6 ـ توپتا شينجياڭداعى از ۇلت عىلىم ـ تەحنيكا تىرەكتىلەرىن ارنايى تاربيەلەۋ قىزمەتى باستالدى
2021.09.28 13:15 كەلۋ قاينارى : حالىق تورابى
شينجياڭ گازەتىنىڭ 9 - ايدىڭ 27 - كۇنى ۇرىمجىدەن بەرگەن حابارى. 9 ـ ايدىڭ 27 ـ كۇنى 6 ـ توپتاعى شينجياڭ از ۇلت عىلىم ـ تەحنيكا تىرەكتىلەرىن ەرەكشە باۋلۋ قىزمەتى اڭگىمە ءماجىلىسى اشىلدى، بۇل 6 - توپتا شينجياڭداعى از ساندى ۇلت عىلىم - تەحنيكا تايانىشتارىن ەرەكشە تاربيەلەۋ قىزمەتىنىڭ رەسمي باستالعاندىعىنان دەرەك بەرەدى.
مەملەكەتتىك كەڭەستىڭ بەكىتۋىمەن، ادام كۇشى بايلىعى جانە قوعامدىق قامتاماسىزداندىرۋ مينيسترلىگى سياقتى 7 مينيسترلىك، كوميتەت پەن شينجياڭ ۇيعۇر اۆتونوميالى رايوندىق حالىق ۇكىمەتى بيىلدان باستاپ 2025 ـ جىلعا دەيىن شينجياڭعا از ۇلت كاسىپتىك ـ تەحنيكالىق تىرەكتىلەرىنەن 2000 ادام تاربيەلەپ بەرۋدى، سونىمەن بىرگە 15 كەزەك ماماندار قىزمەت وتەۋ ۇيىرمەسى قيمىلىن ورىستەتۋدى ۇيعاردى.
تاربيەلەۋ نەگىزىنەن باسقا جەردە تاربيەلەۋ، جەرگىلىكتى ورىندا تاربيەلەۋ، ماماندار قىزمەت وتەۋ ۇيىرمەسى قيمىلى سياقتى تاسىلدەرمەن ورىستەتىلەدى. مۇنىڭ ىشىندە باسقا جەردە تاربيەلەۋ بارىسىندا، ءار جىلى شينجياڭنان از ۇلت كاسىپتىك ـ تەحنيكالىق دارىندىلارىنان 200 ادامدى تاڭداپ، قاتىستى ولكەلەردەگى (رايون، قالا) جوعارى مەكتەپتەرگە، عىلىمي زەرتتەۋ ورىندارىنا جانە باسقا دا قاتىستى كاسىپورىن، ءىسورىندارعا ورنالاستىرىپ، ءبىر جىلدىق ەرەكشە باۋلۋ جانە امالياتتىق ۇيرەنۋ جۇرگىزدى. وقۋ - اعارتۋ، دەنساۋلىق ساقتاۋ، اۋىل شارۋاشىلىعى، قۇرىلىس تەحنيكاسى سياقتى نەگىزدىك سالالاردا، سونداي - اق كومىر ەلەكتر، كومىر حيميا ونەركاسىبى، مۇناي - حيميا ونەركاسىبى، كەن ونىمدەرىن بارلاۋ جانە اشۋ، قاتىناس، ساياحات، ورتانى قورعاۋ سياقتى ءتۇيىندى تىرەكتى كاسىپتەردەگى از ۇلت كاسىپتىك - تەحنيكالىق تىرەكتىلەرى ءتۇيىندى تۇردە جەتىلدىرىلەدى.
ماماندار قىزمەت وتەۋ ۇيىرمەسى قيمىلىندا قاتىستى ولكە (اۆتونوميالى رايون، توتە قاراستى قالا) مامان، وقىمىستىلاردى شينجياڭعا بارىپ اقىل - كەڭەس بەرۋ، لەكسيا سويلەۋ، اقىسىز ەمدەۋ، تاربيەلەۋ، تەحنيكالىق جاقتان جەتەكشىلىك ەتۋ سياقتى قىزمەت وتەۋ قيمىلدارىن ورىستەتۋگە ۇيىمداستىرىپ، شينجياڭداعى از ۇلت كاسىپتىك - تەحنيكالىق دارىندىلارىنىڭ ءبىلىم جاڭالاۋىن جەدەلدەتىپ، جاڭا ءبىلىم، جاڭا نازاريا، جاڭا تەحنيكانىڭ، جاڭا ءادىستىڭ تارالۋى، جالپىلاستىرىلۋى جانە قولدانىلۋىن جەبەيدى.
شينجياڭ ۇيعۇر اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسى كاسىپتىك - تەحنيكالىق قىزمەتكەرلەردى باسقارۋ باسقارماسىنىڭ 2 - دارەجەلى تەكسەرىپ - زەرتتەۋشىسى چۇي بو بىلاي دەپ تانىستىردى: ەرەكشە باۋلىعان كۋرسانتتار، باستىسى، شينجياڭنىڭ ءىس جۇزىندىك جاعدايىن تياناق ەتىپ، ساياسيدا سەنىمدى بولۋدى ماڭداي الدى شارت ەتىپ، نەگىزگى ساتىنىڭ ءبىرىنشى شەبىنە بەيىمدەلىپ، وڭتۇستىك شينجياڭداعى 4 ايماق - وبلىستا لايىقتى تۇردە از ۇلت كۋرسانتتارىن ورنالاستىرۋعا بولادى.
شينجياڭداعى از ۇلت عىلىم - تەحنيكا تىرەكتىلەرىن ەرەكشە تاربيەلەۋ قىزمەتى 1992 - جىلى اتقارىلعاننان بەرى، 5 توپتا 6372 از ۇلت كاسىپتىك - تەحنيكالىق تىرەكتى دارىندىلارىن تاربيەلەۋ مىندەتىن ورىنداپ، شينجياڭنىڭ ەكونوميكالىق، قوعامدىق دامۋىن ىلگەرىلەتۋ، كەدەيلىكتەن ارىلتۋدان قامال الۋ شايقاسىنىڭ جەڭىسىنە قول جەتكىزۋ، ۇلتتار ىنتىماعىن نىعايتۋ ءۇشىن، قوعام ورنىقتىلىعىن قورعاۋ سياقتىلار دارىندىلارمەن جانە اقىل - پاراساتپەن پارمەندى قولداۋ كورسەتتى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
