىرلاستاردىڭ ۋاكىلى ۋاڭ جىڭ جينالىستا ءسوز سويلەدى.
جينالىستىڭ الدىندا ۋاڭ ياڭ قاتارلى پارتيا مەن مەملەكەتتىڭ باسشى جولداستارى جينالىسقا قاتىناسقان سيلى قوناقتارمەن توپتىق سۋرەتكە ءتۇستى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
