ۋاڭ چىن جۇڭگو مەملەكەتتىك حالىق قۇرىلتايى مەن ورتا ازياداعى بەس ەل پارلامەنتىنىڭ تالقى ماجىلىسىنە قاتىناستى ءارى ءسوز سويلەدى
زاڭ جاساۋ قۇرىلىمدارى اراسىنداعى اۋىس – كۇيىس پەن سەلبەستىكتى كۇشەيتىپ، جۇڭگو – ورتا ازيا تاعدىرلاس ورتاق تۇلعاسىن قۇرۋدى ىلگەرىلەتەيىك
2021.09.28 13:54 كەلۋ قاينارى : حالىق تورابى
شينحۋا اگەنتتىگىنىڭ 9 – ايدىڭ 27 – كۇنى بەيجيڭنەن بەرگەن حابارى. ج ك پ ورتالىق كوميتەتى ساياسي بيۋروسىنىڭ مۇشەسى، مەملەكەتتىك حالىق قۇرىلتايى تۇراقتى كوميتەتىنىڭ ورىنباسار كوميتەت باستىعى ۋاڭ چىن 9 – ايدىڭ 27 – كۇنى بەيجيڭدە جۇڭگو مەملەكەتتىك حالىق قۇرىلتايى مەن ورتا ازياداعى بەس ەل پارلامەنتىنىڭ ينتەرنەتتەگى تالقى ماجىلىسىنە قاتىناستى ءارى ءسوز سويلەدى. بۇل رەتكى تالقى ءماجىلىسى — مەملەكەتتىك حالىق قۇرىلتايى مەن ورتا ازياداعى بەس ەل پارلامەنتى وتكىزگەن تۇڭعىش رەتكى توپتىق اۋىس – كۇيىس. قازاقستان، قىرعىزستان، تاجىكستان، تۇركىمەنستان، وزبەكستان سىندى بەس ەلدىڭ پارلامەنت باسشىلارى ماجىلىسكە قاتىناستى ءارى جەكە – جەكە ءسوز سويلەدى.
ۋاڭ چىن بىلاي دەدى: ءتوراعا شي جينپيڭ مەن ورتا ازياداعى بەس ەلدىڭ باسشىلارىنىڭ ستراتەگيالىق جەتەكشىلىگىندە، جۇڭگو مەن ورتا ازياداعى بەس ەل ىنتىماقتاستىق پەن سەلبەستىكتى كۇشەيتىپ، ىندەتتىڭ سىناعىنا تىزە قوسا توتەپ بەرىپ، سەلبەستىكتىڭ اناعۇرلىم كەڭ بولاشاعىنا جول اشتى. جۇڭگو ورتا ازياداعى بەس ەلمەن تۇگەلدەي ستراتەگيالىق سەرىكتەستىك قارىم – قاتىناسىن ورناتتى ءارى ءبىز ءوزارا دەربەس ءوزىن ءوزى باسقارۋ ۇقىعىن جانە ءارقايسى ەلدىڭ ءوزى تاڭداعان جولىن قۇرمەتتەپ، ءبىر – ءبىرىنىڭ وزەكتى مۇددەسىنە ساياتىن جانە كوڭىل ءبولىپ وتىرعان كەلەلى ماسەلەلەردە ءوزارا باتىل قولدادى؛ اماندىقتا دا، حاۋىپ - قاتەردە دە بىرگە بولۋ سىندى حاۋىپسىزدىك تانىمىندا تاباندى بولىپ، «ءۇش ءتۇرلى كۇش» پەن ەل اتتاعان ۇيىمدى تۇردەگى قىلمىستىق ىستەرگە تىزە قوسا سوققى بەردى؛ بىرگە كوركەيىپ – گۇلدەنۋ سىندى دامۋ كوزقاراسىندا تاباندى بولىپ، «ءبىر بەلدەۋ، ءبىر جولدى» كوركەيتۋدى الدىمەن اتقاراتىن ءوڭىردى بىرگە قالىپتاستىردى. اماليات ىسپاتتاعانداي، جۇڭگو مەن ورتا ازياداعى بەس ەل ءبىر – بىرىنە شىنايى سەنەتىن تاتۋ كورشى، جاقىن دوس، جاقسى سەرىك.
ۋاڭ چىن مىنانى اتاپ كورسەتتى: جۇڭگو مەملەكەتتىك حالىق قۇرىلتايى ورتا ازياداعى بەس ەلدىڭ پارلامەنتىمەن بىرگە، زاڭ اتقارۋ قۇرىلىمدارى اراسىنداعى تاماشا اۋىس – كۇيىس بەتالىسىن ويداعىداي قورعاۋدى، ويداعىداي دامىتۋدى، مەملەكەت باسشىلارىنىڭ ماڭىزدى ورتاق تانىمدارىن تياناقتاندىرۋدى جانە جۇڭگو مەن ورتا ازيا تاعدىرلاس ورتاق تۇلعاسىن قۇرۋدى ىلگەرىلەتۋگە ۇلەس قوسۋدى قالايدى.
ۋاڭ چىن مىنانى باسا دارىپتەدى: قازىر دۇنيە جۇزىندە ىندەت جاعدايى ءالى وتە اۋىر، حالىقارالىق قوعام ىندەتكە توتەپ بەرۋدا اناعۇرلىم ىنتىماقتى بولۋى كەرەك. جۇڭگو جاق ءىشىنارا مەملەكەتتەردىڭ ۆيرۋستىڭ تەگىن ىزدەۋدى ساياسيلاندىرۋ، باسقالارعا كۇيە جاعۋ سىندى قاتە تاسىلدەرىنە باتىل قارسى تۇرادى. جۇڭگو مەملەكەتتىك حالىق قۇرىلتايى ورتا ازياداعى بەس ەل پارلامەنتىمەن سەلبەستىكتى تىعىز ورىستەتىپ، دۇنيە ءجۇزىنىڭ ىندەتكە ىنتىماقتاسا وتىرىپ توتەپ بەرۋىنە زيان جەتكىزەتىن ارەكەتتەرگە بىرگە باتىل قارسى تۇرۋدى قالايدى.
ماجىلىسكە قاتىناسقان مەملەكەتتىك حالىق قۇرىلتايى ۋاكىلدەرى مەن جەرگىلىكتى ورىن حالىق قۇرىلتايى ۋاكىلدەرى ورتا ازياداعى بەس ەل پارلامەنتىنىڭ مۇشەلەرىمەن كەدەيلىكتەن ارىلتۋ، ەكونوميكانى جانداندىرۋ، دامىتۋ قاتارلى ماسەلەلەر توڭىرەگىندە تالقى ورىستەتتى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
